Eibarko bloga (Gipuzkoa): Unibertsitatea, Arraterako igoera, armagin industria, Patxi Usobiaga, Untzaga plaza, Eibar Futbol taldea , Su Ta Gar, albisteak, kirolak aisia eta gehiago blogseitb.com-en
XLVII. Euskal Jaia ospatuko da Eibarren datorren asteburuan. Kontzertuak, artisau eta baserritar azoka, herri kirolak, erromeria, herri bazkaria… Ostiralean hasi eta igandera bitartean ume, gazte eta nagusiek izango dute non gozatu Eibarren! Hona Eibarko Euskal Jaiaren egitaraua:
Eibarko Ipuruan Alberto Ormaetxearen omenez asteazkenean jokatutako Eibarren eta Realaren arteko partida izango dugu hizpide gaurko laburpenean. Futbola izan da, beraz, gai nagusia, Facebookeko orrialdean, baina beste kontu batzuei ere egingo diegu aipamena. Laburpenean gurekin etorriko?
Azaroaren 30ean, asteazkena, Ipurua futbol zelaiak Realaren eta Eibarren arteko lagunarteko partida hartu zuen arratsaldeko 18:00etan, Alberto Ormaetxearen oroimen partida, hain zuzen ere. Eva Morairak geureak animatzen zituen: “Gora Eibar! ”. Partida zuzenean ikusteko aukera eskaintzen genizuen. Garaipena txuri-urdinentzat izan zen, Joseba Llorentek sartu baitzuen partidako gol bakarra. Lagunartekoan bildutako dirua Parkinson gaixotasunaren aurka lehiatzen duen Deba Beherako elkartearentzat izango da. Pozten gara, eta ia gisa honetako ekintza gehiago egiten diren!
Amaitzeko, azaroaren 29an ETB-3n emango zuten Lokaleroak saioaren aurrerapena partekatzen genuen orrialdean, izan ere, Eibarko lokal bat erakutsi behar zuten. Ikusi al zenuten? Eta gustatu al zitzaizuen lokala? Horrela ez bada, hemen Eibarko gazteen lokala.
Eta honekin, gaurko amaiera emango diogu gure gaurko laburpenari. Izan zoriontsu eta badakizu, bihar Euskararen Eguna ospatuko dela munduko txoko guztietan, eta Euskaldunok Euskaraz Facebookeko orrialdean, 10.000 lagun lortu nahi dituztela. Lagunduko al diegu? Asteburu ona pasa eta kontatu zuen asteburuko planak Eibarko komunitatean, ondoren guk blog honetan bilduko ditugu zuen esandakoak. Eskerrik asko!
Eibar Asier Errasti XII. Film Laburren jaialdian murgilduta dago egunotan. Hitzorduak eman dituenak eta igandeko hauteskunde orokorrak izango ditugu mintzagai, besteak beste, gaurkoan, horiek izan baitira gai nagusiak Facebookeko orrialdean.
260 lan aurkeztu dira XII. Film Laburren jaialdira, eta antolatzaileak pozik azaldu dira parte hartzearekin. Esteka honekin kontatzen genizuen herriko zortzi film labur aurkeztu direla, eta euskarazko lanak guztira hamabost zirela. Bihar amaituko da jaialdia, beraz oraindik ere garaiz zabiltzate lan eder hauek ikusteko.
Igandean hauteskunde orokorrak ospatuko dira Eibarren, eta zuzenean jarraituko ditugula aipatzen genizuen. Azken postean kontatzen genuen bezala, 18:00etatik aurrera gertatzen den guztia jarraituko dugu Eibarko blog honetatik. Badakizue zuen ekarpenak beti ongietorriak izango direla, eta nahi adina iruzkin utz ditzakezuela.
Eta albiste triste honekin amaiera emango diogu gaurkoz gure postari. Badakizue Eibarko kontuak jakin nahi ditugula, eta horretarako Facebookeko orria dela txokorik onena. Animatu! Guk geure aldetik zuek esandakoak blog honetan bilduko ditugu. Izan zoriontsu!
