Ospetsu asko beren bizitza pribatua isilean mantentzen saiatzen diren arren, beste askok ez dute arazorik sexu kontuez hitz egiteko xehetasun osoz. Amets eta fobiak azalduz, beren alderdirik ezkutukoenak argitara ematen dituzte.
Agerikoa dirudi ospetsuei sexuaz hitz egitea gustatzen zaiela. Horietako izar batzuk oheko gaien inguruan esandakoen bilduma egin dugu.
Kate Perryk, esaterako, bikotekidearekin disfrutatzeko garaian “oso kartsua” dela ziurtatu du. Rihannak, bestalde, kate eta zigorrekin jolastea du ezkutuko plazera. Mediku jolasak dira Christina Aguileraren fantasia gustukoenak.
Jostailuak asko gustatzen zaizkio Eva Longoriari ere, izan erez ohe jolasetan eskura gailu erotikoak edukitzen dituela adierazi du. Scarlett Johanssonek, beti hain xume eta zuhurra denak, bere autoko atzeko eserlekuetan larrua jotzea izugarri gogoko du. Megan Fox ederrak ere badu zer esan; ohean “hormona askoko” emakumea dela baieztatu du.
Hala ere, ez dira denak emakumeak sexu kontuez hitz egiten dutenak. Adibidez, Robert Pattinsonek esan du txortan egin ondoren jatea plazerik handienetakoa dela beretzat.
Nork esan du ospetsuak lotsatiak direla?
Miley Cyrus aktore eta kantari estatubatuarrak 19 urte bete berriak ditu eta bere urtebetetze festa oraindik zeresana ematen ari da. Kelly Osbournek (Ozzy Osbournen alabak) antolatu zuen festa eta, itxura denez, marihuana ez zen falta bertan.
Izan ere, ‘Hannah Montana’ pertsonaia izandako neskatila emakume bihurtu da eta porru erregarrien oso zalea omen da. Are gehiago, The Daily egunkariak argitaratutako bideo batean Mileyren urtebetetzeko pastela ikus daiteke eta, bertan, ondorengo izena irakur zitekeen: Bob Mailey. Bob Marleyri aipamen garbia eginez, bizkotxoaren errezetari “pizgarri”ren bat bota omen zioten nonbait.
Bideoan gainean, Mileyk berak adierazi du “Porru zalea naiz” eta Kellyb Osbourne ere ageri da kantari gazteari esaten erretzearekin arazo bat daukala. Hori bai, ordu batzuk geroago, Twitter bidez esan zuen dena txantxa hutsa izan zela eta asko maite duela Miley Cyrus.
Ez da kantaria eta marihuana lotzen dituzten lehen aldia. 2010ean pipa erretzen grabatu zuten baina berak esan zuen ez zela marihuana erretzen ari, salbia baizik, eta salbia droga legala da AEBetako Kalifornia estatuan.
Bikoteak baieztatu ez duen arren, Twitter bidezko zorion mezuek salatu dute. Joan den ostiralean izan zuten alaba Lily Allenek eta Sam Cooper senarrak.
Ez abeslariaren ordezkariak ez protagonistek ez dute adierazpenik egin nahi izan. Hala ere, Daily Mail egunkariari, bikotearen lagun batek esan dionez “dena ondo joan da”.
Baten batek sinetsi nahi izan ez duen arren, zorion tuit-ek argi uzi dute: Lily eta Sam gurasoak dira jada.
Britainia Handiko hedabide batzuen arabera, uda honetan ezkondu ostean, bikoteak alaba izan du jada: “Mini Cooper”, esaten diote.
Allenen ametsa egi bihurtu du txikiak. Aurretik, baina, bi aborto izan zituen: 2008an izan zuen lehena, Ed Simonsen bikotekide zenean, eta iaz izan zuen bigarrena aurreko urtean gaur egungo bikotekidearekin.
A ze saltsatan sartu den (edo sartu duten) Justin Bieber kantari gaztea. Mariah Yeater-ek kanadarrari bere haurraren aitatasuna egotzi zionetik, gaia bolo-bolo dabil eta horrek ez dio mesederik egiten artistari.
