Zinemako estreinaldiak

Javier Bardem eta Penelope Cruz

Azken hilabeteetan hainbat zurrumurru izan dira Penelope Cruz (Los abrazos rotos, Nine,  G-Force…) eta Javier Bardem (Vicky Cristina Barcelona,  El amor en los tiempos de cólera, NO country for old men) aktoreeen inguruan: haur esperoan zeudela, ezkondu egin zirela…. azkenik, gaur goizaldean baieztatu du Peneloperen ordezkariak albistea: Pe eta Bardem hilabete hasieran ezkondu ziren Bahama uharteetan.

Komunikatu motz bat bidali dute ondorengoa argituz: “Ezkontza hilabete hasieran izan zen, Bahama uharteetan, lagun batzuen etxean. Bikotekideen senideak bakarrik izan ziren ospakizunean!.

Antza denez, John Galiano moda-diseinatzailearen soineko bat aukeratu zuen ezkontzarako Penelope Cruzek. Ez da jakitera eman nola zihoan jantzita Javier Bardem.

2009ko azarotik bolo-bolo ibili da bi aktore ezagun horien balizko ezkontzaren albistea “prentsa arrosa delakoan”. Behin baino gehiagotan zabaldu izan dute data ere, baina azkenean, “ezustean” harrapatu dituzte paparazziak.

Zorionak bada, Penelope eta Javier!

Share on Facebook

Gau polita behar zuena erabat ilundu zen aktore australiarrarentzat. Izan ere, zauritu egin zen Un tranvia llamado deseo filmaren aurre-estreinaldian. Aktore australiarrak Andrew Upton senar eta gidoilari australiarrarekin batera zuzendu du filma.

Joel Edgerton aktoreak halabeharrez hiruroigeko hamarkadako irrati batekin kolpatu zuen buruan. Sydney Morning Herald egunkariak argitaratutakoaren arabera, areto guztian entzun zen kolpearen hotsa eta honenbestez, lurrera erori zen. Segituan lurretik altxa zen eta une batez proiekzioarekin jarraitu zuen, burutik odola zeriola bazegoen ere. Berehala ohartu zen zauriaren larritasunaz eta agertokitik atera zen. Azkenean bertan behera gelditu zen aurre estreinaldia eta egun batez atzeratu da.

Blanchettek DuBois harrapari sexualaren rola betetzen du. Tennessee Williamsen antzezlanean oinarrituta dago. 1951n izen bereko beste film bat egin zen Elia Kazan eta Marlon Brando protagonistatzat zituela.

Bilatu ezazu aipaturiko filma zinema-aretoetan.

Share on Facebook

Telesail mitiko horretako jarraitzaileak zorioneko dira, izan ere, Gillian Anderson protagonistetako batek zurrumurruak baieztatu eta hirugarren film bat prestatzen ari direla baieztatu du. Xfilesnews.com webgunearen arabera, Andersonek interes handia du Scully agentearen rola beste behin betetzeko. Izan ere, rol horri esker lortu zuen ospea Mulder agentearen alboan.

Sagako produktoreak hirugarren atala prestatzen ari omen dira, beti ere aktorearen hitzetan. 1998an estreinatu zen lehen atala eta zazpi urte geroago bigarrena eta orain arte azkena.

Zurrumurruek Anderson Scully agentearen rolean lerrokatuta sentitzen zela zioten. Hala ere, berak aitortu duenez desiatzen dago hirugarren atala grabatzen hasteko: “ez dago inolako arrazoirik taldera ez batu eta berriz ez egiteko. Egin ahal bada, egiteko arrazoia aurkituko dugu.”

Gillian Andersonek Sarajevoko zinema jaialdian egin ditu adierazpenok. Horrez gain, balizko filmaren arduradunak hizketan ari omen dira eta baliteke 2012rako zinema-aretoetan ikusteko moduan izatea.

Share on Facebook

“Kung Fu” mitikoaren heriotza izugarrizko zeresana ematen ari da. Ostegunean aurkitu zuten hilotza Bangkokeko luxuzko hotel batean. Bere gelako armairu barruan zegoen, biluzik, eta soka batekin lotuta barrabilak nahiz lepoa. Aurkikuntza “harrigarri” horren ostean, denetariko hipotesiak zabaldu dira eta ezer ez dago argi.

