Eibar

Eibarko Liburu eta Diska azoka Untzaga plazan dago iada eibartarren zain. Finlandia saioko lagunek berriz, Eibar eta Azpeitia aurrez aurre jarri dituzte auto desapiyuan. Horiexek izan dira aste honetan Eibarko Facebookeko orrian jaso ditugunak. Ekin diezaiogun gaurko laburpenari!

Eibar plaza garrantzitsua da oraindik ere liburu-saltzaile eta argitaratzaileentzat eta horren islada da gaur bertan abiatu den Liburu eta Diska Azoka. Ohikoa den bezala, Untzaga plazan kokatu dira stand-ak eta bertan egongo dira urriaren 23rarte. Azken nobedadeak, klasikoak, best sellerrak… danetik aurkituko duzue bertan. Gure herriko horman partekatutako albistean, urrian zehar burutuko diren beste hainbat ekintzen berri ere izan dezakezue, hementxe lotura.

Bestalde ETB-1 kateko Finlandia umore saioak pasadan igandean ekin zion denboraldi berriari eta urteko lehen desapiyuan Eibar eta Azpeitia aurrez aurre jarri zituen. Finlandiako bandak gure orrian elkarbanatu zuen atzo norgehiagokaren bideoa. Olaberriko kartingean egin zuten hitzordua Txus Jaiorekin batera eta hauxe izan zen bertan gertatu zana, nork irabazi ote zuen?

Iritsi da ostirala azkenean eta asteburuan murgilduko gara buru belarri, baina badakizue, gurekin bat egiteko, edozein une aprobetxatu dezakezuela, Eibarko horman bertan edota gure herriko blogean topatuko baikara. Eskerrik asko zure parte hartzeagatik eta laster arte. Ongi izan!

Share on Facebook

Eibarko orriko erabiltzaileek azken astean hizpie izan dituzten gaiak bi izan dira: saihesbidearen inaugurazioa eta nola ez, Eibarko San Juan jaiak.

Pasadan asteazkenean sahiesbide berria inauguratu zuten Eibarren. Sahiesbidearen hirugarren fasea irekita, bide osoa erabilgarri daukate iada Eibar inguruko gidariek. Bi kilometro ditu orotara eta bi tunel. Errepide berri horrek Eibarko herri guneko trafiko pilaketak murriztea lortuko duela espero dute bertako herritarrek. Beñat Mendietak irekieraren unea jasotzen duen bideoa elkarbanatu du Eibarko horman. Grabaketa Albertorena da eta inaugurazioaz gain, errepidea bera ere ikus daiteke:

Bestalde, ezin ahaztu, atzo bertan hasi ziren Eibarko San Juan jaiak. A zelako giroa txupinazoan eta nolako jai giro paregabea pasako dugun aste bukaera honetan! Eguraldi paregabea iragarri dute eta eguzkipean gozatuko ditugu ekintzaz gainezka datozkigun Eibarko San Juan jaiak. Gaur zalantza baduzue zer egin, bota begirada bat 2011ko San Juan jaietako egitarauari, eta egiten duzuena egiten duzuela, goza ezazue! Maite Bazterretxeak bere plana partekatu du gurekin Eibarko orrrian: lagunekin afalduko du eta gero parranda bota baino lehen suak ikustera jeitsiko omen da. Ongi pasa Maite eta ongi pasa Eibar! Gora San Juan!!!

Eibar-fuegos artificiales

Hurrengo astetik aurrera, opor txikitxu batzuk hartuko ditugu eta tarte batez, ez dugu asteroko laburpena egingo…. baina lasai,  orrian ‘matraka’ ematen jarraituko dugu. Ondo segi eta uda on!!!! Laster arte!

Share on Facebook

Eibar S.D gure taldea, play off-ean parte hartuko duela eta udal hauteskundeak dira Eibarko orrialdeko gai nagusiak.

Aste honetako errepasoa egiterako orduan, gure taldean lehen planora ekarri nahi izan dugu, horretan ere, lehen postuetan egoteko lehian baitago. Leire Bazkezek zera aipatu du gurean: ‘gure taldea igoerarako prest, eta zu?’ Eibar S.Dk Sabadallen kontrako partida jokatuko du eta ordurako denak egongo dira ospakizunetarako prest. Igandean Sabadellera eta datorren astean Ipuruan jokatuko da partida, beraz, sarrerak lortu eta bidaiaren nondik norakoak jakin nahi badituzu, hemen duzu informazio gehiago.

