Etiketa honen artxiboa: nafarroa oinez

Nafarroa Oinez 2012: guneak, kontzertuak eta ibilbidea

Urriaren 21ean ospatuko da Nafarroa Oinez 2012. Zizur Txikiko San Fermin ikastolari egokitu zaio aurtengo edizioa antolatzea, eta ziur gaude, igandean euskaltzale ugari bilduko dela Iruñean euskarari keinu bat egiteko. Euskararen blog honek euskararen aldeko festa erraldoi ez duenez galduko, 2012ko Nafarroa Oinezeko egitaraua, ibilbidea, kontzertuak eta beste hainbat kontu bildu ditugu.

Nafarroa Oinez 2012. Logoa

Nafarroa Oinez 2012. Logoa

Zer topatuko dugu 2012ko Nafarroa Oinezen? Egitaraua

1 GUNEA: IKASTOLA

10:00etan: irekiera

10:30: Kultura plazara!

11:30: Laguntza txakurren erakusketa

12:00: Kantu eta dantza

13:00: Iddawc

13:00: Flash Mob

14:00: Buru Haundiak

14:00 Kirol adaptatua

14:30: Acoustic Glorious

15:00: Euskal karaokea

16:00: Tutik ez

17:00: Jolas dinamizazioa

17:15: OSKORRI

GAINERA egun osoan zehar…. Irrien lagunen ekitaldiak eta ekotxosna egongo da (janari ekologikoak)

2. GUNEA: ERRENIEGA

10:00 Alkora

11:00: Tortotxiki fundazioko erraldoiak

11:45: Kiki Koko eta Moko parranda tutiplén

13:00 Zumba

14:00 Miel otxin

15:30: Keltiar aldea

17:00 Zopillotes Txirriaos

GAINERA egun osoan zehar…. tirolina, rokodromoa, puzgarriak…

3. GUNEA: ZIZURARTEA

10:00 harrera

10:30: hasiera: role playing, gosearen jokoak, sin sajo

10:45: Soñadores Natos

12:00 Mochila 21

13:15: Role-playing finala

14:00: FCR factory

15:00 Hip Hop master class Delirium Tremensekin

16:00 Karaokea

GAINERA egun osoan zehar… globo aerostatiko, giza futbolina

4. GUNEA: ARDOI10:00: Punk Bimbo

10:45: Brigada Improductiva

11:45: Xutik

12:45: U.K.Bill

15:30: Obrint Pas

17:30: Triki Dantz

5 GUNEA: BALTXARRAN

10:00 San Fermín Ikastolako abesbatza

10:45: Dantzari Topaketa

11:30: Ipuin kontalaria

12:45: Kooperatzen oinezekin

12:45: Danbakhana

13:45: Ipuin kontalaria

14;45: Star Luxe

15:45: The lord of axe (atxa jaunak)

16:30: Las Culebras

17:45: Lehiotikan

GAINERA egun osoan zehar…. puzgarriak

6. GUNEA: BALTXARRAN

10:00: Zizurreko musika banda

11:45: Os Fillos de Breogán eta Lusquetusque

13:45: Ai ene!

17:30: Xabi San Sebastian

GAINERA egun osoan zehar… jumping

ludoteka

Zein izango da aurtengo Nafarroa Oinezen ibilbidea?

nafarroa-oinez-2012-ibilbidea

Eta nola bestela, 2012ko Nafarroa Oinezen Kantarekin uzten zaituztegu, igandean, guztiok ozen eta alai abes dezagun. Guk dagoeneko ikasi dugu, eta zuk? “Kolorea hitz, Kolore anitz
Bizi nahi dugulako Egin ezazu hitz
!!…” Muxu haundi bat eta gozatu aurtengo Nafarroa Oinez jaiaz. 🙂

Urratsak eginez, korrika, kilometroz kilometro, jairik jai euskaraz!

