Pinterest sare soziala erabiltzeko tutoriala euskaratu du Azkue Fundazioak. Irudiak gordetzeko eta partekatzeko leku bat da Pinterest, ez norberaren irudiak bakarrik, sarean aurkitzen diren guztiak gorde daitezke. Erreminta hau erabiltzeko gida euskaratu du Azkue Fundazioak:
Ez da lehena izan, eta ziur asko ez da onena ere izango, baina azkenean (eta erabiltzaileok denbora luzez eskatu eta gero), Google Drive iritsi berri da gugana.
Disko gogor birtual bat eskaintzen du zerbitzu berriak, 5 GB-koa. SkyDrive, Dropbox, edo Box-en atzetik etorri da G handia, baina noski, beti gertatzen den moduan, nahikoa da Googlek zerbait kaleratzea hau albiste izateko.
Zerbitzu berriarekin, zerbitzu zaharrak berritu egin dira: Google Docs desagertu egin zaigu. Beno hobe esanda zerbitzu berriak irentsi egin du. Modu honetan disko gogor birtual bat eskura izango dugu, baina aldi berean etxeko ohiko programetan egin dezakegun moduan, fitxategiak bertan sortzeko aukera ere izango dugu. Zerbitzua eraldatu eta hobetu egin dela esan daiteke.
Lehen, Docs zerbitzura, dokumentuak igotzeko aukera bakarrik zegoen; Orain ordea edozein fitxategi igotzeko eta elkarbanatzeko aukera izango dugu.
Baina hau ez da izan Google etxearen aldaketa bakarra, posta zerbitzua ere hobetu baitu. Gaurtik aurrera 10 GB izango baititugu eskura erabiltzaileok, bertan gure mezuak jasotzeko
Zuetako askok nostalgiaz gogoratuko duzue 8 bitetako mikro ordenagailu hau. Gure etxeetako telebistara konektatzen zena, eta programak eta jokoak kargatzen denbora luzez egoten zena. Baina garai haietan denbora ez zen garrantzitsuena: aparailu hura edukitzea baitzen momentu hartan garrantzitsuena.
10 urte luzez aparailuaren bertsio ezberdinak kaleratu ziren, eta kasetea ere erabiltzen zuten haietako batzuk. Haiek garaiak…
Baina beno, garai zaharrak gogoratzen hasi garen honetan, onena post honetan duzuen bideoa ikustea da (baten bati seguru malkoren bat edo beste aterako zaiola, ziur gainera).
Faltan botatzen duzuela? Ez arduratu!
Gaur egun interneten leku askotan saltzen dute Sprectrum-a, eta 2012ko teknologiarekin bateragarria da gainera. Interneten badira talde batzuk kaseteak alde batera utzi eta edonon topatu ditzakegun disko gogorrak mikro ordenagailuetara konektatzen dituztenak. Horrela itxaron denborak ezabatu, eta Sprectrumaz gozatzeko esperientzia zabaltzen dutenak.
Ba esandakoak, nostalgikoak malkoak lehortzera, eta besteok, ezagutzen ditugun kontsolen birraitona ezagutzera!
IRUDIA | Wikimedia
Bai, halaxe da, ez gabiltza gezurretan. Dinda Danga izeneko orriari ezkero posible da hau.
Parte hartzeko nahikoa da orrian izena ematea, eta bertan egiten diren enkante ezberdinetan parte hartzea ( Produktu bakoitzarentzat enkante bat).
Parte hartzeko kreditu minimo beharko da (Dingak), eta hauek modu eroso batean erosi ditzakegu. Produktua (Danga) salgai jartzen den unean, guk klik egin dezakegu (saltzen ari direna gustatzen zaigula adierazteko, eta enkantean parte hartzeko). Klik egiten dugun bakoitzean zentimo bat igoko da produktuaren prezioa.
