Category Archives: Abeslari gazteak

Bai, Shakirak mutikoa espero du

Utzi erantzuna
Share Button

Shakira eta Piqué. Argazkia: Reuters

Shakira eta Piqué. Argazkia: Reuters


Shakirak bere haurdunaldia iragarri zuenetik, ugariak izan dira haurraren inguruan zabaldutako esamesak. Kontuaren gaineko ezer esango ez zuela zirudien baina kolonbiarrak jada baieztatu du zurrumurruek ziotena: alegia, mutikoa espero duela. Hala adierazi du RTL kate alemaniarrerako egindako elkarrizketa batean.

Haurdunaldiko seigarren hilabetean da abeslaria eta irrikaz espero du gutxi barru abiatuko duen etapa berria; elkarrizketa honetan ulertzera eman duenez, gainera, prest agertu da esperientziaz jendaurrean hitz egiteko.

Bere amatasuna ez zuen, ordea, hizpide bakarra izan: Gerard Piqué bere bikotekideaz hitz egiteko beta ere hartu zuen Shakirak: “Gizon hau bizitzan pasa zaidan gauzarik onena da. Eta orain… haurtxo hau!”.

Ezagutarazi ez duena haurraren izena izan da: Ulisito izena izango ote duen ala ez jakiteko hurrengo atal batera arte itxaron beharko dugu…

Justin Bieber, nekeak jota

Utzi erantzuna
Share Button
Justin Bieber. Argazkia: twitter

Justin Bieber. Argazkia: twitter

Nekeak eta estresak jota omen dago Justin Bieber abeslari kanadiarra. Hori jakinarazi du Twitter sare sozialaren bidez. Agenda erabat beteta du, bidaiak, promozio ekitaldiak eta kontzertuak baititu ia egunero. Estresagarria, benetan!

Hori dela eta, atseden hartzea erabaki du, eta oporrak behar dituela iragarri du. Hori bai, ez omen du parrandarik egiteko asmorik, indarberrituta itzuli nahi baitu lanera laster.

Ez da garai lasaia artista gaztearentzat; izan ere, Selena Gomezekin duen harremana ere hizpide da azken egunotan mundu osoko hedabideetan. Joan den astean, bere bikotekidearekin ezkontzeko asmorik ba ote zuen galdetu ziotenean, barrez hasi zen, urduri. Erreakzio horrek zalantza asko eragin ditu amodio istorio horren inguruan.

Amy Winehousen lehentasun gastronomikoak

Utzi erantzuna
Share Button
Amy Winehouse. Argazkia: EFE

Amy Winehouse. Argazkia: EFE

Urte bete baino gehiago igaro da Amy Winehouse abeslaria hil zenez gero, baina bere inguruko albiste eta bitxikeriek ez dute etenik. Orain ezagutu dugun datuak zur eta lur utzi gaitu: Mercadonako patata-tortilla oso gustuko omen zuen.

Mitch Winehouse Amyren aitak bere alabari buruzko liburua argitaratu du. Artista britainiarraren nondik norakoez gain, bien artean zuten harremana ere aztertu du. Horren guztiaren berri emateko, Vanity Fair aldizkariak Londreseko Jazz After Dark pubean elkarrizketatu du.

Alabaren arrakasta eta porrotei buruz mintzatu zen Mitch luze eta zabal, galderaz galdera. Bat-batean, ordea, Sam Shaker tabernako jabeak Amyren ahultasunetako bat agerian utzi eta Mercadonako patata-tortilla asko gustatzen zitzaiola aitortu zuen!! Berak ekartzen omen zion Espainian oporretan izaten zen bakoitzean. Harrigarria, ezta?

Dani Martin abeslaria, bakarrik

Utzi erantzuna
Share Button
Dani Martin eta Huga Rey. Argazkia: Europa Press

Dani Martin eta Huga Rey. Argazkia: Europa Press

Artista madrildarrak Huga Reyrekin zuen harremana bertan behera uztea erabaki du. Zur eta lur utzi gaitu guztiak, askok baitzioten elkarren arteko ezkontza prestatzen ari zirela urte amaierarako. Usteak, ordea, erdia ustel.

Antza denez, Huga oporretan da Madriletik kanpo; Dani Martinek, ordea, lanean jarraitzen du disko berria prestatzen. Ez batak ez besteak ez du albistea baieztatu, beraz, ez dago informazio gehiago.

El Canto del Loco taldeko abeslari ohia Twitter sare sozialeko erabiltzaile sutsua den arren, ez du momentuz ezer esan zurrumurruaren inguruan. Hainbat hedabideren arabera, isiltasun horrek indarra eman dio berriari. Itxaron egin beharko dugu, hortaz, kontua zertan geratzen den jakiteko.

Justin Bieberren sekretuak arrakastari aurre egiteko

Utzi erantzuna
Share Button
Justin Bieber. Argazkia: Steve Granitz, Getty

Justin Bieber. Argazkia: Steve Granitz, Getty

Milaka eta milaka jarraitzaile ditu mundu osoan barrena abeslari kanadiarrak, 2009an lehen kanta argitaratu zuenez gero, gora egin baitu bere ospeak etengabe. Gazte askok idolotzat ere jo dute. Edonora joanda ere, fan andana izaten du zain.

Nola egin aurre arrakasta neurgabe horri? Justin Bieberrek badu erantzuna, eta orain dela egun batzuk ezagutarazi du elkarrizketa batean. Bere iritziz, familia eta betiko lagunartea gertu izatea da gakoa; izan ere, oinak lurrean mantentzen laguntzen diote.

