Tolosa

Kaixo guztioi:

Egunak dira jada, Tolosako orrialdeko emariak jasotzen ez ditugula, baina hilabetea ondo hasteko eta ikasturte berria ondo estreinatzeko hemen duzue prestatutako azken laburpena.

Beste modu baten ezin izan, eta gaurko protagonista nagusia, benetan goi goia jo duen emakumea.

Miss Ohk Kanchenjunga igo izana zalantzan jarri du Koreako federazioak. Kanchenjunga zapaldu ez zuela frogatzen bada, Edurne Pasaban izango litzateke 14 zortzimilakoak osatzen lehen emakumea.

Edurne Pasaban, aurreneko emakumea 14 zortzimilakoak igotzen. Miss Hawley mendi-epaileak mendizale gipuzkoarrari komunikatu baten bitartez jakinarazi dionez, ez du ontzat ematen Miss Oh korearrak Kanchenjunga igo izana. Miss Hawley mendi-epaileak mendizale gipuzkoarrari komunikatu baten bitartez jakinarazi dionez, ez du ontzat ematen Miss Oh korearrak Kanchenjunga igo izana.

Karlos Rosales Santanak zera idatzi du: ‎“!!!Aurrera Edurne!!!”"

Korearrak Kanchenjunga igo izana zalantzan jarri du Koreako federazioak. Zapaldu ez zuela frogatzen bada Edurne Pasaban izango litzateke 14 zortzimilakoak igotzen aurreneko emakumea.

Irratian ere elkarrizketa egin diote Edurne Pasabani Radio Euskadin eta horrela erantzun du berak: ‘Miss Hawleyk ez dit esango “zu lehena zara” .

Edurne Pasaban, lasaiago Miss Hawleyren gutuna jaso ondoren.

Bestela ere, Edurne Pasabanen Bloga bisitatzea ere baduzu.

Edurne Pasaban gaur goizean Radio Euskadin elkarrizketa dute eta zuretzat ekarri dugu audioa entzun dezazun. Pasaban: ‘Miss Hawleyk ez dit zu zara lehena esango’

Edurne Pasaban sukaldean. Entrekota plantxan piper gorri eta zainzuriekin prestatu du.

Bukatzeko, gonbite kulturala ekarri dugu zuretzat. Erakusketa irailaren 23ra bitartean egongo da zabalik, Tolosako TOPIC Zentroan. Muñecos animados enpresak azken 30 urteotan egin dituen lanetako batzuk daude ikusgai. Erakusketa irailaren 23ra egongo da zabalik, esan bezala, Tolosan.

Asteburu honetan ere bada zer ospatu!! Izaskungo jaiak, azken urteotan berpiztu direnak, asteburu honetan ospatuko dira. Egitarauan topatuko dugun berrikuntza, batelen desafioa izango da eta larunbatean bertan ospatuko da.

Irailaren 11rako hitzordua Bonberenean dugu!

Eskerrik asko zuon parte hartzeagatik eta laster arte agurtuko gara blog-en nazioarteko egun honetan.

Share on Facebook

Besarkada beroa:

Izan ere gaur eta bihar bitartean tenperaturek behera egingo dute eta berotasun edo epeltasun pixka bat eskertzekoa izango da.

Astea igaro ondoren, Tolosako Orrialdetik jasotako albisteak batu eta laburpen honetan ekarri ditugu zuretzat.

Uda sasoian etxeko txikienek ere ekintza desberdinak behar dituztenez Hirukian bertan gozoak egiteko tailerra izango dute.

Kike Amonarriz ‘Esaidazu’ saioan.

Tolosa. Bonberenea

Irailaren 11ean ere ekitaldi berezia izango da herrian. Arratsaldeko 19:30tatik aurrera ate irekiera 21:00tatik aurrera kontzertuen hasiera.

Topic, handitzen ari da, izan ere bildumarako titere berriak lortu baititu. Beste zazpi panpintxo ekarri dituzte, hauek denak Kubatik datoz gainera.

15 adin txikiko daude Gipuzkoan era profesionalean hartuta. 15 adin txikiko daude Gipuzkoan era profesionalean hartuta

Tolosako kultur edota kirol taldeek euskaraz lan egin dezaten udalak dirulaguntzak eskaintzen ditu, hauetarako eskabideak egiteko epea abenduaren 30 arte egongo da.

Tolargi eta Tolosagas dira Tolosako 2011 egutegian argazkiak sartzeko deialdia egin dutenak. Aurtengo gaia “Erretratuak” dira, hori bai, argazkian azaltzen diren pertsonen baimenarekin argitaratuko dira beti ere. Lanak aurkezteko epea, irailaren 16an bukatuko da, eta gehienez, parte hartzaile bakoitzak 25 lan aurkezteko aukera izango du. Tolargiko bulegoan (Rondilla, 34) edo Tologasan (Arostegieta, 18). aurkeztu beharko dira.

