Etiketa honen artxiboa: korrika

“Korrika badator!”: ‘Tribuaren Berbak’ ere, Korrika

korrika-lekuko

Remigio Mendibururen lekukoa San Telmon

19. Korrika abiatzear den honetan, euskararen aldeko ekimen erraldoia hartu du abiapuntu “Tribuaren Berbak” saioak. 40.000 kilometro eskas egin ditu orain arte Euskal Herrian herriz herri, munduaren zirkunferentziari bira emateko lain! Aurten, beste 2.500 kilometro egingo ditu Urepeletik Bilbora.

Hasieratik hasteko, Donostiako San Telmo museora jo du Kike Amonarrizek, bertan baitute, ondo gordeta, Remigio Mendiburuk egindako lehen lekukoa. AEk-k dohaintzan utzi zion museoari 1999an, eta 2011z geroztik dago ikusgai museo ezagun horretako erakusketa iraunkorrean. Tenperatura, hezetasuna eta argia ongi kontrolatuta dauzkate, onddorik eta antzerakorik ager ez dadin, eta, beraz, zaharberritzera irits ez dadin.

gorriti

Juan Gorriti

Mendiburuk egindako lekuko haren ideia Juan Gorriti artistak eman zion: motrailu baten makilaren itxura ematekoa, alegia. Oraingo lekukoa Gorritik egina da, aurrekoaren ereduari jarraiki. Artistak Amonarrizi esan dio “gure herriaren historia plasmatzen” duela lekukoak, eta, horregatik, ez du nahi hori garbitzerik, bertan bildutako malkoak, izerdia, euria, izotza eta abar mantendu egin behar direlako. Mendibururen lekukoa, esan bezala, San Telmon dago; Gorritiri, ordea, berea beti jendearen esku artean egotea gustatuko litzaioke.

amets

Amets Arzallus

18. Korrikaren lekukoa eraman zuen azken persona izan zen Amets Arzallus bertsolaria. Hark idatzi zuen lekukoak barruan zeraman mezua, eta Baionako plazan hura irakurtzea ohore handia izan zen beretzat. “Korrikak badu zerbait magikoa, euskaldunon bizipoza sentiarazten eta zabaltzen duelako”. Horregatik, egun hartan bizipoz hori guztia bere gorputzean kontzentratuta sentitu zuen bertsolariak. “Euskaldun bati egin dakiokeen opari politenetakoa da”, adierazi du.

brouard

Kike Amonarriz eta Edurne Brouard

Amonarriz, Lekeitiora joan da Edurne Brouardekin hitz egitera. Orain arte Korrikaren koordinatzaile izandakoak Oñatitik Bilbora joan zen lehen Korrika gogoratu du, 1980. urtean. Elurpean eta euripean aritu ziren, baina hala ere, jende andana bildu zuten, eta, beraz, mantendu beharra zegoela erabaki zuten.

amondo

Kike Amonarriz eta Asier Amondo

Izan ere, euskararen aldeko ekintza nagusietakoa da, baina helburu ekonomikoa ere badu. Asier Amondo egungo koordinatzaileak azpimarratu du oraindik euskaltegiak ez daudela normalizatuta, eta Korrikak biltzen duen dirua beharrezkoa zaiela, bereziki Nafarroan eta Ipar Euskal Herrian. Dena den, aipatu du beretzat helburu polita litzatekeela aurtengorako “euskahaldun kontzeptu gisa gelditzea”, ahalduntzeak ekarriko bailuke indarrak metatzea euskararen inguruan, auzolanean eta elkarlanean.

amuriza

Xabier Amuriza eta Kike Amonarriz

Akelarre, Egan, Gozategi, Oskorri, Esne Beltza, Gose, Tapia eta Leturia, Fermin Muguruza… Musikari ugarik izan dute Korrikako kanta egitearen ardura, baina lehena, lehen abestiaren egilea, Xabier Amuriza izan zen. “Zuek ere esan bai euskarari” zuen izena, eta “arrapaladan” egin behar izan zuen. Egun batetik bestera egiteko ardura eman zioten, eta Lopategiren doinua, bertso pare bat eta lelo bat egokitu zituen horretarako. Amurizaren hitzetan, kanta garrantzitsua da, “identifikazio handia eta nortasuna ematen diolako kanpainari”.

