Eibar

XLVII. Euskal Jaia ospatuko da Eibarren datorren asteburuan. Kontzertuak, artisau eta baserritar azoka, herri kirolak, erromeria, herri bazkaria… Ostiralean hasi eta igandera bitartean ume, gazte eta nagusiek izango dute non gozatu Eibarren! Hona Eibarko Euskal Jaiaren egitaraua:

Eibarko Euskal Jaia ARGAZKIA: Kezka taldea

Eibarko XLVII. Euskal Jaiaren Egitaraua

Maiatzak 25, ostirala

17:00 – 19:00 > KALIAN JOLASIAN umeentzako eta gurasoendako jolasak Untzagan.

Antolatzailea: Eibarko Udala

23:00 > KONTZERTUA Untzaga plazan.

Maiatzak 26, larunbata

10:00 – 14:00 > ARTISAU ETA BASERRITARREN AZOKA Toribio Etxebarria kalean.

Erakustaldia eta artisauak RAKÚ: Zeramika Udal Eskola.

Antolatzaileak: Eibart eta Eibarko baserritarrak.

12:00 > HERRI KIROLAK eta BERTSOLARIAK Toribio Etxebarria kalean.

13:00 > ESKOLEN ARTEKO V HERRI KIROL LEHIAKETA Toribio Etxebarria kalean.

10:00 – 14:00 > A.E.K.ko TALOPOSTUA Toribio Etxebarria kalean.

18:30 > KALE ANIMAZIOA

22:00 > KANTU AFARIA Untzagako karpan.

Sarrerak: maiatzaren 4tik 20ra Deporren.

23:00 > ERROMERIA: JAINAGA ETA NARBAIZA Untzagako karpan.

Maiatzak 27, igandea

12:00 > EUSKAL JAIKO KALEJIRA Urkizutik Untzagara.

Ezpalak jaialdiko talde guztiak, gaiteroak, joaldunak eta Eibarko J.B. Gisasola Musika Eskolako eta Jainagaren eskolako trikitilariak.

12:30 > EZPALAK, ZINTA-DANTZAK NAZIOARTEKO JAIALDIA Untzaga Plazan.

Euskal Herriko eta atzerriko dantza erakustaldia

14:30 > HERRI BAZKARIA Untzagako karpan.

17:00 > ERROMERIA: PATXI ETA KONPANIA Untzaga plazan.

19:00 > LARRAIN-DANTZA Untzaga plazan.

20:00 > LARRAIN-DANTZA Deportibo parean.

Eibarko Klub Deportiboak antolatuta

Share on Facebook

Eibar argazkiaren hiriburu bihurtu da beste behin: argazkilaritza maiatzean 2012 da horren erantzule. Eibarko Klub Deportiboaren eskutik, argazkia izango da udaberriko protagonista. Pasadan asteburuan abiatutako ekimenari esker erakusketak, tailerrak eta argazki rallya izango dira herrian, hona hemen egitarau osoa:

Argazkilaritza maiatzean 2012 Eibar - Kartela

Erakusketak

- Jose Benito Ruizen ‘Diálogos sobre composición’ erakusketa > Maiatzak 4-27 / Portalean

- Santos Moreno Villaren ‘Alma de Cuba’ erakusketa > Maiatzak 4-27 / Portalean

- Xabier Ferrer Chusten ‘Grabarka’ erakusketa > Maiatzak 4-27 / Portalean

- Julian Ochoaren ‘Cuba’ erakusketa > Maiatzak 4 – Ekainak 3 / Topalekun, Arrate kultur elkartea

- 31 trofeo Argizaiola lehiaketa > Maiatzak 1-31 / Depor-Eibarko B deportiboa

- Deportiboko argazkilaritza taldearen ‘Erakusketa Kolektiboa / Colectiva’ > Maiatzak 1-31 / Ambigu, Portalea taberna, Centro social Untzaga aretoa ; Maiatzak 12 / Untzaga plaza

