Tag Archives: jarrerak

“Kubatar” bat egiteko aholkuak

Leave a reply
Share Button

sexoEmakumeen bularrekin egindako masturbazioari deitzen diogu kubatarra. Praktika hau aurrera eramateko garrantzitsua da partaide biek jarrera eroso bat aukeratzea. Horretarako burkoak erabil daitezke, emakumearen belaunen azpian zein gizonaren ipurdi azpian jartzeko. Bestalde, gomendagarria da lubrifikatzailea erabiltzea.

Mutila eserita edo etzanda jartzea eta neska belauniko ezartzea da seguruenik jarrerarik egokiena eta errazena. Adibidez, gizona sofan eseri daiteke eta ipurdia ertzeraino eraman. Bien bitartean, emakumeak, belauniko jarri, eta zakila bere titiekin inguratzen du. Gainera, zakila ahoarekin zein eskuekin ere mugi dezake.

Dena den, badira kubatar praktika egiteko modu gehiago ere.

Gaurko proposamena: aulkiaren sexu-jarrera

Leave a reply
Share Button

gal_1256127215Sexu jarrera ezberdinak probatzea sexu-harremanetan berritzailea izateko modu bikaina da. Gaurkoan, sexu-jarrera erraz eta erromantiko batekin gatoz Gazteako sexu-blogean: aulkiaren jarrera.

Izenak dioen bezala, sexu-jarrera hau probatzeko, aulki bat baino ez da behar. Lehenengo, gizonezkoa eseri behar da, eta, ondoren, emakumezkoa jarri behar da gainean.

Jarrera honekin, bikotekideak aurrez aurre daude, eta giro erromantikoagoa lortu ahal dute, euren begiradak etengabe gurutzatuz. Gainera, bikotekideen kokapena dela eta, elkar musukatzeko eta besarkatzeko aukera paregabea eskaintzen du jarrera honek.

Halaber, emakumeentzat oso jarrera atsegina da aulkiarena, klitoria gizonezkoaren gorputzarekin eta genitalekin kontaktuan baitago etengabe.

Zein da postura egokiena sarketaren bidez orgasmora iristeko?

Leave a reply
Share Button

Gazteako erabiltzaile baten galderaren harira, Manex Rekarte sexu-hezitzaileak orgasmora iristeko jarrera egokienen berri ematen digu bideo interesgarri honetan:

Zelako umorea daukazu gaur?

Leave a reply
Share Button

Sexu-harremanak izaterako orduan, gizonek ahalmen handiagoa dute arazo pertsonalak ahazteko. Emakumezkoentzat aldiz, zailagoa da kezkak alde batera uztea. Hori dela eta, Cosmopolitan aldizkari ezagunak emakumeen umorearen arabera egokiagoak izan daitezkeen jarrera sexualak aukeratu ditu.

Jarrera sexual horien inguruan, hain zuzen ere, arituko gara gaur Gazteako sexu blogean:

  • Zerbait berria probatzeko gogoz zabiltza? Probatu artazien jarrera sexuala. Sentsazio ezberdinak nabaritzeko jarrera paregabea da.

experimental-sex

  • Bihurri sentitzen zara? Izan zaitez sexu-harremanen gidari, amazonaren jarrerari esker.
naughty-sex

  • Nekatuta zaude? Orduan, zure bikotekideari tokatzen zaio lan egitea. Postura eroso batean etzan eta utziozu berari sexu-harremana gidatzen.
tired-sex

  • Jolasteko gogoz esnatu zara? Jarrera konplikatuago bat probatzeko egun paregabea duzu aurretik. Buruhausteen jarrerarekin ausartzen zara?
playful-sex

  • Erromantiko sentitzen zara? Maitasuna sexu-harremanen parte garrantzitsu bat da eta, hori adierazteko, ez dago aurpegiak aurrez aurre izatea baino gauza erromantikoagorik.
romantic-sex

Argazkiak: cosmopolitan.com

Cosmopolitan aldizkariarekin proposamenak probatzeko prest?