Edurne Pasaban ez da Donostiako Aste Nagusiko irekiera ekitaldian egongo.

Gazteak Il Capo jatetxean afaltzera gonbidatzen zaitu!

Gizon bat hil da traktore batek harrapatuta Idiazabalen. 86 urteko gizon bat hil da arratsaldean, Idiazabalen (Gipuzkoa), belar-zamak egiten ari zela. Traktore batek gizona harrapatu du.Herrizaingo Sailak jakitera eman duenez, gertakariak 19:30 aldera jazo dira Ursuaran auzoan. Traktoreak atzera-martxa maniobra egin eta gizonezkoa harrapatu du.

Realaren partidak ikusteko autobusa jarri nahi da Legorretan. Idatzi honen bitartez jakinarazi behar dugu, Realaren partidak ikusteko, autobusa jarri nahi dutela Anoetara joateko. Interesatuak, Olaso eta Ezkizu tabernatan izena eman beharko dute. Epea: Abuztuak 26 izango da.

Saharar gazteak Tolosaldean daude, oporrak gure artean igaroko dituzte, sei Tolosan daude, beste bost Billabonan, bi Anoeta eta Leaburun eta bakarra Alegin.

Mikel Urdangarinen kontzertua Idiazabalen. Mikel Urdangarin musikariak eta bere taldeak kontzertua emango dute, Irailaren,4an larunbatean, Idiazabalen gaueko 22:00 etan. Jarraian Zubia bere azken diskoko abestiak entzuteko aukera izango da.

San Bartolome jaietako herri afarirako txartelak salgai daude Zegamako ostatun. Azken urteetan izan duen harrera ona ikusita, aurtengo San Asteon bukatu da txartelak eskuratzeko epea. Bartolome jaietako egitarauaren barruan Herri Afaria antolatu da abuztuaren 25erako. Aurtengo menua iazko urtekoaren antzera, Lumagorri oilaskoak, entsaladak eta Sant Sadurní d´Anoiako kabak osatuko dute, aurten, Llopart kabak hain zuzen ere. Herri Afarian parte hartu nahi dutenentzat txartelak salgai izango dira Ostatun abuztuaren 10a bitartean.

2010 Musika hamabostaldian Loinatz abesbatzak emanaldi arrakasatsua izan du. Donostiako San Bizente Parrokia jendez lepo zegoen, eta Loinatz Abesbatzarekin batera, Coro Sainz organujolea izan zen, Xabier Sarasolaren gidaritzapean eta babesle lanak Lartundo fundazioaren eskutik joan ziren. Horretaz gainera, Lezoko Tomas Garbizuren ‘Mise Ecumenica’ ren estreinaldiarekin bat egin dute.

Antzinako Merkatu Plaza txikienen eskola bilakatuko da, haur eskola egingo baitute bertan.

Igeriketa intentsiboa Usabalen. Xabier Etxeberria: “Dena ez da igeri egitea” ikasleak banatuta daude eta talde desberdinak egin dira adin eta mailaren arabera.

Ikaztegietarrek agur esan diete jaiei. Ikaztegietarrek beren egun handia ospatu zuten atzo, San Lorentzo eguna, alegia. Meza Nagusiarekin hasi zuten goiza eta elizatik atera bezain laster txakolina eta pintxoak zain zituzten arkupeetan ipinitako mahaien gainean. Eguraldi bikainarekin, eta bozgorailuetatik trikitixa doinuak entzuten zirela, Getariako Etxetxo txakolina dastatzeko abagunea izan zuten bertaratutakoek. Basoa erosiz gero txakolina edan eta denetariko janaurrekoak jan zitezkeen, botila edo kaxa osoa erosteko aukera ere bazegoelarik.

Eskerrik asko guztiagatik eta laster arte agurtzen gara.

Share on Facebook

Kaixo guztioi!

San Joan atzean geratu diren arren, Tolosako argazkiak ikusteko aukera daukazu jarraian jasoko duzuen postean. Hori bai, hasteko, uda ikasteko eta ondo pasatzeko proposamenak ere jaso ditugu.

Tolosaldea. Ernio. Argazkia: Txomin Rezola

Hitzapasa, hiztegia lantzeko jokoa sarean. Hementxe da euskarazko Pasapalabra. Maite Goñi Ordiziako Jakintza Ikastolako eta EuskalJakintza blogaren sustatzaileak Hitzapasa sareratu digu: alfabetoko hizki guztiekin errosko bat osatzen dute, eta guk hizki bakoitzarekin hasten den hitza asmatu behar duzue.Badago, beraz, teknologia berriekin euskara(z) ikastea eta gozatzea.

Hika ondo erabiltzeko ikastaroa Elduainek Hitano ikastaroak antolatu ditu, uztailaren 5etik 16ra. Baldintzak: euskaldun zaharra izatea eta Ega izatea. Rondilla 40 zenbakiko kaleko egoitzan izango da.