Tailerrak

- Argazki-estudioa kalean > Maiatzak 12, larunbata / Untzaga plaza

- Konposizio intentsiboa Joseba Benito Ruizekin > Maiatzak 18-19 / Portalean *Beteta

Argazki rallya

- Argazki-estudioa kalean > Maiatzak 27, igandea / Rally irteera Deportibotik

Argazkilaritza maiatzean 2012ko erakusketa Eibarren

Egileak > José Benito Ruiz, Santos Moreno Villar, Xabier Ferrer Chust, Julián Ochoa, Trofeo Argizaiola, Eibarko Klub Deportiboa. Argazkilari Taldea

Antolatzaileak eta laguntzaileak > Eibarko Klub Deportiboko argazkilari taldea, Eibarko Udala, Ikatz, Arrate Kultur Elkartea – Topaleku, Centro Social Untzaga, Bar Ambigú, Taberna Portalea, Euskal Herriko Argazkilari Elkarteen Federazioa

Share on Facebook

Urte berria hasi dugu eta 2012 honetako apirilaren 25ean 75 urte beteko dira italiarrek Eibar bonbardatu zutenetik. Eibartarren bizitza guztiz eraldatu zuen gertakari honen urteurrena ospatzeko herritarren parte hartzea eskatu dute. Hori eta Facebookeko orrialdean jorratu diren beste zenbait kontu errepasatuko ditugu 2012ko lehendabiziko post honetan. Gurekin etorriko al zarete?

Gabonetako oporren ostean bueltan gatoz, eta beraz, ezin gara hasi eibartar guztioi URTE BERRI ON esan gabe. Urte berriarekin batera, hitzordu garrantzitsu baten berri ematen genizuen duela egun batzuk komunitatean. Izan ere, datorren apirilaren 25ean 75 urte beteko dira Eibarko bonbardaketa izan zenetik, eta horren aurrean, esteka honekin animatzen zintuztegun ospakizun horretarako proposamenak botatzeko. Eibarko Udalak egun horretarako herritarren parte hartzea nahi du, eta hori dela eta, ekitaldi ezberdinen egitaraua eibartarrokin osatu nahi du. Ideiarik? Animatu!!

Maite Arroitajauregi du izena, eibartarra da eta ziur asko zuetariko askok talde ezberdinetan lan egiteagatik ezagutuko duzue, Morau, Lisabo edo Kashbad taldeetan, besteak beste. Mursego da honen azken proiektua, eta artista eibartarraren elkarrizketa eder bat partekatzen genuen. Maite ezagutu nahi? Gozatu!

Eibarko San Andres eskolako ikasle ohiak ere sare sozialei ongietorria eman die, izan ere, ikasle ohiak biltzeko asmoz, talde bat osatu dute Facebooken. Honen berri Lorea Echanizek eman digu gaur bertan eta zuk ere bertan ikasi baduzu eta garai hartako oroitzapenak partekatu nahi izatera, badakizu!

Eguberrien aurretik askok urte osoan itxaroten dugun Gabonetako Loteriarekin hitzordua genuen. Gertutik jarraitu genuen, baina zortea ez zen gure herrira iritsi. Hori bai, ziur asko nork edo nork diru apur bat eramango zuen etxera, ala?

Bestalde, aipatzen genizuen gure taldeak, Eibarrek, amaiera ona eman ziola urteari, izan ere, play-off-etara igoera postuan amaitu zuen 2011ko azken partida, 18. jardunaldia. Ondorengo partiduetan ere zorte on ona opa diogu gure taldeari.

Alberto Alonso Canok, berriz, dokumentu bat partekatzen zuen gu guztiokin senatuan dagoen eibartar baten informazioarekin.

