Eibar

ONCEren Kupoiak 350.000 euro utzi zituen Eibarren astearteko zozketan, hamar kupoi saritu saldu baitziren eta kupoi bakoitzari 35.000 euroko saria baitagokio. Aitor Aja Sierra saltzailearen eskutik heldu ziren sariak, berak saldu zituelako kupoiak Isasi kalea eta Unzaga Plazaren artean, udaletxearen parean.

ONCEk gogoratu du duela gutxi Donostia Ospitaleko salmenta-gunean ‘Rasca y gana’ delako bati esker gipuzkoar batek 50.000 euroko saria jaso zuela, eta asteburuko kupoiari esker Ermuan (Bizkaia) beste 125.000 euro banatu zirela eta Gasteizen beste 175.000 euro.

Iaz ONCEk Euskal Autonomia Erkidegoan (EAE) 44 milioi eurotik gorako sariak utzi zituen. Sariak Aitaren Egunaren Ezohiko Zozketaren atarian iritsi dira, martxoaren 19an 15 milioi euro eta 25 urtez hilabetero 6.000 euroko sariaren zozketa buruko baita.

ONCEren kupoiak 21.000 agente saltzaileen eskutik eros daitezke. Haien esku TPV delakoa (Salmenta Gune Terminalea) izanik, bezeroak nahi duen zenbakia aukera dezake. Horrez gain, ONCEren jokoaren webgune ofizialean ere jaso daitezke (www.juegosonce.es). Europapress

Share on Facebook

Urte berria hasi dugu eta 2012 honetako apirilaren 25ean 75 urte beteko dira italiarrek Eibar bonbardatu zutenetik. Eibartarren bizitza guztiz eraldatu zuen gertakari honen urteurrena ospatzeko herritarren parte hartzea eskatu dute. Hori eta Facebookeko orrialdean jorratu diren beste zenbait kontu errepasatuko ditugu 2012ko lehendabiziko post honetan. Gurekin etorriko al zarete?

Gabonetako oporren ostean bueltan gatoz, eta beraz, ezin gara hasi eibartar guztioi URTE BERRI ON esan gabe. Urte berriarekin batera, hitzordu garrantzitsu baten berri ematen genizuen duela egun batzuk komunitatean. Izan ere, datorren apirilaren 25ean 75 urte beteko dira Eibarko bonbardaketa izan zenetik, eta horren aurrean, esteka honekin animatzen zintuztegun ospakizun horretarako proposamenak botatzeko. Eibarko Udalak egun horretarako herritarren parte hartzea nahi du, eta hori dela eta, ekitaldi ezberdinen egitaraua eibartarrokin osatu nahi du. Ideiarik? Animatu!!

Maite Arroitajauregi du izena, eibartarra da eta ziur asko zuetariko askok talde ezberdinetan lan egiteagatik ezagutuko duzue, Morau, Lisabo edo Kashbad taldeetan, besteak beste. Mursego da honen azken proiektua, eta artista eibartarraren elkarrizketa eder bat partekatzen genuen. Maite ezagutu nahi? Gozatu!

Eibarko San Andres eskolako ikasle ohiak ere sare sozialei ongietorria eman die, izan ere, ikasle ohiak biltzeko asmoz, talde bat osatu dute Facebooken. Honen berri Lorea Echanizek eman digu gaur bertan eta zuk ere bertan ikasi baduzu eta garai hartako oroitzapenak partekatu nahi izatera, badakizu!

Eguberrien aurretik askok urte osoan itxaroten dugun Gabonetako Loteriarekin hitzordua genuen. Gertutik jarraitu genuen, baina zortea ez zen gure herrira iritsi. Hori bai, ziur asko nork edo nork diru apur bat eramango zuen etxera, ala?

Bestalde, aipatzen genizuen gure taldeak, Eibarrek, amaiera ona eman ziola urteari, izan ere, play-off-etara igoera postuan amaitu zuen 2011ko azken partida, 18. jardunaldia. Ondorengo partiduetan ere zorte on ona opa diogu gure taldeari.

Alberto Alonso Canok, berriz, dokumentu bat partekatzen zuen gu guztiokin senatuan dagoen eibartar baten informazioarekin.