Aipatu bezala, hemen dituzue San Joanetako jaietan ateratako argazkiak.

Txindoki magala bizirik. Duela hilabete batzuk Zuhaitz parkea zabaldu zuten Larraitzen eta orain turismo eta bertako produktuen salmentarako gunea egokitu dute.

Ibarratik ere albiste onak datozkigu, izan ere, udal eraikinetan kontsumitzen den energia gastua murrizteko prest dago. Egingo diren lanek aurrekontua 207.000 eurotakoa da eta lanok, hiru hilabetetan egingo dira. Kiroldegi, Uzturpe ikastola, kultur-etxea, haurtzaindegia eta udaletxean ekingo dituzten lanok.

Elkartasun argazki jendetsua «Ion, gure artean nahi zaitugu» lemapean, Ion Telleriaren aurkako euroaginduaren inguruko epaia ezagutu bezperan, ehundik gora idiazabaldarren babesa jaso zuen Telleriak. Txomenaneko Parkean, hainbat herritar eta hainbat eragile eta taldeko ordezkariak elkartu ziren.

San Joanak igarota, orain urteroko beste hitzorduari egingo diogu tokia, Blues egun eta gauak datoz Tolosara. Ostiral honetan ekingo diote Europako Blues talderik onenekin eta baita Lou Marini saxojole handiarekin.

Eskerrik asko guztioi hor egoteagatik eta laster arte.

Share on Facebook

Kaixo guztioi!

Hemen gaituzu beste behin ere, asteko errepasoa egiteko prest, Tolosako orrialdean jasotako emariak hartu eta hurrengo postean laburbilduta jasoko dituzu.

Edurne Pasaban “Alaba Kuttun” izendatzeko ekitaldia, jai giroan prestatzen ari da.  Larunbata, hilak 19, “San Joanetako” atarian gauden honetan, Tolosako Udalak Edurne Pasaban “Alaba Kuttun” izendatuko du. Ekitaldi ofiziala, Udaletxeko udalbatza aretoan ospatuko da eguerdiko 12:00etan, eta bukatzerakoan, jai herrikoiak Plaza Zaharrean izango du jarraipena.

Laskorain Ikastolaren Eguna, arrakastatsua. Igandean ospatu zuten Laskorain Ikastolako irakasle, ikasle eta gurasoek Ikastolaren eguna. Urtetik urtera haziz doa festara hurbiltzen den lagun kopurua. Bizikleta ibilaldiak, haur jolasek, patata-tortila janak, ikasleen emanaldiek, bazkariak, gurasoen jokoek, erromeriak eta nola ez, Reala lehen mailako talde bihurtu duen partiduak bete zuten igandea.

Eskola txikien beharra nabarmendu zuten Altzon. Lagun ugari bildu zituen atzo Altzon (Gipuzkoa) eskola txikien festak. Eskola horiek duten garrantzia nabarmendu zuten bertaratutakoek, herriak bizirik mantentzeko ezinbestekoak diren heinean. Larraul, Zubieta eta Itziarreko eskola txikien kasuak gogoan izan zituzten: Eusko Jaurlaritzako Hezkuntza Sailak adierazi du datorren ikasturtetik aurrera hiru eskola horietan ezingo dela Lehen Hezkuntza egin, guraso eta herritarren borondatearen kontra.

Ekainaren 13an Reala, Lehen mailara igo zenez, hemen jaso dugu egun horretako bideo eta argazki onenak:

Bideoa: Hiriko iturrietan txonbo eginez ospatu zuten Realeko jarraitzaileek.

Historia egingo duen eguna Realarentzat.  Esther Mendezek, Tenerifetik horrela idatzi zuen:  “bitxia, 93an Teneriferen kontra eta igoera lortzen du Tenerifek urtebete egiten duenean bere igoeratik, ia datorren urtean biak ekainaren 13an 1.mailan dauden.”

Realaren bideo guztiak hementxe bertan!!

Bestelakoak ere badira Tolosan:

Larunbateko azoka bereziarekin hasiko da Tolosa jaietarako girotzen.

Chiclownina izenburuko emanaldia bihar Albizturren.  Maiatzean hasitako kultur ekitaldiei amaiera emateko, bihar clown emanaldia izango da 8etan Albizturren. Chiclownina izeneko emanaldiaz gozatzeko aukera izango da udaletxeko areto nagusian. Pailazo bati buruzko ikuskizun honetan, internet bidez eskuratutako torero-jantzi batek hankaz gora jarriko du haren bizia.

Bide Ertzean disko berriari azken ukituak ematen ari da. Talde tolosarra Andoaingo Garate estudioan da. Lan berria udazkenean argitaratuko dute Gaztelupeko Hotsak diskoetxearekin.