Manuel Jesusek, berriz, gogoeta interesgarri bat uzten zuen Facebookeko orrialdean, izan ere, aurreko postean kontatzen genizuen bezala, kolokan dago Eibarko bingoaren etorkizuna, eta bere salaketa aditzera eman nahi izan du, beste behin, Manuelek. Gainera, Mahtma Gandhire hitz batzuk eskegitzen zituen horman. “Borrokatu eta borokatu”, esaten zuen horman. Hemen dituzue Gandhiren hitzak:

Iturria: Manuel Jesus Cancio

Eta musika apur batekin amaituko dugu gaurko posta, izan ere, Musikota Olayak kontatzen zigunez, 700 eibartarrek bisitatzen omen dute www.musikota.com, Oviedo bezalako hirien aurretik. Musika asko atsegin dugu eta!! Aupa Eibar!

Badakizue Eibar Facebookean duzuela eta nahi adina kontu partekatu ditzakezuela hemen baita blog honetan bertan ere. Gure aldetik besterik ez, urte berria ondo hasi duzuelakoan. Pozik bizi eta besarkada handi bat!

Share on Facebook

Eibar Asier Errasti XII. Film Laburren jaialdian murgilduta dago egunotan. Hitzorduak eman dituenak eta igandeko hauteskunde orokorrak izango ditugu mintzagai, besteak beste, gaurkoan, horiek izan baitira gai nagusiak Facebookeko orrialdean.

260 lan aurkeztu dira XII. Film Laburren jaialdira, eta antolatzaileak pozik azaldu dira parte hartzearekin. Esteka honekin kontatzen genizuen herriko zortzi film labur aurkeztu direla, eta euskarazko lanak guztira hamabost zirela. Bihar amaituko da jaialdia, beraz oraindik ere garaiz zabiltzate lan eder hauek ikusteko.

Igandean hauteskunde orokorrak ospatuko dira Eibarren, eta zuzenean jarraituko ditugula aipatzen genizuen. Azken postean kontatzen genuen bezala, 18:00etatik aurrera gertatzen den guztia jarraituko dugu Eibarko blog honetatik. Badakizue zuen ekarpenak beti ongietorriak izango direla, eta nahi adina iruzkin utz ditzakezuela.

Eta duela minutu gutxi Jesus Elorduik esteka hau partekatu du Facebookeko orrian. Penaren penaz kontatzen zigun bihar Eibarren egingo den Rallysprintean Ángela Vilariño gidari hondarribitarrak  ezin izango duela parte hartu Euskadiko Automobilismo Federazioak aginduta.

Eta albiste triste honekin amaiera emango diogu gaurkoz gure postari. Badakizue Eibarko kontuak jakin nahi ditugula, eta horretarako Facebookeko orria dela txokorik onena. Animatu! Guk geure aldetik zuek esandakoak blog honetan bilduko ditugu. Izan zoriontsu!

Share on Facebook

Eibarko Liburu eta Diska azoka Untzaga plazan dago iada eibartarren zain. Finlandia saioko lagunek berriz, Eibar eta Azpeitia aurrez aurre jarri dituzte auto desapiyuan. Horiexek izan dira aste honetan Eibarko Facebookeko orrian jaso ditugunak. Ekin diezaiogun gaurko laburpenari!

Eibar plaza garrantzitsua da oraindik ere liburu-saltzaile eta argitaratzaileentzat eta horren islada da gaur bertan abiatu den Liburu eta Diska Azoka. Ohikoa den bezala, Untzaga plazan kokatu dira stand-ak eta bertan egongo dira urriaren 23rarte. Azken nobedadeak, klasikoak, best sellerrak… danetik aurkituko duzue bertan. Gure herriko horman partekatutako albistean, urrian zehar burutuko diren beste hainbat ekintzen berri ere izan dezakezue, hementxe lotura.

Bestalde ETB-1 kateko Finlandia umore saioak pasadan igandean ekin zion denboraldi berriari eta urteko lehen desapiyuan Eibar eta Azpeitia aurrez aurre jarri zituen. Finlandiako bandak gure orrian elkarbanatu zuen atzo norgehiagokaren bideoa. Olaberriko kartingean egin zuten hitzordua Txus Jaiorekin batera eta hauxe izan zen bertan gertatu zana, nork irabazi ote zuen?

