20 urte Freddie Mercury hil zenetik. Bere musikak ordea guregan dirau.
Abeslariaren heriotzaren urteurrena dela eta, gaur 20:00-etan EITB Musika irratian, Irantzu Karrerak aurkezturiko saio berezia! Oso gomendagarria!
Grammy Latinoetan, Calle 13 taldeak, Peru-ko Kultura Ministroa den, Susana Bacarekin batera abestu duen, “Latinoamerica”-rentzako izan da, musika latinoaren urteko kanturik onenaren saria. Azpimarratzekoa da Calle 13 taldeak markak ahutsi dituela: 9 sari irabazi ditu; sailik garrantzitsuenetan, disko nahiz kanturik onenaren arloetan, esaterako…
Eta bai, “Latinoamerica” izeneko protesta kantuan, Peru-ko gobernuan sartu aurretik, irakasle eta abeslaria izandako, Susana Baca, Kultura Ministroak abesten du Calle 13-rekin.
Lurraren biztanle kopurua hazten ari da etengabe. 7 mila milioi pertsonaren bizitoki da honezgero eta Nazio Batuen erakundeak, “Playing for Change” fundazioarekin batera, “United” deituriko musika kanpaina jarri du martxan, musika izan bait da betidanik, pertsonen bihotzetara irixteko modurik zuzenena. Bost kontinenteetan zehar ibili dira grabatzen eta herrialde desberdinetako musikariak elkartuz, kantu hau osatu dute. Ea denon artean lortzen dugun, gure planeta, ezagutu duguna baino modu hobean uztea.
UNITED from 7 Billion Actions on Vimeo.
Low amerikarrek, John Stamos aktorearekin grabatu dute “C’mon” diskoko lehen bideoklipa. 50eko hamarkadako estetika dotorea dute irudiek eta bukaeran inork espero ez duena gertatzen da…
John Stamos, Mary-Kate eta Ashley Olsen ahizpen aita izan zen ”Padres Forzosos” telesailean, eta Low taldearekin erabat maiteminduta dago. Gu ere bai…
John Entwistle, Metallica taldeko Cliff Burton, Paul McCartney edota Red Hot Chili Peppers taldeko Flea-ren aurretik gelditu da, Rolling Stone amerikarreko irakurleek bete duten inkesta honetan.
Entwistle, hasiera batean pianista izan zen eta 2002an hil zen, The Who-rekin bira amerikarrean zebilela, bihotzekoak emanda. Rolling Stone aldizkariaren iritziz, bere bajuaren potentziak, Pete Townshend-en gitarra bigarren mailan uzten zuen askotan eta “My Generation” abestian egiten duen “soloa”, rockaren historian famatuena bezela azpimarratzen du.
Timber Timbre talde kanadarrak “Creep On Creepin´On” izeneko lana kaleratuko du apirilaren 5-ean. Bertako lehen singlea “Woman” izenekoa da, eta psikodeliaren alde misteriotsuena dakarkigu.
Kylie Minogue-en “All The Lovers” kantuak bere garaian izan zuen moduan, Lady Gaga-ren “Born This Way” singleak country bertsioa dauka. Abeslariak berak eskegi du bere Twitter-ean, azkeneko diskoaren salmenten emaitza onengatik Estatu Batuetako fan-ei eskerrak eman asmoz.
Crystal Fighters talde nafarrak, “Star Of Love” diskoko single berria dakarkigu. Estetika iluna duen bideoklip batekin aurkeztu dute “At Home” kantu alaia:
Egun batzuk badira Noah And The Whale talde ingelesaren “Last Night On Earth” disko berria kaleratu zenetik. Disko horretatik bi bideo eskegi dituzte. “L.I.F.E.G.O.E.S.O.N.” singlea da lehena, eta bigarrena “Give It All Back” kantu dibertigarria.
Russian Red madrildarrak azken orduko aldaketak medio, “Fuerteventura” izenarekin kaleratuko du lan berria. Sorpresa izan da, Lourdes Hernández-ek hasiera batean pentsatutako titulua baztertu egin behar izan bait du. Ez da “Home Tonight” izango, “Fuerteventura” baizik.
Lehen singlea, “I Hate You But I Love You” hemen duzue entzungai:
Zuen iritziak