furgonetak

Kike Amonarriz eta Andoni Seijo

Bi urtean behin izaten da, eta hamar eguneko iraupena izaten du, baina azpiegitura lan izugarria behar du Korrikak. Andoni Seijo “Ibilbide” taldeko kidea elkarrizketatu du Amonarrizek. 16 pertsona ibiltzen dira egunero lanean 2 furgonetatan. Ibilgailuak gasolina hartzeko baino ez dira geratzen, baina lan-taldeko kideek araututa daukate egunean otordu bero bat eserita egitea, erritmoari ongi eutsi ahal izateko.
Lekuetara puntual iristeko, aldez aurretik lan handia egiten dute, eta batez besteko bat dute ezarrita: kilometroko 6 minutu. Seijok aipatu du barru-poz izugarria eragiten diela toki batera iritsi eta jende andana zain dutela ikusteak, baina are gehiago hunkitzen dira zenbait lekutan, persona gutxiago badira ere, horiek ahalegin osoa egiten ikusita.

erribera

Itziar Elejalde, Alizia Iribarren eta Kike Amonarriz

Hori gertatzen da, esaterako, Nafarroako Erriberan. 1.715. kilometroan, Tuteran, topatu ditu Kikek Alizia Iribarren Nafarroako AEK-ren koordinatzailea eta Itziar Elejalde Korrikaren batzordeko kidea. Euren hitzetan, Korrikak laguntza handia ematen dio inguru hartako euskarari, “ilusio handia pizten duelako euskaltzale eta euskaldunen artean”. Gainera, orain arte euskarara hurbildu ez den jendeak ikusten du euskaraz ongi pasa daitekeela jai-giroan. Bestalde, dirua ekartzen du, baina, batez ere, euskara ikusarazi egiten du, eta horrek “hurrengo 2 urtetarako pilak kargatzen” laguntzen die.

19. Korrika Urepelen abiatuko da, eta bertan, sorburuan, amaitu nahi izan dute “Tribuaren berbak” saioa. Adur euskara taldeko Xan Airerekin eta Karine Etxeberrirekin elkartu da Kike bertako plazan, 0 kilometroa egongo den lekuan. 320 biztanle inguru dira, eta lan handia izaten ari da guztia antolatzea, baina “emozio handiz” egin dute. Korrika ez da bertatik sekula igaro, eta, beraz, lorpen handia izan da abiapuntu izatea.

urepele

Karine Etxeberri eta Xan Aire

Eskuz esku igaroko da Korrikaren lekukoa datozen egunetan, eta esku horiek lotuko dituzte kate trinkoz Urepel eta Bilbo. Etenik ez duen katea izango da, eta “Tribuaren Berbak” saioak ere izan nahi izan du kate horretako begi.
Hemen duzue, osorik, “Korrika badator” saioa, EITB Nahieranen.

Euskara eredu ere badelako!

Euskara bere txikitasunean handia da, eta beste hizkuntza gutxitu batzuentzat eredu dela erakustera etorri zaigu ‘Tribuaren berbak’ saioaren azken atala.

Eredu ere bagarelako” izenburupean emititu du ETB1ek aste honetako saioa. Euskara zenbait alorretan, eta zenbait lurralderentzat, erreferente dela erakutsi du, eta, horretarako, hainbat pertsonaren esperientziak eta iritzia bildu ditu Kike Amonarrizek.
tribu-garabide_1024x576