Iritsi da ostirala azkenean eta asteburuan murgilduko gara buru belarri, baina badakizue, gurekin bat egiteko, edozein une aprobetxatu dezakezuela, Eibarko horman bertan edota gure herriko blogean topatuko baikara. Eskerrik asko zure parte hartzeagatik eta laster arte. Ongi izan!

Share on Facebook

Eibarko orriko erabiltzaileek azken astean hizpie izan dituzten gaiak bi izan dira: saihesbidearen inaugurazioa eta nola ez, Eibarko San Juan jaiak.

Pasadan asteazkenean sahiesbide berria inauguratu zuten Eibarren. Sahiesbidearen hirugarren fasea irekita, bide osoa erabilgarri daukate iada Eibar inguruko gidariek. Bi kilometro ditu orotara eta bi tunel. Errepide berri horrek Eibarko herri guneko trafiko pilaketak murriztea lortuko duela espero dute bertako herritarrek. Beñat Mendietak irekieraren unea jasotzen duen bideoa elkarbanatu du Eibarko horman. Grabaketa Albertorena da eta inaugurazioaz gain, errepidea bera ere ikus daiteke:

Bestalde, ezin ahaztu, atzo bertan hasi ziren Eibarko San Juan jaiak. A zelako giroa txupinazoan eta nolako jai giro paregabea pasako dugun aste bukaera honetan! Eguraldi paregabea iragarri dute eta eguzkipean gozatuko ditugu ekintzaz gainezka datozkigun Eibarko San Juan jaiak. Gaur zalantza baduzue zer egin, bota begirada bat 2011ko San Juan jaietako egitarauari, eta egiten duzuena egiten duzuela, goza ezazue! Maite Bazterretxeak bere plana partekatu du gurekin Eibarko orrrian: lagunekin afalduko du eta gero parranda bota baino lehen suak ikustera jeitsiko omen da. Ongi pasa Maite eta ongi pasa Eibar! Gora San Juan!!!

Eibar-fuegos artificiales

Hurrengo astetik aurrera, opor txikitxu batzuk hartuko ditugu eta tarte batez, ez dugu asteroko laburpena egingo…. baina lasai,  orrian ‘matraka’ ematen jarraituko dugu. Ondo segi eta uda on!!!! Laster arte!

Share on Facebook

Eibarko Ane Miren Barrerok, Barakaldoko Bec-en egindako casting-ean parte hartu zuen eta larunbatean bizitzako egun berezia biziko du.

Atzo bertan jakin genuen, Ane Miren Barrero, eibartarrak larunbatean Shakirarekin ‘Waka Waka’ dantzatuko duela, eta gainera 40.000 lagunen aurrean egingo du, San Mamesen. Gure komunitatetik Zorionak eman nahi dizkiogu Aneri! Eibar, goi-goian utziko duela ziur gaude gainera. Hemen duzu, casting-ean grabatutako bideoa.

Aneri bere horman zorionak emateko aukera ere izango duzu nahi baduzu, hemendik iritsiko zara.

Bestalde, Eibarren asteon beste kontu aipagarri bat izan duzu, eta arestian aipatutako albistea baino askoz ere txarragoa da. Kamioi bat zintzilik geratu baita Eibarko zubian, guk irudi ikusgarriak ekarri ditugu eta hurrengo bideoan ikusiko dituzu nahi izanez gero.

Istripuak ere zer esana eman du, esate baterako Mariluz Hernandez Rodriguezek zera esan zuen: ‘Uff….no es el primero ni será el último ….esa zona parece que algo tiene…fue por Azitain no??’ eta Irati Ugarteburuk horrela erantzun zion: ‘Si si, es el mismo sitio donde se la dan todos. Donde en Marzo tuvo un accidente otro camión, donde hace un tiempo cayó abajo un coche… metro arriba metro abajo es ahí.’