Ez dugu ahaztu mehar denbora mugatua dagoela erosketa xelebre honetan. Hasieran denbora jakin bat emango da parte hartzeko, baina egiten den lehen klikarekin, kontagailua 10 segundoan jarriko da. Atzera kontaketa horretan, inork ez badu produktuagatik klik egiten, produktua guretzat izango da. Aldiz denbora horretan norbaitek klik egiten badu, kontagailua berriro 10 segundoko muga horretan kokatuko da.
Enkantean parte hartzen duten denek, botu (edo gehiketa) kopuru berak dituzte parte hartzeko, beraz denek dute aukera bera produktua eskuratzeko.
Produktuaren balioa, jendearen nahia, estrategia, denbora, ausardia eta azkartasuna uztartzen ditu Dinga Dangak.
Instagrametaz hitz egitea aplikazio arrakastastu batetaz hitz egitea da. 20 millioi erabiltzailetik gora dituen sare soziala da, argazkiei filtro bereziak ezarri eta ikusgarri uzteko balio duena.
Ez da azhatu behar, duela gutxi arte IOS erabiltzen zuten aparailuetarako bakarrik zegoela eskuragai (Gaur egun Android-erako ere eskuragai dago), eta hau horrela izanda txalotzeko modukoa da aplikazio txiki honek lortutako marka.
Hori bai, albistea aste honetan iritsi zaigu: Facebook-ek Intsagram erosi duela eman da jakitera. 1000 milioi dolarren prezioan. Baina denak ez dira gustura agertuko honekin. Instagrameko erabiltzaile sutsuak, Hipsterrak, aplikazioa uzteko deia luzatu dute sarean.
Haien ustez Facebookek erosi izanak ez dio onurarik ekarriko aplikazioari. Hare gutxiago, aditzera eman dutenez Instagramek etorkizun laburra du. Eta hau horrela izanik, eta beraien jarduera bermatzeko, beste antzeko aplikazioak erabiltzea gomendatzen dute.
Hurrengo post batean, beste aplikazio horiez hitz egingo diezuegu, zuek ere nahi izan ezkero Instagram alde batera uzteko.
Irudia | Zonadigital
Gure kolaboratzaile den Noemi Riverak, test bitxi baten berri emango digu larunbatean ‘@ Bildua’n (Zuzeun argitaratua duzue). Test honen bidez sare sozialen menpe bizi garen hausnartu nahi du. Egin testa, ea zer nolako menpekotasuna duzuen!
1. Jatera zoazen guztiaren (afari, bazkari, postre, edari…) argazkiak sare sozialetara igotzen/partekatzen dituzu?
2. Momentu oro –edo ia– non zauden publikatzen duzu sare sozialen bidez? (Foursquare, Twitter, Facebook…)?
3. Ohera joan baino lehen zure Twitterreko erantzuank –@replies—arakatzen dituzu?
4. Esnatu bezain pronto zure Twitterreko erantzuank –@replies—arakatzen dituzu?
5. Zure argazkiak hiru sare sozial baino gehiagotara igotzen dituzu?
6. Ezinezkoa zaizu telebista ikustea edozein motatako beste pantaila bat ondoan izan gabe?
7. Ezin dituzu lanean 10 minutu baino gehiago eman sare sozialak arakatu gabe?
8. Pertsona batzuei buruz pentsatzen ari zarenean beren @erabiltzaile_izena datorkizu burura izen erreala ordez?
9. Mundu errealeko zerbaitek molestatzen dizunean, berehala kontatzen duzu sare sozialean?
10. Lagunekin irteten zarenean eta komunera zoazenean, smartphonea arakatzen duzu eguneraketen bila?
11. Norbaitekin hitz egiten zaudela noizbait pentsatu al duzu “a ze aspergarria den! Twitter arakatzen egon ninteke orain!”?
12. Twitterren jarraitzen dituzun zenbait pertsonen bizitzari buruz gehiago dakizu zure familiaren edo lagunen bizitzari baino?
