Eibar

Urte berria hasi dugu eta 2012 honetako apirilaren 25ean 75 urte beteko dira italiarrek Eibar bonbardatu zutenetik. Eibartarren bizitza guztiz eraldatu zuen gertakari honen urteurrena ospatzeko herritarren parte hartzea eskatu dute. Hori eta Facebookeko orrialdean jorratu diren beste zenbait kontu errepasatuko ditugu 2012ko lehendabiziko post honetan. Gurekin etorriko al zarete?

Gabonetako oporren ostean bueltan gatoz, eta beraz, ezin gara hasi eibartar guztioi URTE BERRI ON esan gabe. Urte berriarekin batera, hitzordu garrantzitsu baten berri ematen genizuen duela egun batzuk komunitatean. Izan ere, datorren apirilaren 25ean 75 urte beteko dira Eibarko bonbardaketa izan zenetik, eta horren aurrean, esteka honekin animatzen zintuztegun ospakizun horretarako proposamenak botatzeko. Eibarko Udalak egun horretarako herritarren parte hartzea nahi du, eta hori dela eta, ekitaldi ezberdinen egitaraua eibartarrokin osatu nahi du. Ideiarik? Animatu!!

Maite Arroitajauregi du izena, eibartarra da eta ziur asko zuetariko askok talde ezberdinetan lan egiteagatik ezagutuko duzue, Morau, Lisabo edo Kashbad taldeetan, besteak beste. Mursego da honen azken proiektua, eta artista eibartarraren elkarrizketa eder bat partekatzen genuen. Maite ezagutu nahi? Gozatu!

Eibarko San Andres eskolako ikasle ohiak ere sare sozialei ongietorria eman die, izan ere, ikasle ohiak biltzeko asmoz, talde bat osatu dute Facebooken. Honen berri Lorea Echanizek eman digu gaur bertan eta zuk ere bertan ikasi baduzu eta garai hartako oroitzapenak partekatu nahi izatera, badakizu!

Eguberrien aurretik askok urte osoan itxaroten dugun Gabonetako Loteriarekin hitzordua genuen. Gertutik jarraitu genuen, baina zortea ez zen gure herrira iritsi. Hori bai, ziur asko nork edo nork diru apur bat eramango zuen etxera, ala?

Bestalde, aipatzen genizuen gure taldeak, Eibarrek, amaiera ona eman ziola urteari, izan ere, play-off-etara igoera postuan amaitu zuen 2011ko azken partida, 18. jardunaldia. Ondorengo partiduetan ere zorte on ona opa diogu gure taldeari.

Alberto Alonso Canok, berriz, dokumentu bat partekatzen zuen gu guztiokin senatuan dagoen eibartar baten informazioarekin.

Manuel Jesusek, berriz, gogoeta interesgarri bat uzten zuen Facebookeko orrialdean, izan ere, aurreko postean kontatzen genizuen bezala, kolokan dago Eibarko bingoaren etorkizuna, eta bere salaketa aditzera eman nahi izan du, beste behin, Manuelek. Gainera, Mahtma Gandhire hitz batzuk eskegitzen zituen horman. “Borrokatu eta borokatu”, esaten zuen horman. Hemen dituzue Gandhiren hitzak:

Iturria: Manuel Jesus Cancio

Eta musika apur batekin amaituko dugu gaurko posta, izan ere, Musikota Olayak kontatzen zigunez, 700 eibartarrek bisitatzen omen dute www.musikota.com, Oviedo bezalako hirien aurretik. Musika asko atsegin dugu eta!! Aupa Eibar!

Badakizue Eibar Facebookean duzuela eta nahi adina kontu partekatu ditzakezuela hemen baita blog honetan bertan ere. Gure aldetik besterik ez, urte berria ondo hasi duzuelakoan. Pozik bizi eta besarkada handi bat!

Share on Facebook

Eibarko Ane Miren Barrerok, Barakaldoko Bec-en egindako casting-ean parte hartu zuen eta larunbatean bizitzako egun berezia biziko du.

