Eingo al deu? http://www.blogseitb.net/eingoaldeu Sexu bloga: sexualitatea, sexu-zalantzak, galderak, aholkuak, mitoak, beldurrak, posturak, sexu-gaixotasunak... Olatz Berastegi sexologoak erantzungo dizu. Mon, 13 May 2013 08:05:41 +0000 http://wordpress.org/?v=2.8.5 en hourly 1 Zein dira gizonezkoen atal erogenoenak? http://www.blogseitb.net/eingoaldeu/2013/05/10/zein-dira-gizonezkoen-atal-erogenoenak/ http://www.blogseitb.net/eingoaldeu/2013/05/10/zein-dira-gizonezkoen-atal-erogenoenak/#comments Fri, 10 May 2013 09:33:29 +0000 erotikus http://www.blogseitb.net/eingoaldeu/?p=2333 Pertsona bakoitzak bere gustuak eta zaletasunak izan ohi ditu sexu kontuetan. Hala ere, gizonezkoen kasuan, badira kontuan izan beharreko zenbait eremu komun; beraz, adi, eta egin zerrenda jarraian aipatuko ditugun gakoekin.
Gizonezkoen zona erogenoak

Gizonezkoen zona erogenoak


Lehenik eta behin, P puntua aipatu behar dugu, uzkiaren inguruan. Oso eremu erogenoa da, eta oso emaitza atseginak ematen ditu inguru hori estimulatzeak. Era berean, lepoa ferekatu edo estimulatuta, emaitza paregebeak lor daitezke.

Belarriak, behatzak eta mingaina derrigorrezko geltokiak dira harreman sexual atsegina bideratzeko. Arraroa dirudien arren, ezin ditugu ipurmasailak eta bularra ahaztu. Leun-leun ferekatuz gero, giroa berotzen joango da, ziur.

Azkenik, ezpainak nabarmenduko ditugu. Emakumeekin gertatzen den moduan, guztiz atal sentibera da, eta sexuari ekiteko aurrekari aproposa izan daiteke musuak ematea. Zerrenda osoa duzue, beraz, sexuaz gozatu eta gozarazteko!

]]> http://www.blogseitb.net/eingoaldeu/2013/05/10/zein-dira-gizonezkoen-atal-erogenoenak/feed/ 0 Kilimak gustuko al dituzu? http://www.blogseitb.net/eingoaldeu/2013/04/17/kilimak-gustuko-al-dituzu/ http://www.blogseitb.net/eingoaldeu/2013/04/17/kilimak-gustuko-al-dituzu/#comments Wed, 17 Apr 2013 09:39:14 +0000 erotikus http://www.blogseitb.net/eingoaldeu/?p=2328 Askok ez ditu atsegin, deseroso sentitzen direlako; badirudi, ordea, beste askok oso gustuko dituztela, kilimek orgasmoa eragiten dietelako. Beraz, jarduera erotiko interesgarria da kilimak eragin eta jasotzea: knismolagnia.

Kilimak

Kilimak

Hainbat adituren arabera, oso joko dibertigarria izan daiteke sexu-harremanetan. Bikotekidearen gorputzeko atal sentikorrenak ikertuz eta miatuz ekingo diezaiokegu lanari. Jolas dibertigarria jarriko dugu martxan, apurka-apurka ferekatzen eta kilimak eragiten.

Plazera oso gai subjektiboa den arren, honako atal hauek omen dira kitzikagarrienak: besapeak, saihets-hezurrak, izterrak, belaunen atzeko aldea, esku-azpiak eta oinak. Gainera, eskuak erabiltzeaz gain, lumak eta antzeko osagaiak ere lagungarriak izan daitezke, gure helburua lortzeko.

Abantaila sexualak alde batera utzita, elkarren arteko afektibitate-maila sakontzeko bidelagun paregabeak dira kilimak. Emaitzak frogatuta daude; beraz, hautua zuena da: kilimak, bai ala ez?

