'Go!azen'eko  sekretuak

‘Go!azen’-eko bideoklip berriaren aurkezpena ZUZENEAN ikusiko dugu!

Bihar, ekainaren 15ean, ikusi ahal izango dugu ‘Go!azen‘eko aktoreek grabatu duten euskararen aldeko bideoklip berria. Iaz, “Euskararen txantxangorria” abestiaren bideoklipa egin zuten bezala, aurten “Gure Nahia” izeneko abestia aurkeztuko dute Euskara, bihotzetik ezpainetara kanpainaren barruan.

'Go!azen'eko aktoreak bideokliparen grabazioan

EiTBren Bilboko egoitzan egingo da bideokliparen aurkezpen ekitaldia, goizeko 11etatik aurrera, baina, joaterik ez duzuenok, lasai: eitb.eus/goazen webguneak ZUZENEAN emango du!

Han egongo dira, EiTBko arduradunez gain, “Go!azen”eko aktoreak: Iholdi Beristain, Aitana Etxeberria, Markel Gajate, Miren Arrieta, Aritz Mendiola, Ainhoa Larrañaga, Asier Burguete, Oihan Moreno… Eta ziur, kantatzen eta dantzan ikusi ahal izango ditugula!

Hala ere, bideokliparen aurrerapentxo bat ikusi ahal izan dugu dagoeneko eitb.eus-en eta telebistan. Hementxe daukazue:

 

 


‘Go!azen’en denboraldi berriko lehen aurpegiak ikusi ditugu!

Atzo ‘Go!azen’ telesailaren webgunean egunotan egin duten grabazio bateko argazki galeria publikatu zen. Argazki horietan denboraldi berrian arituko diren aktoreetako batzuk ikusi genituen eta horrek txutxu-mutxu ugari sortu arazi ditu: “Haizea eta Mikel agertzen dira baina Elene ez, ez ote du parte hartuko?” Zenbat galdera ditugun eta zenbateko jakin-mina!

Hasteko, hementxe daukazue galeria osoa argazkiak ikusi ahal izateko. Egin klik!

Go!azen-eko grabazioaren galeria

Iaz Euskararen Txantxangorriaren bideoklipa egin zuten bezala, aurten ere euskararen aldeko abesti berriaren bideoklipa grabatu dute ‘Go!azen’eko aktoreek. Ekainaren erdian estreinatuko da bideoklip berri hori. Desiatzen gaude abestia entzun eta bideoklipa ikusteko, ezta? “Euskararen Txantxangorria”k adinako arrakasta izango ote du…

Kontua da, grabazio horretan denboraldi berrian arituko diren aktoreak ikusi ditugula. Hor daude iaztik ezagutzen ditugunetako asko: Aritz Mendiola (Gari), Ainhoa Larrañaga (Eli), Asier Burguete (Markel), Oihan Moreno (Jontxu), Markel Gajate (Mikel), Paula Etxeberria (Haizea)…

Argazkietan ikusten da, baita ere, “Bago!az” saioa irabazi zuen Iholdi Beristain. Bagenekien lehiaketako irabazleak paper bat izango zuela denboraldi berri honetan. Baina… hara nolako ezustea hartu dugun! Sara Nieto ere ikusi dugu! Pertsonai berrietako bat berak egingo ote du? Ala figurante bezala arituko da? Momentuz, ez dago horren berririk!

Sara Nieto

Beste aktore batzuk, ordea, faltan bota ditugu. Ez dugu ikusi Paula Etxeberria (Elene), ezta Haritz Morrás (Urko) eta Lorea Iribar (Nora) ere. Eta horrek jakin-mina eta zalantzak piztu ditu: Ez dute parte hartuko? Agian atal batzuetan bakarrik agertuko dira? Bideoklipean agertu ez arren, telesailean bai?

Horrez gainera, pertsonaia helduak ere ez dira agertzen argazki hauetan. Ez ditugu ikusi Ramon Agirre (Zuzen), Barbara Rivas (Irati), Inma Fernandez (Desi) eta konpainia ere. Zer gertatuko da hauekin?

Galdera eta zalantza asko daude, baina erantzunik oraindik ez. Momentuz, hori guztia sekretua da. Hala ere, badakigu denboraldi berriak istorio berriak izango dituela eta, horretarako, pertsonaia berriak behar ditugula.