Atzo bertan jakin genuen, Ane Miren Barrero, eibartarrak larunbatean Shakirarekin ‘Waka Waka’ dantzatuko duela, eta gainera 40.000 lagunen aurrean egingo du, San Mamesen. Gure komunitatetik Zorionak eman nahi dizkiogu Aneri! Eibar, goi-goian utziko duela ziur gaude gainera. Hemen duzu, casting-ean grabatutako bideoa.

Aneri bere horman zorionak emateko aukera ere izango duzu nahi baduzu, hemendik iritsiko zara.

Bestalde, Eibarren asteon beste kontu aipagarri bat izan duzu, eta arestian aipatutako albistea baino askoz ere txarragoa da. Kamioi bat zintzilik geratu baita Eibarko zubian, guk irudi ikusgarriak ekarri ditugu eta hurrengo bideoan ikusiko dituzu nahi izanez gero.

Istripuak ere zer esana eman du, esate baterako Mariluz Hernandez Rodriguezek zera esan zuen: ‘Uff….no es el primero ni será el último ….esa zona parece que algo tiene…fue por Azitain no??’ eta Irati Ugarteburuk horrela erantzun zion: ‘Si si, es el mismo sitio donde se la dan todos. Donde en Marzo tuvo un accidente otro camión, donde hace un tiempo cayó abajo un coche… metro arriba metro abajo es ahí.’

Bukatzen joateko kirol kontuak ekarriko ditugu, gure komunitatetik ere gure herriko taldeari animuak bidali nahi dizkiogulako. Aupa Eibar!!! Eutsi gogor!! ez da automatikoki igo, baina…hemen duzu azken partidaren irudiak. Bertan duzu bideoa.

Beñat Mendietak ere Eibar S.Dren gaineko aipamena egin du aste honetan Eibarko horman izan ere, gure herriko taldeak noren kontra jokatuko zuen astelehenean ematen zen jakitera, eta gure komunitateko lagunak beti hortxe daude…: ‘el Eibar S.D. contra el Alcoyano!!!! Aupa Eibar!’ Bertan duzu, Beñatek berak hormara ekarritako esteka.

Aste honetako laburpena bukatzeko Ane Goikoetxeak utzitako gonbitea edo oharra ekarri dugu. Gaur, ekainaren 2a ‘Fraisoroko amak, Fraisoroko haurrak’ liburuaren aurkezpena dago, eta liburua irakurri aurretik, informazio gehiago irakurtzea nahi baduzu….honatx Anek utzitako lotura.

Dagoeneko, Eibarko orrialdeko horman jasotakoen errepasoa bukatu dugu, baina badakizu, gure herriko blogean ere espero zaitugula.

Share on Facebook

Eibarren, hileon, maiatzean, 8 argazki erakusketa ikusgai, musika ekitaldiak Eibar Plazara ekimenari esker eta Barakaldo-Eibar partida igande honetan.

Aste honetako laburpenari ekiteko, gogoan izan behar dugu, Eibarko Arrate elkartekoak eta jakina, baita maiatzean zehar nagusituko diren ekitaldiak ere. Argazkigintza gustuko zaletasuna dela argi dago, gure artean esaterako guztiok dugu irudi ederrak harrapatzea maite duenik…Joseba Uriartek aste honetako zera utzi digu Eibarko horman: ‘argazkigintzaren hiri bilakatuko da Eibar Maiatzean…bihartik aurrera (ostiraletik aurrera) abian egongo da.’ Herritik atera gabe, ekimen polita izango dugu, honen inguruko gehiago jakin nahi baduzu, hemen uzten dugu albistearen esteka.