]]> http://www.blogseitb.net/eingoaldeu/2013/04/17/kilimak-gustuko-al-dituzu/feed/ 0 Bost gizonetik batek eiakulazio goiztiarra du http://www.blogseitb.net/eingoaldeu/2013/04/04/bost-gizonetik-batek-eiakulazio-goiztiarra-du/ http://www.blogseitb.net/eingoaldeu/2013/04/04/bost-gizonetik-batek-eiakulazio-goiztiarra-du/#comments Thu, 04 Apr 2013 10:44:26 +0000 erotikus http://www.blogseitb.net/eingoaldeu/?p=2322 eyaculacion precozEiakulazio goiztiarra pairatzen duten gizonei bideratuta, kontzientziazio kanpaina bat prestatu dute. “Not just a moment” kanpainaren bidez, bikotekidearekin hitz egitera eta laguntza eskatzera bultzatzen ditu eiakulazio goiztiarra pairatzen duten gizonak. Izan ere, Espainian, bost gizonetik bati eragiten dio, eta gizonen % 43k noiz edo noiz jasan du, baina horien % 15 bakarrik joan dira medikuarenera horretaz hitz egiteko.

Sexu Medikuntzarako Europako Elkarteak (ESSM) antolatutako kanpaina aurkezten parte hartu duten adituen arabera, gaitz honek gizonezkoei bakarrik eragiten dien arren, “eiakulazio goiztiarra ez da bakarrik gizonen arazoa, bikote arazoa baizik”.

Elkarte horretako presidentea den Hartmunt Porst doktorearen arabera, hori pairatzen duten gizonentzat “tragedia bat da”, eta, gainerako sexu-arazoetan ez bezala (zutitzearen disfuntzioa, kasu), eiakulazio goiztiarra pairatzen dutenak gizonezko gazteak izan ohi dira. Kasu batzuetan, gainera, sexu-harremanak izaten hasi baino ez hasten dira hori pairatzen. Horri irtenbiderik eman ezean, egoerak “bikotekideen arteko arazoak” ekar ditzakeela eta” banantzeko eta dibortziatzeko bidea” eman ohi dutela gaineratu du.

Lotsaren lotsaz, eiakulazio goiztiarra sufritzen dutenek ez dute honi buruz hitz egiten eta ez dira medikuarengana joaten. Gainera, batzuetan, arazoa ez da tratamendua duen “benetako” arazo medikotzat jotzen.

Gizonek gaitz hau gainditzeko, emakumeen jarrera funtsezkoa da. Baina emakumeen ilusio eta sentimenduak zapuztuta egon ohi dira eta ase gabeko emakumeak oldarkorrago izaten dira, Alessandra Graziottin doktorearen hitzetan.

Horregatik, jarrera ona hartu eta medikura joatea proposatzen die horrelakorik sufritzen duten bikoteei, “lotsarik gabe, gaitzak irtenbiderik badu eta”. Izan ere, bizi guztirako tratamendua den arren, gaitz honen kontrako medikamentu bat dago.

Jacques Villeneuve 1 Formulako munduko txapeldun ohi kanadarra da hori dutenak tratamenduan jartzera bultzatzen duen kanpaina honen irudia. Horren hitzetan, sexu kontutan, lasterketetan bezala, “kontrola abiadura baino garrantzitsuagoa da askotan”.

Edonola ere, eiakulazio goiztiarra duten gizon gehien-gehienek ezkutatu egiten dute, datuen arabera, bost gizonetik batek pairatzen baitu. Villeneuveren esanetan, “bost lagun baditut eta, dirudienez, inork ez du horrelako arazorik”. Txapeldun ohiak behin eta berriz azaldu du badela arazoa konpontzeko modurik, baina “laguntza eskatu behar da”, gaineratu du.