Duela egun batzuk esan genuen Yeater-ek Bieber-en kontrako salaketa kendu zuela abeslaria aitatasun frogak egiteko prest agertu eta gero baina,TMZ aldizkariak argitaratutakoaren arabera, azkenean frogak egin ditu ume horren aitatasunaren auzia argitzeko. Kanadarrak esan du neska hori ez duela ezagutzen, ez duela sekula ikusi. Egun batzuk barru ezagutaraziko dituzte emaitzak.
Katy Perryk argi eta garbi esan du bera ez dagoela haurdun. AMA sarietan egindako agerraldian ohi baino gizenxeago agertu zen kantari estatubatuarra eta berehala haurdunaldiari buruzko zurrumurruak hedatu ziren.
Baina artistak ezetz esan du. “Labean daukadan gauza bakarra cheeseburger bat da“, esan du Perryk. Janari azkarreko jatetxeak oso gustuko dituela adierazi du eta, beraz, kilotxo batzuk hartu dituela. Baina azpimarratu egin nahi izan du ez duela oraingoz umerik espero.
Noizbait haurrik izango duela ere esan du, baina oraindik horretarako unea ez dela iritsi gaineratu du kantari gazteak. Artista 2010eko urrian ezkondu zen Russel Brand aktorearekin.
Ashton Kutcher eta Demi Mooren dibortzioaren berri jakin ostean, trapu zikin eta gai pribatuen ordua da. Mundu osoko prentsak informazio andana argitaratu du bikotearen bizitza pribatuaren inguruan. Beste gauza askoren artean, Demi Moore bisexuala dela eta bikoteak emakume gehiagorekin hirukoteak eta orgiak egiten zituela kaleratu dute.
Bikotearen dibortzioaren ikerketa esklusiban argitaratu duen aldizkariaren arabera, “Demiri emakumeak gizonak baino gehiago gustatzen zaizkio eta Ashtonengandik beti ez zuen lortzen behar zuen guztia”. Hori dela eta, senar-emazteek harreman irekia zeukaten, “Hollywood guztiak ezagutzen zuen baina sekretuan mantentzen zuten jendarteari begira”. Gauzak zeharo aldatu omen ziren, ordea, Ashtonen amodio aferak ezagun egin zirenean.
Aldizkari berak Ashtonen “laguntxoetako” batekin elkarrizketa publikatu du. Brittney Jones izeneko maitaleak, bikote ohiak harreman ireki eta liberala zuela baieztatu du. Hortaz gain, “Two men an a half” telesail ezaguneko Charlie Sheen aktorearekin izan zuen amodio afera ere kontatu du.
Esaten duenez, maitalea ezagutzean Demi ere bertan zegoen. “Ashtonek etengabe irribarre egiten zidan eta Demik ez zidan kasu zipitzik egiten”, adierazi du Britneyk. Maitalea, gainera, bikotearen etxean bertan bisitatzen zuen. “Gure arteko kimika oso indartsua zen”, gaineratu du. “Demi eta berak maitaleak partekatzeko akordioa zutela esan zidan eta gaizki sentitzen zen ni emaztearekin ez partekatzearren”.
Justin Bieber-ek arnasa har dezake lasai jada. Mariah Yeater-ek artistaren kontrako salaketa kendu du, kantari kanadarrak aitatasun frogak egiteko prest zegoela adierazi ostean. Izan ere, neskaren abokatuek hura defendatzen ez jarraitzeko erabakia hartu dute.
Yeater koartadarik, argudiorik eta abokaturik gabe gelditu da. Itxura denez, Bieber-en abokatuek auzi berri bat martxan jartzeko asmoa agertu zuten, artistaren kontra egindako baieztapen faltsuengatik.
Mariah Yeater duela egun batzuk egin zen ezagun Justin Bieber bere haurraren aita dela adierazi zuelako. Kantariaren aitatasunari buruzko albisteak, zurrumurruak eta txutxu-mutxuak berehala zabaldu ziren baina, oraingoz, Selena Gomez haren neska-lagunak ez du larritzeko arrazoirik izango, ustezko seme-alabarik ez baitu artista gazteak.
