Eingo al deu?

Hamar emakumetik zazpik orgasmo plantak egin dituzte inoiz.

Kansaseko Unibertsitateko ikerketa baten emaitzen arabera, hamar emakumetik zazpik orgasmoa izatearen plantak egin dituzte inoiz. Gizonezkoen artean, % 28k onartu zuen holakorik egin izana. Ikerketa hau Daily Mail egunkariak kaleratu du.

Hori egiteko arrazoi berberak eman zituzten emakumeek zein gizonek: bikotekideak klimaxa eurek baino lehen lortu izana etsigarria dela iritzita, orgasmoaren itxurak egin behar zituztela pentsatu zuten. Horren plantak egiteko beste arrazoi batzuk ere eman zituzten: kidearen sentimenduak ez mintzea eta orgasmoa izatera helduko ez zirela konturatuta gogaitzea, besteak beste.

Journal of Sex Research aldizkarian argitaratutako ikerketa honetan, 281 gizon-emakumeri egin zaie beraien sexu ohituren gaineko galdeketa. Honen bidez jakin denez, presiopean izateagatik egiten dituzte orgasmoaren plantak pertsona gehienek, batez ere gizonek.

Galdeketaren emaitzen arabera, gizonek orgasmoa sentiarazteko gaitasunari ematen dioten garrantzia dela eta, bikotekidea horren plantak egitera behartuta sentitzen da, esperantza hori bete dadin. Tracey Cox sexu kontuetan adituak esan duenaren arabera, “emakume batzuek ongi pasatzen ari direla erakusteko beharra sentitzen dute”. Emakumeek koitoaren bidez klimaxera heltzeko zailtasunak dituztela eta horrek ere orgasmoaren plantak egitera eramaten dituztela ere adierazi du adituak.

Share on Facebook

Bai, ez duzu gaizki irakurri, 7 orgasmo mota izatera hel daiteke emakume bat! Gaur gure blogean banan-banan aztertuko ditugu:

G puntua

Orgasmo motarik bortitzena eta ezagunena G puntuaren estimulazioaren bitartez lortzen da. Eremu hau hezur pubikoaren gainean dago kokatuta, eta ohikoena sarketaren bitartez estimulatzea da. Halere, behatzen bidez edota jostailu erotikoak erabiliz ere hel daiteke mota honetako orgasmora.

Bularrak

Emakumeen bularrak plazera lortzeko era agortezin eta mugagabeak dira. Modu asko daude hauek estimulatzeko: behatzen bidez, eskuen bidez, ahoarekin, mingaina erabiliz… Eta, askok sinesten ez duten arren, orgasmora hel daiteke bularrak estimulatze hutsarekin.

Adimenaren bidezkoak

Plazeraren ehuneko handiena buruan dago. Sinesgaitza dirudien arren, adimena soilik erabiliz ere lor daiteke orgasmoa lortzea. Horretarako, beharrezkoa da fantasia on izatea gogoan.

U puntua

Oso gutxi hitz egiten da eremu honetaz. Uretran dago, klitoriaren ondoan, eta behatzez zein aho bidezko sexuaz estimula daiteke. G puntuaren bidez lortzen den orgasmoaren antzekoa lortzen da honen bidez.

Klitoria

Emakumeen artean plazera eragiten duen eremu ezagunena da. Behatzen bidez, jostailu sexualekin, ahoarekin edota sarketaren bidez estimula daiteke, baita beste edozein gorputz atalekin igurtziz ere.

K puntua

Klitoriaren bi aldeetan dago. Askotan emakumeek puntu hau ahaztuta dute, edota ez dute behar bezala estimulatzen.

Uzkia

Askotan gaia tabu kontsideratzen den arren, gero eta emakume gehiago dira sexu mota hau praktikatzen dutenak, eta, hauetako askoren esanetan, orgasmora hel daiteke. Oso garrantzitsua da aurretik emakumea oso bero egotea eta, behar izanez gero, lubrifikatzaileren bat erabiltzea.

Share on Facebook

Sexuari dagokionez, behin baino gehiagotan egingo genion galdera hori geure buruari. Ahal den neurrian, erantzun zuzena aurkitzen ahaleginduko gara jarraian.

Beti esan izan ohi da gizonek eta emakumeek jarrera desberdinak dituztela sexu kontuetan. Baieztapen hori abiapuntu hartuta, batzuen eta besteen jokabideen inguruko zenbait mito hedatu dira gizartean.

Desberdintasunak sexuari dagokioez.

