Tag Archives: beyonce

Beyonce eta Jay-Z, bikote boteretsuena

Utzi erantzuna
Share Button

Iaz zerrendako bigarren tokian geratu ziren Forbes aldizkariak egiten duen zerrendan, baina aurten lortu dute: munduko bikote boteretsuena osatzen dute Beyonce eta Jay-Z artistek. 78 milioi euroko ondarea pilatzea lortu dute, orain arte egindako ibilbide profesionalari esker.

Beyoncé eta Jay-Z. Argazkia: Getty

Beyoncé eta Jay-Z. Argazkia: Getty

Atzean geratu dira Gisele Bündchen eta Tom Brady, lau urte sailkapenaren lehen postuan egon ostean. Jarraian, David eta Victoria Beckham daude, hirugarren.

Podiumetik kanpo, Brad Pitt eta Angelina Jolie aktoreek dute laugarren postua. Azkenaldian, ezkontza prestatzen lanpetuta dauden arren, arrakastatsu ari dira zineman lanean.

Azkenik, orain arte zerrendan indartsu zeuden zenbait bikote ez dira boteretsuenen artean agertzen, elkarren arteko harremana etetea erabaki dutelako: Tom Cruise eta Katie Holmes, eta Demi Moore eta Ashton Kutcher, besteak beste.

Egin al dizuete noizbait halako oparirik?

Utzi erantzuna
Share Button
Beyoncé. Argazkia: Getty, Kevin Mazur.

Beyoncé. Argazkia: Getty, Kevin Mazur.

Askok eta askok nahiko luketen oparia egin dio Beyoncek Jay-Z bere senarrari. Aitaren Eguna dela eta, hegazkin bat erosi dio, mundu osoan barrena bidaia egin dezan.

Bombardier Challenger 850 markako jet pribatua da, eta 40 milioi euro ordaindu ditu abeslari estatubatuarrak. 15 lagunentzako tokia izateaz gain, luxuzko altzariak eta osagaiak ditu, baita bi bainugela ere.

Opari berezi hori eginda, aita ezin hobea dela erakutsi nahi izan dio Beyoncek. Hala adierazi dio egunkari britainiar bati.

Beyoncek gutun bat bidali dio Michelle Obamari

Utzi erantzuna
Share Button
Argazkia: Michael Carpenter/ WENN.com

Argazkia: Michael Carpenter/ WENN.com

Beyonce abeslariak asko miresten du Michelle Obama eta hala jakinarazi nahi izan dio Ameriketako Estatu Batuetako lehen damari. Horretarako, abeslariak eskuz idatzitako gutuna zintzilikatu du bere webgunean.

Gutunean, Michelle Obamaren lana goraipatzeaz gain, emakume afroamerikarraren eredutzat hartzen duela adierazten du abeslariak. Besteak beste, hau esan dio: “Oso pozik nago nire alaba zu bezalako jendea goraipatuz hazi ahal izango delako”.

Lehen damak azkar erantzun dio Beyonceren adierazpenari. Twitterreko bere profilean “gutun ederrarengatik” eskerrak eman dizkio eta bera ere haurrentzako eredu egokia dela esan dio.

Artista ezaguna eta bere senarra, Jay-Z rap-musikaria, Obama presidentearen eta Alderdi Demokrataren jarraitzaile dira eta Beyoncek behin baino gehiagotan egin ditu musika emanaldiak Etxe Zurian. Ondorioz, ez da harritzekoa bi emakumeen arteko adiskidetasuna.

Nork dauka munduko eskoterik onena?

Utzi erantzuna
Share Button
Scarlett Johansson. Argazkia: Stephen Lovekin, Getty Images

Scarlett Johansson. Argazkia: Stephen Lovekin, Getty Images

Jakina da eskotea gorputzeko atal garrantzitsua dela emakumeentzat, segurtasuna eman eta sentsual sentitzen laguntzen duelako. Gainera, gizonezkoentzat ere oso gune erakargarria izan da beti. Wonderbra lentzeria markak emakumearen gorputzari omenaldia egin nahi izan dio, Martxoaren 30ean Eskotearen Eguna izan dela eta, eta emakume ospetsuen artean eskote onenak edo erakargarrienak aukeratu ditu zerrenda bat egiteko.

