Euskara

Arratsaldeon guztioi!

Konturatu al zarete ia 4000 pertsona garela Euskaldunok Euskaraz orrialdean jada?Eskerrik asko guztioi zuen babesarengatik!

Hasteko , Arantxa Sobrinok utzitako kanta batekin hasiko gara: …ez dugu zaldirik, ez gara zaldunak, ez dugu abererik, ez gara aberatsak, euskara guk dugu, gu gara euskaldunak! (san simon eta san juda kanta herrikoia) .Beraz badakizue zer daukagun eta zerk egiten gaituen euskaldunak!

Bestalde Euskararen Nazioarteko Eguna jada Ostiralean da, Maite Lasak utzi digun informazioa “Abenduaren 3 a Euskararen eguna da” . Hauxe da bertan topatu ahal izango dituzuenak; Aurtengoan aipagarriak dira sarean, Internet bidez parte hartzeko proposatzen dituzten ekimenak. Esaterako, Donostiako Euskararen Udal Patronatuak euskarak mila aurpegi dituela erakutsi nahi digu, nikereeuskaraz.net webgunean.Taldeka parte hartzeko aukera ere badago, gukereeuskaraz.net atarian.

Bestalde, Etxepare Euskararen Institutuak euskara mundua zabaltzeko, Euskara mundiala! kanpaina ere abiarazi du. euskaramundiala.net atarian, euskarazko esaldi eta kantuak jaso nahi dituzte, besteak beste. Horretarako grabaketak egin eta sarera igotzeko gonbita egiten dute..

Eusko ikaskuntzak ei-Gazte! ekimenaren baitan irabazle izan den proposamena, Euskararen hitz politena jokoa, martxan jarri du euskara sustatzeko asmoz. Bertan, edonok esan dezake zein den euskaraz gustukoen duen hitza eta ENE Euskararen Nazioareko Eguna webgunean bistaratuko da gainerakoekin batera.

Bizkaiko hiriburuan bestalde, euskaraz aritzen diren musika talde amateurrek ‘Banden lehia 2010‘ lehiaketan, parte hartzeko aukera izan dute azaroan zehar. Musika taldeen bideoak Internetera igo eta sailkaturiko lau taldeak, Bilboko Kafe Antzokian egingo den final handian parte hartuko dute parte Azaroaren 3an.

Gainera Euskaltaindiak kide berri bat dauka , Jean Baptiste Coyos euskaltzain oso izendatu dute
gaur, Bilbon egindako osoko batzarrean.  Beste zerbait berria daukan pertsonaia Olentzero da ere bai, facebooken orrialde berria baitauka.

Hauxe da guztia aste honetan, berriz ere eskerrak eman nahi dizkizuegu izan duzuen parte hartzeagatik, jarraitu horrela ea ostiralerako 10.000 euskaldun biltzen garen!

Ondo bukatu astea!

Arratsaldeon!

Astearen erdialdean gaude eta notizia oso onak dakarzkizuegu, jada 3.000 lagun batu gara Euskaldunok Euskaraz facebookeko orrialdean. Abenduaren 3a euskararen nazioarteko eguna denez, atxikimendua lortzeko sortu genuen ebentoan bestalde 6.000 pertsonek eman dute baiezkoa. Harrigarria denon artean lortzen ari garena, eskerrik asko guztioi! Ea abenduaren 3rako 10.000 lagun biltzen garen!

Orrialdean jasotako gauzen artean, oso interesgarria iruditu zaigu. EGAren inguruan Urgellek egin zituen adierazpenen inguruan sorturiko eztabaida.  Urgellek adierazi zuen D ereduan ikasitakoek, EGA izango zutela. 2012tik aurrera abian jarriko duela prozesu hori Eusko Jaurlaritzak, eta bi homologazio maila aurreikusten dituztela, dbh bukatzen duenentzako bat, eta Unibertsitatea bukatzen dutenentzako beste bat.  Ikuspegi oso desberdinak egon dira honen inguruan eta eztabaida polita sortu da.