Bestalde, irudiak bizitzan garrantzitsuak badira, musika ere ezinbestekoa dela argi dago. Hori ere, badugu gure herrian, eta Ane Goikoetxeak honako oharra utzi digu: ‘Rock-a maite baduzu, edota blues edo punk-a Eibarren bertan duzu aukera paregabea!!!Asteburu honetan bertan.’ Arrateren lagunak taldearen ekimenez eta Arrate Taldearen aldeko apustua egiteko musika aukeratu dute. Astelehena pilotalekuan izango da Eibar Plazara ekitaldi handia eta bertan, aspaldiko abeslariak gaurkoekin batuko dira. Eibarko Koru Gazteko zuzendaria den Elena Martinek dio, erronka handi izan dela hau aurrera ateratzea, gazteek ahalegin handia egingo dute, azterketa garaian baitaude. 15 gaztez osatutako taldean ‘Oh happy day’ telebista saioan eman ziren ezagutzera eta asteburuan ekitaldia dute. Kontzertua erritmo desberdinez beteta etorriko da, izan ere, Bergaratik ‘Belceblues’ taldekoak ere izango dira, tartean ‘Arratsaldero’ telesaioko aurkezlea den Oihan Vega egongo da. Bertan dago, zabalago informatzeko lotura. Musikaren laguntzarekin egingo dugu aurrera aste honetako laburpenean, eta Olatz Gartziak ere, Eibar Plazara ekimenarekin bat egin du, eta zuoi guztioi zera galdetzen dizue: ‘ostiralean kontzertuak…,larunbatean bazkaria….zeinetan egongo zara?’ Zuek esango duzue…zein ekitalditan egongo zareten, Eibarrren asko dago ikusi, entzun eta egiteko. Argibide gehiago hemen.

Ezin kanpoan utzi, kirol kronikari dagokion tartea, izan ere, S.D Eibar taldea oso postu onean dago eta hobean egoteko lehian sartuko da laster, Maite Bazterretxeak hurrengo oharra utzi zigun: ‘igandean, denok Barakaldora,S.D Bakaraldo- Eibar partida garrantzitsua jokatuko baita Lasesarren arratsaldeko 18:00etan. Autobusak 2 eurotan Barakaldora.’ Beraz, aitzakiarik ez, izan ere, goizez zein arratsaldez bidaiatu daiteke. Hemen duzu informazioaa.

Aste honetako laburpena bukatu da, eta orain, astebururako antolatu diren ekitaldietaz gozatzea besterik ez dugu. Gure orrialdean edota, gure herriko blogean topatuko garela ez ahaztu.

Share on Facebook

Euskal Herriko Itzulia Eibarrera iritsiko da gaur eta bihar aterako da, eta Eibarrek Logroñesen kontrako partida larunbatean jokatuko du Ipuruan.

Aste honetan Eibarko orrialdean egon den jarduera laburtzeko unea da, eta horretarako Joseba Uriartek ekarritako oharrarekin irekiko dugu errepasoa: ‘ADI: Euskadiko Itzulia dela eta trafikoan aldaketak egongo dira.’ Euskal Herriko Itzulia gaur iritsiko da gurera eta bihar aterako da herritik. Horrek esan nahi du, bitarte horretan trafikoan eta baita aparkalekuak bilatzeko unean ere aldaketak egongo direla. Goizean goizetik, ezingo da Legarre, Arrate Bide, San Andres kaleko ezkerreko zati bat, eta Untzaga (Pegora parekoa), eta arratsaldeko lehen orduetatik debekatuta egongo da autoa Azitain poligonoko goiko aldean. Biharko ere aldaketak egongo dira, goizean goizetik, Julian Etxeberria, Zuloagas, Calbeton eta plaza Barrian ezingo da aparkatu, Gainera erdialdean goizeko 11:00 oinezkoentzat bakarrik izango da. Bestalde, Toribio Etxebarria kalean bizi bazara, larunbat goizera arte itxaron beharko dugu autoa bertan aparkatu ahal izateko. Gaur, Amurriotik atera eta Arrateko Santutegian izango du helmuga. Hemen duzu bestelakoen berri jakiteko esteka.

Kirol kontuak nagusitu dira aste honetan Eibarko orrialdean eta orain, txirrindola alde batera utzi, eta takodun botak jantzita futbol zelaira gerturatuko gara. Beñat Mendietak horrela idatzi du gurean: ‘larunbat honetan partida garrantzitsua!!!! Eibar-Logroñes. Gainera,KLUBARENGANAKO LAGUNTZA EGUNA!!! Ipuruan topatuko gara! Aupa Eibar!’ Oso partida garrantzitsua izateaz gainera, taldeko bazkide direnentzat prezioa berezia oso izango da, eta horretaz gain, Caritas elkartearentzat ere izango da, sarrera kopuru majo bat ere. Bertan duzue apirilaren 9rako prestatzen joateko lotura.