13. Facebookeko feed-a egunean 20 aldiz, edo gehiago, freskatzen duzu informazio berrien bila? (F5 tekla sakatuta)
14. Kotxea gidatzen zoazela zure Facebookeko egoera eguneratu duzu?
15. Pinterest erabiltzen duzu?
16. 500 pertsona baino gehiago jarraitzen dituzu Twitterren?
17. Zeure smartphoneko aplikazioetatik lau edo gehiago sare sozialetakoak dira?
18. QR koderik eskaneatu duzu noizbait?
19. Noizbait pentsatu al duzu Twitter ordainpeko bihurtuko ote den?
20. Facebookeko profil berria beste inork baino lehenago eskuratu duzu.
Argazkia | Coseom
Iturria | Zuzeu
Jatorrizkoa (ingelesez) | YourBalance
Txinako FoxConn enpresan egiten dituzte Apple etxearen produktuak eta Rob Schmitz-ek sinatzen duen erreportaje honetan ikusi dezakegu fabrikatzeko darabilten sistema.
Kazetariak aditzera eman duenez, bertako langileak ez dira euren egoeraz kexatzen, askoz okerragoak izan daitezkeelako. Ez da ahaztu behar FoxConneko langile batzuek beraien buruaz beste egin zutela lehengo urtean, lanean jasaten zuten presioarengatik.
Irudia | TodoiPhone
Bideoa | Youtube
Larunbateko @ Bilduan Sony etxearen kontsola berria aztertuko dugu. Ps Vita deritzona, duela hilabete iritsi zen gugana, eta momentu ona iruditu zaigu analisi sakon bat egiteko.
Teknologiari begiratuko diogu: Pantaila ukigarria, 3G konexioa… Jokoak beste batera utziko ditugu (barkatu zaletuak zaretenoi), analisi sakon bat ere merezi dutelako. Josu Barandallarekin hitz egingo dugu gaiaz.
Baina Twitterri ere begirada bat emango diogu, eta produktuak erosterakoan zertan lagundu dezakeen aztertuko dugu. Noemi Rivera hartuko dugu bidelagun.
Eta hau dena gutxi balitz mugikorrei ere begiratuko diegu. Aplikazioak ezagutzeko. Kirola egiterakoan interesgarrian izan daitezkeenak aztetuko ditugu larunbatean. Beraz adi kirolari!
Larunbatean, goizeko 09:30ean Euskadi Irratiaren sintonian.
Azken aldian birus berezi dabil gure artean, eta berezia zergatik?
Gure ordenagailuari min egiten ez diolako, blokeatu bakarrik egiten duelako.
Poliziaren birusa bezala ezagutzen da sarean, eta azken aldian ordenagailu asko kutsatu ditu. Ordenagailuan lasai asko nabigatzen gauden bitartean sartzen da gure sistemara: isil isilik sartzen da, beste zerbait instalatzen dugun bitartean instalatzen da. Eta bat batean… gure ordenagailuan pantaila beldurgarri bat erakusten digu.
Poliziak gure ordenagailua blokeatu egin duela dioen mezua agertzen zaigu pantailan, eta gainera ezin dugu gure pantailatik mezu hau kendu. Nahiz eta teklatuko tekla guztiak zapaldu, konbinazio ezberdinak probatu… Mezuak ordenagailua blokeatzen digu. Gainera esandakoa, poliziaren izenean egiten du, Ministerio ezberdinetako logoak erakusten ditu… eta hau dena gutxi balitz dirua eskatzen digu gure ordenagailua desblokeatzeko. Poliziak mezua igorri du, honekin zerikusirik ez duela esanez.
Pantailan ageri den mezuaren arabera, delituren bat egiteagatik blokeatu digute ordenagailua. Baina hau gezurra da, ez sinetsi , gezurra baita. Gainera kontutan hartu delitu zibernetikoren baten errudun jotzen gaituztenean, erakunde publikoek ez dutela modu honetan erantzuten.
Eta behin kutsatuta zer egin?
