Eingo al deu?

Ostegunero bezala, Olatz Berastegik gure irakurle baten zalantzari erantzungo dio. Pilula antikonzeptiboa behin eta berriz hartzea ahazten zaion neska baten kasua dugu oraingo honetan eta gure sexologoak aholkuak eman dizkio.

Zalantza:

“Pilula hartzen nabil eta egia esan nahiko despistatua naiz. Horrekin esan nahi dudana da behin baino gehiagotan izan dotazela deskuidoak. Hori dela eta, jakin nahiko neban zer egin holako kasutan. Adibidez, egun baten ez badut hartu zer? Egun batean bi hartu baditut zer? Egun bat baino gehiago ahaztu bazait hartzea?”

Erantzuna:

Kaixo, pilula antikonzeptiboarekin oso zorrotzak izan behar gara, hau da, erabilera nolakoa izan behar den ondo azpimarratzen dute ginekologoek; egunero hartu behar da, ordu berean… Honek esan nahi du konstanteak eta arduratsuak izan behar garela erabiltzea erabakitzen dugunean. Zuk aipatzen duzuna neska askori gertatzen zaio, eta zure kasuan zera esango nizuke:

1. Erabilera egokia egiten ez badugu, hilabete horretan beste neurri batzuk hartzea ezinbestekoa da.

2. Etengabe pilula hartzea ahazten dugunean, beste neurri batzuk aztertu beharko genituzke. Azken finean, ez dago neurri egokirik, neurriak gure bizimodura hoberen egokitzen direnak baitira. Hau da, gaur egun, dauden metodo antikonzeptiboak ikusi, guztiak aztertu, eta ondoren zure bizimoduari gehien egokitzen dena aukeratu.

Share on Facebook

Ohiko errutinetatik alde egiteko proposamena dakarkigu Manex Rekarte sexu-hezitzaileak: bikotekidea txundituta utziko duen liga, garai bateko emakumeek bezala.

Share on Facebook

Ostegunero bezala, Olatz Berastegik gure irakurle baten zalantzari erantzungo dio. Kasu honetan haurdunaldiaren osteko arazoetaz hitz egiten digu erabiltzaile batek.

Galdera:

Duela lau hilabete ama izan nintzen eta ordutik arazotxo bat daukat sexu harremanak ditudanean. Oso siku nago eta sarketa praktikatzean mina sentitzen dut. Oraindik bularra ematen diot. Horrek zerikusirik izan dezake? Eta zein soluzio daukat? Betirako geratuko naiz horrela?

Erantzuna:

Kaixo, haurdunaldian emakumeen gorputza hormonalki aldatu egiten da; ondoren ere, eta bularra ematen den bitartean, gorputzean hormona aldaketa handia dago. Honen eraginez, aldaketa batzuk somatzen dira gorputzean , desioan… Aldaketa hauek ez dira txarra edo onak, gertatzen dira, eta beraietara egokitu behar gara. Dena den, aldaketak ez dira betirako, zure kasuan bularra ematetik gelditzen zarenean ziur beste aldaketa batzuk somatzen dituzula.
Oraingoan, baginaren lubrikazioarekin kezkatuta zaude. Lasai, hori gertatzen den bitartean lubrikanteak erabili ditzakezu, beti ere harreman sexual genitalak edukitzeko gogoa baduzu. Esan bezala askotan desioak, zer nahi dugun ere aldatu egiten da, eta momentuan tokatzen dena bizi behar dugu, sentitzen duguna epaitu gabe.Beraz, lasaitu, aldaketengatik ez kezkatu, gure gorputzaren aldaketekin bizitzen ikastea garrantzitsua da, ze arraroa da, beti berdin dagoen gorputz bat topatzea.

Share on Facebook

Oraingo honetan, mutilen gozamenerako arrautza itxurako jostailu erotikoa dakarkigu Manex Rekarte sexu-hezitzaileak.

Share on Facebook

Ostegunero bezala, Olatz Berastegik gure irakurle baten zalantzari erantzungo dio. Kasu honetan orgasmoari buruz hitz egin digute gazte batek eta gure sexologoak. Hain zuzen ere, sarketaren bidez orgasmora iristeko arazoak dituen gazte baten kasua aztertuko dugu.