Garabide hizkuntza lankidetza egiten duen garapenerako Gobernuz Kanpoko Erakundea da. Maddi Iñarrak eta Ander Bolibarrek azaldu dute hizkuntza biziberritzeko planak egiten dituztela, batik bat, Hego Amerikan. Euren ustez, hizkuntza berreskurapena da Euskal Herriak munduarekin elkarbanatzeko duen esperientzia interesgarrienetako bat. Kolonbiarekin, Guatemalarekin, Ekuadorrekin eta Mexikorekin harreman iraunkorra dute, eta herrialde horietako hainbat komunitatek eredu hartzen dute Euskal Herria hezkuntza-ereduari, herrigintzari eta komunikabideei dagokionean.
tribu-egana_1024x576
Bertsolaritza oso gurea dugu, eta, garai batean hala pentsatzen bazen ere, ez da kantu inprobisatuen adibide bakarra munduan. Portugalen, Galizian, Kanaria Uharteetan, Bretainian eta Iberoamerikan, besteak beste, topa ditzakegu horren adibideak. Gainera, azken urteotan asko zabaldu eta indartu dira bertsolaritzak kantu inprobisatua lantzen duten beste herrialdeekin dituen harremanak. Andoni Egaña bertsolariaren hitzetan, ezagutu dituzten munduko beste kultura guztietan, hemen bezala, amaieratik hasten dira bertsoa eraikitzen. Aldiz, kultura gehienetan musika-tresnen laguntzaz inprobisatzen dutenez, bitxia egiten zaie gure bertsolariek “a capella” kantatzea. Alabaina, atzerrian, bertsogintzak berak baino gehiago, hemengo auto-antolatzeko moduak harritu du jendea gehien; hau da, Bertsolari Elkartea sortzeak, eta hark ikerketak, zabalpenean eta transmisioan egindako lanak.
tribu-korrika_1024x576
Korrika ere erreferente da euskararen sustapenean. Lau urtean behin Euskal Herria kilometroz kilometro zeharkatzen duen lasterketa herrikoia 19.enez abiatuko da martxoaren 19an. Asier Amondo arduradunak adierazi du Korrika badela “auzolanaren eta elkarlanaren adibide”, eta “horrek laguntzen gaitu ahalduntzen, alde batetik, eta, bestetik, euskahalduntzen”. Bestalde, nabarmendu du kanpoko beste hizkuntza gutxitu batzuentzat erreferentzia ere badela, eta munduan dituen beste “anai-arreba” txiki batzuk aipatu ditu: Correlingua (Galizia), Correllengua (Katalunia), Corsa per la lenga (Val D’Aran), Ar Redadeg (Bretainia), Ray yr laith (Gales) eta Rith (Irlanda).

AEK-ko koordinatzaile nagusi Mertxe Mugikak, Korrikaz beharrean, helduen euskalduntze-alfabetatzeaz hitz egin dio Kike Amonarrizi. Haren hitzetan, hemen daukatribu-mertxemugika_1024x576n dimentsioa ez dauka beste inon. Dena den, adierazi du Kataluniari “inbidiaz” begiratzen diola. Izan ere, bertan, heldu batek katalana ikastea erabakitzen duenean, lehen eta bigarren mailak doan dauzka; hori ez da gertatzen, aldiz, euskarara ekarrita. Instituzio nagusiek laguntzen badute ere, (“eta eskerrak!”), ez dago Kataluniaren pareko “doakotasunik”.

Saioaren amaieran, Eusko Jaurlaritzaren Hizkuntza Politikarako sailburuorde Patxi Baztarrika eta Kontseiluko idazkari nagusi Paul Bilbao elkarrizketatu ditu, elkarrekin, Amonarrizek.