Atalen grabazioak ez dira hasi oraindik eta, dagoeneko, emaitza ikusteko gogoz gaude!

Hasiera batean behintzat, abesti berriaren bideokliparekin konformatu beharko dugu! 😉

 

 


Barakaldora joan da “Go!azen”eko grabazioa bisitatzeko aukera

Barakaldoko Xabier Abad Perezek irabazi du Go!azen“eko errodajera bisitan joateko aukera. “Bago!az“eko faboritoaren lehiaketan botoa eman duten erabiltzaile guztien artean zozketa egin dute eta berari egokitu zaio.

Go!azen-eko grabazio egun bat

Go!azen-eko grabazio egun bat

Saria “Go!azen”eko grabaziora, beste hiru lagunekin batera, sartzeko aukera zen. Egun batez, telesaila nola grabatzen duten ikusi ahal izango dute Xabierrek eta berak aukeratutako beste hiru pertsonak.

Eszenatokiak nolakoak diren, aktore eta figuranteek nola entseatzen duten, kamerak non eta nola jartzen diren, zenbat aldiz errepikatzen den eszena bakoitza… Guzti guztia ezagutu ahal izango dute.

Noski, denboraldi berri honetako aktoreak bertatik bertara ikusi eta ezagutu ahal izango dituzte. Ekainean hasiko dira grabazioak. Beraz, handik aurrera, egun batez, euskal gazte askoren idoloek nola lan egiten duten ikusi ahal izango dute.

Imanol Cabrejas

Imanol Cabrejas

“Bago!az”eko faboritoaren lehiaketan Imanol Cabrejas izan da internauten gustukoena. Botoen % 36 jaso ditu bilbotarrak.

Egun bakar batean ikusi genuen “Bago!az”en lehiatzen, Iñigo Azpitarterekin Iker Laurobaren “Berria auzoan” kantatu zuenean. Egun hartan kanporatu egin zuten tamalez. Baina berak ere izango du lekutxo bat “Go!azen”eko grabazio horietan.


Iholdi Beristain ‘Go!azen 4.0’ko aktoreetako bat izango da

Bago!az” ETB1eko musika-saioko garaile izendatu zuten Iholdi Beristain aurreko astean eta, beraz, “Go!azen“en hurrengo denboraldiko aktoreetako bat izango da. Oraindik ez dakigu ze paper emango dioten: neska zintzoa, gaiztoen taldeko kideetako bat… zer uste duzue datorkiola ondoen?

Iholdi Beristain 'Bago!az'eko finalean

Iholdi Beristain ‘Bago!az’eko finalean

Hasiera hasieratik egon da Iholdi portugaletearra “Bago!az”en. Xabier Saldiasekin egin zuen bere lehen aktuazioa, Bruno Marsen “Locked out of heaven” abesten eta poliki-poliki gora egin zuen.

Oso polita izan zen, adibidez, Aritz Mendiolarekin (gure Garirekin) abestu zuen “Nire mundu txiki polit hontan”. Bikote ederra osatu zuten!

Eta gogoratzen duzue Amy Winehousen paperean sartu zenekoa? Sekulako aktuazioa egin zuen Maria Amolategirekin batera! Atal hartan irabazle izatea lortu zuen gainera! Ikusi berriz ere emanaldi hura:

Finalean, berriz, itzel aritu zen. Hitzik gabe utzi zuen epaimahaia azken saio hartako bi abestiekin. Azken abestiaren ondoren, Alex Sarduik esan ziona oso esanguratsua izan zen: “Ez duzu dena eman; dena ematerakoan, txarra ere ematen delako. Zuk, gaur, onena eman duzu!”.

Hurrengo udazkenean “Go!azen”en ikusiko dugu Portugaleteko neska; abesten, dantzan eta interpretatzen. Ea nola moldatzen den eta nolako pertsonaia ekartzen digun!


Imanol da, momentuz, ‘Bago!az’eko jarraitzaileen faboritoa

Imanol Cabrejas

Imanol Cabrejas

Bago!az” lehiaketan faboritoaren bozketa dago martxan duela egun batzutatik. Jarraitzaileek gustukoen duten lehiakideari botoa eman diezaiokete eta bozkatzen duten guztien artean Go!azen”eko grabaziora bisitan joateko aukera zozkatuko dute. Sari ederra ezta?