Ukraniako gobernuak misiolariaren jarrera debekatu nahi du

4 Replies
Share Button

misiolariaUkraniako gobernua hedabide guztien ahotan dago bere azken lege proposamena dela eta. Horrekin, misiolariaren jarrera sexuala debekatu nahi dute, dirudienez, hori praktikatzean zailagoa baita haurdun geratzea.

Azkenaldian, Ukraniak jaiotza tasa oso baxua dauka eta herrialdearen biztanleria asko murriztu da. Horri aurre egiteko, zenbait neurri proposatu dituzte parlamentuan eta misiolariaren debekua horietako bat baino ez da. Abortuaren debekua eta seme-alabarik gabeko bikoteei zerga gehiago kobratzea ere, lege proiektuaren parte dira.

Neurriak Parlamentuan eztabaidatu zirenean Natalia Korolevskaya diputatuak txakurtxoaren jarrera atseginagoa izateaz gain askoz eraginkorragoa dela adierazi zuen eta azalpen horrek beste parlamentarien txaloak ekarri zizkion.

Ikusteko dago neurria aurrera ateratzen den ala ez; nolanahi ere onartzekotan, kuriosoa izango da ikustea nola ziurtatzen duten legea betetzen dela.

Radio Euskadiko “La noche despierta” saioan ere, proposamen honen inguruan aritu dira. Hona hemen euren iritzia:

’69′ jarrera praktikatzeko aholkuak

Leave a reply
Share Button

sexo”69” izenarekin ezaguna den jarrera gozamen iturri izan ohi da neskentzako zein mutilentzako. Jarrera honen bidez, plazerra hartzeko eta emateko aukera dute bikoteek.

Horretarako garrantzitsua da ahoarekin masturbatzen ari garenean norbere gozamenean kontzentratzeko gai ere izatea. Halere, aho bidezko sexua ganoraz praktikatzeko badira jarraitu beharreko beste hainbat pausu:

-Hasteko, higieneak berebiziko garrantzia dauka. Jarrera hau probatu nahi duten bikoteek dutxa batean has dezakete jolasa, horrekin usain desatseginak saihestuko baitira.

-Erosoago egoteko, gomendagarriena neska gainean jartzea da.

-Kontutan izan behar dugu jolas honetan bi pertsonek parte hartzen dutela eta plazerra hartzea bezain garrantzitsua dela plazerra emateko gai izatea.

-69 jarrera praktikatzen duten pertsona askok, genitalak ahoarekin laztantzen dituzten bitartean, ohitura dute bikotearen uzkia estimulatzeko. Laztan mota hau egiteko komeni da argi izatea bikoteak gustuko duen ala ez, bestela, momentuko sexu harremana zapuztu baitaiteke.

Hortik aurrera, zuen esku dago beste guztia! Beraz, badakizue… probatu eta gozatu!

“Txakurtxoaren jarrera aukeratzen duten mutilek, sexu basatia bilatzen dute”

2 Replies
Share Button

57277792Sexuan adituak diren hainbat aldizkarik egindako ikerketen arabera, gizonek aukeratzen dituzten sexu jarrerek lotura zuzena dute beraien izaerarekin.

Txakurtxoaren jarrera aukeratzen duten mutilek adibidez, neskaren alderik basatiena bilatu nahi dute. Hori da behintzat, sexologia.net webguneak dioena.

Zaldiaren jarrerak esanahi bikoitza dauka: gizona goian jartzen bada, ongi sentitzen dela esan nahi du, baina, behean jartzen bada, bere buruarekin soilik pentsatzen duela adierazten du.

Sexu-harremanak eserita edukitzeak ere badu bere esanahia. Gainean esertzea gustatzen zaien pertsonek, askatasun osoz harremanaz gozatzeko nahia erakusten dute. Behean esertzen direnek, aldiz, uste baino ahulagoak edo sentiberagoak dira.