Asteburuari begira jarri garen honetan, kirol hitzordu garrantzitsuaz gainera, Zarautzera bueltatxoa egiteko aitzakia topatu dugu, izan ere, Olatz Gartziak, Zarautzeko taldearekin batera, Eibarko NAPOKA IRIA taldeak DAYNA KURTZ jazz musikari handiarekin kontzertua emango duela esan baitigu. Lizardi Antzokian izango da gaueko 21:00etan. Beraz, herriko taldea Kontzertuan zuzenean ikusi nahi baduzue Zarautzen duzue aukera. !!! Hemen dago, jazz musikari handiaren bideoa.

Eguraldi ona dugula eta, gauez kontzertuetan egon ondoren, egunez, edota arratsaldez ere argazkiak egitearena ez da batere ideia txarra, gainera Beñat Mendieta berak honako oharra helarazi digu: ‘argazkiak egitea gustuko duzu? Maiatzerako lehiaketa duzu…. ‘ Kamera hartu eta ur botila alboan duzula, argazkiak egitera, edota aldez aurretik atetakoak badizu lehiaketara joan zaitez. Hala ere, gogoan izan, gure blog honetarako ere irudi berri berria topatzen ari garela eta zure argazkiaren zain gaudela, zuk egindakoa behar du izan, eta gero jasotako guztien arten ‘me gusta’ gehien jasotzen dituenak lortuko du iragazlea izatea. Badaezpadan hemen duzu gehiago jakiteko lagungarri izango den esteka.

Aste honetako laburpenari amaiera emateko doinu batzuk ekarri nahi izan ditugu eta Leire Bazkezi esker Dani Gascon musikari eibartarraren musika topatu dugu Eibarko orrialdeko horman, izatez, Arrasatearra da, baina Eibarren bizi da, eta orain ikusi eta entzun dezakezun abestia ‘Se tú mismo’ da. Bertan duzu bideoklipa.

Honenbestez, Eibarko orrialdeko jarduerak asteon eman duenaren laburpena bukatutzat emango dugu, bitartean, herriko orrialdean edota gure herriko blogean bertan topatuko gara.

Share on Facebook

Errebal Merkataritza gunea eta Nicolas Pellerinen emanaldia dira aste honetako kontu nagusiak Eibarren.

Gaur bertan Errebal Merkataritza gunea hizpide hartuta hitzordua jaso dugu Eibarren, horren berri zuzena Mendikutetar Josuri esker jaso dugu gure horman: ‘19:00etan Portalean hitzaldi/bilera irekia antolatu du Errebal Plataformak. Udalak egindako Plan Berezia zer den Plataformako kideak saiatuko dira azaltzen, eta plan berezi horren ondorioz erakutsiko dute nolakoa izan daitekeen etorkizuneko Errebal Merkatalgunea.’

Ostiral bezpera izaki, aurrera begira jarri behar dugu nahi eta nahi ez, eta Leire Bazkezek egindako gonbitea ekarri dugu gurera: ‘asteburu honetan zita musikala!! Nicolas Pellerin Eibarren egongo da, Martxoak 26, larunbata, Coliseo antzokian. 20:00etan.’ Bertan duzu informazio gehiago.

Bestalde, gure herriko komunitateak asteon, mesede txiki bat eskatu dizue orrialdeko partaide guztioi, hemen horman, astero uzten dugun laburpenarekin batera ‘automatikoki’ azaltzen den irudia aldatu nahi baitugu. Zuen argazkia izatea gustatuko litzaiguke, originala behar du izan zuek aukeratutakoa. Eibarko orrialdean zuen argazkia uzteko aukera izango duzue eta hurrengo asteartean ‘atsegin dut’ boto gehien dituena izango da aukeratutakoa. Eskerrik asko guztioi eta gora Eibar! Beraz, anima zaitezte eta zuren argazkiak bidali. Hemen dugu jasotako bat, Juan Cruz Bagliettok utzi du Eibarko orrialdean eta Eibarko 2 de mayo kalea da. Badakizue zer egin behar duzue beraz, zuenak bidali eta gustukoenari ‘me gusta’ eman.

