Tag Archives: Hollywood

Hollywoodek kontuak sortu ditu Facebooken eta Twitterren

1 Reply
Share Button

Hollywood geroz eta gehiago sostengatzen da Twitterren edo Facebooken gisako sare sozialetan euren filmen berri emateko, baita estreinatu aurretik ere. Zinegileek sare sozielaten esaten dutenak geroz eta eragin gehiago du filmen emaitzetan, kritikoek diotenaren gainetik.

Estudioetako nagusientzat garrantzitsua da filmek eragiten duten zalaparta eta interesa edo sare sozialetan eragiten dituen solasaldiak erregistratzea. Azken hilabeteotan, Interneteko ahoz ahokoaren eragina frogatuta geratu da. Twitterren eginiko iruzkin batek film baten arrakasta edo porrota ekarri dezake.

Adibidez, Paranormal Activity filmaren gainean sare sozialetan sortu zen zalapartaren eraginez 7,9 milioi dolar bildu zituen AEBetako eta Kanadako zinema-aretoetan. Oso zifra onak lortu zituen Paranormal Activityk, kontuan hartuta 200 zinema-aretotan soilik proiektatu zela.

Txanponaren beste aldea da Brüno. Uste baino emaitza kaskarragoak lortu zituen leihatiletan zenbait pertsonek Twiterren eta Facebooken eginiko iruzkin negatiboen ondorioz.

Fizziology webguneak astero sarean gehien hitz egiten den filmen zerrenda egiten du. Estreinatu baino bi egun lehenago, Paranormal Activity filmak Luna Nueva edo Crepusculo filmek baino iruzkin gehiago zituen. Urriaren 23an estreiantuko den Millennium II filmak ere badu bere txokoa Facebooken.

Zer gertatu da David Carradinerekin?

Utzi erantzuna
Share Button

“Kung Fu” mitikoaren heriotza izugarrizko zeresana ematen ari da. Ostegunean aurkitu zuten hilotza Bangkokeko luxuzko hotel batean. Bere gelako armairu barruan zegoen, biluzik, eta soka batekin lotuta barrabilak nahiz lepoa. Aurkikuntza “harrigarri” horren ostean, denetariko hipotesiak zabaldu dira eta ezer ez dago argi.

Lehen bertsioa suizidioarena izan zen. Aktore ezagunak bere buruaz beste egin zuela esan zuten berehala komunikabideek, baina familiak ukatu egin zuen Carradinek horretarako arrazoirik zuenik.

Gero, Tailandiako Gobernuak oharra kaleratu zuen 72 urteko aktore ezaguna masturbazio teknika arriskutsu batean ari zela hil zela esanez. Herrialde hartako ikertzaileek egindako lehen azterketen arabera, istripua izan zen gertatutakoa, nahi gabe ito zen Carradine, “ekintza erotiko bat” egiten ari zela. Ez omen zuen inolako indarkeria arrastorik.

Egun batzuk beranduago, baina, “Kung Fu” ezaguna sekta batek hil zuenaren zurrumurrua zabaltzen hasi zen. Hain zuzen ere, familiaren abokatuak esan zuen eurek kontratatutako ikertzaileen arabera, arte martzialetan aritzen den ezkutuko sekta batek hil zuen Hollywoodeko aktorea, horien jardueren berri eman ez zezan.

Gauzak horrela, familiak berriz ere hitz egin du azken orduotan, hildakoaren gorpuari egindako azterketa independente baten arabera, ez zuela bere buruaz beste egin ondorioztatu dutela esateko. Horrek garbi uzten du gai honek hari luzea izango duela oraindik.

Misterioa argitzen den bitartean, komunikabideetan nahiz Interneten ez da beste konturik eta telebistan zein zinemetan bere filmak ematen hasi dira berriz ere.

Hain zuzen ere, bere film berria izango zena grabatzen ari zen David Carradine Tailandian.

Kontsulta itzazu asteko estreinaldien ordutegiak eta zinemaren inguruko albiste guztiak.

Javier Bardem eta Julia Roberts elkarrekin?

Utzi erantzuna
Share Button

Aktore espainiarrak ez du krisia nabari, momentuz behinik behin ez baita lanik gabe geratuko. Duela gutxi Wall Streeten bigarren ataleko gaizkilea izango zela iragarri genuen. Oraingoan Hollywoodeko beste eskaintza bat jaso du Bardemek. Izan ere AEBetako Variety aldizkari espezializatuak bere webgunean iragartzen duenez Eat, Pray, Love filmean parte hartzeko hizketan ari da arduradunekin. Negoziazioek aurrera eginez gero, Juliar Roberts (Duplicity) eta Richard Jenkinsen alboan lan egingo luke.

Ryan Murphyk zuzenduriko filma Elizabeth Gilbert idazle estatubatuarraren memorietan oinarrituta dago. Julia Robertsek beteko du idazlearen rola. Bardem proiektura batuko balitz, Feliperen rola beteko luke. Idazlea Felipez maiteminduko da ezkon bizitza amaitu ostean hasi zuen barne-begiradako bidaiaren amaieran. The visitor filmean eginiko lanarengatik gizonezko aktore onenaren Oscar saria jasotzeko hautagaietako bat izan zen Richard Jenkins. Aipaturiko aktorea Robertsen laguna izango da filmean.

Produkzioaren ardura Brad Pitt eta Dede Gardnerrek izango dute.

Bardemek gizonezko bigarren aktore onenaren Oscar saria irabazi zuen No es país para viejos filmean eginiko lanarengatik eta pasa den urtean Woody Allenen Vicky Cristina Barcelona filmean parte hartu zuen.

