Tolosa

Egun batzuk igaro dira,Tolosako taldearen laburpena egiten ez dugula eta, gaurkoan azken egunetan jasotakoen emarien bilduma zuregana ekarri dugu.

Lehenik eta behin, eta atzekoz aurrera egiteko, tontorrera igo eta….

Omenaldi hunkigarria egin diote Edurne Pasabani Tolosan. Pasabanek ez du atseden hartzeko denborarik izan. Beste ongi etorri bat egin diote. Gaurkoa baina, berezia, mendizalearen herrian, Tolosan.

Edune Pasaban: “hobetzeko adibidea” esaten zuen lerroburuak. Espainiako presidentearen eskutik bere lanaren saria jaso zuen. José Luis Rodríguez Zapaterok Kirol merezimenduko urrezko domina eman zion.

Edurne Pasaban Uyyyyy!-ko platoa bisitatu du.

Bestalde, kirolzale bezain jatunak garen herrian, Tolosa, bixiguaren “hiria” bilakatu zen. Maiatzeko azken asteburuan, edo ekaineko lehendabizikoan (bakoitzaren gustura) Oria ibaiaren ondoan, bixigua “Orioko erara” prestatu zen.

Ekainaren 13an bukatuko den ibilbidean Reala Primeran egongo da, eta nola ospatuko duzu zuk? Edurne Pasaban: ‘Mendi bat igoaz eta bazkari on bat eginaz ospatuko nuke’. Edurne Pasaban alpinista tolosarrak Realak igoz gero behar den moduan ospatu behar dela esan du.

Lurra eta zelaia zapaldu ondoren, orain ura falta zaigu; Ibiur urtegiko urak Tolosaldeko etxe gehienetan izango dira. 60.000 herritarrei iritsiko zaie hango ura, eta horrenbestez osotuta geratzen da Gipuzkoako urtegi sarea.

Ibiur

Tolosako Illargi Coupage Asteak artea eta gastronomia batuko ditu. Gastronomiak eta arteak bat egingo dute Tolosan egingo den Illargi Coupage Astean. Ekainaren 7tik 13ra bitartean egingo dira ekitaldi guztiak Tolosako Zerkausi plazan. Illargi Delicatessen saltokiak antolatzen du ekimena Tolosako Udalaren eta Tolosaldea Tour, Tolosaldea Garatzen eta Tolosa Gourmet…

Tolosa, Zerkausi plaza. Argazkia: ILLARGI CAMPAGE

Txikientzat ere tokia gorde dugu, ezinbestean jakina: ekainak 13an Altzok bere altzoan hartuko zaitu. Lema horrekin deitu nahi dituzte Euskal Herriko Eskola Txikietako ikasle, guraso eta irakasleak ez ezik, Tolosaldeko herritar guztiak ekainaren 13an, igandean Altzora hurbildu daitezen. Giro bikaina ez ezik, egitarau oparoa egongo da bertaratzen direnentzat.

Bukatzeko, aisialdirako proposamena ekarri nahi izan dugu: Irteera kulturala Hutsunea Betezekin. Hutsunea Betez elkarteak irteera kultural bat antolatu du hilaren 20rako. Urederraren jaiotza ikusi, eta Lizarran bisita gidatua egingo dute. Irteera 9:00ean Olaederra kiroldegitik eta itzulera 20:30 aldera. Prezioak: 20 euro helduek eta.8 euro 14 urte bitarteko haurrek Bazkaria norberaren kontu izango da. Izena emateko azken eguna, datorren asteartea, hilak 15, da. Deitu: 943690505 (Begoña) edo 658.243.629 (Engrasi).

Eskerrik asko guztiagatik eta laster arte.

Asteburu ona igaro dezazuela opa dizuegu.

Share on Facebook

Edune Pasaban. 13.zortzimilakoan

Eguerdi on denori!

Astea ondo amaitzeko gure taldean egondako mugimenduaren berri jasoko duzue, ezta txantxa, inolaz ere, gero eta lagun gehiago izaten ari garelako gure taldean, eta gainera, gero eta kolore gehiago somatzen dugu bertan. Hori dena zuri esker denez, hemendik esker mila esanez ekin nahi diogu gaurko postari.