Duela gutxi jaietan euskaraz aritzeko hiztegia aurkeztu genizuen Euskararen blog honetan. Euskara sustatzen jarraitu nahian, gaurkoan, urtean zehar Euskal Herriko txoko ezberdinetan Euskararen alde antolatzen diren jaiak izango ditugu hizpide, eta ikasturte berriari begira , jai horien inguruko datu eta xehetasunak ematen saiatuko gara. Hemendik gutxira egingo den jai batekin emango diogu hasiera euskararen inguruko jaien zerrendari 🙂

NAFARROA OINEZ 2012

Zer da Nafarroa Oinez: Nafarroako Ikastolen jaia da. Urtero Nafarroako ikastola bat arduratzen da jai hau antolatzeaz, tokian tokiko eta unean uneko beharren arabera. Zazpi bat kilometroko ibilbidea prestatu eta gune ezberdinak kokatzen dira, adin eta gustu guztietarako jarduerekin.
Noiz: urriaren 21ean
Non: Iruñean
Antolatzailea: Zizur Txikiko San Fermin Ikastola

Has zaitezte 2012ko Nafarroa Oinez jairako prestetzen:

KILOMETROAK 2012

Zer da KilometroakGipuzkoako ikastolen jaia da. 1977az geroztik egiten den euskalzaleen topaketa hau urriko lehen igandean ospatzen da eta helburu nagusia Gipuzkoako Ikastolei bultzada ematea da.
Noiz: urriaren 7an
Non: Andoainen
Antolatzailea: Aita Larramendi Ikastola

EUSKARAREN NAZIOARTEKO EGUNA 2012

Zer da Euskararen Nazioarteko Eguna: Euskara omentzeko asmoz urtero abenduaren 3an Euskal Herriko txoko ezberdinetan egiten den ekitaldia da.
Noiz: abenduaren 3an
Non: Euskal Herriko hainbat hiri eta herrietan

Antolatzailea: Eusko Ikaskuntza

Ukan

HERRI URRATS 2013

Zer da Herri Urrats: Iparraldeko ikastolak laguntzeko antolatzen den jaia da, maiatzaren lehen hamabostaldian ospatzen dena Senpereko aintziraren inguruan, Lapurdin.
Noiz: Maiatzaren bigarren hamabostaldia (eguna zeazteke)
Non: Senperen
Antolatzailea: Seaska, Iparraldeko Ikastolen Federazioa.

ARABA EUSKARAZ 2013

Zer da Araba Euskaraz: Arabako ikastolen jaia da, Ikastolen Elkarteak urtero ekainaren erdialdean ospatzen duen ekitaldia. Euskararen erabilera Araba osoan bultzatzea du helburu, baita ikastolen azpiegiturak hobetzea ere. Hori dela eta urtero Arabako ikastola bat arduratzen da antolakuntzaz.
Non: Amurrion
Noiz: Ekainaren 16an
Antolatzailea: Aresketa Ikastola

IBILALDIA 2013

Zer da Ibilaldia: Bizkaiko ikastolen jaia da. Getxon egin zen lehen aldiz 1978an eta honek ere, beste lurraldeetan bezala, euskara bultzatu eta Bizkaiko ikastolen egoera hobetzeko helburua du.
Nun: Portugalete
Noiz: Eguna zeazteke
Antolatzailea: Asti-Leku ikastolak

EUSKAL ESKOLA PUBLIKOAREN JAIA 2013

Zer da euskal Eskola publikoaren jaia: Euskal Hezkuntza Publikoaren alde eta euskara bultzatzeko asmoz urtero Euskal Herriko herri ezberdin batean egiten den jaia da.
Nork antolatzen du: Euskal Herriko Ikasleen Gurasoen Elkarteak

Aurtengo datuak, noiz eta non izango den jakin bezain pronto, partekatuko dugu. Bitartean hemen duzue 2012ko Euskal Eskola Publikoaren jaiko kanta:

KORRIKA

Zer da Korrika: Euskararen alde Euskal Herrian barrena lasterka egiten den martxan da. Bi urtez behin egiten da eta ibilbidea aldatu egiten da.
Noiz: Martxoan
Non: Zehazteke
Antolatzailea: AEK euskaltegi elkarteak antolatzen du

586259_korrika_donostia_original_imagen

Jai batean, bestean, jarrai dezagun EUSKARAREN ALDE LANEAN! 🙂

Nafarroa Oinez 2011: Euskara protagonista Tafallan datorren igandean

Nafarroa Oinez 2011 Tafallan ospatuko da datorren igandean, urriaren 16an. Euskara izango da protagonista Nafarroako Ikastolen jaian baina hitzordu horrez gain, euskara ikasteko Arian metodoa ere izango dugu hizpide gaurkoan. Euskararen inguruko bloga aurkeztu genizuen aurreko astean eta bertan esan bezala, lerro hauetan, euskararen inguruan gertatzen den oro zuengana eramateko asmoz, astero-astero Euskaldunok Euskaraz Facebookeko orrialdean esandakaok bilduko ditugu; ekin diezaiogun gaurkoari!