Irakurlearen zalantza:

“Kaixo Olatz,

Larrua jotzen dudanean ez naiz sekula orgasmora iristen. Atzamarrarekin klitoria laztantzen egon behar dut, bestela ezer ez. Lehin ez dakit orgasmora arte iristen nintzen, baina, behintzat orain baino gehiago sentitzen nuen. Ez dago bideren bat orgasmora iristeko? Badakit helburua ez dela izan behar orgasmora iristea, urduri banago afektatuko didala eta sexologoek beti esaten dituzuen kontu guzti horiek, baina, nire ametsa da nire mutilarekin larrua jotzen nagoela orgasmora iristea. Bideren bat nahi dut.
Eskerrik asko”

Olatzen erantzuna:

“Kaixo,
Zure galderan ondo aipatzen duzun moduan, sexologoak nahiko pelmak gara, eta beti plazerrari, ondo sentitzeari ematen diogu garrantzia, orgasmoa bilatu gabe. Baina zuk esaten didazu orgasmoa eduki nahi duzula eta horretarako pistak emateko. Egia esan, pertsona bat ikusi gabe, berarekin landu gabe, bere gustuak, emozioak, sentipenak, aztertu gabe ez da erraza erantzunarekin asmatzea, baina tira ahalegin txiki bat egingo dut, eta aholku batzuk emango dizkizut:

1- Zuk esaten duzu sarketa egiterakoan klitoria laztantzen baduzu gehiago sentitzen duzula, ba hori bide ona da, hau da, neska gehienak orgasmora iristeko bide errazena klitoria laztandu bidez izaten dugu, horregatik sarketa praktikatzen ari garen bitartean klitoria laztantzea ondo etortzen da.

2- Sarketa praktikatu nahi duzunean, ez joan zakila sartzera berehala, eman denbora zure buruari. Aldez aurretik, gorputz osoa laztandu, musukatu, igurtzi…
Zure gorputza osorik kitzikatuta sumatzen duzunean, lubrikazio ona sumatzen duzunean, hasi zaitezke sarketa praktikatzen.

3- Zure eszitazioa, eta desioa pizten duten gauzak aurkitu. Hau da, behatu zure burua eta joan ikusten ze gauzak, egoerak, pizten duten zuregan eszitazioa, desioa,…eta ondoren, egoera horiek sortu, bilatu, zure eszitazioan lagungarriak izan daitezkeelako.

4- Sarketa egiterakoan postura berriak, probatu. Horrela, joango zara ikusten zein posturetan sentitzen zaren erosoen, zeinetan sentitzen duzun gehiago…

Bueno badakizu, joan probatzen, eta bidea eraikitzen asko disfrutatu, askotan helmuga buruan dugunean, bideko loreak ez ditugu ikusten eta…”

Share on Facebook

Iragarri genizuen bezala, asteartero sexu proposamen batekin helduko zaigu Manex Rekarte sexu-hezitzailea. Oraingoan mozorro bero-bero batekin dator. Adi!

Share on Facebook

Kaixo. Semenaren zaporea hobetzen laguntzen duten elikagaiak badaudela entzun dut. Zein dira zapore hobea ematen dioten jakiak? Eta haziaren zaporea okertzen dutenak?

Kaixo, semenaren zaporeak elikadurarekin zerikusia badauka, baina horretan ere beste faktore batzuk sartzen dira, zure hormonak, zure gorputzeko usaia, alkohola, medikamentuak, drogen kontsumoa eta abar…

Beraz, ez nuke jakingo zehazten zein jakik hobetzen duten zaporea, eta zeintzuk izorratzen duten. Hori jakitea nahi baduzu, probatze kontua da, eta zurekin harremanak dituzten, edo duen pertsonak gogoko badu, eta zuk berak probatu nahi baduzu, bada, ekin lanari eta esperimentatu, gero ateratzen dituzun ondorioak kontatuko dizkiguzu….
Ondo pasa

Share on Facebook

Aste honetan Kamasutrako azken jarrera azalduko dugu. Datorren astetik aurrera, atal berri bati ekingo diogu. Bertan, sexu jostailuak, kosmetikoak, lentzeria nahiz mozorro lizunak erakutsiko dizkigu Manex Rekarte sexu hezitzaileak.