Euskararen indarguneei dagokionez, Baztarrikak hezkuntza eta helduen euskalduntzea aipatu ditu, eta esan du “erreferente garela hizkuntza politika integralak ditugulako (hedabideetan, zerbitzu publikoetan, administrazioan, IKTetan, unibertsitatean…)”. Aitzitik, Bilbaok azpimarratu du euskalgintzatik zenbat proiektu sortu den, zenbat ekarpen egin zaion bai norbanakoak, bai espazioak euskalduntzeari. Nonbait, ez da ohikoa kanpoan eragileak, enpresak eta abar gai izatea komunean jartzeko euren printzipioak, eta ahots bakar batez hitz egitea.

tribu-baztarrika-bilbao_1024x576Ahulguneei buruz ere hitz egin dute. Kontseiluko idazkari nagusiak herritarrak aktibatzeko beharra aipatu du, eta azpimarratu du “euskaraz biziko den komunitate trinkoa” behar dugula, eta “norberak horren kontzientzia hartu” behar duela.
Baztarrikak, Hizkuntza Politikarako sailari dagokionez, onartu du asko dagoela hobetzeko eta egiteko euskara biziberritzeko, baina gakoa dela “euskara erabiltzeko gai denak euskara erabiltzeko gogoa izatea, eta euskara erabiltzeko hautua egitea; azken batean, euskara euskaldunentzat erakargarri gertatzea”.

Horretarako, beharrezkoak dira gizartearen inplikazio aktiboa eta adostasun eta sozial zabala. Baztarrikak azpimarratu du “politika euskararen zerbitzura” behar dugula, eta ez “euskara politikaren zerbitzura”.

Amaitzeko, biek ahala biek aitortu dute bidea luzea dela. Eta horretarako, jakina, beharrezkoa da erakundeek eta eragileek norabide berean lan egitea.

Rith jaialdia: ezagutu Irlandako ‘Korrika’!

Ba al zenekien? Euskal Herrian gure euskararen alde bi urtero ospatzen dugun Korrikak badu anai iralandarra!!! Rith du izena, eta hau da ekimenaren webgunea. Horren helburua, zein izan den? Bada, bertako jendea irlanderaz hitz egitera animatzea!!! :-). Euskararen blog honetan Rith jaialdiaren xehetasunak nahi ditugu bildu!!

rith-irlanda

Zer da Rith jaialdia? Bada, Irlandan egin duten ekimen ederra; horrekin irlanderaren erabilera nahi izan dute bultzatu, eta kultura irlandarra ospatu (eurek webgunean bertan esaten dutenez). Korrika bezalakoa da, azken finean; Irlandan zehar 1.000 kilometro egin dituzte, iparraldetik hegoaldera, batez ere ekialdeko kostaldetik, asmo horrekin!!

Zergatik deitzen da horrela, “Rith”? Oso erraz!! Hitz horrek “korrika egin” esan nahi duelako!

Non egon dira Ritheko parte-hartzaileak? Baile Bhuirnetik abiatu ziren (Corketik) eta Béal Feirstera heldu ziren, larunbatean (Belfastera, hor amaitu zen jaialdia).

Zer egin ahal izan du jendeak laguntza emateko? Korrikan egiten dugun bezala, kilometro bat erosteko aukera izan dute. Hiru aukera izan dute: kilometro gehienek 100 euro balio izan dute; herrietako eta hirietako kalerik garrantzitsuenetako kilometroek, ordea, 250 euroko prezioa izan dute. Eta kilometro birtualak erosteko abagunea ere eskaini dute, webgunean; horiek 10 euroko balioa zuten.

Noiztik ari dira egiten Rith jaialdia? 2010ean egin zuten lehen aldiz; eta Korrikarekin guk egiten dugun bezala, bi urtero antolatzen dute. Hau da, Korrika ez dagoeneko urteetan, Rith dago :-).

Begira zer esaten duten Rithen webgunean!!rith-korrikaArgi dago, erlazio handia dago gure Korrika eta Rith jaialdiaren artean!!!

Amaitzeko, irlandar guztiak zoriondu nahi ditugu!! Zergatik? Astelehenean bertan, martxoak 17, San Patrizio Eguna izan zelako!! Irlandar guztien egun handia!! Aupa Irlanda, eta gora irlandera!! :-).

 

 

Korrika 18ko produktuak: Topatu gertuen duzun denda!