]]> http://www.blogseitb.net/eingoaldeu/2013/04/04/bost-gizonetik-batek-eiakulazio-goiztiarra-du/feed/ 0 Erotismo kontuetan nortzuk dira pikaroagoak, emakumeak ala gizonak? http://www.blogseitb.net/eingoaldeu/2013/03/27/erotismoan-nortzuk-dira-pikaroagoak-emakumeak-ala-gizonak/ http://www.blogseitb.net/eingoaldeu/2013/03/27/erotismoan-nortzuk-dira-pikaroagoak-emakumeak-ala-gizonak/#comments Wed, 27 Mar 2013 08:37:07 +0000 erotikus http://www.blogseitb.net/eingoaldeu/?p=2312 eroticgameEmakumeak
• Mypleasure webgunean egindako galdeketa baten arabera, emakumeen % 80ri norbait begira dutela masturbatzea gustatzen zaie. Horrek sexy eta desiratu sentiarazten ditu. Galdeketa horren arabera, emakumeen % 64k leku publikoren batean izan nahiko lituzkete sexu-harremanak.
• Batez ere bularrak eta ipurmasailak erakusteak seduzitzen ditu. Hala ere, Manuel Menassa psikologoaren esanetan, beraien bikotearekin konfiantza gehiegi izaten dute, eta horrek beraien intimitateari eustea zailtzen du.
• Texaseko Unibertsitateak egindako ikerketa baten arabera, sare sozialetako argazkietan irudi erotikoa ageri dutenek praktika sexual arriskutsuak izateko ohitura gehiago dute.
• Melbourneko Unibertsitatearen ikerketa baten arabera, berriz, bikotekideak edo ezezagunek bultzatuta, emakumeei gizonezkoei baino gehiago kostatzen zaie irudi sexualak elkartrukatzea.

Gizonezkoak

• Besteek beren zakilari eta ipurmasailei begiratzea gustatzen zaie batez ere. Emakumeek zein gizonek begiratzea eta begiratuta sentitzea gustuko badute ere, estatistiken eta esperientzia klinikoaren arabera, kontu honekin lotutako arazo gehiago izan ohi dituzte gizonezkoek.
• Era askotako pornografia ikusi eta honetara ohitu ondoren, gizonezkoak dira normalean esperientzia sexualetan pizgarri berriak bilatzen dituztenak. Fantasia arruntenetako bat emakumea bere aurrean jarrera erotiko batekin paratzea da.
• Sarritan beren irudi erotikoak elkartrukatzen dituzten gazteek askoz sexu gehiago praktikatu ohi dute horrelakorik egiten ez dutenek baino.
• Ikerketa batzuen arabera, gizonezkoek jakin badakite bikotekideak presionatu egiten dituztela harekin irudi sexualak elkartrukatzeko.

]]> http://www.blogseitb.net/eingoaldeu/2013/03/27/erotismoan-nortzuk-dira-pikaroagoak-emakumeak-ala-gizonak/feed/ 0 Gizonak eta orgasmo plantak http://www.blogseitb.net/eingoaldeu/2013/03/11/2305/ http://www.blogseitb.net/eingoaldeu/2013/03/11/2305/#comments Mon, 11 Mar 2013 15:56:53 +0000 erotikus http://www.blogseitb.net/eingoaldeu/?p=2305 Hamar emakumetik zazpik orgasmo plantak egin dituzte inoiz.

Hamar emakumetik zazpik orgasmo plantak egin dituzte inoiz.

Kansaseko Unibertsitateko ikerketa baten emaitzen arabera, hamar emakumetik zazpik orgasmoa izatearen plantak egin dituzte inoiz. Gizonezkoen artean, % 28k onartu zuen holakorik egin izana. Ikerketa hau Daily Mail egunkariak kaleratu du.

Hori egiteko arrazoi berberak eman zituzten emakumeek zein gizonek: bikotekideak klimaxa eurek baino lehen lortu izana etsigarria dela iritzita, orgasmoaren itxurak egin behar zituztela pentsatu zuten. Horren plantak egiteko beste arrazoi batzuk ere eman zituzten: kidearen sentimenduak ez mintzea eta orgasmoa izatera helduko ez zirela konturatuta gogaitzea, besteak beste.

Journal of Sex Research aldizkarian argitaratutako ikerketa honetan, 281 gizon-emakumeri egin zaie beraien sexu ohituren gaineko galdeketa. Honen bidez jakin denez, presiopean izateagatik egiten dituzte orgasmoaren plantak pertsona gehienek, batez ere gizonek.