Asteburu honetarako gomendatu nahi duzun liburua ere taldean bertan jarri dezakezu beraz, horren zai geratuko gara momentuz.

San Jordi egun handia gaurkoa, Liburuaren nazioarteko eguna ospatzeko Harizpen duzue hitzordua.

Mokolo gogoan. Arestian ere aipatu izan dugunez, Mokolo pailazoan gogoan izateko, hainbat pailazo elkartu eta ekitaldi hunkigarria egin zen. Ikusi bideoa.

Antzerki astea martxan jarriko da gaur, ostirala, hilak 23, beraz benetan udaberriak oso uzta eta lore ederrak eskaintzen dizkigula ezin uka.

Antzerkia aipatu dugun moduan, kasu honetan, pantaila handira begira jarriko gara Larramendi Bazkunaren ekimenez Filme Laburren zirkuitua abiatuko da gaur bertan.

Bestelako ekintzak ere badira asteburuan zehar egiteko eta tartean esate baterako Irurako Ikastolak antolatutako III. Ñañarri Rallysprinta larunbata honetan bertan.

Orain Edurne Pasaban, tolosar mendizalearen jarraipena behar bezala egiteko, igoeraren berri emango dizuegu, izan ere, horrela ekin genion mendirako ibilbideari. Bat baino ez zaio geratzen Edurneri!

Jarraian, Pasaban bera, Annapurnako kanpamendu basera iritsi eta bertan atseden hartu zuela jakin genuen.

Munduan, 14 , zortzimilako dituen lehen emakumea izango da zalantzarik ez dugu. Tolosar handiak egunkari guztiak hartu ditu eta baita gehiago merezi ere. Pasabanek igo du Annapurna. http://www.berria.info/albisteak/40563/Pasabanek_igo_du_Annapurna.htm Edurne Pasaban-en adierazpenak ere jaso ditugu: “Gogorra eta luzea izan da”http://www.eitb.com/bideoak/kirolak/beste-kirolak/osoa/400568/edurne-pasaban-gogorra-eta-luzea-izan-da/ Pasabanek Annapurna igo du, bere hamahirugarren “zortzimilakoa” Bakarra geratzen zaio beraz, 14.era iristeko bakarra geratzen da. Zorionak Edurne!!!!!

Abeslariekin jarraituko dugu eta harrobia egon badagoela ere esan dezakegu, hala ere finala ikusi nahiko duzu eta horretarako bihar duzu Klaudio Landa Etb-1ean dena emateko prest, baita emaitzak ere. Aukeratu zure talde gustukoena. Apirilaren 24an!

Tonua ondo hartuta dugun honetan partitura aldatuta kantari jarraituko dugu Tolosak horretarako eta askoz gehiagorako ematen baitu. Helena Orcoyen tolosar sopranoa, RTVEko Orkestra Sinfonikoarekin grabatutako kontzertua irratitik zuzenean eskaini zen. Datorren domekan, 25-ean eta maiatzaren 9-an telebistaz ikusteko aukera izango dugu TVE-ko bigarren katetik.

Ken Zazpi taldearen kontzertua gaur Tolosako Leidorren. Beraz, astea ondo baino hobeto bukatzeko proposamena.

Bestalde, Anoetan, kiroldegian bertan: Kenpo-kai ikastaroak emango dituzte, beraz, zerbait berri eta berezia frogatzeko aukera bikaina aipatutakoa. Kiroldegian emango dira, ordutegiak aukeran jarri dituzte eta gainera irakasleak maila handikoak dira denak.
Eskerrik asko eskainitako arretagatik eta laster arte.

Asteburu zoragarria izan dezazula.

Share on Facebook

Kaixo guztioi!

Astelehena iritsi da eta berarekin batera horman jasotako emarien laburpena ere badator.

Pixka bat atzera joko dugu eta Artzai Eguna ekarriko dugu gogora, urtean behin izaki, behar bezalako arreta jarriko diogu. Artzai Egun euritsua Ordizian.

Iñigo Lavado, Irungo chef-ak Idiazabalgo lehen gazta gaztea ebaki zuen. uummm!!! Benetan gozoa ezta? Gu besterik ez bada irudimenarekin gozatuko dugu.

Ardiak eta gazta izan ziren protagonistak eta horrela ageri da gure Tolosako Horman. Ordiziako sari onenak eskualdekoentzat.