Tolosa, graffitiaren hiria. Zazpigarren edizioak, graffiti erakusketa, lehiaketagatik ordezkatuko du. Lehiaketa, San Joanetako asteburuan zehar burutuko da eta emakumezkoen parte hartze handiagoa espero da.

“Errekortari 2010″ lehen final erdikoan parte hartzeko sarrerak ditugu. Ekainaren 27an Tolosako zezen plazan.

Eskerrik asko guztiagatik eta laster arte.

Share on Facebook

Egun batzuk igaro dira,Tolosako taldearen laburpena egiten ez dugula eta, gaurkoan azken egunetan jasotakoen emarien bilduma zuregana ekarri dugu.

Lehenik eta behin, eta atzekoz aurrera egiteko, tontorrera igo eta….

Omenaldi hunkigarria egin diote Edurne Pasabani Tolosan. Pasabanek ez du atseden hartzeko denborarik izan. Beste ongi etorri bat egin diote. Gaurkoa baina, berezia, mendizalearen herrian, Tolosan.

Edune Pasaban: “hobetzeko adibidea” esaten zuen lerroburuak. Espainiako presidentearen eskutik bere lanaren saria jaso zuen. José Luis Rodríguez Zapaterok Kirol merezimenduko urrezko domina eman zion.

Edurne Pasaban Uyyyyy!-ko platoa bisitatu du.

Bestalde, kirolzale bezain jatunak garen herrian, Tolosa, bixiguaren “hiria” bilakatu zen. Maiatzeko azken asteburuan, edo ekaineko lehendabizikoan (bakoitzaren gustura) Oria ibaiaren ondoan, bixigua “Orioko erara” prestatu zen.

Ekainaren 13an bukatuko den ibilbidean Reala Primeran egongo da, eta nola ospatuko duzu zuk? Edurne Pasaban: ‘Mendi bat igoaz eta bazkari on bat eginaz ospatuko nuke’. Edurne Pasaban alpinista tolosarrak Realak igoz gero behar den moduan ospatu behar dela esan du.

Lurra eta zelaia zapaldu ondoren, orain ura falta zaigu; Ibiur urtegiko urak Tolosaldeko etxe gehienetan izango dira. 60.000 herritarrei iritsiko zaie hango ura, eta horrenbestez osotuta geratzen da Gipuzkoako urtegi sarea.

Ibiur

Tolosako Illargi Coupage Asteak artea eta gastronomia batuko ditu. Gastronomiak eta arteak bat egingo dute Tolosan egingo den Illargi Coupage Astean. Ekainaren 7tik 13ra bitartean egingo dira ekitaldi guztiak Tolosako Zerkausi plazan. Illargi Delicatessen saltokiak antolatzen du ekimena Tolosako Udalaren eta Tolosaldea Tour, Tolosaldea Garatzen eta Tolosa Gourmet…

Tolosa, Zerkausi plaza. Argazkia: ILLARGI CAMPAGE

Txikientzat ere tokia gorde dugu, ezinbestean jakina: ekainak 13an Altzok bere altzoan hartuko zaitu. Lema horrekin deitu nahi dituzte Euskal Herriko Eskola Txikietako ikasle, guraso eta irakasleak ez ezik, Tolosaldeko herritar guztiak ekainaren 13an, igandean Altzora hurbildu daitezen. Giro bikaina ez ezik, egitarau oparoa egongo da bertaratzen direnentzat.

Bukatzeko, aisialdirako proposamena ekarri nahi izan dugu: Irteera kulturala Hutsunea Betezekin. Hutsunea Betez elkarteak irteera kultural bat antolatu du hilaren 20rako. Urederraren jaiotza ikusi, eta Lizarran bisita gidatua egingo dute. Irteera 9:00ean Olaederra kiroldegitik eta itzulera 20:30 aldera. Prezioak: 20 euro helduek eta.8 euro 14 urte bitarteko haurrek Bazkaria norberaren kontu izango da. Izena emateko azken eguna, datorren asteartea, hilak 15, da. Deitu: 943690505 (Begoña) edo 658.243.629 (Engrasi).

Eskerrik asko guztiagatik eta laster arte.

Asteburu ona igaro dezazuela opa dizuegu.

Share on Facebook

Eguerdi on denori!

Ostirala eta ohi legez, Tolosako hesian jasotakoen post-en bilduma hemen duzu prest.

Edurne Pasaban

Munduko emakume garrantzitsu eta esanguratsuenen artean berriz ere, gutarra den andre handi eta borrokalaria. Edurne Pasabanen adierazpenak, 14 zortzimilakoak egin eta gero.  Edurne Pasaban tolosarra hunkituta agertu da 14 zortzimilakoak egin eta gero. Agerraldia Barajaseko aireportuko T1ean bertan izan da. Larunbatean egingo diote Tolosan harrera Edurne Pasabani.  Shisha Pangmaren eta hamalaugarrenaren tontorra egitearen “poztasunarekin eta nekearekin” heldu da Espainiara, eta hurrengo egunean Euskal Herrira iritsi zen.