Galdeketaren emaitzen arabera, gizonek orgasmoa sentiarazteko gaitasunari ematen dioten garrantzia dela eta, bikotekidea horren plantak egitera behartuta sentitzen da, esperantza hori bete dadin. Tracey Cox sexu kontuetan adituak esan duenaren arabera, “emakume batzuek ongi pasatzen ari direla erakusteko beharra sentitzen dute”. Emakumeek koitoaren bidez klimaxera heltzeko zailtasunak dituztela eta horrek ere orgasmoaren plantak egitera eramaten dituztela ere adierazi du adituak.

]]> http://www.blogseitb.net/eingoaldeu/2013/03/11/2305/feed/ 0 ‘Origami’ kondoia asmatu dute http://www.blogseitb.net/eingoaldeu/2013/01/29/%e2%80%98origami%e2%80%99-kondoia-asmatu-dute/ http://www.blogseitb.net/eingoaldeu/2013/01/29/%e2%80%98origami%e2%80%99-kondoia-asmatu-dute/#comments Tue, 29 Jan 2013 17:26:05 +0000 erotikus http://www.blogseitb.net/eingoaldeu/?p=2299
'Origami' kondoia

'Origami' kondoia

Estatu Batuetako zientzialari batzuk ‘origami’ teknika japoniarrean oinarritu dira kondoi berri bat asmatzeko. Dirudienez, preserbatibo hauek latexezkoak baino segurtasun handiagoa eskaintzen dute, eta plazera areagotzea ahalbidetzen dute.

Japonian sortu zen origamia, eta paper zatiak tolestuz irudiak egitean datza. Teknika horretaz baliatuz, sexu harreman babestuak hobetu dituzte, eta horrek latexezko kondoiak baztertzea ekarriko duela esan dute.

Origami kondoiak silikonaz eginda daude, eta horien egitura tolesturaz osatua dago. Horrela, preserbatiboa izateaz gain, jostailu erotiko ere bilakatzen dira. Horren sortzaileen arabera, plazer sexuala areagotzeaz gain, birusak eta bakterioak hobeto saihesten ditu.

Edonola ere, kondoi honen forma da berritasun nabarmenena. Kanpai itxura dute, eta jartzen errazagoak omen dira. Behin goiko txanoa jarrita, ez da beharrezkoa zakilean behera irristatzea. Tolesturetatik tira egin baino ez, dena prest omen dago jolasean hasteko!

]]> http://www.blogseitb.net/eingoaldeu/2013/01/29/%e2%80%98origami%e2%80%99-kondoia-asmatu-dute/feed/ 0 Nondik dator ‘misiolaria’ren jarrera? http://www.blogseitb.net/eingoaldeu/2013/01/28/nondik-dator-%e2%80%98misiolaria%e2%80%99ren-jarrera/ http://www.blogseitb.net/eingoaldeu/2013/01/28/nondik-dator-%e2%80%98misiolaria%e2%80%99ren-jarrera/#comments Mon, 28 Jan 2013 17:03:24 +0000 erotikus http://www.blogseitb.net/eingoaldeu/?p=2294 missionary-positionBeharbada, sexu harremanak ohean izatean gehien erabiltzen den jarrera da, ezagunena. Abantailak eta kalteak ditu, noski, baina nondik datorkio izen ezagun hori jarrera honi?

Ikerlan askoren arabera, harreman sexualaren hasieran erabiltzen da batez ere jarrera. Aurrez aurre egotea ahalbidetzen du, eta egiten erraza da.

Misiolari’ izen hori, ordea, aspalditik dator; kristauak Ameriketara iritsi ziren garaian du jatorria. Iritsi zirenean, bertako indigenek ‘animaliek bezala’ izaten zituzten sexu harremanak, hau da, emakumea lau hankatan jarriz. Misiolari kristauak txundituta geratu ziren, beraiek ez baitzeuden horretara ohituta, eta hortik datorkio izena jarrerari.

