Zinemako estreinaldiak

Espainiako Kultura Ministerioak Saw 6 filma X pelikula gisa kalifikatu du irudien gehiegizko biolentziagatik. Kalifikazioa kontuan hartuta berez film pornoak proiektatzen diren aretoetan soilik ikusi ahal izango da. Hala ere, Buenavista banatzaileari ez zaio aukera hori burutik pasa ere egiten. Buenavistako bozeramaile batek adierazi duenez filma ez da zinema-aretoetan estreinatuko, ez komertzialetan ez eta X deituriko horietan, bere klasifikazioa aldatzen ez bada. Saw 6 filmaren estreinaldia Kultura eta Buenavistaren arteko negoziazioen baitan dago. Hasiera batean, filma 300 aretotan proiektatzekoa zen, baina kalifikazioaren kontuarekin guztia paralizatuta gelditu da, banatzailea ez baitago prest X deituriko zinema-areto horietan bakarrik proiektatzearekin.

Saw 6 filma X gisa kalifikatu izanak hautsak harrotu ditu zinema zaleen artean eta baita sarean ere. Dagoeneko, filma zinema-areto komertzialetan estreinatzeko eskatzeko sinadurak biltzen hasi dira sarean. Esaterako, efirmas.com atarian politika atzerakoi eta antidemokratiko hori zuzendu eta Saw 6 filma zinema-areto komertzialetan proiektatzeko eskatu dute, beti ere 18 urtetik beherakoentzat komenigarria ez dela aipatuta. Momentuz, 2342 sinadura batu dira.

Bada gisa horretako aurrekari bat. Virginie Despentes eta Coralie Trinh Thi frantziarren Follame filmari X kalifikazioa ezarri zioten. Alta Films banatzaileak errekurtso bat jarri zuen eta bi hilabete geroago film komertzialetan proiektatzeko baimena jaso zuen.

Zer iruditzen Saw 6 filmaren gainean sortu den eztabaida? Bidezkoa iruditzen al zaizu X kalifikazioa ezartzea?

“Kung Fu” mitikoaren heriotza izugarrizko zeresana ematen ari da. Ostegunean aurkitu zuten hilotza Bangkokeko luxuzko hotel batean. Bere gelako armairu barruan zegoen, biluzik, eta soka batekin lotuta barrabilak nahiz lepoa. Aurkikuntza “harrigarri” horren ostean, denetariko hipotesiak zabaldu dira eta ezer ez dago argi.

Lehen bertsioa suizidioarena izan zen. Aktore ezagunak bere buruaz beste egin zuela esan zuten berehala komunikabideek, baina familiak ukatu egin zuen Carradinek horretarako arrazoirik zuenik.

Gero, Tailandiako Gobernuak oharra kaleratu zuen 72 urteko aktore ezaguna masturbazio teknika arriskutsu batean ari zela hil zela esanez. Herrialde hartako ikertzaileek egindako lehen azterketen arabera, istripua izan zen gertatutakoa, nahi gabe ito zen Carradine, “ekintza erotiko bat” egiten ari zela. Ez omen zuen inolako indarkeria arrastorik.

Egun batzuk beranduago, baina, “Kung Fu” ezaguna sekta batek hil zuenaren zurrumurrua zabaltzen hasi zen. Hain zuzen ere, familiaren abokatuak esan zuen eurek kontratatutako ikertzaileen arabera, arte martzialetan aritzen den ezkutuko sekta batek hil zuen Hollywoodeko aktorea, horien jardueren berri eman ez zezan.

Gauzak horrela, familiak berriz ere hitz egin du azken orduotan, hildakoaren gorpuari egindako azterketa independente baten arabera, ez zuela bere buruaz beste egin ondorioztatu dutela esateko. Horrek garbi uzten du gai honek hari luzea izango duela oraindik.

Misterioa argitzen den bitartean, komunikabideetan nahiz Interneten ez da beste konturik eta telebistan zein zinemetan bere filmak ematen hasi dira berriz ere.

