Monthly Archives: Otsaila 2012

Munduko Txokoa: Ekintza berriak martxoan!

Leave a reply
Share Button

Munduko Txokoa: Ekintza berriak martxoan!


Munduko txokoa blogsMunduko Txokoan, ALBOANek eta Ellacuria Zentroak elkartasunerako formakuntzarako urtean zehar antolatzen duten espazioan, hainbat ekintza garatuko dira datorren martxoan.

Emanaldi eta aukera desberdinak eskainiko dira. Alde batetik, Dantza tailerraz gozatzeko aukera izango dugu. Horretaz gain, Sahara azpiko emakumeen eta hauek Europara bidean egiten dituzten migrazioen inguruan egingo digu berba Eliane Trabalonek, Marokoko Errefuxiatuen Zerbitzu Jesuitako kideak. Beste konferentzia bat eskainiko digu Jan de Cock teologoak bere esperientzia gogorren inguruan, izan ere, munduan zehar 100 kartzela baino gehiago bisitatu ditu belgiar honek.

Urrengo hiru hileen egutegia ikusi nahi baduzu, sartu zaitez hemen>

Haiti, lurrikaratik 2 urtera

Leave a reply
Share Button

Haiti, lurrikaratik bi urte pasa ondoren


HaitiHANDIAzken urteetako hondamendi humanitario handiena -220.000 heriotza- jaso zenetik bi urte pasa dira. 132 milioi kanalizatu zituzten GKEek Kordinakuntzaren bidez  eta Herrialdearen garapena sustatzeko proiektuak garatzea ahalbidetu zen.

GKEen konpromisoak aurrera darrai baina hala ere, errealitatea oraindik latza da Haitin. Izan ere,  gaur egun 520.000 pertsonak diraute etxe gabe Haitin, Kolera arrisku nabaria da eta zerbitzu sozial basikoetara heltzea oso zaila, gainera pertsonen %45ek ez daukate elikagai segurtasunik.

Gai guzti hauetan mintzatu dira Gabriel Dorino ALBOANen lankide estua den Haitiko Fe y Alegríako zuzendaria eta Latinoamerika eta Karibeko Errefuxiatuen  Zerbitzu Jesuitako Wooldy Edson Louido.

Ezagutu gehiago egoerari buruz eta entzun aipatutako adituen elkarrizketak ALBOANen Web orrian >

"Aquel no era yo" laburmetraia aurkeztu da Bilbon!

Leave a reply
Share Button

Behintzat 15 herrialdek jarraitzen dute haur soldaduak erreklutatzen


NinossoldadoHandiMunduan milaka haur soldaduk bizi duten egoera salatzeko “Aquel no era yo” dokumentala aurkeztuko zen asteazken honetan, otsailak 15, Bilboko Alondegian. Proiekzioaren ostean errealitate lazgarri horren inguruko eztabaida izan zen, Mateo Aguirre jesuita eta ALBOANeko Mari Tere Guzmánen presentziarekin.

Milaka umek hartzen du parte egunero gatazka armatuetan, muturreko egoeretara bultzatzen dituzte, ankerkeriak egiteko tresna moduan erabiltzen dituzte, tratu txarrak jasotzen dituzte, bortxatzen dituzte eta hilketen lekuko izaten dira. Ez dago daturik munduan diren ume soldaduen kopuruari buruz, baina gaur egun gutxienez 15 herrialdetako gobernu eta talde armatuk errekrutatzen dituzte adingabeak.

Datu gehiago:

Mateo Aguirre, jesuita eta ALBOANeko kidea, EITBn mintzatu da Kongoko Errepublika Demokratikoan haur soldaduen errealitatearekin azken 40 urteetan bizi izan duen experientzia kontatzeko. >

Elkarrizketa SER katean. Zine zuzendari bat eta jesuita bat haur soldaduen gainean berba egiten.

Ezagutu errealite hau eta egin zure aportazioa gure Web orrian –>


Kupidok "Maitasun keinuak" eskaintzen dizkizu online dendan!

Leave a reply
Share Button

Kupidok gehiago nahi du zugandik!

corazon handiMaitasun keinuak nori bidaliko dizkiozun jakin nahi du… eta horretarako zuretzat prestatu du…

“Maitasun keinuen” online denda!

