Miley Cyrus eta Zac Efron elkarrekin dabiltza. Tira, amodio kontuetan ez dakigu, baina lanean bai behintzat. Hannah Montana eta High School Musical filmen protagonistak film berri bat grabatzen ari dira, AEBetako zinema web garrantzitsuenak, Cinemablend-ek jakinarazi duenez. Itxura denez bi artista gazteak 1959. urteko Gidget filmaren remake-a egingo dute. Film horretako protagonista Sally Field aktore ezaguna zen eta surf-sukarraren hasiera ekarri zuen.
Filmak Francine (Miley Cyrusek egingo luke paper hori) izeneko 16 urteko neska baten istorioa kontatzen du. Francine hondartzara joango da lagun batzuk joango da eta zerbait gertatuko zaio. Orduan, MoonDoggiek (Zac Efroni eskaini diote paper hori) erreskatatuko du. Biek maitasun istorio bat izango dute, olatuen doinupean.
Ez Mileyk ez Zacek ez dute baieztatu rol horiek onartu dituztenik. Dena den, Efronek beste komedia erromantiko bat egingo duela baieztatu du: Charlie St. Cloud. Amanda Crew izango du alboan High School Musical-eko protagonistak.
Bi izar hauen filma iritsi bitartean, kontsultatu oraingo filmen ordutegiak!
Share on Facebook
Dirudienez, Hannah Montanako protagonistak ”Batgirl”en trajea jantzi eta krimenaren aurka borrokatzeko nahia adierazi du. Batmanen atal berria 2010ean hasiko dira grabatzen, hala aitortu zuen duela egun batzuk Gary Oldmanek. Aktoreak gaineratu zuen ikusleek zerbait gehiago itxaron beharko dutela filma zinema-aretoetan ikusteko, baina produkzioa 2010. urtean zehar hasiko dela.
Hollyscoop webgunearen arabera aktore eta abeslaria entzunaldi batera aurkeztu zen Batgirl pertsonaiaz jantzita eta harrituta utzi zituen Warnerreko zenbait exekutibo. Warnerren gertuko iturriek honela deskribatu dute momentua: “Miley logelan saltoka hasi zen eta berak idatzitako lerro batzuk oinarri hartuta antzezpen txiki bat egin zuen. Hala ere, zenbaitek ez dakite aipaturiko rola betetzeko adinako aktore ona den ala ez.”
Momentuz, Disneyko izarrak eta ezta bere ordezkariek ere ez dute inolako adierazpenik egin.
Batmanen hirugarren atala
Tim Burtonek eta Joel Schumacherrek grabaturiko filmen ostean Christopher Nolanek hartu zuen Batman frankiziaren erantzukizuna. 2005ean estreinatu zen Batman Begins eta hiru urte geroago heldu zen El caballero oscuro. Bigarren hori historian diru gehien bildu duen bigarren filma da, orotara 703 milioi euro bildu baitzituen mundu osoan.
Share on Facebook
Zein hobeto mutante amorratu eta basatia baino Hollywooden bidea irekitzen hasteko? Gauza bera pentsatuko zuen Miley Cyrus aktoreak ere. Aktoreak Hannah Montanaren rola eta irudi goxoa albo batera utzi nahi ditu.
Hollywoodek Hugh Jackman (X-Men Origenes: Lobezno) eta Miley Cyrus bezalako aktore ezberdinak batuko ditu, El guardaespaldas filmaren bertsio eraberrituan.
Duela hilabete hasi ziren zurrumurruak. Jackman eta Cyrus elkarrekin bazkaltzen ikusi zituzten Kaliforniako jatetxe batean. Hasiera batean, Cyrusek Lobeznoren beste atalen batean parte hartzeko aukeraz hitz egin zen, baita elkarrekin musikal bat egiteko aukeraz ere. Azkenean El Guardaespaldas filmaren bertsio berriak batuko ditu bi aktoreak.
Variety aldizkariak argitaraturiko informazioaren arabera, 1992an Kevin Costner eta Whitney Houston protagonistatzat izan zituen filmaren gidoian oinarrituta dago filma. Gidoiak aldaketa batzun jasan ditu eta Matt Lieberman izan da aldaketok egiteko arduraduna. Jackman polizia bat da. Bahitzeko mehatxua duen oinordeko aberatsaren rola beteko du, bien bitartean, Miley Cyrus aberats baten alaba da. Polizian nerabea babestekoz eregina izango du.
Oraindik ez da zabaldu ez filmaketaren hasiera egunik, ez estreinaldiaren datarik eta ezta zuzendariaren izenik ere.
Share on Facebook
Zinema-aretoetako karteldegiak azaleko film arin eta hutsalez betetzen ari dira. Gisa horretako filmak oso egokiak dira burmuina itzali, krispetak jan eta zinemaz gozatuz arratsalde on bat igarotzeko. Ez joan zinemara hausnarketarako gogoarekin, ondorengo film zerrendak ez baitu horretara bultzatzen.
Egun eskaintza oparoa eskaintzen die zinema-aretoek nerabeei. Genero eta mota guztietako filmek tartea dute karteldegian: komediek, akziozko filmeek, animaziozkoek eta izar gazteak ardatz dituztenek.
Komedia bat ikusiz tarte eder bat igaro eta ongi pasa daiteke. Fuga de cerebros eta Mentiras y Gordas film espainiarrek American Pie edota Algo Pasa con Mary film amerikarren arrastoa jarraitu dute. Fuga de Cerebros filmean Mario Casas edota Amaia Salamanca modako aktoreak ageri dira. Mario Casas Oxfordera abiatuko da bere lagun taldearekin maite duen emakumea konkistatzeko. Mentiras y Gordas filmeak ere Hugo Silva, Alejo Sauras edota Yon Gonzalez aktoreek duten arrakasta baliatu du gazteenak zinema-aretoetara hurbiltzeko. Sexua, drogak, gazteak, parranda, gezurrak eta gizenak nahasten dira aparteko koktel batean. Hirugarren filma aurreko biengandik ezberdina da. La madre de el familia giroko filmean amaginarreba itogarria bere semearen eta errainaren etxera doa bizitzera.
Gehiago irakurri…
Share on Facebook
Zure iritzia