Hasi gara Euskararen aldeko lasterketa erraldoian parte hartzeko prestatzen. Korrika 2013ren kanta ikasi dugu dagoeneko, Korrika 18ren ibilbidea zein izango den ere badakigu. Orain, garrantzitsuena falta zaigu, lasterketara dotore-dotore joatea. Korrika 2013ko materiala non topa dezakezun jakin nahi al duzu? 🙂

Korrika 2013ren desfilea. Euskalariak AEK

Korrika 2013ren desfilea. Euskalariak AEK

Korrika Dendak

BILBO

Non: Somera kalea, 35
Ordutegia: Ostegun/ostiraletan 17:00-20:00 eta larunbatetan 10:30-13:30 eta 17:00-20:00.

GASTEIZ

Non: Kutxilleria kalea, 27
Ordutegia: Ostegun/ostiraletan 18:00-21:00 eta larunbatetan 11:30-14:30 eta 18:00-21:00

DONOSTIA

Non: Aldamar kalea, 1
Ordutegia: Ostegun/ostiraletan 17:00-20:00 eta larunbatetan 10:30-13:30 eta 17:00-20:00.

IRUÑEA

Non: San Anton kalea, 26
Ordutegia: Ostiral eta larunbatetan, 10:00-13:30 eta 17:00-20:30.

PORTUGALETE

Non: Salcedo kalea 3 (Udaletxearen atzean)
Ordutegia: Larunbat goizetan irekita, 12:00-14:30.

BEASAIN

Non: Kale Nagusia, 12
Ordutegia: ostegun, ostiral eta larunbatetan, 18:00-21:00.

Korrika 2013ko jantziak. Argazkia: Euskalariak AEK

Korrika 18ren arropa eta osagarriak salgai dauzkaten beste dendak:

Araba

EROSKI BOULEVARD. Gasteiz
LARRUKI. Kutxilleria 26, Gasteiz
OLYMPUS. Baias 4, Laudio

Bizkaia

EROSKI ABADIÑO. Murueta auzoa, Abadiño
JULIA LEARRA. Juan Bautista Zabala 3, Algorta
SALEHI. Ronda 27, Bilbo
ORBELA Berriotxoa 33, Elorrio
PARAPHERNALIA. Nere Kabia 1, Gernika
EROSKI-ARTEA. Peruri auzoa z/g, Leioa
ITOIZ. Gregorio Uzkiano 17 (San Roke plaza), Portugalete

Gipuzkoa

HIPER EROSKI Arrasate
PITXIAK. Zuluagarren 9, Eibar
URRUTZOLA. Kale Nagusia 42, Lasarte-Oria
ITZIAR KIROLAK. Eusko Gudariak 23, Orio
EROSKI URBIL. Txikierai kalea, Usurbil

Ipar Euskal Herria

INTERMARCHE. ZAC de Targa, Aizkiritze
INTERMARCHE. Urt St Frederic, Baiona
INTERMARCHE. Quartier de Caseville, Bidarte
INTERMARCHE. Donibane Garazi
INTERMARCHE. Kanbo errepidea, Hazparne
LURRA DENDA. Francis Jammes kalea, Hazparne
INTERMARCHE. Irandantz errepidea, Hendaia
INTERMARCHE. Itsasu
NAIA BOUTIK. Edmond Rostand, Kanbo
INTERMARCHE. La Plaine – Oloron errepidea, Maule
KOKO’T. Place de la Mairie, Senpere
INTERMARCHE. ZAC de Lizardia, Senpere

Nafarroa

IKER KIROLAK. Intxaurrondo 14, Altsasu
KATTALINGORRI. Jaime Urrutia 38, Elizondo
KARRIKIRI. Xabier karrika 4, Iruñea
GOTHYKA. Inmaculada 58, Lizarra

Korrika 1980-2013: Nolakoa izan zen lehendabiziko korrika?

Hasi da atzerako kontaketa. Datorren martxoaren 14an hasiko da Andoainen Korrika 18, eta Euskal Herria zeharkatuko du Baionara heldu arte. 17 Korrika eta 32 urte igaro dira AEK-k 1980an lehenengo Korrika antolatu zuenetik. Leloak, kartelak, lasterketaren ibilbidea edo kilometro kopurua aldatu egin bada ere, helburuak bera izaten jarraitzen du: euskara goraipatzea.

