Eingo al deu?

Pertsona bakoitzak bere gustuak eta zaletasunak izan ohi ditu sexu kontuetan. Hala ere, gizonezkoen kasuan, badira kontuan izan beharreko zenbait eremu komun; beraz, adi, eta egin zerrenda jarraian aipatuko ditugun gakoekin.

Lehenik eta behin, P puntua aipatu behar dugu, uzkiaren inguruan. Oso eremu erogenoa da, eta oso emaitza atseginak ematen ditu inguru hori estimulatzeak. Era berean, lepoa ferekatu edo estimulatuta, emaitza paregebeak lor daitezke.

Belarriak, behatzak eta mingaina derrigorrezko geltokiak dira harreman sexual atsegina bideratzeko. Arraroa dirudien arren, ezin ditugu ipurmasailak eta bularra ahaztu. Leun-leun ferekatuz gero, giroa berotzen joango da, ziur.

Azkenik, ezpainak nabarmenduko ditugu. Emakumeekin gertatzen den moduan, guztiz atal sentibera da, eta sexuari ekiteko aurrekari aproposa izan daiteke musuak ematea. Zerrenda osoa duzue, beraz, sexuaz gozatu eta gozarazteko!

Share on Facebook

Emakumeek zein gizonek izan ohi duten fantasia ohikoenetako bat sexua uretan izatea da. Dela hondartzan, dela igerilekuan edota jacuzzian, urak erraztasun eta morbo handia ematen du. Postura berri eta akrobatikoak probatzeko aukera ematen du, eta inguru erromantikoak ere laguntzen du askotan. Halere, badaude kontuan hartu beharreko gako batzuk ur azpiko sexuaz gozatzeko.

Lubrikazioa: Askok urak lubrikazio gehigarri lana egiten duela uste duten arren, egia esan, kontrakoa gertatzen da. Urak emakumeen lubrikazio naturala oztopa dezake. Horregatik, gomendagarria da labaingarriren bat erabiltzea. Gainera, garrantzitsua da sarketaren aurretik laztanekin jolasten aritzea, biak naturalki lubrikatuta ere egoteko.

Igerileku batean sexu harremanak izateko asmoa izanez gero, kontuz ibili behar da gai kimikoekin, kloroarekin esaterako. Honek narritadurak sor ditzake, eta horregatik aditu askok igerilekuetan aho bidezko sexua izatea gomendatzen dute. Estimulu gehiago jasotzen dira, batez ere gizonezkoek, eta seguruagoa da.

Dutxak sexua zutik izateko aukera bikaina eskaintzen du, busti bitartean harremanak izateko, urak traba egin gabe. Halere, gogoratu ez irristatzeko zerbait jartzea lurrean eta heldu ahal izateko euskarriren bat izatea inguruan.

Askoren fantasia gogokoena den arren, itsasoan sexua izatea ez da horren erraza. Hondarrak narritadura eragin dezake emakumeen baginan, eta baita ur gaziak ere. Horregatik sexua ur ertzean edota gerriraino sartuta izatea gomendatzen da.

Eta azken gomendioa, eta garrantzitsuena: beti erabili behar da babesa sexu harremanak izateko. Egia da gizonezkoa uretan isurtzen bada, emakumearen baginatik kanpo, espermatozoideak hil egiten direla. Halere, uretan ere beharrezkoa da preserbatiboa erabiltzea, eta onena hau uretatik kanpo eta zakila tente dagoenean jartzea da.

Share on Facebook

Asko dira sexu arloan dauden mito eta usteak. Gaur, gure blogean horietako asko gezurra direla frogatuko dugu.

Mito ezagunenetako bat mutilaren zakilaren tamainarena da. Baina zientifikoki frogatuta dago honen tamainak ez duela eraginik izan behar emakumearen plazerean. Are gehiago, tamaina handiegiko zakil batek mina eragin dezake, eta G puntua ez du zertan hobeto estimulatu.

