EITB Musika irrati-katearen programazioa erakusten duen bloga. Abestiei, abeslariei, musika-estiloei eta musika-generoei buruzko informazio guztia blogseitb.net-en
Eguneko Diskoaren tartean, 60ko hamarkada hasierako pop britainiarrari egingo diogu lekua gaur. Joe Meek ekoizleak Londres iparraldean, Holloway kaleko 304.zenbakian, ekoiztu zituen single esanguratsuenetako batzuk entzun ahalko dituzue, 22:00etatik aurrera, Eitb Irratiaren sintonian.
Pop musikaren ekoizle iraultzaileenetako bat izan zen gizon honek grabazio zein ekoizpen sistema berritzaileak erabili zituen bere estudioan, musikaren ekoizpena zientzia bihurtuz, eta soinu bereizgarri bat sortzea lortu zuen, bere hitzetan, kosmos-aren soinua zena.
Timber Timbre talde kanadarrak “Creep On Creepin´On” izeneko lana kaleratuko du apirilaren 5-ean. Bertako lehen singlea “Woman” izenekoa da, eta psikodeliaren alde misteriotsuena dakarkigu.
Kylie Minogue-en “All The Lovers” kantuak bere garaian izan zuen moduan, Lady Gaga-ren “Born This Way” singleak country bertsioa dauka. Abeslariak berak eskegi du bere Twitter-ean, azkeneko diskoaren salmenten emaitza onengatik Estatu Batuetako fan-ei eskerrak eman asmoz.
Crystal Fighters talde nafarrak, “Star Of Love” diskoko single berria dakarkigu. Estetika iluna duen bideoklip batekin aurkeztu dute “At Home” kantu alaia:
Egun batzuk badira Noah And The Whale talde ingelesaren “Last Night On Earth” disko berria kaleratu zenetik. Disko horretatik bi bideo eskegi dituzte. “L.I.F.E.G.O.E.S.O.N.” singlea da lehena, eta bigarrena “Give It All Back” kantu dibertigarria.
Russian Red madrildarrak azken orduko aldaketak medio, “Fuerteventura” izenarekin kaleratuko du lan berria. Sorpresa izan da, Lourdes Hernández-ek hasiera batean pentsatutako titulua baztertu egin behar izan bait du. Ez da “Home Tonight” izango, “Fuerteventura” baizik.
Lehen singlea, “I Hate You But I Love You” hemen duzue entzungai:
Alex Turner, Arctic Monkeys taldeko abeslariak, bakarkako EP bat kaleratu du. Bertan retro instrumentazioekin eginiko bost kantu bildu ditu, eta horietako baten bideoa eskaini berri du. “Piledriver Waltz” da kantuaren izena.
“Hoping And Praying” izena du The School talde estatubatuarraren single berriak. “Loveless Unbeliever” diskoko azkena izango da seguruenik, taldea lan berri bat prestatzen hasi baita.
Nada Surf talde newyorktarrak “Enjoy The Silence”, Depeche Mode taldearen kantuarekin eginiko bertsioaren bideoa kaleratu du. Abestia, “If I Had a Hi Fi” zuzeneko diskoan agertzen da, eta zuzenean ikusi nahi badituzu, Bartzelonako Jack Daniel´s Music Day aretoan izango dira apirilaren 9an.
Eguneko Diskoaren tartean, 60ko hamarkada hasierako pop britainiarrari egingo diogu lekua gaur. Joe Meek ekoizleak Londres iparraldean, Holloway kaleko 304.zenbakian, ekoiztu zituen single esanguratsuenetako batzuk entzun ahalko dituzue, 22:00etatik aurrera, Eitb Irratiaren sintonian.
Zuen iritziak