Menditik kalera, izan ere gutariko gehienak kale kumeak gara eta. GKo Gallery: gune artistiko berri bat Tolosan. Galeria kalean ala kalea galerian? Ba 100 metro koadro sorkuntza 100 metro koadroko kale-zatian

Ehun neska-mutikok baino gehiagok Topic-eko instalazioak probatu zituzten.

“kart”ak Tolosara iritsi dira. Tolosak, bertako emakumearen papera aztertuko du. Kuadrila eguneko categing sistema bertan behera utziko du.

Tolosarrek, Voith-en dauden 93 garajetako bat eskatzeko aukera zabalik dute.

Bukatzeko, balorazioa egiteko tartetxoa ere gorde dugu. TXapin festa, ebaluazio bilera.

Eskerrik asko guztiagatik eta ondo izan.

Asteburu on!

Share on Facebook

Epa!

Astea igarota, Tolosako Horman jasotakoak errepasatuko ditugu eta horretarako asteko laburpena prestatu dugu.

Edurne Pasaban.Shisha Pangma, 8.023 m.

Jakina denez, Munduan 14 zortzimilakoak igo dituen emakumea Tolosarra da eta gaurko mezua ia dena berarekin doa.

Hamalaugarren zortzimilakoa lortu du Edurne Pasabanek.  Pasabanek bere hamalaugarren zortzimilakoa igo du, Shisha Pangma. Tolosarrak Shisha Pangma igo du eta munduko hamalau zortzimilakoak igo ditu.

Edurne Pasaban kanpaleku nagusira heldu da.  Mendizale tolosarra eta bere taldea arazo handirik gabe heldu da Shisha Pangmako kanpaleku nagusira, atzokoan gailurra iritsi ostean, munduko hamalau mendirik altuenak eginda.

Edurne Pasaban: “Eskerrik asko guztioi!”  “Guztiei eskerrak” eman dizkie tolosar mendizaleak, “baita bidean geratu diren denei ere”, Shisha Pangma igo ondoren egindako aurreneko adierazpenetan.

Edurne Pasabanen hitzak beheko kanpalekutik. Edurne Pasabanek hitz egin du beheko kanpalekutik, Shisha Pangmako gailurretik bueltan. 25-25rako Euskal Herrian egongo dela dio Edurnek. Edurne Pasabanen webgunea.

Lagunak egiten jarraitzen dugu eta hemen Salva Sanchez Dominguez-ek esandakoa “hola a todos los tolosarras, viví allí durante 14 años y me fui con 17 hace ya 32 de eso ahora estoy el Algeciras…en la otra punta. En santa Lucia,calle Correos, en el casino y en amaroz, fueron mis domicilios. Buenos recuerdos para toda la vida.un saludo a todos. Agur.”

Mendiak, oso onak eta oso txarrak uzten ditu: Euskal mendizale baten gorpua aurkitu dute Europako mendietan Mendizalea Durangon bizi zen eta igandean desagertu zen Asturiasen. Suhiltzaileen helikoptero batek aurkitu du hilotza.

Tolosa Berdez jantziko da.  “Tolosa Berdez” ekimena datorren astean jarriko da martxan, Hiruki plaza lore eta landarez beteko da.

Emakume kirolaria eta tolosarra baita honetan ere. Itsaso Leunda garaile Tarragonako Ironcat-ean Distantzia luzeko bere lehenengo proba zen. Beldurtuta zioala aitortu zigun Galtzaundiren 323 alean egin zioten elkarrizketan. Baina ongi baino hobeto gainditu du erronka. Lehenengo postuan helmugaratu zen 11 ordu eta 40 minutuko lasterketa burutu eta gero.

Agenda apuntatzeko ekitaldia ere izan dugu horman. Ekainaren 3an Irati Jimenez idazleak parte hartuko du irakurle taldearen tertulian.  Sortu berria den irakurle taldearen hurrengo tertulian “Nora ez dakizun hori” eleberria izango da mintzagai. Gainera, egilea bera ere, Irati Jimenez idazle mundakarra, bertan izango da irakurleen galderak erantzuteko. Ekainaren 3an izango da hori, arratsaldeko 19:30ean Tolosako Kultur Etxean.

Garraio publikoa hartzeko gomendioa luzatzen digute behin eta berriro eta horretarako ere erraztasunak eman behar dira. Autobusek lehengo geltokiak berreskuratuko dituzte maiatzaren 17tik aurrera.  Tolosako Udalak prentsa ohar bidez jakinarazi duenez, herri barruko autobusak eta ibilbide motzeko eta luzeko herri arteko autobusak lehengo ohiko geralekuak erabiltzen hasiko dira maiatzaren 17tik aurrera. Geltokiak eta autobusen ibilbideak aldatu egin ziren Kolektorearen obrak zirela eta. Lanak amaituta, dena normaltasunera itzuliko da berriro.