Beste behin ere Beñat Mendietak zerbait utzi digu gure horman,” XV. Jagon Jardunaldian “Gazteak, aisialdia eta euskara” gaia landuko dute azaroaren 19n, Euskaltzaindiaren Bilboko egoitzan. Animatu! Izena emateko azken eguna hilaren 18a izango da eta!” Norbait egon al da? 

Ainere Agirrek ere notizia onak ekarri dizkigu, “.eus” domeinua 2011kako ekainetik aurrera existi liteke. A zer nolako aurrerapausua!!”

Azkenik, Idatz & Mintz aldizkariak 50 urte bete ditu, Derioko Labayru Ikastegiaren eskutik jaio zen aldizkariak 50 ale plazaratu ditu 1981. urtetik. Zorionak eta eskerrik asko urteotan egin duzuen lanagatik !!!

Hauxe da guztia aste honetan, berriz ere eskerrak eman nahi dizkizuegu izan duzuen parte hartzeagatik, jarraitu horrela ea Abenduaren 3rako 10.000 euskaldun biltzen garen!

Ondo bukatu astea!

Arratsaldeon guztioi!

Zer moduz joan da astebukaera? Domeka euritsua izan dugu, baina bestela astebukaera ongi aprobetxatuko zenutela espero dugu!! Euskaldunok euskaraz orrialdean erronka bat ipini diogu gure buruari Euskararen Nazioarteko eguna izango dela eta. Abenduaren 3rako 10.000 lagun bildu nahi dutugu euskaldunok euskaraz orrialdean.
Horrela, urtean zehar ere, euskararen inguruan sortzen diren albiste, deialdi, argazki, bideo, eleberri. Beraz badakizue gure helburua hilabete honetan hori izango da, lagun iezaiguzu euskara zabaltzen!

Aste honetan ere, astelehenero bezala “Euskaldunok Euskaraz” orrialdeko hesian jasotakoekin laburbilduma prestatu  dugu zuek egindako informazioarekin :

Ainere Agirrek gogorarazi digun bezala, “Begoñazpi ikastolak ekitaldi potoloa darabil bere esku: Etorkizuneko euskal gizartearen arduradunak izango diran gazteen Heziketan eta baloreak transmititu behar dira.” Beraz hor duzue ekitaldia nahi duenak hurbiltzea dauka!

Ibon Perez-ek Euskararen Nazioarteko Eguna izango dela eta, Eusko Ikaskuntzaren orrialdeko ekarpena egin digu, non bakoitzak bere euskarazko hizt gogokoena aukeratu ahal duen.  “Euskararen Nazioarteko Egunerako (ENE), abenduaren 3an, hainbat ekimen martxan jarri ditu Eusko Ikaskuntzak ere. Euskal Herriko pertsonaia ospetsu askok bat egiten dute ekimenarekin (besteak beste Bernardo Atxaga, Benito Lertxundik, P …edro Miguel Etxenike, Mikel Urdangarin, Mikel Urmeneta, Xala pilotaria, Laura Mintegi, Kirmen Uribek, Karlos Arguiñano, Toti Martinez de Lezeak edo Lourdes Oñederrak).”

Bestalde, bi pertsona ere baditugu euskara ikasten ari direnak Pedro Maria de Aguirrek esaten du “Ikasten ari nintzan baino es dakit, pixkat ¡¡¡¡” eta Joxin Etxezarretak gehitzen du “Deustuko Unibertsitateak ere euskaraz egin nahi du.” Animo biei zuen saiakeretan!

Azkenik, Itsaso Apraizek Ordizian izan den Sustreiez blai jaialdiaren inguruan informazioa utzi digu: “Sustraiez
Blai jaialdia izango da larunbat honetan Ordizian!! Hamar urte bete ditu Goierriko
kulturen festak, eta debaldeko kontzertuekin ospatuko dute. Hau da jaialdia iragartzeko egin duten bideoa. Animatuko da norbait?”  Beraz, norbait egon bada, badaki, hemen konta diezaguke nolakoa izan den jaialdia.

Beraz hau da guztia adiskideok! Aste honetan hauek izan dira blogean utzi dizkiguzuen notiziarik nabarmenenak, animatu parte hartzen eta informazioa blog honen bitartez zabaltzen!

Kaixo guztioi!