Partida garrantzitsu honen aurrean, orain…Sabadelletik jaso duguna ekarri nahi dugu, Carles Baldellou Albiñanak zera esan du: ‘Buenas noches, Me llamo Carles Baldellou y soy productor del programa Tarda de Ràdio de Ràdio Sabadell, estamos preparando un especial sobre Eibar y necesito contactar con alguien de la ciudad. Por favor interesados contactar conmigo, gracias’

Ospakizunak aipatu ditugun honetan, ez dira kirol kontuekin bat etorriko baina gure gureak direnak iritsi dira hormara Ane Goikoetxearen eskutik: ‘asteburuan Abontzako jaiak!! han topatuko gara edo?’ suposatzen dugu, bestelako kontuak inguruan badirela eta…akaso beste zerbait izango duzula zure agendan, baina Abortzako festatan, izan daiteke, aspaldiko kontuak astintzen hasi eta Lisker taldearen doinuak lagun dituzula une zoragarria igarotzea. Hemen duzu jai egitaraua.

Eibar. Abontzako jaixak

Badakizue gaur eta biharko egunen ostean, hausnarketaren eguna izango dela eta ondoren M22a iritsiko dela, gurean jada udal hauteskundeen atzera kontaketa martxan dago.

Aste honetako laburpen honekin bukatzeko, bertan ditugun udal eta foru hauteskundeen aurrean, iragan astean egin genuen bezala, igande honetan, (maiatzak 22), eta baita astelehenean (maiatzak,23) ere ahalegin berezia egingo dugula esan nahi dugu. Zuekin eta parte hartu nahi duen guztiekin bat egingo dugu, eta hitzordu berezi hauetan itxarongo zaituztegu, ez faltatu.

Eskerrik asko eskainitako arretagatik eta baita horman adierazten duzuen laguntza guztiagatik ere. Ohi legez, gure orrian edota gure herriko blogean bat egingo dugu.

Share on Facebook

Eibar aldizkariaren 100. alea kalean da, Eibarren, Euskadiko Etxebizitza Legearen Aurreproiektua hobetzeko Etxebideko Herritarren Partaidetzako Prozesua eta pizzen zozketa bat. Hauek izan dira Eibarrek duen Facebookeko orrialdean gurekin partekatu dituzuen gaiak.

Dagoeneko Eibar aldizkariaren 100. zenbakia kalean da, eta Itxaso Apraizek honen informazioa partekatu zuen atzo gurekin esteka honetan. Horrez gain, “Eibar aldizkaria gustuko al duzu?“, galdetu zigun.

Euskadiko Etxebizitza Legearen Aurreproiektua hobetzeko sortu duten Etxebideko Herritarren Partaidetzako Prozesuari buruz galdetu zigun atzo Ley Vasca de Vivienda. Euskadiko Etxebizitza Legeak. Ezagutzen al duzue aurreproiektua? Informazio gehiago nahi baduzue, erabiltzaileak utzitako esteka honetan duzue.

Gaiaz aldatuko dugu orain. Pizzen zozketa batean parte hartu nahi duzue? Web Enterat-k esteka bat, hauxe, utzi digu. Ahoa ur bihurtzen zaizue, ezta?

Honenbestez, amaitutzat emango dugu gaurko laburpena. Mila esker gure orrialdean parte hartzeagatik. Hurrengo astean Eibarri buruzko informazio gehiago ekarriko dizuegu. Eskerrik asko berriro ere, eta laster arte!

Share on Facebook

Eibarko futbol taldeak larunbatean Osasuna B taldearen kontra jokatuko duen norgehiagoka gogorarazi diguzue aste honetan Eibarrek Facebooken duen orrian; eta abesti on baten bideo bat jarri ere.

Amaia Fernándezek Eibar taldeak jokatuko duen futbol partida gogorarazi digu. Ipuruan izango da larunbat arratsaldean, 16:00etan, Osasuna B taldearen kontra. “Joateko aukerarik ez baduzu, lasai, telebistan ikusi ahal izango duzu“, ohartarazi du. Informazio garrantzitsua da hori, eskerrik asko Amaia!

Lasaitzeko eta gozatzeko gogoa duzue? Ba ikusi eta entzun Beñat Mendietak utzi digun bideoa. Gure herriko Su Ta Gar taldearen “Itxaropena” abestia partekatu du gurekin. Gustoko duzue taldea? Eta abestia?

Bestalde, beste erabiltzaile batek Miguel de los Toyos alkateak Untzaga Zentro Sozialera egin zuen bisitari buruzko iritzia utzi digu; eta baita bideoa ere. Zer iruditzen zaizue?

Hemen amaituko dugu gaurko laburpena. Hurrengo astean berriro bueltatuko gara gai berriekin. Mila esker zuen arretagatik. Agur bero bat!!

Share on Facebook

Gabonetako loteriaren sari nagusia saldu zuen Eibarko saltzaileari eskainitako rap-a, Alfa Arte artista ezagunen eskulturen fabrika eta Eibarko argazkiak dira gai nagusiak asteon Facebookeko horman.