Joxemari Mendizabalen omenezkoa euskal jaia larunbatean burutuko da Anoetan.

Herri kirolak, mendizaleak, Ironcat-a eta orain Zaldiak. Zaldi lasterketa izango da lehenbizikoz Izaskun auzoko festen baitan.  Asteburuan Izaskun auzoko jaiak izango dira eta aurten, lehenbizikoz, zaldi lasterketa egingo dute larunbatean.

Eskerrik asko guztiagatik eta asteburu ona pasa dezazuela.

Share on Facebook

Eguerdi on danori!

Ostirala denez, asteon Tolosako hormatik igarotakoen bilduma prestatu dugu.

Txapin festa

Lehenik eta behin, giro onean ekin nahi diogu gaurko mezuari, horregatik, parrandara joateko arrazoi bila zebilenari oraintxe bertan lehendabizikoa emango diogu. Gazteen Txapin Festa izango baita larunbatean Tolosan, bihar bertan, alegia.  Aurten lehen aldiz baltsa jaitsiera egingo dute, garai batean san joan jaietan egiten zen bezala. Hirugarren urtez jarraian aurten ere Txapin Festa ospatuko dute Tolosako gazteek larunbatean. Aurten, berrikuntza moduan, eta jaiari erakargarritasuna ematearren, baltsa jaitsiera antolatu dute, garai batean San Joanetan egiten zen moduan.

Egitarauari dagokionez, goizean lokaletatik poteoa eta kalejira Bonberenea txaranga eta Mulanbo perkusio … Ver mástal dearekin. 12.00etan, aldiz, Igarondo igerilekuen paretik baltsak uretaratuko dira, Zerkausiraino jaitsiera egiteko. Eguerdian bazkaria izango da Abastosen bertsolariekin (tiketak 12 eurotan Orbela, Raku, Meskal eta Denak tabernetan) eta ondoren jolasak izango dira. Azkenik, 21.30ean Humus taldearen kontzertua izango da Meskal tabernan eta gauerdian dj Puntzaka Kikara tabernan.

Zornotzan semafororik gabe daudela eta, EITBk emandako erreportaian Tolosa ere aipatzen zen baina kontrako egoera islatzeko. Zer gertatuko litzateke Tolosan semaforo guztiak kenduz gero? Zornotzan ez dago semafororik, nahiz eta 11.000 ibilgailu igaro egunero bertatik. Tamaina horretako herri bakarra da Euskadin, semafororik gabe. Duela 10 urte hasi zen kentzen udala, oraintsu semaforoak guztiak kendu arte. Zer gertatuko litzateke Tolosan, semaforoak kenduko balira? Amorebieta-Etxanon egin dute eta pozik daude, eta Tolosan?.

Edurne Pasaban

Astelehenean, hilak 10, Pasabanek eguraldia hobetu arte kanpaleku nagusian jarraituko zuela jakin genuen.  Haizea bortitza da gailurrean, orduko 70 kilometrotik gorakoa, eta horrelaxe jarraituko du maiatzaren 12ra arte. Gaur, ostirala, hilak 14, zera irakurri dugu: Pasaban bere azken zortzimilakora abiatu da.Gaur ekingo dio beraz, Shisha igotzeari eta astelehenean tontorrean egoteko esperantzaz geratuko gara momentuz.

Korrontzi k eta Oinkarik ETB-ko grabaketarako ikusleak behar dituzte. Korrontzi folk taldeak (Mungia-Bizkaia) eta Oinkari dantza taldeak (Billabona-Gipuzkoa) beraien emanaldi berria grabatuko dute datorren ostiralean (Maiatzak 14) Miramongo ETB-ren egoitzetan. Emanaldiaren grabaketa burutzeko ikusleak behar ditugu eta ondorioz deialdi honen bitartez ‘ikusle’ gisara grabaketan parte hartzera animatzen zaituztegu. …

Bukatzeko, gaur gaueko zaparradei aurre egiteko plana dakargu, Leidorren ikusgai dituzuen filmeak hemen.

Eskerrik asko guztiagatik eta asteburu ona izan dezazula.

Share on Facebook

Edurne Pasaban

Eguerdi on denori!

Udaberri edo udako egun zoragarri honetan, San Prudentzio egun handia ospatzeko. Hala ere,  Armentia urrutiegi geratzen zaigunontzat bestelako proposamenak topatu ditugu.

Tolosako Horman jasotako emariak hartu eta hemen topatuko duzu herri, herritar edota ingurukoen gaineko informaziorik freskoena.

Gainera, orain Blog-etan, Edurne Pasaban-en ibileraren jarraipena egin dugu eta hemen topatuko dituzu albisterik berrienak.