Nafarroa Oinez 2011, Nafarroako Ikastolen jaia, Tafallan ospatuko da aurten eta ‘Hamaika 11n’ izango du lema. Egun osoko jaia iragartzeko, Sorkun eta Kerobia taldeko Xabiren ahotsak izan dituzte lagun tafallako Garces de los Fayos Ikastolako lagunek, hementxe duzue Nafarroa Oinez 2011ko bideoklipa:

Eskaintza oparoa prestatu dute iganderako, joateko asmoa baldin baduzue hona hemen Nafarroa Oinez 2011ko egitaraua. Izatekotan, ziur egitaraua ikusitakoan uxatuko dituzuela zalantza izpi guztiak 😉

Nafarroa Oinez 2011 Tafalla - Egitaraua

Nafarroa Oinez 2011 Tafalla - Egitaraua

Bestalde, Arian metodoa ezagutzen al duzu? Euskara ikasteko modu eraginkorra da, eta hizkuntzaren erabilera sustatzea du helburu. Gehiago jakin nahi? Entzun Euskadi Irratiko Ele-Alea saioa! Arian metodoa aurkeztu dute bertan eta Txantxo Zubeldia ELKAR argitaletxeko editoreak emango dizkizu xehetasun guztiak.

Euskarak festa handia dauka zain igandean Nafarroan eta euskaldun berriek zein euskara ikastekotan daudenek metodo berria proba dezakete aurrerantzean.Zuek badakizue, euskararen inguruko edozein gai interesgarri, hitzordu garrantzitsu edo lotura aipagarri ikusten baduzue, ez izan zalantzarik eta elkarbanatu gure Facebookeko horman. Denon arten euskara eta honen inguruko jakintza zabalduko dugu. Egun gutxi barru izango gara bueltan, ongi pasa asteburua!

Euskaldunok euskaraz, euskararen inguruan informatzeko tresna

Egun on guztioi!!Hasteko, guztiok zoriondu behar zaituztegu, orrialde honek izan duen harrera onagatik. Euskaldunok euskaraz funtzionatzen dabilen lehenengoko astean atxikimendu handia izan duelako, 1000 lagun baino gehiago garelako jada. Honez gain ikusi dugu jendeak euskararen inguruko informazioa eskegitzeko ere erabili duela.

Jende askok euskararen alde esandakoak irakurrigai izan dira orrialdean, horrela aberastasuna eman eta informazioa banatzeko. Esaterako, Bai Esan Santurtzin Euskaraz-ek salatu zuen udal-euskaltegietako langile murrizketaEuskara ikastea ez al da eskubidea? Nork bermatu behar du eskubide hori? Irakaslerik ez kontratatzeak euskararen ikaskuntzan “numerus clausus” ezartzea dakar“.

Lontzo Sainz-ek bestalde, bi informazio garrantzitsu eskaini dizkigu joan den astean izandako Nafarroa Oinez ekitaldiaren ingurukoa, eta Donostiako Beldurrezko eta Fantasiazko Zinemaren XXI. Astean euskaraz azpidatzitako film gehiago emango dituztela alegia.

Itsaso Apraizek ere gehitu digu Gazteaukeran bildutako artikulu interesgarri bat, Eusko Jaurlaritzak martxan jarri duen mintzalaguna programarena.

Beñat Mendietak, ere informazio interesgarria eskaini digu, Enpresa eta euskara, sareak sortzen’ jardunaldia Gasteizen izango da Azaroaren 11an. Norbait animatzen da?” esanez.

Olatz Torrealdaik esandakoarekin amaituko dugu, gaurkoz, Irlandan euskaraz egiten baitu; Olatzek, hauxe esan zuen hesian: “Nik neuk etxean egiten dut euskeraren alde. Irlandan bizi naiz ta nire bi semeek Euskeraz hitzegiten dute euskaldun peto petoen bezala….” Horrela ikusi daigun euskara ez dela soilik Euskal Herrian egiten eta nonahi irakur gaitzaketela.

Horrela esango dizuegu agur; orrialdeko hesian egongo gara zuen zain, ondorengo egunetan, eta laster itzuliko gara hona, berriro ere, nobedade guztiak zuekin komentatzeko. Ordura arte, mila esker eta ondo izan!!!