Zerrendaren postu gorenetan Holly Willoghby aurkezle eta modeloa, Scarlett Johansson aktorea eta Beyonce eta Rihanna abeslariak ditugu.

Aurreko guztiak gaur egungo neska ezagunak badira ere, euren edertasunagatik historia markatu duten beste zenbait emakume ere badaude zerrenda horretan; Marilyn Monroe eta Brigitte Bardot mitikoak, esaterako.

Dita Von Teese, Katy Perry, Kim Kardashian eta Lara Stone dira zerrendan sartu diren beste emakume ospetsu batzuk.

Beyonce 20 kilo argaldu da hilabeteko epean

Utzi erantzuna
Share Button

beyonce08Beyonce oso pozik dago urtarrilaren 7an jaiotako Ivy Blue Carter alabarekin eta bizitza aldatu diola aitortzen badu ere, gorputzari dagokionez, haurdunaldia atzean utzi, eta lehengora itzuli nahi du artistak. Eta buru-belarri dabil horretan. Hilabeteko epean 20 kilo argaldu da.

Horretarako, gogor ari da lanean Beyonce. Entrenatzaile pertsonala kontratatu du artistak, izarrak entrenatzen iaioa den Marco Borges entzutetsua, alegia. Harekin, egunero entrenamendu gogorra egiten du eta dieta zorrotz bati ere jarraitzen dio. Helburu bat dauka orain kantariak: 58 kiloko pisua izatea.

Beyonce, unibertsitateko ikasgai

Utzi erantzuna
Share Button

beyonceLady Gaga izan zen lehena unibertsitate bateko ikasgai bihurtzen, eta, orain, New Jerseyko Rutgers Unibertsitateak Beyoncerekin ere hala egin du. Ez aljebra, ez kimika organikoa, ez geografia; abeslari ospetsuak dira interesgarriak programazio akademikoan.

Esaten dutenez, Beyoncek garai honetako kultura markatu du eta politikan ere eragin du, izan ere, Obamaren hauteskunde kanpainan hartu zuen parte. Horregatik gehitu dute ikasketa eskaintzara “Beyonce politizatzen” izeneko ikasgaia. Emakume eta Genero Ikasketen Departamentuak emango du eta dagoeneko ikasle askoren jakin-mina piztu du.

Unibertsitateko arduradunen arabera, artista gizarte-eragiletzat hartuko dute ikasgai horretan, horren irudi publikoa aztertzeko. Beyonceren bideoak eta abestien hitzak analizatu eta beste afroamerikar ospetsuekin alderatuko dute, betiere genero ikuspegia galdu gabe.

Abeslariaren anatomia aztetuko al dute ikasgaian zehar?

Beyonceren lehengusinak haurdun itxurak egitea egotzi dio

Utzi erantzuna
Share Button

beyonce-pregnant-bellyAngela Knowlesek Beyonceren haurdunaldia iruzurra izan dela ziurtatu du. Artistaren lehengusinak oso argi utzi du. Beyoncek beste emakume bat kontratatu omen zuen bere ordez haurra izateko eta bederatzi hilabetez umedun zegoelako itxurak egin zituen.

Haurra izango zuela jakin genuenetik zurrumurru ugari izan dira, batzuen ustez haren sabela ez baitzen benetakoa. Oraingo honetan, familiako kide batek hitz egin du. Uste horiek Beyonce telebista-prgrama batean atera zenean hasi ziren. Saio horretan, sabela zimurtu egin zitzaion kuxin bat izango balitz bezala.

Dena den, hilabete batzuk geroago, bikiniarekin jantzita eta sabela agerian ikusi genuen abeslari estatubatuarra Jay Z senarrarekin batera. Bazirudien zurrumurruak hor amaituko zirela, baina lehengusinaren adierazpenek sua suspertu dute. Blue Ivy txikia alokatutako ama batek izan du, Angela Knowlesen arabera.