Eibarko 1.000 lagun Facebookeko orrialdean biltzea lortu dugu. Zorionak guztioi, txapeldunak gara eibartarrak! Hauxe izango da gaurko laburpeneko gai nagusia… Baina badira gehiago!
Hasteko eskerrak eman beharrean gaude, izan ere, beste behin, onenak garela erakutsi dugu eibartarrok . Talde handia osatu dugu gure txokoan, eta hori guztia zuei esker, komunitate hau bizirik mantentzearen arrazoi nagusietako bat zuek zarete eta izugarri pozten gaitu horrek. Aurretik aipatu dugun bezala, Eibarrek marka ezarri du eta dagoeneko 1.000 lagun gara Facebookeko orrialdean. ZORIONAK bihotz bihotzez! Hemen Eibarko jendeak herriaren inguruan hitz egiten du, betiere errespetuz, eta aurrerantzean ere hala izatea nahiko genuke, beraz, jarraitu Eibarren inguruko albisteak, abisuak, iritziak edo deialdiak orrialdean partekatzen, oreibartarron erreferentzia izaten jarraitu nahi dugu eta. Aupa zuek eta esker mila berriz ere!
Eta beste kontu batzuetara egingo dugu saltoa. Iragan astelehenean, azaroak 1, Santu Guztien eguna edo Domu Santuen Eguna ospatu zen, eta Eibarko hilerria ere, urteroko legez, lorez jantzi zen. Ohikoa da egun horretan hilerrira joan eta hildako lagun eta senitartekoak gogoratzea. Horren harira, ETB-2ko Euskadi Directoko lantaldea gure herrira hurbildu zen, Eibarrek etxeko animalia edo maskotez agurtzeko tanatorio edo beilatoki bat zabaldu baitu duela ez asko. Ekimen berritzailea da hau, eta Mariaje Beorlegik bideo honen inguruan bere iritzi propioa ematen zuen “Eibarren maila” dagoela adieraziz.
Eta toki berezi hau aurkeztu eta gero, gaurkoz amaiera emango diogu gure postari, hori bai, aldez aurretik, berriz ere gure esker ona adierazi nahi dizuegu Facebookeko orrialdean parte hartzeagatik, 1.000 lagun ez baitira egunero egiten. Zorionak eta segi horrela, Eibarrek merezi du eta. Gainera, badakizu hemen kontatzen dituzuen kontuak blog honetan laburtzen ditugula, herritarren azaltzen duten moduan. Pozik bizi eta asteburu on guztioi!
Eibarko Liburu eta Diska azoka Untzaga plazan dago iada eibartarren zain. Finlandia saioko lagunek berriz, Eibar eta Azpeitia aurrez aurre jarri dituzte auto desapiyuan. Horiexek izan dira aste honetan Eibarko Facebookeko orrian jaso ditugunak. Ekin diezaiogun gaurko laburpenari!
Eibar plaza garrantzitsua da oraindik ere liburu-saltzaile eta argitaratzaileentzat eta horren islada da gaur bertan abiatu den Liburu eta Diska Azoka. Ohikoa den bezala, Untzaga plazan kokatu dira stand-ak eta bertan egongo dira urriaren 23rarte. Azken nobedadeak, klasikoak, best sellerrak… danetik aurkituko duzue bertan. Gure herriko horman partekatutako albistean, urrian zehar burutuko diren beste hainbat ekintzen berri ere izan dezakezue, hementxe lotura.
Bestalde ETB-1 kateko Finlandia umore saioak pasadan igandean ekin zion denboraldi berriari eta urteko lehen desapiyuan Eibar eta Azpeitia aurrez aurre jarri zituen. Finlandiako bandak gure orrian elkarbanatu zuen atzo norgehiagokaren bideoa. Olaberriko kartingean egin zuten hitzordua Txus Jaiorekin batera eta hauxe izan zen bertan gertatu zana, nork irabazi ote zuen?