Modu honetan sexu harremanak izateko, emakumea behealdean kokatzen da, buruz gora eta hankak irekita. Gizona gainean jartzen da, normalean pisu guztia emakumearen gainean jarri gabe. Gizonak paper nagusia hartzen du horrela.

]]> http://www.blogseitb.net/eingoaldeu/2013/01/28/nondik-dator-%e2%80%98misiolaria%e2%80%99ren-jarrera/feed/ 0 Sexua, ur azpian http://www.blogseitb.net/eingoaldeu/2013/01/14/sexua-ur-azpian/ http://www.blogseitb.net/eingoaldeu/2013/01/14/sexua-ur-azpian/#comments Mon, 14 Jan 2013 15:23:09 +0000 erotikus http://www.blogseitb.net/eingoaldeu/?p=2291 sexoEmakumeek zein gizonek izan ohi duten fantasia ohikoenetako bat sexua uretan izatea da. Dela hondartzan, dela igerilekuan edota jacuzzian, urak erraztasun eta morbo handia ematen du. Postura berri eta akrobatikoak probatzeko aukera ematen du, eta inguru erromantikoak ere laguntzen du askotan. Halere, badaude kontuan hartu beharreko gako batzuk ur azpiko sexuaz gozatzeko.

Lubrikazioa: Askok urak lubrikazio gehigarri lana egiten duela uste duten arren, egia esan, kontrakoa gertatzen da. Urak emakumeen lubrikazio naturala oztopa dezake. Horregatik, gomendagarria da labaingarriren bat erabiltzea. Gainera, garrantzitsua da sarketaren aurretik laztanekin jolasten aritzea, biak naturalki lubrikatuta ere egoteko.

Igerileku batean sexu harremanak izateko asmoa izanez gero, kontuz ibili behar da gai kimikoekin, kloroarekin esaterako. Honek narritadurak sor ditzake, eta horregatik aditu askok igerilekuetan aho bidezko sexua izatea gomendatzen dute. Estimulu gehiago jasotzen dira, batez ere gizonezkoek, eta seguruagoa da.

Dutxak sexua zutik izateko aukera bikaina eskaintzen du, busti bitartean harremanak izateko, urak traba egin gabe. Halere, gogoratu ez irristatzeko zerbait jartzea lurrean eta heldu ahal izateko euskarriren bat izatea inguruan.

Askoren fantasia gogokoena den arren, itsasoan sexua izatea ez da horren erraza. Hondarrak narritadura eragin dezake emakumeen baginan, eta baita ur gaziak ere. Horregatik sexua ur ertzean edota gerriraino sartuta izatea gomendatzen da.

Eta azken gomendioa, eta garrantzitsuena: beti erabili behar da babesa sexu harremanak izateko. Egia da gizonezkoa uretan isurtzen bada, emakumearen baginatik kanpo, espermatozoideak hil egiten direla. Halere, uretan ere beharrezkoa da preserbatiboa erabiltzea, eta onena hau uretatik kanpo eta zakila tente dagoenean jartzea da.

]]> http://www.blogseitb.net/eingoaldeu/2013/01/14/sexua-ur-azpian/feed/ 0 Sexu gehiago izaten dugu Gabonetan? http://www.blogseitb.net/eingoaldeu/2013/01/03/sexu-gehiago-izaten-dugu-gabonetan/ http://www.blogseitb.net/eingoaldeu/2013/01/03/sexu-gehiago-izaten-dugu-gabonetan/#comments Thu, 03 Jan 2013 08:27:17 +0000 erotikus http://www.blogseitb.net/eingoaldeu/?p=2286
Sexua Gabonetan

Sexua Gabonetan

Argi dago Gabonetako giroa ez dela urteko beste sasoietako berdina. Askorentzat, magiaz betetako garaia da, familiarekin elkartzekoa beste  hainbatentzat… eta sexu arloan gorputzari omenaldi bat egiteko unea beste batzuentzat. Baina, zerk eragiten du Gabonetan sexu harremanak izateko gogo hori?