Egia izango balitz, Beyonce ez litzateke izango sistema hori erabiltzen ospetsu bakarra. Sarah Jessica Parkerrek, Nicole Kidmanek eta Ricky Martinek horrela izan dituzte beren haurrak, eta ezin zoriontsuago daude.

Beyoncek espazioan grabatu nahi du bideoklip bat

Utzi erantzuna
Share Button

beyonce_perfumeZurrumurruek astakeria hutsa badirudite ere, edo hain justu, agian horrexegatik, berehala zabaldu dira Interneten. Beyoncek eta Jay-Z haren senarrak espaziora joan nahi dute bideoklip bat 0 grabitatean grabatzeko.

‘The Sun’ egunkariari bikotearen hurbileko iturri batek adierazi dionez, kantari estatubatuarraren diskoetxea bideoklip bat espazioan grabatzeko negoziaziotan murgilduta dabil.

Arraroa badirudi ere, badirudi egia zain daitekeela hau guztia, bai Beyoncek, bai Jay-Z-ek harreman oso ona baitute Sir Richard Bransonekin, Virgin Galactic konpainiaren nagusiarekin. Konpainia horrek laster ekingo dio orbita barruko espazio-hegaldiak merkaturatzeari eta edonork izango du esperientzia hori bizitzeko aukera, ordain dezakeen heinean, jakina.

Beyoncék alaba izango du

Utzi erantzuna
Share Button

Beyonce_Knowles_Kelly_Rowland_001_261108Kelly Rowland mihitik joan da Cosmopolitan Awardsen sari banaketan. Eskerrak, ordea, ezer txarrik ez duela esan, guztiz alderantziz. Beyoncé lagunaren inguruan hitz egin du eta izango duen haurra, neska dela ihes egin dio.

Ingelesezko izenordainek salatu dute Kelly, izan ere, haurraren inguruan hitz egitean izenordain femeninoa erabili du. Azkar ohartu ziren erreportariak xehetasun horretaz eta eskuartean zeukaten esklusibaz.

Ama eta alaba imajinatzen ditut gerria hautsi beharrean dantzan eta abestean eta alaba soineko txiki batekin vedette antzera jantzita.

Ziur Beyoncé oso pozik dagoela baina ez dakigu berri hori Kellyk zabaltzeak grazia askorik egin dion, horrelakoak norberak kontatzea gustatzen zaigu eta.

Oraingoz, Beyoncé luxuzko etxea haurrarentzat moldatzen dirutza gastatzen ari dela dakigu.

Beyonceren umea neska izango al da?

Utzi erantzuna
Share Button

Beyonceren umea neskabeyonce_EMBARAZADA izango da, horrela adierazi du behintzat MediaTakeOut.com webguneak. Izan ere, iturri honen arabera, Jay Z-ren arrebak, Anniek, Christian Loubotini neurrira egindako arrosa koloreko bota txiki batzuk eskatu dizkio.

Abeslariak bere haurdunaldiaren berri eman zuenetik, mundu guztiak jakin nahi du zein izango den umearen sexua, eta sekretuan mantendu nahi izan duen arren, laster iritsi dira umearen sexuaren berriak. Eta, dirudienez, neskato txiki bat izango du kantariak.

2010 urtean, abeslariaren eta senarraren artean, 88 milioi dolar lortu zituzten, eta horrelako diru kantitatearekin, neurrira egindako bota batzuen kostua huskeria bat da bikotearentzat. Iturri berdinaren arabera, sei hilabete itxaron beharko ditu bikoteak haurraren botak ikusteko.

Gainera, abeslariak egunero masajeak jasotzen ditu eta ildaskak saihesteko lozio garestiak erosten ditu. Haurdunaldia hasi besterik ez du egin, eta dagoeneko diru asko ari da gastatzen artista.

Momentuz, bikoteak ez du adierazpenik egin, baina dirudienez, neska bat izango da Beyonceren umea.