Ondotxo jakingo duzuenez, gure herriari irribarre egin zion zoriak abenduaren 22an, Gabonetako loteriaren zozketan, eta sari potoloa gurean egokitu zen. Horren berri zehatza eman genizuen blog honetan. Beno, ba kontuak soka luzea du. Izan ere, Maite Bazterretxeak gai honen inguruko bideo bat uzten zigun orrialdean: “Ze ona! “El lotero que ha vendido el Gordo se merece un rap”… Entzun, entzun!!!!”

Eibarren Gabonetako loteriaren sari nagusia saldu duenari rap-a

Bai horixe, meritua dauka sari nagusia saltzeak….

Ramon Beitia eibartarrak eta argazkilariak ere meritu galanta du. Goiz esnatu ohi da herriko zein inguruko paisaien argazkiak ateratzeko eta, aurrekoan, haren argazki bat partekatu zuen Beñat Mendietak. Benetan polita…. zorionak Ramon!

Egunsentia Eibarren. Argazkia: Ramon Beitia (Beñat Mendietak igoa)

Artistak hizpide izaten jarraituko dugu Maite Bazterretxeak gurean utzitako beste esteka bati esker. Honakoa zioen: “Ez nekien Oteiza, Ibarrola edo beste askoren eskulturak herrian egiten zirenik…” Alfa Arte Eibarren dagoen enpresa bat da, artista ezagunen, besteak beste, Oteiza, Ibarrola, Miquel Barceló edo Philippe Starck, eskulturak egin dituzte. Guretzat ere deskubrimendu hutsa izan da, eskerrik asko Maite!

Aste honetako laburpena eginda, hurrengora arte agur esaten dizuegu. 2011ean ikusiko dugu elkar Facebookeko orrialdean, bien bitartean, ondo pasa!

Share on Facebook

Real Union futbol taldeari Eibarren kontra jokatutako partidaren kontura ezarritako isuna eta Ego Gain Isasiko eskailerak dira aste honetan Eibarko orrialdeko hesian jasotako gai nagusiak.

Egunak aurrera doaz, eta guk atzean geratzen den horrekin eta oraintxe bertan esaten denarekin, errepaso honetan ez dugu ezer komentatu gabe uzterik nahi, horregatik Eibarko orrialdeko hesitik igarotzen direnak gurera ekartzen ditugu. Esaterako Irungo orrialdeak horrela idatzi zuen gure murruan: “600 €-tako isuna asistenteari txua botatzeagatik, Eibarren kontrako partida zen. Zergatik egiten dira horrelako gauzak?” Ez dakigu zergatik, baina futbol zelaian arbitro edota linierrei edozer gauza esaten zaienez, batzuk aurrerago eraman eta orain futbol taldea zigortu dute. Informazio gehiago hemen.

Orain oso bestelako kontuak gure labur bilduman. Maite Bazterretxeak honakoa idatzi zuen: “Gobernu zentralak 7 milioi baino gehiago inbertu eta gero, 2011an ez dira dirulaguntza gehiagorik iritsiko. Eskerrak Ego Gain Isasiko eskailerak eginda dauden” Asko dira gure inguruan egin diren lanak, eta horiek denak diruz lagunduta egon direnak, baina orain eskailerak herrian ditugu eta datorrena datorrela moldatuko beharko dugu.

Bukatzeko, oso bestelako gaia, gainera agendan apuntatzekoa, eta akaso baita beste nonbaiten gehiago, Agustin Ordoñez Menendezek horrela zioen: “Gogoan izan larunbatean Astelehena pilotalekuan ‘Orquesta Mondragon‘ egongo dela gogoan izan….zelako jaia“. Horren jarraian Maite Bazterretxeak zera erantzuten zuen: “Baina zelako sorpresa! Eskerrik asko abisua emateagatik“.

Honenbestez, asteko errepasoa egin eta gero bertan utziko dugu eta astero moduan, hemen bertan edota Eibarko orrialdeko hesian topatuko gara. Bitartean, asteburu on ona izatea opa dizuegu.

Share on Facebook

Kaixo:

Astelehen on guztioi, hemen gaituzue, Eibarko Orrialdeko Hesiak izandako emarien errepaso berri batekin.

Lehenik eta behin topa egingo dugu, izan ere, Eibarko Sagardo Egunean 2.000 sagardo litro edan baitziren. 13 enpresa desberdinetako sagardoa izan zen dastatzeko eta baita lana nola egiten duten ikusi ahal izan genuen.

Zorionak Krabelin hotelari! Turistak ondo hartzen jakiteagatik diploma eskuratuko du asteon.

Aupa Eibar! Irabaztea merezi zuen arren…. Oviedoren kontra Ipuruan bana berdindu zuen.

