Ikusgarri ageri da gizona ezta? Zer iritzi duzu? Joango al zinateke bera ikustera zinemara? Ba al duzu Iron Man 2 ikusteko intentziorik? Esaiguzu!!!
2010eko udan estreinatuko da istorioa, baina burdinazko gizonaren jarraitzaileek ezin zuten gehiago itxaron, eta horregatik, Paramount etxeak lehen irudia kaleratzea erabaki du zaleen jakinmina pixka bat asetzeko.
Robert Downey Jr. ageri da lehen irudi horretan. Izan ere, Downey Junior da berriz ere Tony Stark enpresaburu aberatsa, Iron Man edo Burdinazko Gizonak bizitza errealerako duen pertsonaia.
1963 agertu zen lehen aldiz Marvel unibertsoko heroia, Tales of Suspense 39. zenbakiko komikian. Urteak igaro dira geroztik, baina osasuntsu dago: komikietatik zinemara jauzi egin du eta 2010ean estreinatuko den bigarren zatiaz gain, hirugarren zatia ere prestatzen ari dira. 2011n estreinatuko da hori, The Avengers izango da titulua eta Downey izango da berriz ere Tony Stark.
Aktore ezagunaz gain, ondorengo izar hauek ere ikusiko ditugu Iron Man 2 filmean: Mickey Rourke (El luchador), Scarlett Johanson (Vicky Cristina Barcelona), Don Cheadel (Hotel para perros), Samuel L. Jackson eta Sam Rockwell (Frost contra Nixon), besteak beste.
Film hau gure zinemetara iritsi bitartean, ikusi zein diren azken estreinaldiak.
Mickey Rourke errautsetatik berpiztu dela dirudi. Epe luzez zinema munduko glamurretik urrun egon eta gero berriz ere dir-dir egiten hasi da. Nabaria da bere aurpegian 90eko hamarkadaren hasieran boxeoko profesional gisa egin zuen ibilbidea. Jada ezer gutxi gelditzen zaigu liluratu gintuen galai horretatik. Hala ere, pozgarria da berriz ere izen handiko filmetan ikustea, gaiztoarena egiten bada ere.