Hasteko, baratzeari begirada emango diogu, izan ere orain hasten gara ortuan jarritako haziek zer nolako emaitzak ematen hasten diren. Euskadi Irratian emititzen duten “Landaberri” saioan Durango eta Tolosara bisita egin dute eta bertan duzue audioa entzun ahal izateko.

Bestelako egitarauak Aste Iraultzailea Engels Ateneoan aste honetarako, esate baterako, gaurko, apirilaren 28rako hitzordua dugu 19.30tan; ‘Nikaraguako iraultza sandinista’ (gazteleraz).

25 domina Tolosaldea IKT taldearentzat euskal txapelketetan.  Igeriketak bizitzen ari den une goxoen isla dira azken emaitza hauek. Carrera, Alonso, Muñagorri eta gainerako kideek kalitatea ezin hobea erakutsi dute.

Eguraldi onarekin batera, denok aprobetxatzen dugu kalean egoteko, edota, ganbaran genuen txirrindulari hautsa kendu eta bueltatxo bat emateko, orain arrakastatsua den bidegorria ekarri dugu gurera, Tolosa-Alegikoa.  Oinezko eta txirrindulentzako 3 kilometrotako errai hau, Gipuzkoako hiru erabilienen artean dago. Paisaia, lasaitasuna, eta Oria ibai ondotik igarotzeak benetan oso bidegorri erakargarria bilakatu dute.

Ekainerako Gastronomia azoka berritzaileena izango dugu, aho-zabalik utziko gaituela aurreratzen dute. Sormen handikoa izatea espero da, sukaldeko egitarau harrigarria ari dira prestatzen. Ardo desberdinen dastaketa, okel exotikoak, aperitif abangoardistak eta abar luze bat.

Arestian esan bezala, Edurne Pasabanen azken ibileraren berri emateko gure horman jasotakoekin ziber kronika egitera goaz orain. Asteartean horrela zabaldu genuen Tolosako Horma: Gaur (apirilak 27) ekingo dio Pasabanek Shisha Pangma igotzeari.  Edurne Pasaban alpinistak astearte honetan ekingo dio Shisha Pangmako tontorra (8.027 metro) egitearen xedeari

Edurne Pasaban bakarrik gelditu da.  Edurne Pasaban, Annapurnako gailurra zapalduta, bere hamairugarren zortzimilakoa egin du. Bere hurrengo helburua Sisha Pangma izango da.

Atzo, astertea, hilak 27 Oh Eun-sun hegokorearra Annapurnako gailurrera iritsi da. Edurne Pasaban Tolosako alaba kuttun izendatuko dute. Tolosako herriak emozioz jarraitu du 14 zortzimilakoak igotzeko helburuz Edurne Pasaban eta bere taldeak egindako bidea. Alaba Kuttun izendatzearekin Tolosaren esker ona eta harrotasuna adierazi nahi zaio goimendizaleari.

Orain, mendiak utzi eta landa aldera joko dugu, izan ere Tolosako higikortasun Plana ekarriko dugu gurera, nekazal auzoen komunikaziorako diruz lagundutako taxiak jarri nahian baitabiltza.  Beste hainbat herritan moduan, nekazal auzoentzat garraio publikoa jartzeko kezka ere Tolosan ematen ari da.

Mendizale handiak ditu Tolosak, eta bestela prestatzen joateko aukerak ere topatu ditugu, Ehunmilak. Arrastaka Mendi Taldeak asteburu honetarako Ehunmilak-eko irteera bi antolatu ditu.

Kirolarien errepasoarekin jarraitzeko, Itxaso Leunda garaile Azkoitiko duatloian.XI Azkoitiko duatloian distantzia motzeko euskadiko txapelketa jokatu zen adin taldeen artean. Lehenengo, 8 km korrika, jarraian 36 km bizikletan eta amaitzeko 4 km lasterka burutu behar izan zituzten bertan elkartutakoek.

Igarotako ekitaldi onak ere gogora ekarri nahi ditugu, izan ere, giro onean ospatu zen Dantzari Txiki eguna .Gabiriako Goruntz dantza taldeak, Ormaiztegiko Udalaren laguntzarekin, Gabiriako herriarekin txandatuz bi urtez behin dantzari txiki eguna antolatzen du gure herrian, eta aurten, igaro den igandean ospatu dute.

Orain, tranpaldo gainera igota, mikrofonoaren ondoan Mikel Artola Bertsolari alegiarra aipatuko dugu, izan ere, gazteen Osinalde Sariko finalerako sailkatu da Gabirian egindako emanaldiari esker.  Mikel Artola alegiarrak maiatzaren 8an Gabirian izango den finalerako txartela eskuratu zuen

Krisi garai honi aurre egiteko asmoz, topatu dugun lan deialdi bat helarazi nahi dizugu honen bitartez. Galtzaundi Euskara Taldeak langilea behar du koordinatzaile posturako

Asteburu honetarako proposamena ere ekarri nahi dugu. ‘XL Town’, teatro satirikoa bihar ostirala Leidorren egongo da ikusgai.