Bradekin gau e
der bat pasatu nahi baduzu, orain posible duzu eta gainera, Angelinaren baimenarekin. Interneteko eBay atarian enkantean jarri du aktoreak aukera hori ongintzazko helburuarekin. Berarekin afaldu eta gau bat hotelean pasatzean datza zita baina, hori bai, lehen eskaintza 10.000 dolar baino handiagoa da.
Pertsonaia famatu ugari dira beren irudiaz baliaturik Interneteko enkante hauek erabiltzen dituztenak ongintzazko ekimenak babesteko. Kate Perry artistak, esaterako, berekin agertokira igotzeko eta bere soineko bat eskuratzeko aukera jarri du enkantean. Irabaziak Gurutze Gorriarentzat izango dira.
Hayden Panettiere aktore eta sex-symbolak, “Heroiak” telesaileko eta “Scream” sagako protagonistak, amerikar futbol partida batera berarekin joateko aukera enkantean ipini du. Hasierako prezioa 1.500 eurokoa da, plan hoberik bai?
Urte hasieran Justin Bieberrek ere antzerako enkante batean 40.000 dolar bildu zituen animalien eskubideen aldeko erakunde batentzat.
Avril Lavignek eta Brody Jenner mutil-lagunak istiluak izan dituzte. Itxuraz asteburu lasaia izan behar zuten Los Angelesko luxuzko hotel batean baina, azkenean, amaiera garratz xamarreko egonaldia izan zuten.
Ez dago argi gertatu zena baina, antza denez, bikotea Hollywood Roosevelt hoteleko tabernan zegoen eta kantaria eta beste neska bat eztabaidan hasi ziren. Elkar joka ere hasi ziren biak. Orduan, Brody tartean sartu zen bi neskak banatzeko baina beste neskak botila bat hartu zuen eta harekin jo zuen abeslari kanadarraren mutil-laguna eta Kim Kardashianen anai-ordea dena. Orduan. lau pertsona gehiago sartu ziren tartean.
Avril Lavignek adierazitakoaren arabera, bost pertsonak “arrazoirik gabe eraso” egin zioten. “Ez zen dibertigarria izan. Nire aurpegia izorratuta dago”, esan du. Artistak Twitter sare sozialean zabaldu du “begi bat ubelduta, sudurra odoletan, ilea zainetik kenduta eta arramazkaz eta ebakiz beteta” bukatu zuela.
Bertan zeudenek poliziari eta osasun zerbitzuei deitu zieten eta, Lavignen mutil-lagunak bera artatzerik nahi ez bazuen ere, azkenean erietxera jo behar izan zuen hainbat puntu jar ziezaieten.
Ez zen atxiloketarik izan eta, hotelera itzuli zirenean, ondorengoa twitteatu zuen Brodyk: “nire bizitzako maitearekin, Avril Lavignekin, gau bikaina ari naiz pasatzen. Zoriontsu naiz!”. Bestalde, Avrilek argi utzi nahi izan du bera ez dagoela borroken alde: “Indarkeria ez da INOIZ ERE erantzun egokia ziaten”.
Kelly Rowland mihitik joan da Cosmopolitan Awardsen sari banaketan. Eskerrak, ordea, ezer txarrik ez duela esan, guztiz alderantziz. Beyoncé lagunaren inguruan hitz egin du eta izango duen haurra, neska dela ihes egin dio.
Ingelesezko izenordainek salatu dute Kelly, izan ere, haurraren inguruan hitz egitean izenordain femeninoa erabili du. Azkar ohartu ziren erreportariak xehetasun horretaz eta eskuartean zeukaten esklusibaz.
Ama eta alaba imajinatzen ditut gerria hautsi beharrean dantzan eta abestean eta alaba soineko txiki batekin vedette antzera jantzita.
Ziur Beyoncé oso pozik dagoela baina ez dakigu berri hori Kellyk zabaltzeak grazia askorik egin dion, horrelakoak norberak kontatzea gustatzen zaigu eta.
Oraingoz, Beyoncé luxuzko etxea haurrarentzat moldatzen dirutza gastatzen ari dela dakigu.
Zure iritzia