Askoren arabera, sexua nahi dutenean soilik agertzen dute sentiberatasuna gizonek; emakumeek, ordea, bikotekidea asebetetzeko onartzen omen dituzte harreman sexualak. Hainbat ikerketak argitaraturiko datuek, berriz, ez dute hori egiatatzen. Aitzitik, gizon nahiz emakumeek arrazoi berdinak ditugu sexua desiratzeko: beste pertsonarekiko sentitzen dugun erakarpena, plazer fisikoa lortzeko helburua eta, azkenik, ongi pasatzeko asmoa.

Bestalde, masturbazioak ere kontraesan ugari eragin izan du. Jakina omen da gizonak emakumeak baino gehiagotan masturbatzen direla, baina hori ere mitoa dela esaten du zientziak. Kontua da emakumeek ez dutela horren berri ematen, ezkutuan mantentzen dutelako askok eta askok, arrazoi kulturalak eta erligiosoak direla medio.

Azken finean, ez gara uste bezain desberdinak, urtetan zehar zabalduriko mitoak baino ez baitira ideia horiek guztiak.

Share on Facebook

Emakumeari orgasmora iristea eragozten dioten arrazoi ugari existitzen dira, eta horien inguruan arituko gara gaurkoan, Gazteako sexu-blogean.

Kasu gehienetan, emakumeek orgasmora iristeko duten oztopo nagusia kognitiboa izaten da; hau da, sexu-harremanetan arreta jarri beharrean, beste gauza batzuetan pentsatzen jartzen direla.

Orgasmoa izateko zorian pentsamendu batek euren burua gurutzatzen duenean, eta, batez ere, negatiboa denean, plazera sentitzeko aukerak izugarri murrizten dira.

Une horretan emakumezkoek izaten dituzten pentsamendu ohikoenak egiteke dituzten gauzak izaten dira; hurrengo egunean egin beharrekoak edota laneko zereginak, adibidez.

Sexu-harremanen iraupena orgasmora iristea oztopatzen duen beste faktore bat da. Batzuetan, emakumezkoa isurtzeko prest dago, baina bikotekideak unea luzatzen du. Horrelakoetan, sakonki arnastea komenigarria da, orgasmoa apur bat eteteko.

Azkenik, sexu-jarrerak ere garrantzia izaten du emakumezkoen isurketari dagokionean. Gizonezkoaren gainean kokatzean, emakumezkoak mugimenduen kontrol handiagoa dauka, eta horri esker, orgasmora iristen den unea bere menpe geratzen da.

Share on Facebook

Ingalaterran egindako ikerketa batean, emakumezkoek eta gizonezkoek bikotekideak engainatzeari buruz zer jarrera daukaten aztertu dute, eta ondorio harrigarriak lortu dituzte.

Ikerketako datuen arabera, emakumezkoek bikotekidea engainatzeko joera handiagoa dute: batez beste, 2,3 maitale izaten dituzte, eta gizonezkoek, berriz, 1,8. Gainera, 42 urte izaten dituzte batez beste gizonezkoek desleial izaten direnean; emakumezkoek, aldiz, 37 urte.

Beste datu harrigarri bat ondorioztatu dute ikerketaren arduradunek: emakumezkoen % 76k eta gizonezkoen % 67k senar-emaztea maite dutela aitortzen dute engainatu eta gero, eta ezkonduta egoten jarraitzea gustatuko litzaiekeela esaten dute.

Leialtasun falta hori izateko arrazoiei dagokienez, gizonezkoek errutinatik ateratzea, plazera bilatzea eta norberaren egoa handitzea aipatzen dituzte, besteak beste. Emakumezkoek, ordea, erromantzearekin lotzen dute gehienbat euren engainuak.

Bikotekideak engainatu egin dituela jakitean dibortzioa eskatuko luketen galdetuta, emakumezkoen % 40k baino gehiagok eta gizonezkoen % 30ek erantzuten dute baietz.

Share on Facebook

Texaseko Unibertsitateak egindako ikerketa batek erakusten duenez, gizonentzat erakargarriagoak dira emakume leloak edota ahulak. Halere, harreman luze bati buruz hitz egiterakoan ikerketaren emaitzak aldatu egiten dira.

Mutilentzako errazagoa omen da inozoak diren nesken maitasuna lortzea eta horrek emakume tuntunak erakargarriago bihurtzen ditu.

Ikerketa burutzeko gizonengan desioa pizten duten 88 faktore aztertu dituzte ikertzaileek. 76 gizonek parte hartu zuten ikerketan eta emakumeak aukeratzeko orduan puntuazio altuagoa lortu zuten oso argiak ez ziren neskek, baita heldugabeek ere.

