Itsasoa, Kresala

Bihar, ekainaren 22ean, Debara hurbilduko da Kresala, bertatik, besteak beste, erreportaje hauek aurkezteko:

• Gure erreportaje zabalean, Hondarribian izango gara 2010eko Espainiako Belaontzi Biraren hasieran. Bi euskal nabigatzaileren, Iker Martínez-en eta Xabi Fernández-en, testigantzak ere entzungo ditugu.

• Euskadiko merkatu eta lonja handienetan egongo gara arrainaren salmenta bertatik bertara ezagutzeko.

• Ureabi: Ume jaioberriek igeri egiten ikas dezakete. 40 eguneko haurrek uretan maneiatzen eta flotatzen ikasten dute.

• Juan Carlos Irizar: Oñatiar pianista eta musikagile emankorra. Bere musika lanen eta itsasoarekiko loturaren inguruan hitz egingo dugu berarekin.

Hau guztia eta askoz gehiago KRESALAn.

Share on Facebook

Gaur, ekainaren 15ean, Miarritzera hurbilduko da Kresala, bertatik, besteak beste, erreportaje hauek aurkezteko:

• Miarritzeko hondartzako pasealekuan Nazioarteko Ozeanoen Egunean egindako ospakizun musikala ikusiko dugu. 300 pertsona baino gehiagok parte hartu zuten dantza eta musika uztartu zituen ospakizun honetan.

• Begi Handiaren arrantza: Elantxoben itsasoratuko gara, Begi Handiaren harrapaketarako teknikak eta trikimailuak ezagutzeko. Arrantzaldia ez zen oso oparoa izan, baina arratsaldea, hala ere, mamitsua izan zen.

• Jon Garay Avila: Miarritzen Getxotar honekin surfeatuko dugu. Makina bat aldiz surf txapeldun izan den gazte honen ibilbidea ezagutuko dugu.

• Bela ikastaroa Hondarribian: 12 metro luze dituen belaontzi batean, nabigaziorako oinarrizko ezagutzak zeintzuk diren ikasiko dugu.

• Amaiur Alfaro, itsasgizon bakartia: Bela profesional gazte honen odiseak ezagutuko ditugu. Itsasoan bizi izandako abenturak, ekaitzak, arriskuak, …

Hau guztia eta askoz gehiago KRESALAn.

Share on Facebook

Gaur, ekainaren 8an, Lekeitiora hurbilduko da Kresala, bertatik, besteak beste, erreportaje hauek aurkezteko:

• Gure erreportaje zabalean, Titanic-aren hondoratzea ekarriko dugu gogora. Itsasoan gertatutako ezbehar handienetariko bat da 1912ko apirilaren 14an gertatutako hura. Titanic-aren hondoratzearen mendeurrena gerturatzen ari dela eta, aditu batek egun hartan gertatutako guztia azalduko digu.

• KRESALAn dagoeneko lurretik, itsasotik eta airetik ibili gara. Oraingoan, parapentean hegaz egingo dugu Sopelako zerutik, ahaztu ezineko esperientzia bizitzeko.

• Josu Urrutia Athletic-eko jokalari ohia: Lekeitioko bere txoko gustukoenak ezagutuko ditugu. Futbolean eta Athletic-en hasi zeneko istorioak kontatuko dizkigu.

• Surf-a, itsas hondoko irudiak, arrantza, …

Hau guztia eta askoz gehiago KRESALAn.

Share on Facebook

Bideo hau Begok bidali digu. Ibarrangeluko Laga hondartzan paseatzea gustatzen omen zaio. Horregatik goizean goiz joaten da hondartzara, jende gutxi dagoela aprobetxatuz lasai-lasai paseatzeko.

Animatu zaitez zu ere eta bidali zure bideoak, argazkiak, iradokizunak eta bururatzen zaizun guztia kresala@eitb.com helbidera!

Share on Facebook

Gaur, ekainaren 1ean, Armintzara hurbilduko da Kresala, bertatik, besteak beste, erreportaje hauek aurkezteko:

• BERMEOKO XVI. ARRAIN AZOKA: Duela 10 egun ospatu zen Bermeon Bizkaiko Arrain Azoka garrantzitsuena. Aurtengo lema “Arrainaren garrantzia gaztetxoen elikaduran” izan da.

• BILBAO PORTEN BEZEROENTZAKO SARIAK: Bilboko Portuko Agintaritzako Lehendakariak banatutako sarien berri izango dugu. Egun honetan bertan IBEROCRUCEROS konpainiako GRAND MISTRAL ontziak lehen aldiz Getxoko terminalean egin zuen geldialdia ere ikusiko dugu.

• STAND UP edo PADEL SURFa: Donostiako Kontxako Badian surf ohol handia eta arrauna batzen dituen surf modalitate hau ezagutuko dugu.

• SURF-A KEPA AZEROREKIN.

• MAREA-ENERGIA: Energiaren produkzioa olatu eta mareen bitartez Euskadin. Mutrikun energia berriztagarri mota hau martxan jartzekotan daude.