Iritsi da ostirala azkenean eta asteburuan murgilduko gara buru belarri, baina badakizue, gurekin bat egiteko, edozein une aprobetxatu dezakezuela, Eibarko horman bertan edota gure herriko blogeantopatuko baikara. Eskerrik asko zure parte hartzeagatik eta laster arte. Ongi izan!
Eibarko Ane Miren Barrerok, Barakaldoko Bec-en egindako casting-ean parte hartu zuen eta larunbatean bizitzako egun berezia biziko du.
Atzo bertan jakin genuen, Ane Miren Barrero, eibartarrak larunbatean Shakirarekin ‘Waka Waka’ dantzatuko duela, eta gainera 40.000 lagunen aurrean egingo du, San Mamesen. Gure komunitatetik Zorionak eman nahi dizkiogu Aneri! Eibar, goi-goian utziko duela ziur gaude gainera. Hemen duzu, casting-ean grabatutako bideoa.
Aneri bere horman zorionak emateko aukera ere izango duzu nahi baduzu, hemendik iritsiko zara.
Bestalde, Eibarren asteon beste kontu aipagarri bat izan duzu, eta arestian aipatutako albistea baino askoz ere txarragoa da. Kamioi bat zintzilik geratu baita Eibarko zubian, guk irudi ikusgarriak ekarri ditugu eta hurrengo bideoan ikusiko dituzu nahi izanez gero.
Istripuak ere zer esana eman du, esate baterako Mariluz Hernandez Rodriguezek zera esan zuen: ‘Uff….no es el primero ni será el último ….esa zona parece que algo tiene…fue por Azitain no??’ eta Irati Ugarteburuk horrela erantzun zion: ‘Si si, es el mismo sitio donde se la dan todos. Donde en Marzo tuvo un accidente otro camión, donde hace un tiempo cayó abajo un coche… metro arriba metro abajo es ahí.’
Bukatzen joateko kirol kontuak ekarriko ditugu, gure komunitatetik ere gure herriko taldeari animuak bidali nahi dizkiogulako. Aupa Eibar!!! Eutsi gogor!! ez da automatikoki igo, baina…hemen duzu azken partidaren irudiak. Bertan duzu bideoa.
Beñat Mendietak ere Eibar S.Dren gaineko aipamena egin du aste honetan Eibarko horman izan ere, gure herriko taldeak noren kontra jokatuko zuen astelehenean ematen zen jakitera, eta gure komunitateko lagunak beti hortxe daude…: ‘el Eibar S.D. contra el Alcoyano!!!! Aupa Eibar!’Bertan duzu, Beñatek berak hormara ekarritako esteka.
Aste honetako laburpena bukatzeko Ane Goikoetxeak utzitako gonbitea edo oharra ekarri dugu. Gaur, ekainaren 2a ‘Fraisoroko amak, Fraisoroko haurrak’ liburuaren aurkezpena dago, eta liburua irakurri aurretik, informazio gehiago irakurtzea nahi baduzu….honatx Anek utzitako lotura.
Dagoeneko, Eibarko orrialdeko horman jasotakoen errepasoa bukatu dugu, baina badakizu, gure herriko blogean ere espero zaitugula.
Eibar S.D-rentzat une garrantzitsua asteburu honetan, baita Euskal Jaia ospatzeko egunak dira aste honetan orrialdeko kontu nagusiak.
Errepasoari ekiteko, Maite Bazterretxeak bere indar guztiarekin esandakoa erabiliko dugu: ‘gero eta gutxiago geratzen da bueltako partidarako!!!!!’ Horrela da, egunak aurrera doaz eta asteburu honetan oso une garrantzitsuak biziko dira Eibarren. Bertan uzten dugu, hurrengo partidaren inguruko informazio gehiago.