Guk igartzen ez dugun arren, honek arrazoi fisiologiko bat dauka. Kristauak ez direnek ere Gabonak zoriontzeko ohitura dute: musuak, besarkadak… Konturatu gabe, egunerokoan baino kontaktu fisiko gehiago izaten dugu garai honetan, eta horrek sexu grina pizten du.

Gainera, gehienek opor egunak izaten dituzte Gabonetan: denbora libre gehiago, erlaxatzeko astia… Horri guztiari Gabonetan jendez inguratuta egoteko dugun gogoa gehituz gero… Tak! Sexu grina pizten zaigu.

Eta zein irtenbide aurkitzen diogu grina honi? Askok gauza berri edo ezberdinak probatzen dituzte Gabonetan: barruko arropa fina erosi, jokotxoren bat asmatu, bikotekideari jostailu sexualak oparitu… Eta badago gurasoen etxera itzultzean gaztetako ohean pasatakoak berriro bizitzen dituenik ere.

Adi beraz, Gabonak oraindik ez dira eta bukatu…

]]> http://www.blogseitb.net/eingoaldeu/2013/01/03/sexu-gehiago-izaten-dugu-gabonetan/feed/ 0 Zein postura gustatzen zaizkie gizonezkoei? http://www.blogseitb.net/eingoaldeu/2012/12/31/zein-postura-gustatzen-zaizkie-gizonezkoei/ http://www.blogseitb.net/eingoaldeu/2012/12/31/zein-postura-gustatzen-zaizkie-gizonezkoei/#comments Mon, 31 Dec 2012 12:58:35 +0000 erotikus http://www.blogseitb.net/eingoaldeu/?p=2281

Mutilek atsegin dituzten posturak

Mutilek atsegin dituzten posturak

Kama Sutra, sexu arloko Biblia. Denok eman diogu begiradatxo bat noizbait, baina gutxi ausartzen dira bertako postura eroenak egiten saiatzen. Ameriketako Estatu Batuetan egindako ikerketa batean, sexu harremanak izateko nahiago zituzten posturen inguruan galdetu zieten gizonezkoei, eta hona hemen galdeketa haren emaitza. Zure bikotekidea gizonezkoa bada, adi beraz, hemen dituzu eta bera asetzeko gakoak.

Mutilei gehien gustatzen zaien posturetako bat larrua atzetik jotzea da. Askoren esanetan, honek gizon askok duten dominazio fantasia asetzen du, inor kaltetua sentitu gabe. Posizio tradizionalenetako bat den arren, erabilienetako bat ere bada. Gainera, emakumeak ere plazer handia lortzen du horrela.

Errota hegalen postura da atseginen duten beste postura bat. Hau egiteko, emakumea buruz gora etzaten da, eta gizona bere hanken parean kokatzen da buruz behera. Postura honen morbo handiena batak bestearen aurpegia ez ikusteak ematen du. Gainera, eskuak aske geratzen dira nahi bezala jolasteko.

Ustekabearen postura ere dute gustuko gizonek, ikerketa horren arabera. Hau ez da batere erraza, ordea: biak zutik jarrita, gizonezkoak gerritik heltzen dio emakumezkoari, eta azken hau aurrerantz makurtzen da gutxika.

Sentsazio berriak probatzeko, trapezioaren postura dute gustuko mutil askok. Gizona hankak irekita eseri behar da, eta emakumea, haren gainean eseri ondoren, atzeraka etzaten doa, guztiz etzanda geratu arte.

Eserita jarraituz, gizonezko askok burukoaren postura aipatu dute. Mutila ohean eseri, eta emakumea gainean jarri behar da, hankak mutilaren sorbaldan jarriz.

Azkenik, munduan beharbada ezagunena den postura dute gustuko mutil askok: misiolariarena. Emakumea azpian, eta gizona gainean; ez du inongo konplikaziorik. Gainera, musuak emateko eta elkar laztantzeko zailtasunek morboa gehitzen diote postura horri.

Hortik abiatuta, irudimen hutseko kontua da biek ahalik eta gehien disfrutatzea!

]]> http://www.blogseitb.net/eingoaldeu/2012/12/31/zein-postura-gustatzen-zaizkie-gizonezkoei/feed/ 0