Argi du, hortaz, nola jokatu behar duen kontrola ez galtzeko. Selena Gomez bere neska-lagun lirainak ere izango du zerikusia egunorokotasuna harmonia ederrean mantentzeko!

Oso garestia da Jennifer Lopez engainatzea

Utzi erantzuna
Share Button

Jennifer-Lopez-Casper-Smart-at-Vanity-Fair-Party-296x300Ez dakigu egia ote den, baina zurrumurruek diote Jennifer Lopezek engainuen aurkako neurriak hartzea erabaki duela.

Abeslariak Casper Smartekin daukan harremana gero eta serioagoa da; hala ere, ezkontzean pentsatu aurretik baldintza bat ezarri omen dio Lopezek mutil-lagunari: fidela izango dela ziurtatzen duen kontratu bat sinatzea. Horren arabera, Casper Smartek milioi bat dolar baino gehiago ordaindu beharko dio abeslariari, noizbait engainatu egiten badu.

Casper Smart dantzaria da, eta, Jennifer Lopezen azken bideoklipean agertu zenetik, gero eta ezagunago egiten ari da: urtebetean 480.000 dolar irabaztera iritsi da. Neska-laguna engainatzekotan, kontratuak dioena ordaintzeko diru nahikoa izango ote du dantzari gazteak?

Perretxiko haluzinogenoak onuragarri?

Utzi erantzuna
Share Button

adam-levine-222Adam Levineren ustez, perretxiko haluzinogenoak onuragarriak izan daitezke. Hala adierazi du Maroon 5 taldeko abeslariak Q aldizkarian eskainitako elkarrizketa batean.

Levinek adierazi duenez, perretxiko haluzinogenoekin izandako esperientzia onuragarria izan zen berarentzat: “Neure buruari buruz pentsatzea eragin zidaten, eta beste era batean ulertuko ez nituzkeen gauzak konprenitzen lagundu zidaten”. Gainera, txikitan izaten zituen zenbait sentimendu horiei esker berreskuratu zituela azpimarratu zuen abeslariak.

Perretxiko haluzinogenoak probatu dituen arren, estatubatuarrak oso argi dauka droga guztiak direla arriskutsuak: “Noizbehinka droga horiek probatzea onuragarria iruditzen zait, baina gehiegi erabiliz gero maniako psikotiko baten antzera bukatzeko arriskua dago”.

133.075 dolarreko soineko bat erosi du Lady Gagak

Utzi erantzuna
Share Button

wenn5755704Askotan hitz egin dizuegu Lady Gagaren janzkera bitxiaren inguruan; duela gutxi, abeslariak labezomorroz egindako txapel bat erosi nahi zuela jakinarazi genizuen.

Ohitura horri jarraituz, historiako soinekorik garestienetako bat erosi du Lady Gagak, Alexander McQueen diseinatzaile zenak 2008ko udazkenean aurkeztutakoa.

WWD webgune estatubatuarraren arabera, Londoneko Christie’s enkante-etxeak jarri zuen salgai soinekoa, eta abeslariak telefonoz hartu zuen parte enkantean. 133.075 euro ordaindu zituen jantzia eskuratzeko.

Soinekoa zetazkoa da, marfil kolorekoa, eta Daphne Guinnes artista britainiarrarena zen, 2010ean bere buruaz beste egin zuen Alexander McQueenek diseinatu zuen, eta ‘’The Girl Who Lived in the Three’’ izeneko bildumaren parte zen.

Lady Gaga McQueenen lagun izan zen denbora luzean, eta hura hil denetik abesti eta sari ugari dedikatu dizkio.

Kontsolagailua oparitu diote Lady Gagari

Utzi erantzuna
Share Button

lady-gagaNormalean Lady Gaga da bere erokeriekin harrituta uzten gaituena, baina, oraingoan, bere jarraitzaileetako bat izan da abeslaria ahoa zabalik utzi duena.

Lady Gaga Australian egon da, Born This Way Ball kontzertu birako zenbait emanaldi egiten, eta, Brisbanen zegoela, bere jarraitzaileetako bat hurbildu zaio kontsolagailu bat oparitzeko asmoz.

Abeslariak oparia hartu eta, harrituta, ondorengoa erantzun dio zaleari: “Eskerrik asko nire bizitza sexuala kontuan hartzeagatik, baina ez daukazu zertan kezkatu; oso bizia da”.

Dirudienez, barregarria iruditu zaio oparia Lady Gagari; izan ere, kontzertu amaieran, kontsolagailua hartu eta publikoari bota dio, norbaitek oroigarri moduan nahi duen galdetuz.

Rihannak beste tatuaje bat egin du

Utzi erantzuna
Share Button

rihanna_detalle_articuloTwitterren zale amorratua da Rihanna; hori dela eta, egunero behin baino gehiagotan ematen digu bere bizitzaren berri sare sozialaren bitartez.

Oraingoan, bere azken tatuajea erakutsi nahi izan digu abeslari polemikoak, orkatilan tatuatu duen belatza. Argazkiarekin batera honakoa adierazi du: “Belatza, iluntasunean distira egiten duen argia. Ez ditu begiak ixten lo egiten duen bitartean”.

Tatuajea Bang Bang New Yorkeko tatuatzaile ezagunak egin dio; aurrekoetan ere berarengana jo du abeslariak tatuajeren bat egiteko orduan. Tatuaje ugari ditu Rihannak gorputzean: izar batzuk lepoaren atzeko aldean, musika nota bat eskuineko oinean, errebolber bat saihets-hezurren inguruan…