Honenbestez, hemen utziko dugu aste honetako laburpen txikia, baina aldez aurretik jasotako laguntza eskertu nahi dugu.

Ondo izan.

Share on Facebook

Kaixo lagunak!

Hemen biltzen gara berriro ere Eibarko orrialdean sartu duzuenaren laburpentxoa egiteko prest.

Kirolak emango dio hasiera gaurko errepasoari. Jesus Elordui Eibarren partidaren albistea sartu du: “ya se sabe, lo importante es cómo se termina, más que cómo se empieza“, adierazi du. Caudal Deportivo taldearen aurkako partidan Eibar nagusitu zen eta bigarren partean golak sartu ondoren, sailkapenean liderra da. Hona hemen jolastu zuten jokalarien zerrenda: Zigor, Raúl Gañán, Valín, Urzelai, Kijera; Lombraña (Abaroa, m. 85), Albistegi, Lanzarote, Altuna, Álex García (Cuevas, m. 77), eta Lago Junior (Souto, m. 63). Zorionak, Eibar eta eutsi goiari denboraldia osoan, oso luzea baita!

Dalibor Cutura bueltan dugu Eibarren! Ostiral honetan Eibarko Ipurua pabilillo bisitatuko du serbiarrak, gaur egun entrenatzen duen taldea (Reale) JD Arrateren aurka jokatuko baitu. Cuturak adierazi duenez, “une handiak bizi ditut Eibarren baina baita ondorengo beherakada ekonomikoa“. Itxaso Apraizek galdetu digu, “nolako harrera izango du Cuturak, zuen ustez?“.

Udazkeneko ordutegiari ekin diote dagoeneko garraiobide publikoek. Horren harira, Beñat Mendieta zera adierazi digu, “cuando el transporte deja el horario de verano, ya se sabe… El invierno se acerca!“. Eibarren eta Debaren arteko asteburuetako Express autobus zerbitzua martxan jarri du Euskotrenek.

Osasunarekin emango diogu amaiera gaurko laburpenari. Eibarko eskualdean osasun zentro berri bat irekiko dute, Eusko Jaurlaritzako Osasun Sailak jakitera eman duenez. 100 ohe izango ditu eta gaixo kronikoentzako zuzenduta izango da. Kokapen zehatza ez badu ere, Gipuzkoako mendebaldean kokatuko dute eta lurraldearen bigarren zentroa izango da.

Eta honaino Eibarko aktualitate osoa. Hemendik gutxira izango gara berriro. Mila esker parte hartzeagatik eta hurrengora arte!

Share on Facebook

Udazken on danori:

Hemen gaituzu beste behin ere, aste honek emandako albiste batzuen errepasoa egiteko prest. Eibarko orrialdeko hesitik igarotako batzuk jaso eta hemen jarri ditugu zuretzat.

Hasteko, martxan jarriko gara, eta ikasturte berriari begira, futbol talde handia bultzatzeaz gainera, datozenei ere animuak bidaliko dizkiegu. Harrobia danon artean egin behar da eta.

EIBAR taldea gustuko duzu? Astelehenean, Ipuruan Eibarko harrobiko taldeen aurkezpena, eta Portalean haurren gurasoekin batzarra, zure seme-alaba futbol jokalaria izatea nahi duzu…arratsalde osoa okupatuta izango duzu……..  Ane Goikoetxea: “eskerrak gaztetxoei, ia hauek taldea lehen mailara eramaten duten, Realekoek ahal izan dutenez, gurekin ezingo dute…ez gaituzte menderatuko…”

Amaia Fernández: “Nola uztartzen duzue lana eta familia?”

Licia Ronzulli, eurodiputatu itailarrak ume jaio berri hartu ta lanera eraman zuen… Amaia Fernández: “Europako parlamentura eraman du umea, emakumeak ama eta langile izateko dituen trabak lau haizetara zabaltzeko egin zuen”.Maite Bazterretxea: “gizajoak gu”

Orain Eibarren bertan 3Dko zinema dugu! gaur zinemara joango zara? Eguraldi bikaina eta benetan aproposa dago horretarako. Rud Beckia:” benetan punta-puntakoak garela” gaur 3D zinema estreinatzen dugu!!”

Laburpentxoa ondo baino hobeto bukatzeko, beste albiste pozgarri bat ekarri dugu gurera. Aupa Lorena!! Lorena Valderas Europako Sub 17 jokatzeko aukeratu dute Espainiako Selekzioan.

Momentuz, hemen utziko dugu aste honetako laburpena baina gogoan izan blog honetan ez bada, Eibarko orrialdean egingo dugula topo. Eskerrik asko zuon partehartzeagatik.

Share on Facebook