Zer moduz joan da astebukaera? Bide batez, Zorionak Erreala eta errealzaleoi!!Espero dugu ospakizun galantak egotea Gipuzkoa aldean. Nahiz eta kalean euria zarra-zarra dabilen, gure blogeko orrialdean informazioa eta alaitasuna dira nagusi . “Euskaldunok Euskaraz” orrialdeko hesian jasotakoekin laburbilduma prestatu  dugu oraigo aste  honetan ere.

Hasteko, Abenduaren 3an ospatuko den Euskararen Nazioarteko Egunari begira, nik ere euskaraz, guk ere euskaraz eta beste hamaika aldaera hartzen dituen lelo mutantearekin gazteen artean euskararen erabilpena sustatzeko kanpaina jarri du abian Donostiako Euskararen Udal Patronatuak.

Euskarak milaka aurpegi, milaka ahots ekimena kanpaina honen baitan dago. Webgune honen bidez kanpainarekin atxikimendua adierazten duten pertsonen argazkiekin osaturiko mosaiko bat egiten ari dira. Norberak bere argazkia webgunean kargatu ahal izango du modu errazean eta automatikoki argitaratuko da webguneko mosaikoan, aurretik bat egin duten gainontzeko pertsonen argazkiekin batera. 

Eusko Ikaskuntzak ere Euskararen Nazioarteko eguna izango dela eta, beste ekimen bat antolatu du. Beñat Mendietak dioen bezala: “Euskararen egunerako diseinatu diren kamiseta bat lor dezakezu, euskararen hitz politena zein den esanez eta zergatik, azaroaren 29a baino lehen. Animatu!”

Bestalde, Maite Lasak ere beste web orrialde baten inguruko informazioa ekarri digu, e-uskaltegiarena alegia. “Gune
honetan euskara lantzen lagunduko dizuten hainbat baliabide topatuko duzu. Horien artean zure kabuz lantzeko moduko baliabide asko eta baita AEKren online katalogoa eta haren inguruko informazioa ere.” Baina ez da informazioa utzi digun bakarra izan, Begoña Ugartek, Aunia eleberriaren ingurko informazioa utzi digu, bertan euskal herriko janzkera historikoen inguruan hitz egiten da.

Aste honetan hauek izan dira blogean utzi dizkiguzuen notiziarik nabarmenenak, animatu parte hartzen eta informazioa blog honen bitartez zabaltzen!

Kaixo guztioi!

Aste berria eta baita laburpen berria ere.  Zubia igaro dugu eta Athletic zaleak pozik egoteko moduan daude. Hala ere, aste batetik bestera, ez bakarrik jai egun kopuruaren arabera baizik eta bestelakoak ondo badoaz, beharra eta gainerakoak ere ondo joaten dira, baita gure orrialde eta blogean ere. “Euskaldunok Euskaraz” orrialdeko hesian jasotakoekin laburbilduma prestatzen dugu astero eta honetan ere horrela egiteko prest gara.

Hasteko, 111 akademiaren inguruko informazioa gehitu digu Lontzo Sainz-ek , berak desiratzen du “Honelako gehiago bagenu …” Horrela guztiongana zabaldu du akademia honen inguruan.

Bestalde, Gazteaukeraren eskutik, badaukagu zozketa interesgarririk, honako honetan, Shakiraren kontzertura joateko 4 gonbidapen lor ditzakegu musutruk! Animatu zaitezte zu eta zure lagunak! l

“Ezagutzen duzue Tolosaldeko Euskararen Semaforoa? ” .Informazioa eskegi digu Tolosaldeko Euskararen Semaforoak ere beraien  iniziatibaren inguruan, Euskaraz mintzatzen den beste blog bat da, euskarari indarra emateko egina “Eman argi berdea euskarari!”

Bukatzen Tais Sjb-ren ekarpena daukagu: “Euskararen beste ordezkari bat dekogu Euskaltzaindian, ongietorri Videgain!” Beraz badakizue, euskaltzain berria daukagu!

Aste honetan hauek izan dira blogean utzi dizkiguzuen notiziarik nabarmenenak, animatu parte hartzen eta informazioa blog honen bitartez zabaltzen!