Bestalde, baina kontu berarekin jarraituta, Itxaso Apraizek bere talde animatu egiten du….‘Aupa Eibar!!!!’ guk ere, berarekin bat egiten dugu, eta horretaz gainera, Eibarren larunbatean bizi den jai girorako prestatu nahi dugu, horregatik, hemen duzu albistea.
Eibarko komunitateko orrialdean bestelako gaiak ere ekarri dira eta esate baterako Olatz Gartziak zera zioen: ‘ah! ahaztu aurretik…..asteburu honetan EUSKAL JAIA Eibarren!!!’ Imajinatu dezakezue zer nolako giroa egongo daiteken Eibarren…Hemen utziko dizuegu Euskal Jaiaren inguruan gehiago jakiteko esteka interesgarria.
Aste honetako laburpenarekin bukatzen joateko….Olatz Gartziak gaurko egunerako garrantzitsua den hitzordu baten berri eman digu, horman zera utzi du berak: ‘gure mutilak ondo eta andreak!!! Ezin hobeto!!! Eibarko emakumearen historia kontatzen duen liburua kalean gaur arratsaldean!!!’ honen inguruan gehiago irakurri nahi baduzu…aprobetxatu hemen.
Agurtzeko unea iritsi bada ere, gogoan izan zuek, Eibarri ateratako argazkien zain jarraitzen dugula gure orrialdean…bitartean…Joseba Iñaki Azkarraga Aranzabalek igotakoa ekarri dugu gurera.
Eibarren, hileon, maiatzean, 8 argazki erakusketa ikusgai, musika ekitaldiak Eibar Plazara ekimenari esker eta Barakaldo-Eibar partida igande honetan.
Aste honetako laburpenari ekiteko, gogoan izan behar dugu, Eibarko Arrate elkartekoak eta jakina, baita maiatzean zehar nagusituko diren ekitaldiak ere. Argazkigintza gustuko zaletasuna dela argi dago, gure artean esaterako guztiok dugu irudi ederrak harrapatzea maite duenik…Joseba Uriartek aste honetako zera utzi digu Eibarko horman: ‘argazkigintzaren hiri bilakatuko da Eibar Maiatzean…bihartik aurrera (ostiraletik aurrera) abian egongo da.’ Herritik atera gabe, ekimen polita izango dugu, honen inguruko gehiago jakin nahi baduzu, hemen uzten dugu albistearen esteka.
Bestalde, irudiak bizitzan garrantzitsuak badira, musika ere ezinbestekoa dela argi dago. Hori ere, badugu gure herrian, eta Ane Goikoetxeak honako oharra utzi digu: ‘Rock-a maite baduzu, edota blues edo punk-a Eibarren bertan duzu aukera paregabea!!!Asteburu honetan bertan.’ Arrateren lagunak taldearen ekimenez eta Arrate Taldearen aldeko apustua egiteko musika aukeratu dute. Astelehena pilotalekuan izango da Eibar Plazara ekitaldi handia eta bertan, aspaldiko abeslariak gaurkoekin batuko dira. Eibarko Koru Gazteko zuzendaria den Elena Martinek dio, erronka handi izan dela hau aurrera ateratzea, gazteek ahalegin handia egingo dute, azterketa garaian baitaude. 15 gaztez osatutako taldean ‘Oh happy day’ telebista saioan eman ziren ezagutzera eta asteburuan ekitaldia dute. Kontzertua erritmo desberdinez beteta etorriko da, izan ere, Bergaratik ‘Belceblues’ taldekoak ere izango dira, tartean ‘Arratsaldero’ telesaioko aurkezlea den Oihan Vega egongo da. Bertan dago, zabalago informatzeko lotura. Musikaren laguntzarekin egingo dugu aurrera aste honetako laburpenean, eta Olatz Gartziak ere, Eibar Plazara ekimenarekin bat egin du, eta zuoi guztioi zera galdetzen dizue: ‘ostiralean kontzertuak…,larunbatean bazkaria….zeinetan egongo zara?’ Zuek esango duzue…zein ekitalditan egongo zareten, Eibarrren asko dago ikusi, entzun eta egiteko. Argibide gehiago hemen.
