Zinemako estreinaldiak

Michael Jacksonen azken entseguak jasotzen dituen This is It filma Oscar sarietako hautagaietako bat izan daiteke, film onenaren, soinu onenaren, edizio onenaren eta zuzendaritza onenaren kategorietan. Hala ere, prentsa estatubatuarraren arabera, ez du dokumental onenaren saria irabazteko aukerarik izango, aurkezteko epea pasa baita. Dokumental onenaren Oscar saria irabazi dezakeena Capitalismo: una historia de amor izan daiteke.

Sony multinazionalaren Columbia Pictures estudioak ez du oraindik baieztatu This is it Oscar sarien lasterketara aurkeztuko den ala ez. Hala ere, filmak sarietan parte hartzeko beharrezkoak diren baldintzak beteko ditu, behin Los Angeleseko konderrian filma estreinatzen denean. Oscarren bezperatan ospatuko den Urrezko Globoetan ezin izango du parte hartu, antolatzaileek ez baitituzte dokumentalak onartzen.

Banatzaileak This is It bi astez zinema-aretoetan izango dela aurreikusten du. Hala ere, eskariaren arabera, banatzaileak bi asteko epe hori luzatu dezake.

Urte amaiera geroz eta gertuago dago eta batzuk hasiak dira jada Oscarretarako porrak egiten. Nine, Precious, Julie y Julia, Shutter Island, Destino Woodstock, Si la cosa funciona, El baile de la victoria edo Up in the air filmen izenak dabiltza adituen ahotan. Zeintzuk dira zure faboritoak?

Share on Facebook

Oscar sarien irabazleak ezagutzeko bost hilabete falta diren honetan, kritika hasi da bere faboritoen zerrenda ezagutarazten. Horien artean, aipagarriak dira Robert De Niro eta George Clooney. Hala ere, faboritoen zerrenda osatuko duten film gehienak estrenatu gabe daude oraindik.

Robert De Nirok aldeko zenbait komentario jaso ditu Everybody’s Fine filmean eginiko lanarengatik. Aipaturiko filma datorren abenduaren 4an estreinatuko da AEBetako zinema-aretoetan. George Clooneyk bestalde, Hollywoodeko Akademiaren sarietarako bosgarren hautagaitza lortu dezake The men Who Stare at Goats eta Up in the air filmengatik.

De Niro zein Clooney AwardsCircuit.com atariak osatu duen faboritoen zerrendan ageri dira. Aipaturiko atariak gizonezko aktore onenaren sarirako Morgan Freeman (Invictus), Daniel Day-Lewis (Nine) eta Jeremy Renner (The Hurt Locker) aktoreen aldeko apustua egiten du.

Emakumezko aktore onenaren sarirako, Carey Mulligan (An Education), Meryl Streep (Julie & Julia), Gabourey Sidibe (Precious), Hilary Swank (Amelia) eta Penelope Cruz (Los abrazos rotos, Nine) aktoreen izenak aipatu dira.

Sari potoloena, beste behin, film onenaren Oscar saria izango da. Aurten bada berritasun bat gainera atal horretan, bost beharrean hamar izango baitira film onenaren sarirako hautagaiak. Peter Jacksonen The Lovely Bones eta Rob Marshallen Nine dira hautagai nagusiak. Hala ere, indartsu datoz, baita ere, A Serious Man, Coen anaien berriena, eta James Cameronen Avatar filma.

Oscar sarien 82. ekitaldia martxoaren 7an izango da Los Angeleseko Kodak antzokian eta hautagaien zerrena otsailaren 2an jakinaraziko dute Beverly Hillseko Samuel Goldwyn antzokian.

Share on Facebook

Pedro Almodovarren Los abrazos rotos, Javier Fesserren Camino eta Chus Gutierrezen Retorno a Hansala 2009ko Europako Zinemaren Saria irabazteko 48 hautagaien artean daude.

Datozen asteetan Europako Zinema Akademiako 2.000 kideek euren bozka emango dute eta irabazleen izenak azaroaren 7an jakinaraziko dira Sevillako Zinema Europarraren Jaialdian.

Saria irabazteko beste hautagaien artean aipagarriak dira Lars von Trierren Anticristo, Anne Fontaineren Coco Chanel, Ken Loachen Looking for Eric edota Danny Boyleren Slumdog Millionaire filmak.

Share on Facebook

MTVk erabiltzaileen esku utzi du MTV Movie Awards sarirako filmak izendatzeko ardura. Publikoak emaniko sarietan ohikoa denez gazteenei zuzenduriko filmak izan dira aipatuenak.

Crepúsculo filma da hautagai nagusia 7 sari irabazteko aukera baitu. Bere atzetik daude Slumdog Millionaire 6 hautagaitzekin, High School Musical 3: Fin de curso bostekin eta El caballero oscuro laurekin.

Edizio honetan lehen aldiz ikusleek erabakiko dituzte hautagaiak, Van Toffler MTVko lehendakariak komunikatu batean jakinarazi duenez. 2.0 zinema sarietara heldu da: ”Crepúsculotik hasi eta Slumdog Millionaireraino urte honetako sari banaketa ekitaldia gure jarraitzaile sutsuenei dagokie.’

MTVko sari banaketa ekitaldia datorren maiatzaren 31n izango da Los Angelesen eta telebista kateak zuzenean emango du.

Gehiago irakurri…

Share on Facebook