Manuel Jesusek, berriz, gogoeta interesgarri bat uzten zuen Facebookeko orrialdean, izan ere, aurreko postean kontatzen genizuen bezala, kolokan dago Eibarko bingoaren etorkizuna, eta bere salaketa aditzera eman nahi izan du, beste behin, Manuelek. Gainera, Mahtma Gandhire hitz batzuk eskegitzen zituen horman. “Borrokatu eta borokatu”, esaten zuen horman. Hemen dituzue Gandhiren hitzak:

Iturria: Manuel Jesus Cancio

Eta musika apur batekin amaituko dugu gaurko posta, izan ere, Musikota Olayak kontatzen zigunez, 700 eibartarrek bisitatzen omen dute www.musikota.com, Oviedo bezalako hirien aurretik. Musika asko atsegin dugu eta!! Aupa Eibar!

Badakizue Eibar Facebookean duzuela eta nahi adina kontu partekatu ditzakezuela hemen baita blog honetan bertan ere. Gure aldetik besterik ez, urte berria ondo hasi duzuelakoan. Pozik bizi eta besarkada handi bat!

Share on Facebook

Gabonetako loteriaren sari nagusia saldu zuen Eibarko saltzaileari eskainitako rap-a, Alfa Arte artista ezagunen eskulturen fabrika eta Eibarko argazkiak dira gai nagusiak asteon Facebookeko horman.

Ondotxo jakingo duzuenez, gure herriari irribarre egin zion zoriak abenduaren 22an, Gabonetako loteriaren zozketan, eta sari potoloa gurean egokitu zen. Horren berri zehatza eman genizuen blog honetan. Beno, ba kontuak soka luzea du. Izan ere, Maite Bazterretxeak gai honen inguruko bideo bat uzten zigun orrialdean: “Ze ona! “El lotero que ha vendido el Gordo se merece un rap”… Entzun, entzun!!!!”

Eibarren Gabonetako loteriaren sari nagusia saldu duenari rap-a

Bai horixe, meritua dauka sari nagusia saltzeak….

Ramon Beitia eibartarrak eta argazkilariak ere meritu galanta du. Goiz esnatu ohi da herriko zein inguruko paisaien argazkiak ateratzeko eta, aurrekoan, haren argazki bat partekatu zuen Beñat Mendietak. Benetan polita…. zorionak Ramon!

Egunsentia Eibarren. Argazkia: Ramon Beitia (Beñat Mendietak igoa)

Artistak hizpide izaten jarraituko dugu Maite Bazterretxeak gurean utzitako beste esteka bati esker. Honakoa zioen: “Ez nekien Oteiza, Ibarrola edo beste askoren eskulturak herrian egiten zirenik…” Alfa Arte Eibarren dagoen enpresa bat da, artista ezagunen, besteak beste, Oteiza, Ibarrola, Miquel Barceló edo Philippe Starck, eskulturak egin dituzte. Guretzat ere deskubrimendu hutsa izan da, eskerrik asko Maite!

Aste honetako laburpena eginda, hurrengora arte agur esaten dizuegu. 2011ean ikusiko dugu elkar Facebookeko orrialdean, bien bitartean, ondo pasa!

Share on Facebook

Gabonetako loteriako Sari nagusia izan da aurten Eibarrera iritsi dena, 79.250, benetan zorionak esateko moduan gara. Goizeko 11:15etan atera da. Ze ondo!

Zori oneko gaude gaur Eibarren Abenduaren 22a beti izaten da egun berezia osasunaren deitzen diogu, eta egia esan gaur gure herrian osasuna eta baita sariaren eguna ere ospatzeko moduan gaude. Gure taldeak Eibarko orrialdeko hesian ere horrela idatzi du: “Zorionak!!! gurean egokitu da Sari potoloa: 79.250″ Dezimo bakoitzak 300.000 euro irabazi ditu, serie osoa saldu da eta inoiz ez da hain sari potoloa eman., serieko 3.000 euro banatuko dira Eibarren.