Aste honetako errepasoari amaiera emateko oharra dugu. Aurten Etxarri-Aranatz-eko Ikastola arduratuko da Nafarroa Oinez festa antolatzeaz. Urriaren 18an ospatuko da jaia, eta bertara joateko autobusak antolatu ditu Galtzaundik. Izena emateko epea zabalik dago jada.

Honenbestez, eskerrak eman nahi dizkizugu zure parte hartzeagatik eta baita zure arretagatik ere.

Share on Facebook

Edune Pasaban. 13.zortzimilakoan

Eguerdi on denori!

Astea ondo amaitzeko gure taldean egondako mugimenduaren berri jasoko duzue, ezta txantxa, inolaz ere, gero eta lagun gehiago izaten ari garelako gure taldean, eta gainera, gero eta kolore gehiago somatzen dugu bertan. Hori dena zuri esker denez, hemendik esker mila esanez ekin nahi diogu gaurko postari.

Asteburu honetarako gomendatu nahi duzun liburua ere taldean bertan jarri dezakezu beraz, horren zai geratuko gara momentuz.

San Jordi egun handia gaurkoa, Liburuaren nazioarteko eguna ospatzeko Harizpen duzue hitzordua.

Mokolo gogoan. Arestian ere aipatu izan dugunez, Mokolo pailazoan gogoan izateko, hainbat pailazo elkartu eta ekitaldi hunkigarria egin zen. Ikusi bideoa.

Antzerki astea martxan jarriko da gaur, ostirala, hilak 23, beraz benetan udaberriak oso uzta eta lore ederrak eskaintzen dizkigula ezin uka.

Antzerkia aipatu dugun moduan, kasu honetan, pantaila handira begira jarriko gara Larramendi Bazkunaren ekimenez Filme Laburren zirkuitua abiatuko da gaur bertan.

Bestelako ekintzak ere badira asteburuan zehar egiteko eta tartean esate baterako Irurako Ikastolak antolatutako III. Ñañarri Rallysprinta larunbata honetan bertan.

Orain Edurne Pasaban, tolosar mendizalearen jarraipena behar bezala egiteko, igoeraren berri emango dizuegu, izan ere, horrela ekin genion mendirako ibilbideari. Bat baino ez zaio geratzen Edurneri!

Jarraian, Pasaban bera, Annapurnako kanpamendu basera iritsi eta bertan atseden hartu zuela jakin genuen.

Munduan, 14 , zortzimilako dituen lehen emakumea izango da zalantzarik ez dugu. Tolosar handiak egunkari guztiak hartu ditu eta baita gehiago merezi ere. Pasabanek igo du Annapurna. http://www.berria.info/albisteak/40563/Pasabanek_igo_du_Annapurna.htm Edurne Pasaban-en adierazpenak ere jaso ditugu: “Gogorra eta luzea izan da”http://www.eitb.com/bideoak/kirolak/beste-kirolak/osoa/400568/edurne-pasaban-gogorra-eta-luzea-izan-da/ Pasabanek Annapurna igo du, bere hamahirugarren “zortzimilakoa” Bakarra geratzen zaio beraz, 14.era iristeko bakarra geratzen da. Zorionak Edurne!!!!!

Abeslariekin jarraituko dugu eta harrobia egon badagoela ere esan dezakegu, hala ere finala ikusi nahiko duzu eta horretarako bihar duzu Klaudio Landa Etb-1ean dena emateko prest, baita emaitzak ere. Aukeratu zure talde gustukoena. Apirilaren 24an!

Tonua ondo hartuta dugun honetan partitura aldatuta kantari jarraituko dugu Tolosak horretarako eta askoz gehiagorako ematen baitu. Helena Orcoyen tolosar sopranoa, RTVEko Orkestra Sinfonikoarekin grabatutako kontzertua irratitik zuzenean eskaini zen. Datorren domekan, 25-ean eta maiatzaren 9-an telebistaz ikusteko aukera izango dugu TVE-ko bigarren katetik.

Ken Zazpi taldearen kontzertua gaur Tolosako Leidorren. Beraz, astea ondo baino hobeto bukatzeko proposamena.

Bestalde, Anoetan, kiroldegian bertan: Kenpo-kai ikastaroak emango dituzte, beraz, zerbait berri eta berezia frogatzeko aukera bikaina aipatutakoa. Kiroldegian emango dira, ordutegiak aukeran jarri dituzte eta gainera irakasleak maila handikoak dira denak.
Eskerrik asko eskainitako arretagatik eta laster arte.

Asteburu zoragarria izan dezazula.

Share on Facebook