Korrika 17 Foto: eitbcom

Korrika 17 Foto: eitbcom

1980-2013: kartelak, leloak eta bitxikeriak

Korrika 1:

Noiz: 1980korrika-kartela-1980

Nondik nora: Oñati – Bilbo

Leloa: “Zuk ere esan bai euskarari”,

Bitxikeria: Oñatiko Unibertsitateko ateetatik abiatu zen lehen Korrika eta elurra ari zuen.

Korrika 2:

korrika-kartela-1982Noiz: 1982

Nondik nora: Iruñea – Donostia

Leloa: “AEK, euskararen alternatiba herritarra; Korrika, herriaren erantzuna euskararen alde”.

Bitxikeria: Rikardo Arregi kazetari, idazle eta kultur eragilea omendu zen 1982ko Korrikan.

Korrika 3

Noiz: 1983korrika-kartela-1983

Nondik nora: Baiona – Bilbo

Leloa: “Euskaraz eta kitto!”

Bitxikeriak: Gabriel Aresti idazle handia omendu zen.

Korrika 4

Noiz: 1985 korrika-kartela-1985

Nondik nora: Atharratze-Iruñea

Leloa: “Herri bat, hizkuntza bat”

Bitxikeria: 2.080 kilometro egitera abiatu ziren Atharratzetik Iruñera euskaldunak.

Korrika 5

Noiz: 1987 korrika-kartela-1987

Nondik nora: Hendaia-Bilbo

Leloa: “Euskara, zeurea”

Bitxikeria: Lasterketak Balendin Enbeita omendu zuen, bertsolaritzan eta euskara suspertzen konstelazio disdiratsua izandako familia bateko kidea

Korrika 6

Noiz: 1989korrika-kartela-1989

Nondik nora: Iruñea-Donostia

Leloa: “Euskara korrika eta kitto. Euskal Herriak AEK”

Bitxikeria: Omenaldia jaso zuena euskal kulturaren langile nekaezin eta jakintsua izan zen: Jose Migel Barandiaran, mende bateko korrikalaria.

Korrika 7

Noiz: 1991korrika-kartela-1991

Nondik nora: Gasteiz-Baiona

Leloa: “Korrika euskara, euskaraz Euskal Herria”

Bitxikeriak: Bidasoaz iparraldean, Baionan, amaitu zen lehen aldiz lasterketa.

Korrika 8

Noiz: 1993 korrika-kartela-1993

Nondik nora: Iruñea-Bilbo

Leloa: “Denok maite dugu gure herria euskaraz”

Bitxikeria: Martin Ugalde kazetari, historialari, idazle eta kultur eragile andoaindarra omendua izan zen, komunikabide eta AEKren arteko komunikazioa errazteagatik.

Korrika 9

Noiz: 1995 korrika-kartela-1995

Nondik nora: Donibane Garazi – Gasteiz

Leloa: “Jalgi hadi euskaraz”

Bitxikeria: Mikel Laboa abeslaria izan zen omendua

Korrika 10

Noiz: 1997korrika-kartela-1997

Bitxikeria: Luis Villasante euskaltzainak eraman zuen ekitaldiaren hasieran lekukoa.

Nondik nora: Arantzazu – Bilbo

Leloa: “Euskal Herria korrika”

Korrika 11

Noiz: 1999korrika-kartela-1999

Nondik nora: Iruñea-Donostia

Leloa: “Zu eta ni euskaraz”

Bitxikeria: Berrikuntza garrantzitsua izan zuen edizioak. Hamaikagarrena izanda, omenduak ere hamaika izan ziren eta ez bakarra, orain arte bezala.

Korrika 12

Noiz: 2001korrika-kartela-2001

Nondik nora: Gasteiz-Baiona

Leloa: “Mundu bat euskarara bildu”

Bitxikeria: Urte honetan, ibilbide arruntaz gainera, ibilbide birtuala ere egin ahal izan zen ziberlekukoari esker.