3. loteria administrazioan saldu da sari potoloa eta dena leihatilan saldu da eta eguerdian oraindik ez zekiten noren eskuetan dagoen. Hementxe administrazioko saltzailearekin elkarrizketa Edurnek saldutakoen inguruen gehiago jakiteko hemen duzue audioa. Gainera orain topatu ez badu, Edurne, saltzaileak ez du beretzat bat ere gorde. Ez da administrazio honetako sari fijoa baizik eta egokitu zaiena, beraz, benetan zoria izan da.

Hementxe zuzenean ikusi diren irudiak eta sari handia atera den momentua hemen bideoa.

Sari handia oso banatua dago aurten, Eibarko 3. loteria administrazioan saldu da, Fermin Calveton kalean dagoen saltokian. Cerdanyola del Valls (Bartzelona), Alacanteko 36.zenbakian, bartzelonako 323an, Garachico (Tenerife) 1.zenbakian, Madrilgo 131 eta 336 zenbakietan, Madrilen Alcorcon-en 8. Cacereseko 9.nean (Palentzia) Saldañako 1.zenbakian. Bartzelonako 97an, (Murtzian) Molina de Segurako 5. zenbakian.

Goizean goizetik askok billetea eskutan hartuta etxetik atera dira eta orain, xanpaina botilak zabaltzen arituko dira. Benetan oso albiste pozgarria izan dela eta ospatzeko modukoa. Ondo pasatu eta gozatu!

Share on Facebook

Kaixo guztioi:

Udazkenarekin batera, baita ordu aldaketa ere, dena iristen da, eta orain gero eta goizago iluntzen duen honetan, proposamen interesgarriak behar ditugu datozen egun eta gauei aurre egiteko.

Horietako bat, Eibarko orrialdeko hesian parte hartzea izan daiteke, baita bestelakoak ere badirenez, zure eskutik ezagutu nahi ditugu.

Astero moduan, hemen gara asteko errepasoa egiteko prest eta hasiera emateko, iragan astera jo behar dugu indarrak hartu eta aurrera egiteko. Enrike Baztarrika: “ostiralean hasi ziren VII. Ehiza eta ardoaren arteko “Maridajearen” bat egitearen Jardunaldiak KRABELIN Hotelean, Arraten. On egin!! Bihar ostirala, Rioja Alta upeldegia izango da eta bertan, Viña Alberdiren 2003ko “crianza” aurkeztuko dute. Bestelakoak ere badira eta hor egon nahi baduzu 943-202727 telefonora deitu beharko duzu.”

Bestela, ere, ardorik inguruan ez bada, hau da, tabernan ez bazaude ere, izango duzu zer kontatu ezta? Eibar “Eibartarra bazara eta gainerakoei interesatuko zaien zerbait baduzu (albiste, deialdi, ohar, iritzi, argazki…), denon artean Eibarko orrialdean partekatu dezakezu. Gure aldetik, hitz ematen dugu, zuk jarritako hori lau haizetara zabaltzen lagunduko zaitugula. 500 lagunetik gora gara!!! zorionak eta eskerrik asko!”

Proposamen edota albiste gehiago ere jaso dira gurean aste honetan. Maria Abadiño: “hauxe da Eibarko Turismo eta Kultur planifikaziorako proiektuaren laburpena, II. Errepublika eta Gerrate Zibilean oinarritutakoa da. Zer iruditzen zaizue?”

Eibarrek zera gogoratzen digu: “Gabonetako loteria ate joka dugun honetan, prestatzen joan behar dugu. Jarraian Eibarren dauden loteria saltokien zerrenda utzi dizugu, gainera, seguru gaude, zure elkarte, talde edota ikas bidaiarako txartelak sartzen ari zarela. Zuek ere horiek saltzeko zerbait egin dezakezue hemen bertan, jarraian datorren postean.”

Bukatzeko, herritik kanpo dagoen lagun baten berbak ekarri nahi izan ditugu, itzulita daude, izan ere berak gazteleraz idatzi baitu, hala ere, bere jatorrizko berbak irakurri nahi badituzu, Eibarko Orrialdeko Hesira joatea besterik ez duzu. Alberto Alonso Cano: “kanpoan bizi zarenean, orduan da Eibar faltan gehien botatzen denean, orduan sentitzen da herrimina. Bere historia, kirol talde eta baita Arrateko gazteria ere, horiek dira ahaztu ezin daitezkeenak eta herria are handiagoa egiten dutenak, ia 27.000 biztanleko herria, handitu egiten dute. Hemendik agurrak bertako kideentzat.”