Eibar. 2 de mayo kalea. Argazkia: Juan Cruz Baglietto

Bukatzeko, beste irudi bat ekarri dugu, Pedro Maria De Aguirrek utzitakoa eta bertan ageri dena, Azitain baserria. Asteburuan aprobetxatu beharko duzue, zuek gustuko irudi horiek topatu, aukeratu eta gure orrialdera igotzeko.

Eibar. Azitain baserria

Gure aldetik, eskerrak ematea besterik ez zaigu falta, hori bai, badakizue edozein momentutan topo egingo dugula, gure herriko blogean bertan edota Eibarko orrialdeko horman. Ondo izan eta anima zaitezte Eibarko argazki lehiaketan parte hartzen.

Share on Facebook

Antzerki Jardunaldiak aurrera doaz Eibarren, eta horrekin batera, asteburuan kontzertura joateko gonbitea ere jaso dugu Eibarko hesian.

Udaberria iritsi aurretik, herria, eskenatoki bilakatzen da Antzerki Jardunaldiak arrakasta osoz egin ahal izateko. Beñat Mendietak ere horrela dio: ‘antzerkia maite baduzu, herrian bertan antzerki jardunaldiak dituzu.’, Hemen duzu egitaraua oso osorik. Asteburuan, ere baduzue non gozatu herritik atera gabe.

Agertoki erraldoia herrian dugu: aktore, zuzendari, teknikari eta antzezlanak eta publikoa jakina, bihar esate baterako, etxeko gazteentzat ere egongo da zer ikusi. Maite Bazterretxeak ere horrela animatzen gaitu parte hartzera: ‘antzerkia, antzerkia eta antzerkia….planik ez duzula, ezin esan ezta? nik behintzat argi daukat. Eibarren antzerkia nagusi!’ Zuk ere horrela pentsatzen baduzu, hemen topatuko dugu informazio gehiago. Coliseo antzokian topo egingo dute antzerkiaren maitale guztiek.

Antzerkia bai, baina baita musika ere, Victor Zapatak larunbata, hilak 19, gaueko 22:00etatik aurrera ‘Rock Labuela’ taldearen disko berriaren aurkezpenera gonbidatzen gaitu. Lanaren izenburua, “Derecho a ser humano”, eta kontzertua Ermuko Zappa tabernan izango da, hori, sarrera doan izango da.

Labuelaren kontzertua iragartzeko kartela. Ermua

Kontzertura joatera animatzen bazarete, Victor Zapata berak, Labuela musika taldearen bideoa ere utzi digu bertan. Ia gero gure komunitatean zer moduzkoa izan den esaten diguzun.

Bukatzeko, Eibarreses No Socialistasek utzitako mezua ekarri dugu: ‘Eibarreses del mundo ¡unios!’ Mezu honekin, hots, Munduko eibartarrak bateratzearekin, agurtuko dugu aste honetako laburpena, baina badakizue, Eibarko orrialdean bertan edota, gure herriko blogean ere elkartuko garela.

Share on Facebook

Eibarko futbol taldeak larunbatean Osasuna B taldearen kontra jokatuko duen norgehiagoka gogorarazi diguzue aste honetan Eibarrek Facebooken duen orrian; eta abesti on baten bideo bat jarri ere.

Amaia Fernándezek Eibar taldeak jokatuko duen futbol partida gogorarazi digu. Ipuruan izango da larunbat arratsaldean, 16:00etan, Osasuna B taldearen kontra. “Joateko aukerarik ez baduzu, lasai, telebistan ikusi ahal izango duzu“, ohartarazi du. Informazio garrantzitsua da hori, eskerrik asko Amaia!

Lasaitzeko eta gozatzeko gogoa duzue? Ba ikusi eta entzun Beñat Mendietak utzi digun bideoa. Gure herriko Su Ta Gar taldearen “Itxaropena” abestia partekatu du gurekin. Gustoko duzue taldea? Eta abestia?