Dutxan zutik sexua praktikatzen dutenek, dibertitzeko asmoa erakusten dute. Dutxatik kanpo, baina, zutik sexu harremanak dituzten bikoteak, berriz, gozamena bilatzeko lana edo esfortzua egiteko prest dauden pertsonak izan ohi dira.

Sexua zutik, beste aukera bat

Leave a reply
Share Button

carr220Zutik gauden bitartean sexu harremanak izatea oso kitzikagarria izan daiteke. Baina zein jarrera aukeratu sexuaz %100ean gozatzeko?

Eskorgaren jarrera: “Karretila” izenarekin ezagunagoa den jarrera hau nahiko ohikoa da. Neskak ohe gainean jarri behar ditu besoak, sostengu gisa. Bitartean mutilak hanketatik eutsi behar dio eta zutik dagoela zakila sartzen dio.

Argi dago jarrera honetan mutilak agintzen duela. Berak eraman behar ditu erritmoa eta mugimenduak.

Otsoaren bat egitea: Ausartak diren bikoteak asko gozatuko dute jarrera honekin. Mutila neskaren atzean jarri behar da zutik. Neska eskuekin bere oinak ukitzen saiatuko da, hau da, aurrerantz makurtuko da, mutilak sarketa praktikatzen dion bitartean.

Bat egite esekia: Jarrera hau ez da egokia ahulak diren mutilentzat. Indarra eta kontzentrazioa beharrezkoak dira jarrera hau behar bezala praktikatzeko. Mutilak, zutik dagoela, neska altzoan hartuko du. Nahiko jarrera konplexua da.

Sexu jarrera kitzikagarrienak

Leave a reply
Share Button

Askotan hitz egin dugu sexu posturen edo jarreren inguruan. Baina zein da denetan kitzikagarriena? Argi dago bikote bakoitzak bere gustuko jarrerak dituela, halere, badira baten batzuk besteak baino plazer handiagoa eragiten dutenak:

i_el_perrito_gr-

Txakurtxoa: Pasioa eta gertutasuna ditu ardatz jarrera honek. Neska zein mutila etzanda daude (azken hau belaunikatuta ere egon daiteke) eta mutila neskaren atzean jarri behar da.

doma

-Kama Sutrako jarrera intentsuenetakoa da gazteleraz “La doma” bezala ezagutzen dena. Mutila aulki batean eserita egon behar da eta neska gainean jarri behar da, mutilari aurpegira begiratuz. Eskuak libre daudenez, bikoteak elkarren gorputzak uki ditzake.

soropr

-Ezustekoa. Txakurtxoaren jarrera bezala, mutilek gustuko duten postura bat da hau.

Mutilak, egoera zein bikotea menderatzen dituenaren sentsazioa izan dezake eta horrek plazerra eragiten dio. Gainera, neskak ere asko disfrutatzen du, sarketa oso sakona baita. Mutilak zutik egon behar du eta neska bizkarra ematen jarri behar da, hankak zuzen dituela, baina, bizkarra flexionatuta.

Kamasutra ezagutzen: “Ingudearen jarrera”

Leave a reply
Share Button

clip_image054Deskribapena

Gorantz begira etzanda, neskak mutilaren sorbaldetan jarri behar ditu hankak. Modu horretan, sarketa oso sakona egiteko aukera izango du bikoteak. Garrantzitsua da aurretik jolasen bat edo beste egitea, bestela gerta daiteke bagina ez egotea lubrifikatuta eta hala bada min har dezake neskak.

Alde onak:

-Sarketa oso sakona da

-Neskari sentsazio oso sakonak eragiten dizkio, batez ere, mutila jarrera horretan isurtzen bada.

Alde txarrak:

-Neska oso arina eta malgua izan behar da.

-Neskarentzat mingarria izan daiteke zakila baginaren amaieraraino iristen bada, batez ere, lubrifikazio falta badago.