Nor da zuretzat “Bago!az”en egon diren guztien artean gustukoena? Momentuz, Imanol Cabrejas bilbotarra dago lehen postuan bozketa horretan. Gogoratzen al duzue?

Saio bakarrean hartu zuen parte eta Iker Laurobaren “Berria auzoan” kanta abestu zuen Iñigo Azpitarterekin. Puntu gutxien berari eman bazioten ere, Alex Sarduik zerbait berezia ikusi ziola aitortu zuen eta penarekin agurtu zuen, saio gehiagotan entzun ahal izatea nahiago baitzuen.

Bigarren postuan, une honetan, Iholdi Beristain dago. Lehen ataletik ari da lehian Portugaleteko gaztea eta kanta pila batetan ikusi dugu. Bat aipatzeko, ikusgarria izan zen Maria Amolategirekin batera egin zuen Amy Winehouseren papera.

Boto mordoxka bat jaso badituzte ere, portzentaiari begiratuta, gutxien dituztenak Jonatan Yelamos eta Luka Azurmendi dira.

Ados al zaude orain arteko emaitzekin? Eman zure iritzia! Sartu eta bozkatu!


“Go!azen”en hurrengo denboraldiari begira jarrita gaude!

“Go!azen 4.0”,  hau da, “Go!azen”en hurrengo denboraldia prestatzen buru belarri jarrita daude Euskal Telebista eta Pausoka ekoiztetxea. Dagoeneko ari dira pertsonaiak berriak nolakoak izango diren pentsatzen, gidoiak eta bestelako testuak idazten… Grabazioa noiz eta nola hasiko den antolatzen ere hasi dira.

"Go!azen 3.0"ko aktoreak

“Go!azen 3.0″ko aktoreak

Baina oraindik badaude hainbat inkognita argitzeko. Adibidez, badakigu pertsonaia berrietako bat Bago!az” lehiaketako irabazlearentzat izango dela. Nork irabaziko duela uste duzue? Apostuak egiten hasita zaudete? Mutiletako batek? Nesketako batek?

Bestetik, beste lau pertsonaia berri egongo direla ere badakigu. “Go!azen”eko casting-ak izango dira maiatzaren 3an eta 4an eta deialdia eginda dago eitb.eus/goazen atarian. Bideoa bidaliz edo datuak soilik emanez apuntatu daiteke.

Ze gogoa daukagun telesailaren denboraldi berria ikusteko! Momentuz itxarotea eta iristen zaizkigun albiste berriei adi egotea besterik ez zaigu gelditzen.

"Bago!az"eko lehiakide guztiak

“Bago!az”eko lehiakide guztiak

Ahhh bueno! “Go!azen”en fan sutsuak bazarete, agian grabazioa ikusteko gonbidapen bat eskuratu ahal izango duzue. Zer egin behar duzuen? Bago!az”eko faboritoaren bozketan parte hartu. Esaiguzue bertatik igaro diren lehiakide guztietatik zein gustatzen zaizuen. Botoa ematen duten guztien artean “Go!azen”en grabazioan egun bat pasatzeko aukera zozketatuko dute.

Ze zortea izango duen sari hori tokatzen zaionak!


Lehen ‘Go!azen’ eta orain ‘Bago!az’

Go!azen 3.0 telesaila amaitu da, baina “Go!azen” izpirituak aurrera jarraitzen du. Hurrengo udan grabatuko da denboraldi berria, “Go!azen 4.0” deituko dutena, eta dagoeneko aktore berrien bila hasita daude arduradunak.

Zuriñe Hidalgo aurkezlea

Zuriñe Hidalgo aurkezlea

Horretarako egingo da “Bago!az” saio berria; laster ETBn eta eitb.eus-en ikusi ahal izango duguna. Hamahiru gazte lehiatuko dira “Go!azen”en hurrengo denboraldiko izarrak izan ahal izateko. Eta bide horretan, Euskal Herriko hainbat kantari eta aktore izango dituzte lagun. Ikusi HURRENGO BIDEOA! Hemen agertzen dira gazte horien coach edo laguntzaile lanetan arituko diren famatuak!