Korrika 13

Noiz: 2003kartelak-korrika-2003

Nondik nora: Gasteiz – Baiona

Leloa: “Herri bat geroa lantzen, korrika”

Bitxikeria: “Ez dok amairu” mugimenduak jaso zuten Korrika 13ren gorazarrea.

Korrika 14

Noiz: 2005kartelak-korrika-2005

Nondik nora: Orreaga-Bilbo

Leloa: “Euskal Herria euskalduntzen. Ni ere bai”

Bitxikeriak: euskaldun berriak goraipatu zituen eta horien guztien ikurtzat har daitekeen Andolin Eguzkitza zendua omendu zuen Korrikak.

Korrika 15

Noiz: 2007kartelak-korrika-2007

Nondik Nora: Karrantza-Iruñea

Leloa: “Heldu”

Bitxikeria: Euskal emakumeak izan ziren omenduak euskara, belaunaldiz belaunaldi, gorde eta transmititzeko egin duten lanagatik.

Korrika 16

Noiz: 2009kartelak-korrika-2009

Nondik nora: Tutera – Gasteiz

Leloa: “Ongi etorri euskaraz bizi nahi dugunon herrira”

Bitxikeriak: ONGI ETORRI! handi bat luzatu zien euskararen berreskurapenean lagundu behar duten erakunde guztiei.

Korrika 17

Noiz: 2011kartelak-korrika-201

Nondik nora: Trebiñu – Donostia

Leloa: “Maitatu, ikasi, ari… euskalakari”

Bitxikeria: Euskal Herria euskalduntzeko herritar bakoitzaren egitekoa, garrantzia eta protagonismoa aldarrikatu zituen Korrika 17k.

Urratsak eginez, korrika, kilometroz kilometro, jairik jai euskaraz!

Duela gutxi jaietan euskaraz aritzeko hiztegia aurkeztu genizuen Euskararen blog honetan. Euskara sustatzen jarraitu nahian, gaurkoan, urtean zehar Euskal Herriko txoko ezberdinetan Euskararen alde antolatzen diren jaiak izango ditugu hizpide, eta ikasturte berriari begira , jai horien inguruko datu eta xehetasunak ematen saiatuko gara. Hemendik gutxira egingo den jai batekin emango diogu hasiera euskararen inguruko jaien zerrendari 🙂

NAFARROA OINEZ 2012

Zer da Nafarroa Oinez: Nafarroako Ikastolen jaia da. Urtero Nafarroako ikastola bat arduratzen da jai hau antolatzeaz, tokian tokiko eta unean uneko beharren arabera. Zazpi bat kilometroko ibilbidea prestatu eta gune ezberdinak kokatzen dira, adin eta gustu guztietarako jarduerekin.
Noiz: urriaren 21ean
Non: Iruñean
Antolatzailea: Zizur Txikiko San Fermin Ikastola

Has zaitezte 2012ko Nafarroa Oinez jairako prestetzen:

KILOMETROAK 2012

Zer da KilometroakGipuzkoako ikastolen jaia da. 1977az geroztik egiten den euskalzaleen topaketa hau urriko lehen igandean ospatzen da eta helburu nagusia Gipuzkoako Ikastolei bultzada ematea da.
Noiz: urriaren 7an
Non: Andoainen
Antolatzailea: Aita Larramendi Ikastola

EUSKARAREN NAZIOARTEKO EGUNA 2012

Zer da Euskararen Nazioarteko Eguna: Euskara omentzeko asmoz urtero abenduaren 3an Euskal Herriko txoko ezberdinetan egiten den ekitaldia da.
Noiz: abenduaren 3an
Non: Euskal Herriko hainbat hiri eta herrietan

Antolatzailea: Eusko Ikaskuntza

Ukan

HERRI URRATS 2013

Zer da Herri Urrats: Iparraldeko ikastolak laguntzeko antolatzen den jaia da, maiatzaren lehen hamabostaldian ospatzen dena Senpereko aintziraren inguruan, Lapurdin.
Noiz: Maiatzaren bigarren hamabostaldia (eguna zeazteke)
Non: Senperen
Antolatzailea: Seaska, Iparraldeko Ikastolen Federazioa.