Hain zuzen ere, bere film berria izango zena grabatzen ari zen David Carradine Tailandian.

Kontsulta itzazu asteko estreinaldien ordutegiak eta zinemaren inguruko albiste guztiak.

Danny Boyle zine-zuzendariaren filmak 8 Oscar irabazi ditu azken edizioan eta ezagun egin da mundu osoan Slumdog Millionaire; baita bertako protagonistak ere. Horietako guztiei ez zaie, ordea, bizi patua hobetu arrakastarekin eta egoera latzak bizi dituzte egun protagonistetako batzuk.

“News of the world” egunkari britainiarrak kaleratu berri duenez, Latika neskatilaren papera egiten duen Rubina Ali 9 urteko neskatila saltzen saiatu da bere aita, 224.700 euroren truke.

Antza denez, Rubinaren familiak haurraren arrakasta mementua ahalik eta gehien luzatu nahi du, “familiaren egoera” hobetzeko. Slumdog Millionaire filmagatik 2.200 euro jaso zituen, eta orain gutxi beste hainbeste irabazi du Nicole Kidmanekin egin duen iragarki batekin. Aitak diru gehiago nahi, ordea, eta Arabia Saudiko bikote aberats baten moduan agertu zitzaizkion bi kazetariri alaba “adoptatzeko” aukera eman zien diru hori ordainduz gero.

Bombayko hotel batean egin omen zuten negoziaketa Rafiq Qureshi aitak eta Rajan More koinatuak ustezko xeke arabiarrarekin eta haren emaztearekin. Elkarrizketa horretan, Rajan Morek edozein haur txiro “adoptatzeko” aukera eskaini zion bikoteari 1.000 edo 2.000 eurogatik, baina Rubinak beste prezio bat duela esan zieten: 224.700 euro.

Kazetariek gertatua argitara eman dute orain, bideo eta guzti, eta izugarrizko polemika piztu da Britainia Handian. Umearen aitak, berriz, ukatu egin du salmenta hori egiten saiatu izana eta dena gaizki ulertze bat izan dela esan du. “Inoiz ez nuke Rubina salduko. Salaketa horiek faltsuak dira, nire izen ona zikintzeko besterik ez dute balio. Bideoan ageri den ahotsa ez da nirea” esan du Qureshik.

Duela gutxi polemika handia piztu zen, Slumdog Millionaire filmeko mutiko txikiaren aitak haurra jo zuela zabaldu zenean, ordainduta zegoen elkarrizketa bat eman nahi izan ez zuelako. Ismael mutikoak nekatuta zegoela esan zuen.

Irakurri zinemaren inguruko albiste gehiago eta kontsultatu zinema-programazioa.

Charlize Theronek gogor erantzun die biluzik agertzeagatik kritikak egin dizkiotenei

“Zoritxarrez, maitasuna aurkitzeko erabiltzen dute emakumeek sexua”. Adierazpen horiekin erantzun die Hego Afrikako aktoreak “Lejos de la Tierra Quemada” filmean biluzik agertzeagatik kritika gogorrak egin dizkioten estatubatuarrei.

“Life&Style” aldizkarian egindako adierazpenetan, Charlize Theronen esan du emakumeek askotan sexua maitasuna lortzeko erabiltzen dutela eta hori tamalgarria dela.

2004an “Monster” filmagatik Oscarra eta Urrezko globoa jaso zuen aktoreak harri eta zur utzi du bat baino gehiago bere gorputz ederra agertuz azken filmean. 33 urteko emakumezko lirainaren iritziz, “hau guztia tontakeria itzela dela uste dut. Estatubatuarrek buru irikiagoa izan beharko lukete horrelako gauzetarako”; “AEBetako biztanle askorentzat sexua ezkontzaren baitan bakarrik gerta daiteke, eta bestela, zerbait txarra da”.

“Lejos de la Tierra Quemada”, Guillermo Arriagak zuzendutako filma, martxoaren 13an iritsi zen gure zinema-aretoetara.

Albistea gehigao gure Zinema atalean.