Ia dena prest daukagu! Ahots ederrak dituzte luxuzko laguntzaile hauek, ezta? Anjel Alkain, Maria Amolategi, Alex Sardui, Aitana Etxeberria, Ylenia Baglietto, Xabier Saldias, Karmele Larrinaga eta Iñigo Azpitarte erabat prest daude.

Eta noski, Zuriñe Hidalgo ere prest daukagu. Berak izango du gala berezi hauek gidatzeko ardura!

Adi egon! Laster jakinaraziko dira xehetasun gehiago; laguntzaileak hobeto ezagutuko ditugu, lehiakideak nortzuk diren jakinaraziko dugu… Guzti guztia eitb.eus/bagoaz/ webgunean egongo da!


Mikel eta Haizea, elkarrekin eta zoriontsu!

Mikel eta Haizea azken funtzioaren erdian

Mikel eta Haizea azken funtzioaren erdian

Ohhh!! Ze ondo amaitu den “Go!azen 3.0″ telesaila! Ikusi al duzue Mikel funtzioaren erdian agertu eta, denen aurrean, Haizeari maite duela esan dion unea? Norak esango lukeen bezala: “ze erromantikoa”!

Irati eta Peio ere elkarrekin gelditu dira, eta Nora eta Urko? Zer izan da hori? A ze muxua eman dion Norak! Momentu batez hitz-totelka hitz egiteari ere utzi dio Urkok! Ea irauten duten harreman hauek!

Azken atal honen ondoren, Mikel eta Haizea harrapatu ditugu, udalekua utzi aurretik. Zoriontsu eta pozik daude. Ikusi bideoa!

Momentuz, bukatu da “Go!azen 3.0”, baina hemen ez da dena amaitzen. Laster “Bago!az” telebista saioa hasiko da, “Go!azen 4.0″rako aktoreak bilatzeko helburua duen musika saio berria. Eta bien bitartean, webgunean, “Go!azen 1.0” eta “Go!azen 2.0″ko abestien bideoak ere aurkitu ahal izango dituzue.

Beraz, segi konektatuta “Go!azen” mundura, berriak ematen joango gara eta!


Ez da azken funtziorik izango Basakabin?

Elenek gaizki egindakoa zuzendu nahi izan du ‘Go!azen’en 9. atalean eta mehatxua egin dio Zuzeni: Mikel itzultzen ez bada, ez du azken funtzioan kantatuko.

Elene

Elene Zuzeni egindako mehatxuaren ondoren

Eta zer gertatuko da orduan 50. urteurreneko funtzioarekin? Zuzenentzat hain garrantzitsua den eta hainbeste lan eman dion funtzioarekin? Lehendakaria izango dute gonbidatu eta ETB omen doa ekitaldia grabatzera!

Eleneren mehatxuari kasu egingo dio ala beste norbaiti kantatu araziko dio? Begira nola konbentzitu nahi duen Elene! Ikusi bideoa!

Ondo egin al du Elenek? Benetan damututa dagoela uste duzue? Eta zer gertatuko da funtzioarekin? Bota zuen iritziak!


Iratik ikasleak bereganatzea lortu du!

Azkenean! Hainbeste txantxa eta erantzun txarren ondoren, Iratik lortu du ikasleekin konektatzea! Beste txantxa batekin hasi da dena eta, gauzak okertzeko, txantxaren bideoa internetera igo du Urkok!

Baina bueno… ematen du ikasleak konturatu direla egin dutena ez dagoela ondo, eta opari bat egin diote barkamena eskatzeko. Ea horrela hobeto konpontzen diren irakaslea eta ikasleak!

Peio eta Irati

Peio eta Irati zortzigarren atalaren ondoren

Eta Peiorekin? Muxua ematekotan egon dira! Elkarrekin bukatuko ote dute Iratik eta Peiok azkenean?

Guk ‘Go!azen‘eko zortzigarren atalaren ondoren harrapatu ditugu eta, momentuz, lehengo lepotik dute burua! Ikusi bideoa!

Ba horixe! Peiok eta Iratik elkarrekin amaituko dutela uste duzue? Eta Haizea eta Mikelena nola konpondu daitekeela esango zenukete? Zer uste duzue Elenek egindako salaketari buruz?