Kontsulta itzazu zinemari eta zinema-aretoetako programazioari eskainitako txokoak.

Penelope Cruz mundua salbatzera datorren akuri bat da ”G-Force” filmean

1 Reply
Share Button

Jerry Bruckheimer Hollywoodeko ekoizle garrantzitsuenetako batek G-Force filmaren aurrerapena aurkeztu du prentsaren aurrean. 3 dimentsioen teknika erabiltzen duen lehen aldia da. Akuri talde batek mundua libratu beharko du hondamenditik.

Abentura beteriko komedia horrek errealitatea eta animazioa nahasten ditu. Gobernuko programa sekretu batek animaliak trebatzen ditu espioitza lanak egiteko. Punta puntako teknologiaz hornituta dauden akuri horiek munduaren jabe egin nahi duen aberats bati egin beharko diete aurre.

The Abyss filmean eginiko lanarengatik efektu berezien Oscar saria jaso zuen Hoyt Yeatman da zuzendaria. Aktoreen artean aipagarriak dira Sam Rockwell, Tracy Morgan, Penelope Cruz (Los abrazos rotos) eta Nicolas Cage (Señales del futuro).

Hasierako asmoa bi dimentsiotan grabatzea zen. Produkzio lanetan hasi eta gutxira hiru dimentsiotan egitea iradoki zuen Bruckheimerrek. Izan ere ekoizlearen hitzetan hori da gaur egun ikuslearekin bat egiteko modua.

Filma datorren irailaren 3an helduko da zinema-aretoetara. Kontsulta itzazu zinemari eta zinema-aretoei eskeinitako tarteak.

Penelope Cruz mundua salbatzera datorren akuri bat da ''G-Force'' filmean

1 Reply
Share Button

Jerry Bruckheimer Hollywoodeko ekoizle garrantzitsuenetako batek G-Force filmaren aurrerapena aurkeztu du prentsaren aurrean. 3 dimentsioen teknika erabiltzen duen lehen aldia da. Akuri talde batek mundua libratu beharko du hondamenditik.

Abentura beteriko komedia horrek errealitatea eta animazioa nahasten ditu. Gobernuko programa sekretu batek animaliak trebatzen ditu espioitza lanak egiteko. Punta puntako teknologiaz hornituta dauden akuri horiek munduaren jabe egin nahi duen aberats bati egin beharko diete aurre.

The Abyss filmean eginiko lanarengatik efektu berezien Oscar saria jaso zuen Hoyt Yeatman da zuzendaria. Aktoreen artean aipagarriak dira Sam Rockwell, Tracy Morgan, Penelope Cruz (Los abrazos rotos) eta Nicolas Cage (Señales del futuro).

Hasierako asmoa bi dimentsiotan grabatzea zen. Produkzio lanetan hasi eta gutxira hiru dimentsiotan egitea iradoki zuen Bruckheimerrek. Izan ere ekoizlearen hitzetan hori da gaur egun ikuslearekin bat egiteko modua.

Filma datorren irailaren 3an helduko da zinema-aretoetara. Kontsulta itzazu zinemari eta zinema-aretoei eskeinitako tarteak.

Sean Penn eta Robin Wright, berriz elkarrekin

Utzi erantzuna
Share Button

Harvey Milk eta La sombra del poder -egun zinemetan ikus dezakegu- filmetako protagonistek betirako bukatu zutela esan zuten arren, badirudi dena bere onera itzuli dela eta elkarrekin daudela.

Izan ere, Sean Pennek dibortzio-eskaera aurkeztu zuenetik hiru aste igaro diren honetan, bi Oscar sariren jabeak Kaliforniako auzitegi batean aurkeztutako eskaera hori erretiratu egin du, People aldizkariak jakitera eman duenez.

“Ematen du berriz ere adiskidetu egin direla” adierazi du Lynn Soodik dibortziotan aditu den abokatuak: “Ez litzateke bestela logikoa dibortzio-eskaria erretiratzea”.

Bigarren aldia da dibortzio-prozesua abian jarri ostean bikoteak atzera egiten duela. Ea oraingoan luzarorako den!

Une honetan, Paolo Sorrentinorekin grabatuko duen film berriaren proiektuan buru belarri sartuta dago Sean Penn, 48 urteko aktorea. Bere ibilbide musikala amaitu ondoren, iraganarekin kontuak kitatu eta aita hil zuen naziaren bila joango den rock izar baten papera egingo du.

Robin Wright, berriz, Canneseko Zinema Jaialdian ikusi dugu egun hauetan, epaimahaikidea baita.

Sean Penn eta Robin Wright banandu egin dira

Utzi erantzuna
Share Button

Sean Penn aktore estatubatuar ezaguna -Harvey Milk filmean ikusi dugu berriki- eta Robin Wright emaztea -La sombra del poder filmeko protagonista-  banandu egin dira, behin betirako ustez, 13 urte eta gero.

48 eta 43 urteko aktore ezagunek dibortzio-eskari aurkeztu zuten 2007ko abenduan baina bertan behera utzi zuten 2008ko apirilean, eta elkarri beste aukera bat ematea erabaki zuten. Urtebete beranduago, baina, berriz ere aukeztu ditu paperak Sean Pennek Kaliforniako auzitegi batean.

Maddonaren senarra izandakoak apirilaren 23an aurkeztu omen zuen eskaria “People” aldizkariaren arabera, eta bertan Dylan Frances (18 urte) eta Hopper Jack (15 urte) seme-alaben zaintza-partekatua eskatu du.

Emazteari inolako pentsiorik eman behar ez izatea ere eskatu omen du.

Robin Wright zinema-izar ederra ez du oraindik ezer esan eta komunikabide guztiak bere adierazpenen zain dira.