Ardi askoren bisita izanda ere, bestelako bisitarien kopurua ere ez da atzean geratu. Tolosaldeko turismoa topera doa!!!

Txindokiko Itzalera osteratxoa egiteko proposamena utzi ditu Begoña Zubelzuk.

Zuen agendan apuntatzeko ohar pare bat eskainiko ditugu jarraian. Apirilaren 17rako agendan apuntatu. “Mokolo, eskerrik asko” Apirilak 16rako beste hitzordu interesgarri bat “Arrastoa” zuk ere gure arrasto honetatik jarraituta horrelakoak eta bestelakoak topatukodituzu.

Krisi sasoi honetan, aurrera egin ahal izateko ematen den laguntza oro pozik hartzen dugu, esate baterako: Jaurlaritzak 6.000 euroko mailegu eta bermea eman dizkio Amaroz Paper Fabrikari.

Hain pozik jartzen gara, abesteko gogoa ere etortzen zaigula, eta kantari jarrita: Portugalera bidaiatu du Txintxarri abesbatzak bere 50. urteurrenean.

Jakina, poztasunak ez du asko irauten eta entzun nahi ez ditugun albisteak datoz jarraian. Tolosa eta Oreretako haurdun dauden emakume bik beren bikotekideen erasoak jasan dituzte.

Gero eta gehiago aurrezten dugula esaten dute, akaso, beherapenetara jotzen dugulako izan daiteke, giro ona izan zen kaleko salmenta berezietan.

Dirua behin eta berriro aipatzen ari gara, eta askotan aipatu bezain laster, kartera hutsik dugula konturatzen gara, orduan, kutxazainera joaten gara….baina berba egiten duen kutxazain batera jo nahi baduzu? Ordiziara joan behar hauek probatzeko, bai, berba egiten duten kutxazainak ondo irakurri duzu.

Erosten, erosten, poltsaz inguratuta bukatzen dugu eta gainera plastikozkoak denak. Naturaren aldeko ekimenen artean, oihalezko poltsak erosketak egiteko.

Eskerrik asko zuen parte hartzeagatik eta laster arte.

Share on Facebook

Kaixo guztioi!

Benetan oso pozgarria da, gaurko egunez, Tolosako Blog-a estreinatzen duguneko albistea ematea. Hemendik aurrera, hemen batuko ditugu Tolosako Horman izandako emarien laburpena. Horregatik jada, ez dituzue mezu luzeak jasoko baizik eta Blog-era eramango zaitueneko oharra bakarrik.

Gero eta kide gehiago gara eta ere oso baikorra da, horrela guztion artean, bakoitzak bere taldetik, auzotik, edo bestekoetatik inguruan ikusten duena edota ospatuko diren ekitaldien berri ematen du horman, erakusleiho erraldoian.

Laburpenari ekingo diogu, hemen hormaren errepasoa:

Tais Sjb-ek horrela idatzi zuen horman iganden bertan: Jose Mari Mendizabal aizkolaria hil da: bihotzekoak eman dio.

Bestalde, kirol albiste triste batetik, hobea den beste batera joko dugu, Edurne Pasaban. Kanpamendu nagusira bueltan eta Ferran etxera buelta mina hartu duelako.

Eskerrik asko, Mokolo! Euskal Herrian dauden pailazorik ezagunenak Tolosako Leidorren dute hitzordua datorren apirilaren 17an. Iaz zendutako Mokolo pailazo anoetarraren omenaldia izango da bertan. Historian lehendabiziko aldiz pailazo guzti hauek tranpaldo berean elkarrekin egongo dira.

Ohar benetan garrantzitsua orain datorrena, Bihar martxoaren 31, asteazkena, Tolosan NAN dokumentuaren tramitazioa egiteko azken eguna izango da.

Energia aurrezteko sistema berri bati esker, Usabal handitzeko aukera eskainiko du. Sistema berri honek, gas naturala energia elektrikoan bilakatzen du, horrela energia erosi gabe,nork bere burua hornitzeko gai da.

Zuen energia berritzeko eta indarberrituta bueltatzeko, bertan ditugu aste santuko oporrak. Horregatik, egun onak igarotzea opa dizugu.

Ondo izan

Share on Facebook