Dena den, aurretik “Tximinoaren jarrera” azaldu eta bere abantaila eta desabantailak aurkeztuko ditugu:

Deskribapena:

Etzanda dagoen bitartean mutilak hankak altxatu eta flexionatuta jarri behar ditu. Neska bere bikotearen izterren gainean eseri behar da, mutilaren oinak euskarri bezala hartuz.

Egonkortasuna mantentzeko, eskuetatik helduko dira neska eta mutila. Une horretan, mutilak bere bikotea altxa dezake oinekin, estimulazio bertikal bat abiatuz.

Neskaren pelbiseko mugimenduak ere estimulazioa areagotuko du.

Alde onak:

Jarrera orijinala eta barregarria izan daiteke eta, batez ere, sormena lantzen duten bikoteei zuzenduta dago.

Alde txarrak:

-Nahiko zaila da jarrera hau praktikatzea

-Kasu askotan mutila zapalduta senti daiteke.

Share on Facebook

Ostegunero bezala, Olatz Berastegi sexologoak irakurle baten zalantzari erantzun dio. Oraingoan neska gazte batek pilula hartzen denetik sexurako gogoa galdu duela eta idatzi dugu. Hona hemen Olatz Berastegiren erantzuna.

Zalantza

Pilula hartzen hasi naizenetik nire sexurako gogoa pila bat murriztu da. Inoiz ez dut gogorik edukitzen eta arduratuta nago. Pilularekin zerikusia izan dezake? Eta nola berreskuratu dezaket sexurako gogoa? Ez al dira konpatibleak antisorgailuak eta sexurako grina? Horrla bada, akabo!

Mila esker

Erantzuna

Kaixo, lehenengo gogo sexuala murriztu zaizula komentatzen duzu. Eta gertaera honek pilulekin zerikusia duen jakin nahi duzu.

Nik hau ontzat eman baino lehen, zure buruari galdera batzuk planteatu nahi dizkiot:

1- Gogo sexuala murriztu zaizula esaten duzunean, zeri egiten diozu erreferentzia (harreman sexual genitalei, kontaktu mota guztiei- hau da, muxuak, laztanak, igurtziak…-)

Askotan, ez da gogo sexuala ez dugunik, baizik eta zehaztu behar dugula zertarako gogoa daukagun.

2-Noiztik somatzen duzu gogo sexual falta? Hau zure bikotearekin gertatzen zaizu? Edo, orokorrean ez duzu gogorik ?Askotan gerta daiteke, bikotearekin dugun harremanean gorabeherak edukitzea eta horren ondorioz berekin harreman sexualak edukitzeko gogo asko ez edukitzea. Hau puntuala izan daiteke, bikotean harreman sexualak edukitzeko gogoa ere aldatzen delako, bizi dugun unearen arabera (bikotearen egoera, bakoitzaren egoera pertsonala, profesionala, …). Inondik inora ere ez dugu arazo bezala bizi behar hori, une ezberdin bat bezala bizi dezakegu.

3- Zure memento pertsonala- Indarrak, gogoak, non dituzun aztertu ( lana, ikasketak, familia)

Faktore guztiak aztertu eta analisi txiki bat egin, zure egoera zein izan daiteken ikusteko. Horrez gain, eta faktore horiek kontuan hartuta, pilulen eragina azter daiteke, pilulen hormona kantitateak gure gorputzean eragina izan dezakelako. Horretarako, denbora tarte batean pilulak hartzeari utzi, eta beste metodo batzuk erabili, ea zer sentitzen duzun.

Antisorgailu metodo ezberdinak daude, eta denak ez dira egokiak guztientzat. Pertsona bakoitzak bere beharrei, bizimoduari, erosotasunari egokitzen zaion metodoa aukeratu behar du eta, noski, noizbehinka metodoa ere alda dezakegu.

Share on Facebook

Deskribapena

Azalera gogor eta egonkor baten gainean, neska pikotxean dagoen mutilaren belaunen gainean eseriko da. Egonkortasun gehiago izateko, mutilak bizkarra euskarri bertikal baten kontra jar dezake, esaterako ohearen izkinaren kontra.

Alde ona:

Jarrera berezia eta dibertigarria da.

Alde txarra:

Ez da erraza jarrera honetan mantentzea eta beharrezkoa da mutilak gihar indartsuak eta oreka ona izatea.

Share on Facebook