Share on Facebook

Sexu-harremanak izaterako orduan, gizonek ahalmen handiagoa dute arazo pertsonalak ahazteko. Emakumezkoentzat aldiz, zailagoa da kezkak alde batera uztea. Hori dela eta, Cosmopolitan aldizkari ezagunak emakumeen umorearen arabera egokiagoak izan daitezkeen jarrera sexualak aukeratu ditu.

Jarrera sexual horien inguruan, hain zuzen ere, arituko gara gaur Gazteako sexu blogean:

• Zerbait berria probatzeko gogoz zabiltza? Probatu artazien jarrera sexuala. Sentsazio ezberdinak nabaritzeko jarrera paregabea da.

• Bihurri sentitzen zara? Izan zaitez sexu-harremanen gidari, amazonaren jarrerari esker.

• Nekatuta zaude? Orduan, zure bikotekideari tokatzen zaio lan egitea. Postura eroso batean etzan eta utziozu berari sexu-harremana gidatzen.

• Jolasteko gogoz esnatu zara? Jarrera konplikatuago bat probatzeko egun paregabea duzu aurretik. Buruhausteen jarrerarekin ausartzen zara?

• Erromantiko sentitzen zara? Maitasuna sexu-harremanen parte garrantzitsu bat da eta, hori adierazteko, ez dago aurpegiak aurrez aurre izatea baino gauza erromantikoagorik.

Cosmopolitan aldizkariarekin proposamenak probatzeko prest?

Share on Facebook

“Eingo al deu” sexu bloga aholkuak ematera dator gaurkoan. Hain zuzen ere, ohean mutilak txora-txora eginda uzteko gomendioak ditugu gaur zuentzat.

Sexuaren munduan trikimailu berriak ikastea oso baliagarria izan daiteke, batez ere, bikotea pozik egotea nahi badugu. Horretarako, garrantzitsua da ideia berriekin jolastea. Norbere buruarengan konfiantza eduki behar dugu; konplexu fisikoak ahaztu eta ohean “errege-erreginak” garela pentsatu behar dugu.

Era berean, sexua praktikatzerakoan dibertitzen ikasi behar dugu; mutila erakartzeko armak bilatu eta egoera kontrolpean hartu.

Emakume askok jarrera pasiboa hartzen dute ohean eta horrek ez du sexu-harremanetan asko laguntzen.
Hasteko jolas suabe eta geldoekin abiatuko dugu harremana eta jarrera sentsuala, ausarta eta agintzailea erakutsi behar dugu. Horrekin, koitoa praktikatu aurretik, mutila txora-txora eginda utziko dugu.

Horrez gain, beti bezala, komunikazioak paper garrantzitsua bete behar du. Bakoitzak gustuko duena adierazi behar du, horrek harremana asko hobetuko baitu.

Beraz, erabili irudimena, saihestu monotonia eta hautsi muga guztiak: mozorrotu, aukeratu parpailadun barruko-arropa edota eman zure bikoteari masaje sentsualak.

Share on Facebook

Estimulatzen den tokiaren arabera, emakumeak zazpi orgasmo mota izan ditzake.

G puntua ukituta orgasmo bizienak lor ditzake emakumeak. Modu egokian laztanduz gero, neskak plazer maila gorena lortuko du.

Bularrak ere orgasmo-iturri ezin hobea dira. Neskaren gorputzak duen zona erogeno garrantzitsuenetakoa dira eta ahoarekin zein eskuekin laztanduta, plazer asko ematen dute. Arraroa bada ere, neskak askok sekulako orgasmoak izaten dituzte bularren estimulazioarekin.

Buruari esker ere orgasmoak lor ditzake emakumeak. Sexu fantasietan kontzentratuz gero, posible da orgasmora iristea.

Bestalde, U puntua ere oso ezaguna da nesken artean. Atzamarrekin edota mingainarekin uretra estimulatzean oinarritzen da praktika hau.

Eta nola ez, klitoria da emakumeen artean zona erogeno garrantzitsuenetakoa. Ahoarekin, atzamarrekin edota sexu jostailuekin laztanduz, emakumearen orgasmoa bermatzen du honek.

Horrez gain, bada hain ezaguna ez den puntu bat ere. K puntua klitorien alboetan kokatzen da eta inguru honen estimulazioa ere orgasmoa lortzeko bide egokia izan daiteke.

Amaitzeko, uzkia da neskaren zazpigarren orgasmo iturria. Bikote askoren artean tabua bada ere, lubrifikatzaileak erabilita estasia eragiteko puntu aproposa da uzkia.

Share on Facebook

Neska lotsatientzako jostailu aproposa da, ezpain-barra itxura badu ere, bibragailu bat baita jostailu txiki hau. Ikusi nola erabiltzen den.

Share on Facebook