Kupidok ondorengo azaldu digu: “Norbaitek maitasunez opari bat jasotzean ondorengoaz jabetu naiz: gehien baloratzen duena opari horrekin batera lagun edo pertsona berezi horrek emandako besarkadak edo mosuak dira. Ez al zarete konturatu? Pertsonek maitasuna eman eta jaso nahi duzue. Horregatik, formula perfektua sortu dut Otsailaren 14rako. “Maitasun keinu” batzuk sortu ditut, musuak, besarkadak, irribarreak… gehien maite dituzunei bidaltzeko… aldi berean gehien behar dutenek ere jaso ditzaten!”

Data eta aurpegi gabeko maitasuna sortu dezagun! Helaraz diezaiegun maitasuna pertsona guztiei!

Entzun zure bihotza!

Aukeratu gure “maitasun keinuak” gure Web orrian, eta lagundu Kupido maitasun banaketan!

Eskerrik asko!

Kooperante bat Guatemalan "Era konprometitu batean bizi nahi dut"

Leave a reply
Share Button

Kooperante bat Guatemalan “Era konprometitu batean bizi nahi dut”

ELPUENTE1Ainhoa Artetxerekin elkarrizketa SER Katean. Areatzako auzokide hau,  Guatemalan bizi da orain, Puente Belicen, herrialdeko toki marginalenetako batean. Bere esperientzia kontatzen digu elkarrizketa honetan. Hemen entzun dezakezu elkarrizketa –>

 Puente Beliceko egoera:

Puente Belice, Guatemala Hiriburuan dagoen auzo bat da. Puente Belicearen azpian  700 familia inguru bizi dira, 5.000 pertsona inguru guztira. Populazio txikia izan arren Puente Beliceko baldintzak oso gogorrak dira:

  • Langabezia edo lanbide ezegonkorrak.
  • Indarkeria, familiaren barruan.
  • Diru-sarrera eskasak.
  • Baldintza txarretako etxebizitzak, erortzeko arrisku etengabean lurrikara edo eurite handiengatik.
  • Gazteriari arreta falta.
  • “Maras” taldeen (gazte gaizkileen bandak) ugalketa.
  • Gehiegikeria sexualak neska kozkorrei eta nerabeei.
  • Droga kontsumoa eta arma trafikoa.
  • Alkoholismoa helduen artean. 

Puente Beliceko Hezkuntza eta Lan Proiektuak bizi alternatiba bat da Guatemalako gune marginaletako gazteentzat, eta aukera ematen die dimentsio akademiko laboral eta psikosozialean  aurrera egiteko. Puente Belice proiektuaren inguran gehiago jakin nahiez gero, sartu hemen >

Kongoko eskola baten lehen harria jarri da Portugaleten

Leave a reply
Share Button

Kongoko eskola baten lehen harria jarri da Portugaleten

 

amamakPortugaleten egindako bidezko merkataritza, eskulanak, kafetegi solidarioa eta argazki erakusketak azken Gabonetan zehar  Kongoko errefuxiatu zelaietan haurtzaro gogorra pasatzen ari diren neska-mutilei hezkuntza helaraztea ahalbidetu zuten.

Pasadan abenduaren 22an Portugaleteko adinekoentzako “Aspaldiko”  egoitzan merkatu solidarioa inauguratu zen. Hainbat egunetan zehar, pertsona asko hurbildu ziren egoitzan daudenen lana hurbiletik ezagutzera eta baita ALBOAN eta lan solidarioa burutzen duten beste erakunde batzuen lana ezagutzeko ere.

Aspaldikok lehen momentutik bultzatu zuen “Eskola kanpin-denda batean” kanpaina. Proiektu honen bidez ALBOANek euren borondatearen aurka desplazatutako milioika pertsonek Ruandan, Kongoko Errepublika Demokratikoan, Txaden eta Venezuela eta Kolonbiaren arteko mugan ikasteko aukera izatea lortu nahi du.

Lehen momentutik nabaritu zen Portugaleteren solidaritatea, 1300 euro bildu zirelarik.  Ondorioz, Ruanda edo Kongoko eskola baten lehen harria Portugaleten jarri zen.

Zuk ere proiektuarekin lankidetzan jardun nahi baduzu sartu “Eskola kanpin-denda batean “ kanpainaren web orrian >