Egun bat Musikan: PAULINE BLACK
.jpg)
Pauline Black, The Selecter ska revival taldearen abeslaria, 1953ko urriaren 23an jaio zen. Nigeriar eta judutar sustraiko famili batean jaioa, Londresen hazi zen eta Coventryko Unibertsitatean burutu zituen goi mailako biokimika ikasketak.
1979an, The Selecter taldearen abeslari bihurtzean, 2-Tone zigiluarekin lan egiteari ekin zion, garai hartakoak direlarik The Selecter taldearen 2 disko aipagarrienak: Too Much Pressure eta Celebrate the Bullet.
1982an, The Selecter taldea utzi eta antzerki, zine, irrati eta telebista arloetarantz bideratu zituen bere urratsak. Urteetan, telebista britainiarreko aurpegi ezagunenetako bat izan da eta telesail ugaritan hartu du parte.
90eko hamarkadan, The Selecter taldea eszenatokietara itzuli zen eta Pauline Black abeslariak tartekatu egin behar izan zituen taldearekin aurreikusitako birak eta bere proiektu pertsonalak, hauen artean, Billie Holiday eta Nina Simone abeslariari eskainitako diskoa.
Ska Revival musikaren barruan egon zen emakume bakarretakoa, Pauline Black-en ahotsa, 70eko hamarkadako soinu horri erabat lotua dago baina abeslariak beste estilo eta musika esparru batzuk ere jorratu izan ditu, blues, jazz eta soul abeslari bikaina dela erakutsiz.
1943.urteko urriaren 22an Bobby Fuller jaio zen Texasen. Bere kantek Buddy Holly rockaren aitzindariaren ildoa jarraitu zuten, 60.hamarkada erdialdean. Sasoi hartan, ordeanfolka eta talde britaniarrak ziren modan. Berak, ordea, The Bobby Fuller Four bere taldearekin Buddy Hollyren rockanroll klasikoari eutsi zion. Hollyren hita izandako Love’s made a fool of you Fuller-en kantarik arrakastatsuenetako bat bilakatu ziren, esaterako.
Emiliana Torrini islandiarrak 90.hamarkada erdialdetik dihardu bildumak kaleratzen. Hala ere, 1999ko Love in the Time of Science diskoarekin egin zuen jauzi internazionala Torrinik. Bestalde, 2002.urtean, Peter Jacksonen The Lord of the Rings: the Two Towers pelikulan kolaboratu zuen. Bertan, Gollum’s Song filmeko bukaerako kanta abestu baitzuen. Berez, Björk bere herrikidea omen zen kanta grabatzekoa, hala ere, haurdunaldian oso aurreratua zegoenez, ez zuen egin. Bere ordez, esan bezala, Emiliana Torrinik grabatu zuen abestia. Aurten disko berria kaleratu du aita italiarra duen Torrinik, Me and Armini izenekoa. Bada, izen bereko kanta jada entzungai duzu eitbmusikan. Bertan Emilianaren ahots goxo eta sentsuala reggae musikak laguntzen du. 
1977.urteko gaur bezalako egun batean, urriaren 20an, XX.mendeko rockaren historiako tragedia haundi bat gertatu zen: Lynyrd Skynyrd taldeko hiru kide, Ronnie van Zant abeslari nagusia barne, eta beraien managerra, hegazkin istripuan hil ziren. Istripua izan zutenean, taldeak Street Survivors bilduma kaleratu berria zuen. Diskoaren azaleko argazkian, taldekideak sugar artean agertzen ziren. Ezbeharraren ostean, sugarrak kendu eta atzealde beltz bat jarri zuten haren ordez. 30 urte beranduago, dena den, ondoan ikus dezakegun bezala, sugar eta guzti argitaratu zen..jpg)
Jay Livingston pianista eta konposatzaile estatubatuarra 2001eko urriaren 17an hil zen 86 urterekin. 40ko eta 50eko hamarkadetan ehunka kanta konposatu zituen Hollywoodeko zine estudioentzat. .jpg)
Gaur Stevie Wonder-en Songs in the Key of Life bilduma bikoitza da protagonista. Izan ere, 1976.urteko urriaren 16an Estatu Batuetako arrakasta zerrendetako lehenengo postuan baitzen. Songs in the Key of Life diskoan, Stevie Wonder-ek kanta batek izan dezakeen ia gai guztiak jorratu zituen. Kanta hauen musika moldaketak ere handiak, landuak dira oso, baita bere neurriko artista batentzat ere. Wonder-en ibilbideko unerik gogoangarrienetako batzuk aurkituko ditugu bertan..jpg)
Marv Johnson abeslari afroamerikarra Detroit hirian jaio zen 1938eko urriaren 15ean. Rhythm and blues eta soul doinuak abestu zituen gizon hau izan zen Tamla diskoetxearen lehen singlea grabatu zuena. .jpg)
1979.urteko urriaren 13an Don’t stop til you get enough Michael Jacksonen kanta Estatu Batuetako single-ik arrakastatsuenen zerrendako lehenengo postura igo zen. Off the Wall bere bakarkako lehenengo bildumako lehenengo single-a izan zen. Diskoak, orohar, talentu harrigarridun artista zela erakutsi zigun, bakarrik distira egiteko gai zen izarra zela, alegia..jpg)
1970eko urriaren 10ean Black Sabbath taldearen estudioko bigarren diskoa, Paranoid, Erresuma Batuko disko salduenen zerrendako lehen postuan sailkatu zen.
Ray Charlesen kantarik esanguratsuenetako bat Hit the Road Jack da. Kanta honi esker, soul soinuen maisu hau Estatu Batuetako arrakasta zerrendetako lehenengo postura igo zen 1961eko gaur bezalako egun batean. Esan bezala, kanta hau Charlesekin berehala identifikatzen dugun klasikoetako bat da. Percy Mayfield kantagile bikainarena da konposizio hau. Hain zuzen ere, Ray Charlesen 60.hamarkadako kantagile faboritoa izan zen Mayfield. Ray Charlesek guztiz bere egin zuen kanta eta berak ere bere maisutasunaren lezio bat ematen digu bertan. Izan ere, soul, pop, rock, jazz eta gospeletik edaten du Hit the Road Jack kantak eta nahasketatik sortzen da “irabiatuak” emaitza bikainak eskuratu zituen, bai kritikaren aldetik eta baita publikoarenetik ere. 
Zuen iritziak