Momentuz eta hurrengo astera arte hemen utziko dugu aste honetako labur bilduma. Bitartean, hemen edota orrialdeko hesian topatuko gara.

Share on Facebook

Bertan dugu 2010eko gabonetako loteria zozketa handia. Eibarren, hainbat loteria administrazio daude eta gainera, asko gara loteria txartelak erosi eta saltzen ditugunak, batzuk, kirol taldea dela, edo bestelako elkarte, talde, ikas bidaia… Post honekin zera lortu nahi dugu, guzti honetaz informazioa eman (guztion artean, beti bezala) horrela herrian bertan dauden zenbakiak guztion artean partitu ahal izango ditugu. Nork daki, agian, gustuko duen baten bat ikusi eta gehiago saltzeko balio du baita honek ere.

Lehenengo, Eibarren dauden loteria administrazioak. Guztira bost daudela ikusi dugu (horrela izango ez balitz, barkatu eta zuzentzen lagundu).

- KIROL JOKOA (Isasi kalea,9)

- 3.Loteria administrazioa (Fermín Calbetón, 19)

- 4. Loteria saltokia (Julian Etxeberria, 7)

- TELE APOSTUAK PROMOTORA DE JUEGOS Y APUESTAS, S.A. (Azitain bidea, 3)

- VIUDA DE ARTAMENDI (Errabal kalea, 15)

Gainera, ziur gaude Gabonetako Loteriarako txartelak saltzen dituen, talde, elkarte edo kirol-talde hori ezagutzen duzula edota horietako batetako partaide zarela. Jakin nahi dugu! Post honetan zure iruzkina utzi eta horrela nortzuk zareten eta zenbakia zein den eta non saltzen den jakingo dugu, herrian dagoena zuri esker ezagutuko dugu.

Eta jakina, Gabonetan egokitzen ez bada… 2011ko Erregetako Loteriarekin beste aukera bat izango dugu.

Zorte on! eta edozein modutan ere, osasuna barra-barra.

Share on Facebook

Kaixo guztioi:

Astea pasatu da eta zuen komentarioak irakurri ondoren, Eibarko Orrialdearen hesian egondakoak hona ekarri ditugu. Honezkero, 500 baino gehiago gara eta benetan oso pozik gaude, beraz, ezer baino lehen eskerrak eman nahi dizkizugu, eta baita zorionak ere jakina.

Bestalde, aurreratu nahi dugu, post gehiago nahiko genituzkela baina, seguru gaude, apurka apurka gero eta gehiago jasoko ditugula, eta hemen igarri ere.

Hasteko, gure taldeak azken egun hauetan esandako ekarriko dugu, Eibar: “Eibartarra bazara eta gainerakoei interesatuko zaien zerbait baduzu(albiste, deialdi, ohar, iritzi, argazki…), denon artean Eibarko orrialdean partekatu dezakezu. Gure aldetik, hitz ematen dugu, zuk jarritako hori lau haizetara zabaltzen lagunduko zaitugula. 504 lagun gara!!! zorionak eta eskerrik asko!”

Beñat Mendieta: “AP-1 autopistan pelikulatan bezala, bi gaizkile 280 Km/h-ko abiaduran ihesean zihoazela harrapatu dituzte. Seguru ezta ikusteko denborarik ere ez duzula izan…”

Taldea, gaur bertan gainera, Gabonetako loteria eta Errege Eguneko (”Niño”) loteria non erosi dezakezun esatera etorri da. Oraindik goiz da, hala ere, zure kultur, kirol edota bestelako taldearentzat loteria txartelak atera nahiko dituzu, beraz, garaiz ibiltzeko informazio aproposa utzi du Eibarko Orrialdearen Hesian bertan.

Momentuz, hemen utziko dugu aste honetako laburpena, eta datorren astera arte, eskerrak emanez agurtuko gara. Ondo izan eta asteburu ona pasatu.

Share on Facebook