Lehen bertsioa suizidioarena izan zen. Aktore ezagunak bere buruaz beste egin zuela esan zuten berehala komunikabideek, baina familiak ukatu egin zuen Carradinek horretarako arrazoirik zuenik.

Gero, Tailandiako Gobernuak oharra kaleratu zuen 72 urteko aktore ezaguna masturbazio teknika arriskutsu batean ari zela hil zela esanez. Herrialde hartako ikertzaileek egindako lehen azterketen arabera, istripua izan zen gertatutakoa, nahi gabe ito zen Carradine, “ekintza erotiko bat” egiten ari zela. Ez omen zuen inolako indarkeria arrastorik.

Egun batzuk beranduago, baina, “Kung Fu” ezaguna sekta batek hil zuenaren zurrumurrua zabaltzen hasi zen. Hain zuzen ere, familiaren abokatuak esan zuen eurek kontratatutako ikertzaileen arabera, arte martzialetan aritzen den ezkutuko sekta batek hil zuen Hollywoodeko aktorea, horien jardueren berri eman ez zezan.

Gauzak horrela, familiak berriz ere hitz egin du azken orduotan, hildakoaren gorpuari egindako azterketa independente baten arabera, ez zuela bere buruaz beste egin ondorioztatu dutela esateko. Horrek garbi uzten du gai honek hari luzea izango duela oraindik.

Misterioa argitzen den bitartean, komunikabideetan nahiz Interneten ez da beste konturik eta telebistan zein zinemetan bere filmak ematen hasi dira berriz ere.

Hain zuzen ere, bere film berria izango zena grabatzen ari zen David Carradine Tailandian.

Kontsulta itzazu asteko estreinaldien ordutegiak eta zinemaren inguruko albiste guztiak.

Share on Facebook

Hollywoodetik etengabe datoz aktoreen gaineko zurrumurruak. Duela gutxi Sean Penn eta Robin Wright aktoreek atzera jo zuten eta ez banatzea erabaki zuten. Orain Angelina Joliek eta Brad Pittek krisi zurrumurruekin behingoz amaitu nahi dute. Angelina Joliek Brad Pittekin ezkondu nahi du eta baliteke ezkontza eguna ere finkatuta egotea.

Brad Pittek ultimatuma eman zion duela bi hilabete. Ordudanik, krisi eta banaketa ahotsak izan dira nagusi. Canneseko alfonbra gorrian banaketa iragartzen zuten zurrumurru horiek gezurtatu zituzten. Angelinak errotik amaitu nahi du espekulazio horiekin.

Oraingoan Angelina izan da Bradi ultimatuma eman diona. Prest dago zurrumurru guztiak isilarazteko eta inoiz baino konbentzituago dago aldaretik igarotzeaz. Angelinaren ustez, Bradekin ezkonduko balitz argi geratuko litzateke euren artean ez dagoela inolako arazorik eta inoiz baino maiteminduago daudela. Are gehiago udako egun baterako hitzordua jarri dutela dirudi. Ezkontza New Orleans hirian ospatuko litzateke, El Curioso Caso de Benjamin Button grabatu zen hirian, hain zuzen ere.

Kontsulta itzazu zinemari eta zinema-aretoei eskainitako txokoak.

Share on Facebook

Sean Penn aktore estatubatuar ezaguna -Harvey Milk filmean ikusi dugu berriki- eta Robin Wright emaztea -La sombra del poder filmeko protagonista-  banandu egin dira, behin betirako ustez, 13 urte eta gero.

48 eta 43 urteko aktore ezagunek dibortzio-eskari aurkeztu zuten 2007ko abenduan baina bertan behera utzi zuten 2008ko apirilean, eta elkarri beste aukera bat ematea erabaki zuten. Urtebete beranduago, baina, berriz ere aukeztu ditu paperak Sean Pennek Kaliforniako auzitegi batean.

Maddonaren senarra izandakoak apirilaren 23an aurkeztu omen zuen eskaria “People” aldizkariaren arabera, eta bertan Dylan Frances (18 urte) eta Hopper Jack (15 urte) seme-alaben zaintza-partekatua eskatu du.

Emazteari inolako pentsiorik eman behar ez izatea ere eskatu omen du.

Robin Wright zinema-izar ederra ez du oraindik ezer esan eta komunikabide guztiak bere adierazpenen zain dira.

Share on Facebook