Ezin kanpoan utzi, kirol kronikari dagokion tartea, izan ere, S.D Eibar taldea oso postu onean dago eta hobean egoteko lehian sartuko da laster, Maite Bazterretxeak hurrengo oharra utzi zigun: ‘igandean, denok Barakaldora,S.D Bakaraldo- Eibar partida garrantzitsua jokatuko baita Lasesarren arratsaldeko 18:00etan. Autobusak 2 eurotan Barakaldora.’ Beraz, aitzakiarik ez, izan ere, goizez zein arratsaldez bidaiatu daiteke. Hemen duzu informazioaa.
Aste honetako laburpena bukatu da, eta orain, astebururako antolatu diren ekitaldietaz gozatzea besterik ez dugu. Gure orrialdean edota, gure herriko blogean topatuko garela ez ahaztu.
1931 urteko apirilaren 14a zen EibarrenII. Errepublika aldarrikatu zenean, eta aurten 80 urte eta antzerkia ere Errepublikaren omenez.
Gaurko errepasoan Eibarko orrialdeko horman asteon jasotakoak bilduko ditugu eta hasteko, ezin beste modu batez izan eta gaurko egunari erreparatuko diogu. Horretan lagun izan dugu gainera Itxaso Apraiz: ‘gaur, 80 urte II.Errepublika egunetik, lehenengo udala izan zen, 1.931 urtean. Egun handia eta baita ekitaldi bereziak hori ospatzeko ere.’Bertan duzu gehiago zabaltzeko lotura.
Errepublika eguna handia oroimenean mantentzeko eta Eibarrek bizi izan zuena gogora ekartzeko antolatutako ekitaldien artean, datorren asteartean hilak 19 Eibarko 34.Antzerki Jardunaldien barruan ‘Republicados’ antzezlana ikusteko aukera izango duzue.
Eibarko Antzerki Jardunaldiak aipatu ditugu eta ezin atzean utzi, asteartera arte tinko mantenduko delako, bestela ere…hemen dago Itxaso Apraizek utzitako ohar garrantzitsua:‘hemen, Eibarren, gaur, bihar eta asteartean egongo dena’.
Antzokira sartu garen honetan, sarrerari etekin ahalik eta handiena atera nahian ezin irten gabiltza, eta oraingo honetan Maite Bazterretxearen emaria dakargu: ‘Eibarko Antzerki Jardunaldiak direla eta elkarrizketa duzue hemen. Nola hasi ziren jardunaldiak Eibarren? Zein zen antzokia?’ Galdera horien eta beste askoren erantzuna ondorengo bideoan topatuko dituzue.
Laburpenari amaiera emateko, patata tortila bokata hartuko dugu eta Ane Goikoetxearekin batera, Gasteiza abiatuko gara, Anek zera aipatu du gurean: ‘Alaves – Eibar partida, larunbatean jokatuko da arratsaldeko 16:00etan.’ Telebistan ere, Euskal Telebistaren lehen katean emango duten arren, guk nahiago bertatik bertara eta jokoan asko dagoenez, dena prestatu eta Eibar taldea animatzera. Bertan duzu lotura.
Aste honetako laburpena bukatzeko, eskerrak ematea besterik ez da falta, baita zure emariak egiteko Eibarko orrialdea prest duzula gogoratu eta jakina, edonoiz gure herriko blogean zure iritziak jasotzeko prest gaudela ere esan nahi dizugu.
Euskal Herriko ItzuliaEibarrera iritsiko da gaur eta bihar aterako da, eta Eibarrek Logroñesen kontrako partida larunbatean jokatuko du Ipuruan.