Bestalde, beste erabiltzaile batek Miguel de los Toyos alkateak Untzaga Zentro Sozialera egin zuen bisitari buruzko iritzia utzi digu; eta baita bideoa ere. Zer iruditzen zaizue?

Hemen amaituko dugu gaurko laburpena. Hurrengo astean berriro bueltatuko gara gai berriekin. Mila esker zuen arretagatik. Agur bero bat!!

Share on Facebook

Eibarko Tekniker enpresaren Robofoot europar proiektua, ‘Arragueta Fest’ ‘indie’ estiloko jaia eta Eibar B taldearen fitxaketa berria dira Eibarko gai nagusiak.

Krisi garai honetan proiektu berriak eta erronkak aipatzen direnean, gai  nagusi bilakatzen dira, izan ere, egoera ez dago inolaz ere alai egoteko moduan. Baina, aste honetan gurean, Eibarren bertan, albiste ona izan dugu eta Maite Bazterretxearen eskutik iritsi zaigu: ‘Tekniker robotika enpresak orain erronka berria du, oinetakoetan aplikatzekoa izango da. Robofoot proiektu europarra da. ‘ Oinetakoen industria robotizatzeko prozesua hasi besterik ez da egin beraz…ia gure herriak egingo dituen oinetakoak noraino eramaten gaituzten. Hemen duzu kontu honen gaineko esteka.

Oinetakoak jantzita aurrera egingo dugu eta gainera, oinetan janzten dugunarekin harreman zuzena duen kontu batekin. Jai berezia egongo da bihar eta horietako talde baten izena ‘zapato tipo bota’ da beraz…horra hor. Mendikutetar Josuk Eibarko orrialdean, festaren berri eman digu: ‘barixakuan! Tokia: Diskoteka Punto y Aparte (redekorauta eta a tabernako prezioekin)’ Bihar, ostirala, gaueko 22:’00etan ‘Grises’ taldeak kontzertua eskainiko du Eibarren eta ‘Grises’ taldeaz gain, ‘Planetaleta’ , ‘Zapato tipo bota’ eta ‘Euskalnew Collective’ talde eta DJak ere arituko dira “indie” estiloko jai batean, “Arragueta Fest” izena jarri diote. Sarrera aurrez erosiz gero 8 € baina bestela, lehiatilan 10 €. Informazio gehiago behar izanez gero, hemen duzu esteka.

Motorrak berotzen joateko Maite Bazterretxeak musikaz gozatzeko aukera utzi digu orrialdean: ‘Hemen Grises taldearen bideoa‘.

Ezin kirola alde batera utzi, eta gure komunitateak ere zera esan digu: ‘Eibar B taldeak, orain arte Gernikan egon den Imanol Martinez fitxatu du.’ Hirugarren mailan jarraitzeko bidean, zenbakien kolorea hobeto eta taldea indartzeko asmoz Imanol Rodriguez fitxatu dute, orain arte Gernikako taldean egon bada ere, orain Eibarrera pasatuko da. Hemen duzu albistea.

Aste honetako errepasoa bukatzeko, hankak luzatu eta paseotxo bat egiteko gogoz gara, eta hori dena Beñat Mendietari esker, hala ere, berak dioenarekin ez dugu gure burua oso seguru ikusten: ‘Eibartik Ermura bitarteko pasealekua egoera eskasean dagoela salatzen dute….’ Herriak handitu egiten dira eta gainera gero eta zerbitzu hobeak eskaini behar dira, horregatik orain Eibarko autobidean lanak egiten ari dira, baina noski, ondo egon aurretik gauzak konpontzeko bidean daudenean, arazoak egoten dira, eta istripu larririk egon ez dadin tarte hori behar bezala jartzeko eskaera egin dute. Hemen duzu esteka.

Momentuz, hemen utziko dugu aste honetako laburpena, baina badakizu, bitartean, gure blog honetan bertan edota Eibarko orrialdean ere zure parte hartzea ongi etorria izango dela.

Eskerrik asko guztiagatik eta laster arte.

Share on Facebook