Beste mito asko emakumeen orgasmoen ingurukoak dira. Askok uste dute emakumeek mota bakarreko orgasmoa izan dezaketela. Hau ez da guztiz egia. Zuzena da, bai, orgasmoa bakarra dela, baina honetara iristeko bidea eta eraginkortasuna ezberdinak dira, gure blogeko aurreko atalean ikusi genuen bezala. Gainera, jende askoren ustez, orgasmora iristen denean emakumeak ez du isurketarik. Hau guztiz okerra da.

Honen harira, emakumeen G puntua fikzio hutsa denaren ustea oso zabalduta dago. Hau uste dutenak oker daude, ordea, baginako aurreko paretan dago kokatuta.

Azkenik, uste ustel asko haurdunaldien ingurukoak dira. Badago lehen aldiz harreman sexualak izatean haurdun geratzea ezinezkoa dela uste duenik. Hau okerra da, noski. Gainera, askok uste dutenaren aurka, haurdunaldian sexu harremanak izatea guztiz segurua da, medikuak kontrakoa esaten ez duen bitartean.

Beraz, badakizue: horrelako usteak sinetsi aurretik, behar bezala informa zaitezte.

Share on Facebook

Menopausia ez da gaixotasun bat, emakumeek jasaten duten prozesu ebolutibo bat baizik. Honek aldaketa sozial eta hormonalak dakartza eskutik, baina ez du zertan eragina izan behar bizitza sexualean.

Ez dago frogaturik menopausiak inolako ezintasun sexualik dakarrenik. Hormonak murriztea ez da sexua eteteko aitzakia edo kausa. Gerta daitekeena da, menopausiaren ondorioz, emakumeak bagina lehorrago izatea, eta, ondorioz, harremanak zailagoak izatea.

Hainbat ginekologoren arabera, sexu-harremanak izaten jarraitzen den bitartean, funtzioa ez da galtzen; izan ere, harremanak izateak ahalbidetzen du harremanak izaten jarraitzea. Nahiz eta menopausiaren garaira iritsi, emakumeak harremanak izaten jarraitzen badu, bere gorputza horiek onartzeko prest egongo da.

Aitzitik, aditu askoren ustez, aro horretan emakume askok beldurrak galtzen dituzte (haurdun geratzeko beldurra, adibidez), eta, hori dela eta, sexualitatea gehiago garatzen dute.

Gakoa ‘sexualitatea’ eta ‘sexua’ bereizten jakitea da. Sexua, jakina, ez da berdina izango 20 urterekin edo zahartzarora iristean, baina, adituen esanetan, sexualitatea ez da galtzen. Horregatik, menopausia iristearekin batera, erraz konpon daitezke horrek sortzen dituen arazo batzuk (lubrifikatzeko produktuen laguntzaz, esaterako), eta sexuaz gozatzen jarrai daiteke luzaroan.

Share on Facebook

Teknologia berriak iristearekin batera sexuari ate berriak ireki zitzaizkiola ez dago ukatzerik. Asko izan dira tramankulu hauetaz baliatu direnak euren harremanei ukitu berezi bat emateko. Sexu zibernetikoa internet bidezko sexua da, eta, oro har, oso ondo ikusita ez badago ere, asko dira ekar ditzakeen onurak.

Segurtasuna eta ikasketa dira bi onura nagusiak. Facund Fora psikologoak XXI. mendeko sexualitatearen inguruko azterketa bat egin du, eta horiek dira bi ardatzak, horren esanetan.

Adituaren hitzetan, sexu zibernetikoak sexuaren munduari buruzko ikasketa teorikoa erraztu dezake, eta, bestalde, segurtasuna eskaintzen duen bikotekide bat ziurtatzen du, haurdunaldi edota sexu bidezko gaixotasunak saihesten baititu.