Aste honetan Eibarko orrialdean egon den jarduera laburtzeko unea da, eta horretarako Joseba Uriartek ekarritako oharrarekin irekiko dugu errepasoa: ‘ADI: Euskadiko Itzulia dela eta trafikoan aldaketak egongo dira.’ Euskal Herriko Itzulia gaur iritsiko da gurera eta bihar aterako da herritik. Horrek esan nahi du, bitarte horretan trafikoan eta baita aparkalekuak bilatzeko unean ere aldaketak egongo direla. Goizean goizetik, ezingo da Legarre, Arrate Bide, San Andres kaleko ezkerreko zati bat, eta Untzaga (Pegora parekoa), eta arratsaldeko lehen orduetatik debekatuta egongo da autoa Azitain poligonoko goiko aldean. Biharko ere aldaketak egongo dira, goizean goizetik, Julian Etxeberria, Zuloagas, Calbeton eta plaza Barrian ezingo da aparkatu, Gainera erdialdean goizeko 11:00 oinezkoentzat bakarrik izango da. Bestalde, Toribio Etxebarria kalean bizi bazara, larunbat goizera arte itxaron beharko dugu autoa bertan aparkatu ahal izateko. Gaur, Amurriotik atera eta Arrateko Santutegian izango du helmuga. Hemen duzu bestelakoen berri jakiteko esteka.
Kirol kontuak nagusitu dira aste honetan Eibarko orrialdean eta orain, txirrindola alde batera utzi, eta takodun botak jantzita futbol zelaira gerturatuko gara. Beñat Mendietak horrela idatzi du gurean: ‘larunbat honetan partida garrantzitsua!!!! Eibar-Logroñes. Gainera,KLUBARENGANAKO LAGUNTZA EGUNA!!! Ipuruan topatuko gara! Aupa Eibar!’ Oso partida garrantzitsua izateaz gainera, taldeko bazkide direnentzat prezioa berezia oso izango da, eta horretaz gain, Caritas elkartearentzat ere izango da, sarrera kopuru majo bat ere. Bertan duzue apirilaren 9rako prestatzen joateko lotura.
Asteburuari begira jarri garen honetan, kirol hitzordu garrantzitsuaz gainera, Zarautzera bueltatxoa egiteko aitzakia topatu dugu, izan ere, Olatz Gartziak, Zarautzeko taldearekin batera, Eibarko NAPOKA IRIA taldeak DAYNA KURTZ jazz musikari handiarekin kontzertua emango duela esan baitigu. Lizardi Antzokian izango da gaueko 21:00etan. Beraz, herriko taldea Kontzertuan zuzenean ikusi nahi baduzue Zarautzen duzue aukera. !!! Hemen dago, jazz musikari handiaren bideoa.
Eguraldi ona dugula eta, gauez kontzertuetan egon ondoren, egunez, edota arratsaldez ere argazkiak egitearena ez da batere ideia txarra, gainera Beñat Mendieta berak honako oharra helarazi digu: ‘argazkiak egitea gustuko duzu? Maiatzerako lehiaketa duzu…. ‘ Kamera hartu eta ur botila alboan duzula, argazkiak egitera, edota aldez aurretik atetakoak badizu lehiaketara joan zaitez. Hala ere, gogoan izan, gure blog honetarako ere irudi berri berria topatzen ari garela eta zure argazkiaren zain gaudela, zuk egindakoa behar du izan, eta gero jasotako guztien arten ‘me gusta’ gehien jasotzen dituenak lortuko du iragazlea izatea. Badaezpadan hemen duzu gehiago jakiteko lagungarri izango den esteka.
Aste honetako laburpenari amaiera emateko doinu batzuk ekarri nahi izan ditugu eta Leire Bazkezi esker Dani Gascon musikari eibartarraren musika topatu dugu Eibarko orrialdeko horman, izatez, Arrasatearra da, baina Eibarren bizi da, eta orain ikusi eta entzun dezakezun abestia ‘Se tú mismo’ da. Bertan duzu bideoklipa.
Honenbestez, Eibarko orrialdeko jarduerak asteon eman duenaren laburpena bukatutzat emango dugu, bitartean, herriko orrialdean edota gure herriko blogean bertan topatuko gara.
”. 
Zure iritzia