ARABA EUSKARAZ 2013

Zer da Araba Euskaraz: Arabako ikastolen jaia da, Ikastolen Elkarteak urtero ekainaren erdialdean ospatzen duen ekitaldia. Euskararen erabilera Araba osoan bultzatzea du helburu, baita ikastolen azpiegiturak hobetzea ere. Hori dela eta urtero Arabako ikastola bat arduratzen da antolakuntzaz.
Non: Amurrion
Noiz: Ekainaren 16an
Antolatzailea: Aresketa Ikastola

IBILALDIA 2013

Zer da Ibilaldia: Bizkaiko ikastolen jaia da. Getxon egin zen lehen aldiz 1978an eta honek ere, beste lurraldeetan bezala, euskara bultzatu eta Bizkaiko ikastolen egoera hobetzeko helburua du.
Nun: Portugalete
Noiz: Eguna zeazteke
Antolatzailea: Asti-Leku ikastolak

EUSKAL ESKOLA PUBLIKOAREN JAIA 2013

Zer da euskal Eskola publikoaren jaia: Euskal Hezkuntza Publikoaren alde eta euskara bultzatzeko asmoz urtero Euskal Herriko herri ezberdin batean egiten den jaia da.
Nork antolatzen du: Euskal Herriko Ikasleen Gurasoen Elkarteak

Aurtengo datuak, noiz eta non izango den jakin bezain pronto, partekatuko dugu. Bitartean hemen duzue 2012ko Euskal Eskola Publikoaren jaiko kanta:

KORRIKA

Zer da Korrika: Euskararen alde Euskal Herrian barrena lasterka egiten den martxan da. Bi urtez behin egiten da eta ibilbidea aldatu egiten da.
Noiz: Martxoan
Non: Zehazteke
Antolatzailea: AEK euskaltegi elkarteak antolatzen du

586259_korrika_donostia_original_imagen

Jai batean, bestean, jarrai dezagun EUSKARAREN ALDE LANEAN! 🙂

EK-Korrika elkarlana, Joomla euskaraz, AED

Egun on!

Ostirala amantala etxera! Pozik ibiliko zarete ezta? Astebukaerarako eguraldi nahiko ona iragarri dtute eta gaitera ostirala da!.  Agian norbait eskiatzera joango da? Zer plan duzue astebukaerarako?

Guk astero bezala euskaldunok euskaraz  facebook orrialdean iragarri dituzuenak bildu ditugu eta laburtu ditugu. Eskerrik asko zuen parte hartzeagatik!!

Txomin Bedarrak ongi laburtu du gure jarrera “Aski da txo
Esan ozenki !! “
.

Baditugu aste honetan ere, euskararen inguruko notizia eta ekintza ugari ere esaterako, Joomla programa euskararatu egin dute  notizia ona ezta?

Agurtzane Mallonak idatzi digun bezala “Badator Korrika, ikastolak lagun dituela.” EK-Korrikak alkarlanean sortutako unitate didaktikoa aurkeztu zuten Bilboko Kalderapeko euskal kulturgunean.

Azkenik, Itxaso Apraizek jakinarazi digu,  “Tokiko euskara ikasi eta hobetzeko aukera emateko antolatu dute AED koek” . Arrasatearrei tokiko euskara ikasi eta hobetzeko aukera emateko helburuarekin, AED elkarteak Hika tailerra antolatu du.  Ikastaroaren iraupena 20 ordukoa izango da, eta hasiera batean klaseak ostiral eta larunbatetan izatea aurreikusten bada, elkarteko arduradunek ikasleekin adostuko dutela argitu dute. Norbait animatuko al da?

Hauxe da guztia, datorren astean gehiago, ordurarte ongi izan!