Kalkulu batzuen arabera, horrelako harremanak dituzten lagunen % 15ek horren erabilera okerra egiten dute. Horrelakoak pedofiliarekin lotzen dira maiz, baina ez adarrak jartzearekin edota sexu-mendekotasunarekin. Dena den, gero eta sexu-harreman ohikoagoa da, eta, ondo eginez gero, plazer handia sor dezake.

Share on Facebook

Lehenik eta behin, berotzen gaituzten gauzetan pentsatu behar dugu; hau da, eroso sentiarazten gaituzten egoeretan eta orgasmoa erraz lortzea ahalbidetzen dutenetan. Gure burua eta gustatzen zaiguna ondo ezagutzea ezinbestekoa da eta hau bikotekidearekin konpartitzea, honek ere lagun dezan.

Kezkatzen gaituzten gauzak alde batera utzi behar ditugu. Estresak, antsietateak edota orgasmora iritsi beharrarekin itsutzeak ez gaitu kontzentratzen uzten. Horrelako egoerek kontrako efektua sorraraz dezakete, gure burua helburuan pentsatzen ari baita eta ez prozesuan.

Hirugarrenik, orgasmora iristeko ”bide zuzena” ahaztea komeni da. Ez dago modu hoberik ez okerrik, esperimentatzea eta norberari gustatzen zaiona aurkitzea da gakoa. Sexu harremanetan orgasmora ez iristea ez da zertan txarra izan behar; oso ohikoa da, eta horregatik komeni da kanpoko laguntzak erabiltzea, hala nola, bibragailuak edo pelikula erotikoak.

Orgasmora hobeto iristeko beste gako bat osasuntsu egotea da: ez erretzea, alkoholik ez edatea, drogarik ez kontsumitzea eta kirola egitea aholkatzen du egunkariak, hauek beroaldian eragiten dutelako eta ez beti positiboki.

Azkenik, gomendagarria da sexuan adituak diren medikuengana jotzea arazoren bat badugu. Askotan gure arazoen azalpena uste duguna baina askoz ere sinpleagoa da, eta haiek lagundu dezakete.

Share on Facebook

Emakume askok dituzte arazoak harreman sexualetan plazera lortzeko. Sexua ez da pelikuletan bazalakoa, hori denek dakigu, eta batez ere emakumearen kasuan, ez da beti orgasmora iristea lortzen.

Duela hamarkada batzuk, “emakume zintzoaren” rolaren barne zegoen plazer sexualik ez lortzea, eta askok hori normala zela uste zuten. Baina sexuaren arlo gehienetan gertatu den bezala, honetan ere aurrerapausoak eman dira. Arrazoi asko egon daitezke arazo honen sorburuan. Gerta daiteke, adibidez, emakumeak bere bikotekidea beste norbaitekin (bikotekide ohi batekin, esaterako) identifikatzen egotea, eta, ondorioz, plazerik ez lortzea.

Askok gizonari leporatzen diote errua, eta hori ere akatsa da. Gozatzeko lehen baldintza nor bere buruarekin gustura egotea da, nahiz eta, noski, bikotekideak ere duen eragina. Horregatik, arazoaren iturburua gehienetan emakumea bera da, bere gorputza edo bere psikologia onartu ezin duen emakumea.

Egoera horren aurrean lehen pausoa arazoa bera dugula onartzea da. Ez da norberak erabaki duen arazoa; beraz, naturaltasunez onartu behar da. Laguntza profesionala bilatzea ere gomendatzen da. Lotsak alde batera utzi eta arazo hau duten emakumeek mundu berri bat dute ezagutzeko.

Share on Facebook

Gure gorputzaren funtzionamendua jasotzen duen estimuluetan oinarritzen da eta horien artean garrantzitsuenetako bat da elikagaiena. Jaten dugunak eragina du gure energi, pisu eta baita sexurako gogoan ere. Hala, jaki afrodisiakoak ditugun moduan, badira kontrako efektua lortzen duten elikagaiak ere; alegia, sexu grina kaltetzen dutenak. Beraz, eta hori ekidin nahi badugu, kontuan hartu behar dugu zer jan eta edaten dugun.