Oso erraza, beraz adi! Ordenagailura era seguruan (Modo Seguro, a prueba de fallos) bezala sartu behar gara. Hau egiteko, ordenagailua pizten ari denean F8 sakatu behar dugu (pare bat aldiz, badaezpada…). Hau egitean Windows sistema eragilea martxan jartzeko aukera ezberdinak emango dizkigu, eta orduan aukeratu behar dugu ERA SEGURUA.
Behin sistema martxan dugunean , spyware bat instalatu behar dugu (poliziaren birusa bezala ezagutzen dena, eta antzerako kode maltzurrak edo txarrak ezabatzeko programa bat). Malwarebytes esaterako. Instalatu ondoren, ordenagailua aztertu dezala, aztertu eta kode maltzur hori ezabatu dezala.
Ondoren bigarren pausu bat ematea komeni da. Erregistroa eta fitxategi tenporalak ezabatzeko. Lan honetarako CCleaner erabili dezakegu
Lan hauek egin ostean , ordenagailua beti egiten dugun moduan piztu beharko dugu... Eta ikusi ea egin dugun lanak balio izan duen eta ez den pantailan ezer agertzen.
Azkenik, gure antibirusa martxan jarri beharko genuke, badaezpada gure sisteman zerbait geratu bada, hau ere borratzeko
Eta hau dena egin ostean mezua berriro agertzen bada? Printzipioz ez luke agertu behar, baina hori gertatzen bada… beste maila bateko neurriak hartu beharko genituzke.
Hori bai kontutan hartu, horrelako gauzak gure ordenagailuan ez instalatzeko, beti esaten den bezala, zuhurtziaz jokatu behar dugula sarean. Ezagutzen ez ditugun lekuetatik ez jaitsi instalatzeko ezer…
Gu gara birusen aurrean lehenengo barrera.
Badira ia 2 urte Angry Birds-ak gure artean agertu direla, eta ordutik arrakasta bata bestearen atzetik etorri zaie programatzaileei. Betiko jokoaz gain munduko festa edo ospakizunetara egokitzen zen bertsioa etorri zen lehenik. Ondoren Rio pelikulan oinarritua iritsi zen… Eta ez da ahaztu behar ordenagailuetara eta sare sozialetara ere salto egin zuela txoritxo haserretuen sagak.
Baina egia da gero eta berrikuntza gutxiago zekartzala edizio berri bakoitzak. Mapa berriren bat, txoritxo bereziren bat… errepikakorra gertatzen ari zen Rovio etxearen jokoa.
Edizio berria iritsi den arte, buelta bat edo bi ematen dizkio Angry Birds jokoari, Angry Birds Space-rekin. Izenak dioen bezala, oraingoan espaziora bidali dituzte txoriak eta hau egitearekin batera grabitatea kontutan hantzen hasi dira. Hau da (eta modu errez batean azalduta), lehen tiro parabolikoak egiteko aukera genuen, eta orain hau egiteaz gain planeta eta asteroide ezberdinetako grabitateak eragingo digu. Modu honetan jaurtiketak ez dira beti toki berera joango, eta asko pentsatu beharko da txoritxo bakoitza atakera bidali aurretik.
Honez gain mapa berriak izango ditugu (nola ez), eta txori berri bat ere izango dugu eskura (izozteko boterea duena). Hau horrela izanda, sagari beste buelta bat eman diote eta honekin batera dibertsio orduak biderkatu egin dituzte Roviokoek.
Gainera, trailerrean ikusi dezakegunez (post honetan bertan duzuenean), etorkizun batean jokoa handitzeko gogoa erakusten dute programatzaileek: agertzen diren arrautzetako kapelei begiratu ezkero laster gure artean txori berdea, laranja eta besteren bat izango ditugulako
Mugiko eta tabletetarako prest duzue: bai App Storean eta baita Google Play-en ere.
Beraz badakizue, jantzi kasko espaziala, eta denak txerri berdeak ehizatzera!