Hau guztia eta askoz gehiago KRESALAn.

Share on Facebook

Bihar, maiatzaren 25ean, Zumaiara hurbilduko gara, bertatik, besteak beste, erreportaje hauek aurkezteko:

• Gure erreportaje zabalean, Bermeoko uretan murgilduko gara, itsaspeko arrantzako munduko txapeldunarekin, Joseba Kerejeta.

• AZTI-ko ikerlari talde bat Antxoaren Biomasa-ri buruz egiten ari den lana ezagutuko dugu, horretarako propio prestaturiko ontzian. Adituekin ontziratuko gara etorkizunean antxo kanpainarik izango den jakiteko.

• Getxoko JOSE LUIS DE UGARTE itsasgizona omenduko dugu. Bere ekintza gogoangarriak ezagutuko ditugu, Ugarte hurbil-hurbiletik ezagutu zuten bi pertsonekin.

• JUAN BIDEGAIN: Ondarrutar hau espezialista da itsasoak eskaintzen dizkigun momenturik ikusgarrienak jasotzen. Arrantza kanpainetan eta itsasoko egoera ezohikoetan egin dituen erreportajeei esker hainbat sari jaso ditu.

• Kresalako sukaldearen tartean, Itziar Irazabal Bermeotarrak almejak prestatzen erakutsiko digu.

• SURF PUKAS: Surflari hoberenak LANZAROTEn.

Hau guztia eta askoz gehiago KRESALAn.

Share on Facebook

Bihar, maiatzaren 18an, Elantxobera hurbilduko gara, bertatik, besteak beste, erreportaje hauek aurkezteko:

• Gure erreportaje zabalean, Getariako SANTA ANA BERRIA ontzian itsasoratuko gara antxoaren kanpainan murgiltzeko. Egun oso bat igaroko dugu itsasoan antxoa arrantzaren xehetasun guztiak ezagutzeko.

• QUEEN VICTORIA gurutze-ontzia bisitatuko dugu, duela gutxi Bilbon egindako egonaldia baliatuz. Luxuzko gurutze-ontzia ikusgai, Kresalako ikusleentzat bakarrik.

• JOSE AREGOrekin hitz egingo dugu, hamaika istorio kontatuko dizkigun 101 urteko arrantzale Elantxobetarrarekin.

• Pasaiako ALKARTASUNA dantza taldeak Lekeitioko KAXARRANKA nola dantzatu erakutsiko digu.

• KRESALAko sukaldearen tartean, Sukarrietako Zaldua Jatetxearen parrillan arrain pieza bikainak erretzen ikasiko dugu.

Hau guztia eta askoz gehiago KRESALAn.

Share on Facebook

Bihar, maiatzaren 11an,   Dosnostiara hurbilduko da Kresala, bertatik, besteak beste, erreportaje hauek aurkezteko:

• Donostiako Itsaspeko Zinemaren Nazioarteko 34. Zikloa: Pelikula hoberenak ikusiko ditugu, itsaspeko arrantzaren munduko txapelduna den Joseba Kerejetarekin hitz egingo dugu, etab.

• Gaztelubide Elkarte Gastronomikoaren jatorria, beraien jaki gustukoenak eta abestiak ezagutuko ditugu elkarteko kideen eskutik.

• Belan nabigatzen ikasi nahi al duzu? Hondarribiko Bela Eskolan klase praktiko bat hartuko dugu.

• Mikel Erentxun: Donostiako bere txoko gustukoena, bere oroitzapenak eta etorkizuneko planak.

Hau guztia eta askoz gehiago Kresalan.

Share on Facebook

Irudi ikusgarri hauek Logroñoko Ángelek bidali dizkigu. Itsasoa izugarri gustatzen zaiola azaldu digu eta ahal duen guztietan kostaldera hurbiltzen dela olatuak ikustera.

Argazki hauek, Sopelanan atera zituen “ekaitz perfektuaren” ostean.

Animatu zaitez zu ere eta bidali zure bideoak, argazkiak, iradokizunak eta bururatzen zaizun guztia kresala@eitb.com helbidera!

Share on Facebook

Bihar, maiatzaren 4an,  Getxoko portura hurbilduko da Kresala, bertatik, besteak beste, erreportaje hauek aurkezteko:

• Bizkaiko Zubia: Munduko ondarea den zubi honen 100 urteko historia: bere protagonistekin hitz egingo dugu.

• Larunbat eberdi batean Algortako Portu Zaharretik paseatuko gara Getxoko “Biotz Alai” koru beteranoarekin.

• Bakion izango gara Euskal Herriko surfista garrantzitsuenetariko batekin surfeatzeko, Txaber Trojaola. Txaberrek surflari baten eguneroko bizitza nolakoa den azalduko digu.

• Getxoko “Cubita Jatetxean” egongo gara kokotxak eta legatza txipiroiekin dastatzeko.

• Lekeitioko Santa Katalina itsasargian egongo gara, Euskal Herrian jendearen sarrera onartzen duen bakarra.

Hau guztia eta askoz gehiago Kresalan.

Share on Facebook