Gure sexu desiraren etsai nagusienetakoak dira elikagai koipetsu eta kalitate txarrekoak, otordu lasterreko jakiak adibidez, gure hormonetan desoreka sor baitezakete. Horregatik, kalitate kaxkarreko haragia eta higiene gutxiko lekuetan saldutako edo prestatutako janaria saihestea komeni da.

Jaki frijituak ez dira onak. Euren koipeak astun sentiarazten gaituzte, baita logura eman ere. Ondorioz, zaila da bikotekidea asetzeko jarrera hartzea.

Zentzu honetan, alkohola ere ez da sexuaren lagun. Izan ere, logura eman eta kitzikapena jasotzeko hartzaileak makaltzen ditu. Asko eta egunero edatea saihestu behar da eta ura edan uneoro hidratatuta egoteko.

Esneki gehiegi hartzea ere ez da komenigarria, puztuta eta deseroso sentiarazten gaituztelako. Horrela zaila da gure burua ondo ikustea eta sexurako gogoa piztea.

Share on Facebook

Badakigu sexua bikaina dela gorputza liraintzeko. Hori esan izan dute, behintzat, aditu askok eta askok. Jarduera sexualari esker, hormonak askatu eta kaloriak galtzen ditugu. Gainera, gauza jakina da orgasmoak muskuluak erlaxatzen ere laguntzen digula.

Dena den, guk ere lagundu behar diogu sexuari, eta zenbait kirol-jarduera apartak dira onura horiek guztiak are eraginkorragoak izan daitezen. Zeintzuk diren nahiko duzue, noski! Jarraian ipiniko ditugu adibide batzuk.

Pilatesari tartea egin beharko genioke gure agendan; izan ere, pelbisaren inguruko zirkulazioa hobetzeaz gain, tentsioa arindu eta artikulazioak luzatuko ditugu.

Horrez gain, yoga ere oso jarduera gomendagarria da, muskuluak malgutzen baititu. Era berean, bizkarezurra indartzeko aukera bikaina da.

Azkenik, sabel-dantzari aipamen berezia egingo diogu errepaso honetan. Aldakekin eta pelbisarekin egindako mugimendu zirkularrak, leunak eta uhindunak ditu oinarri estilo horrek. Beraz, ezin hobeak dira artikulazioak askatu eta sentsualitatea lantzeko. Lotsak alde batera uzteko ere terapia aproposa da. Ez izan zalantzarik eta ekin gorputzari!

Share on Facebook

Zein ote da sexu harremanekin gozatzeko adinik onena? Egia al da zahartzaroa iristearekin batera gero eta gutxiago disfrutatzen dugula? Ezta pentsatu ere! Adinak bestela lortu ezin dena eskaintzen digu: esperientzia. Horren ondorioz, sexua askoz hobea izan daiteke.

Gazte garenean dena berria da guretzat, eta behin martxa hartuta, ez zaigula ezagutzeko ezer geratzen uste dugu; akats galanta. Emakumearen kasuan, ikerketa askok diote 30 urte inguruan lortzen dela sexuari dagokionez unerik onena, orduan ezagutzen baitu guztiz bere gorputza. 45 urte betetakoan, berriz, nolabaiteko “hurbilketa erotikoa” izan dezakegu gure bikotekidearekin, esperientzia lagun dugula.

Beti entzun izan dugu sexua gutxitu egiten dela urteak gehitu ahala, baina ez da horrela. 50 urte ingurura iristen garenean, ezin hobeto ezagutzen ditugu gure bikotekidea eta bere gustuak, eta baita gureak ere. Egin, trebatu, mugak gainditu, eta… sexuaz gozatu, adina gorabehera!

Share on Facebook