Bukatzen joateko kirol kontuak ekarriko ditugu, gure komunitatetik ere gure herriko taldeari animuak bidali nahi dizkiogulako. Aupa Eibar!!! Eutsi gogor!! ez da automatikoki igo, baina…hemen duzu azken partidaren irudiak. Bertan duzu bideoa.

Beñat Mendietak ere Eibar S.Dren gaineko aipamena egin du aste honetan Eibarko horman izan ere, gure herriko taldeak noren kontra jokatuko zuen astelehenean ematen zen jakitera, eta gure komunitateko lagunak beti hortxe daude…: ‘el Eibar S.D. contra el Alcoyano!!!! Aupa Eibar!’ Bertan duzu, Beñatek berak hormara ekarritako esteka.

Aste honetako laburpena bukatzeko Ane Goikoetxeak utzitako gonbitea edo oharra ekarri dugu. Gaur, ekainaren 2a ‘Fraisoroko amak, Fraisoroko haurrak’ liburuaren aurkezpena dago, eta liburua irakurri aurretik, informazio gehiago irakurtzea nahi baduzu….honatx Anek utzitako lotura.

Dagoeneko, Eibarko orrialdeko horman jasotakoen errepasoa bukatu dugu, baina badakizu, gure herriko blogean ere espero zaitugula.

Share on Facebook

Eibar S.D-rentzat une garrantzitsua asteburu honetan, baita Euskal Jaia ospatzeko egunak dira aste honetan orrialdeko kontu nagusiak.

Errepasoari ekiteko, Maite Bazterretxeak bere indar guztiarekin esandakoa erabiliko dugu: ‘gero eta gutxiago geratzen da bueltako partidarako!!!!!’ Horrela da, egunak aurrera doaz eta asteburu honetan oso une garrantzitsuak biziko dira Eibarren. Bertan uzten dugu, hurrengo partidaren inguruko informazio gehiago.

Bestalde, baina kontu berarekin jarraituta, Itxaso Apraizek bere talde animatu egiten du….‘Aupa Eibar!!!!’ guk ere, berarekin bat egiten dugu, eta horretaz gainera, Eibarren larunbatean bizi den jai girorako prestatu nahi dugu, horregatik, hemen duzu albistea.

Eibarko komunitateko orrialdean bestelako gaiak ere ekarri dira eta esate baterako Olatz Gartziak zera zioen: ‘ah! ahaztu aurretik…..asteburu honetan EUSKAL JAIA Eibarren!!!’ Imajinatu dezakezue zer nolako giroa egongo daiteken Eibarren…Hemen utziko dizuegu Euskal Jaiaren inguruan gehiago jakiteko esteka interesgarria.

Aste honetako laburpenarekin bukatzen joateko….Olatz Gartziak gaurko egunerako garrantzitsua den hitzordu baten berri eman digu, horman zera utzi du berak: ‘gure mutilak ondo eta andreak!!! Ezin hobeto!!! Eibarko emakumearen historia kontatzen duen liburua kalean gaur arratsaldean!!!’ honen inguruan gehiago irakurri nahi baduzu…aprobetxatu hemen.

Agurtzeko unea iritsi bada ere, gogoan izan zuek, Eibarri ateratako argazkien zain jarraitzen dugula gure orrialdean…bitartean…Joseba Iñaki Azkarraga Aranzabalek igotakoa ekarri dugu gurera.

Eibar: Joseba Iñaki Azkarraga

Gurekin bat egiten jarraitzeko, gure orrialdean edota gure herriko blogean duzu aukera.

Share on Facebook

Eibarko jendeak, Eibarrek Facebooken duen orrialdean, unean-unean jarraitu ahal izan zuen, atzo, hauteskunde gaua, hesian bertan baieztatu genuenez. 2011ko udal hauteskundeek Miguel de los Toyosek alkatzetzan jarraituko duela ondorioztatu dute, PSE-EEren zerrendan bera baitzegoen lehen tokian. Hortaz, PSEk 2011ko udal hauteskundeak irabazi ditu Eibarren; gu, gure aldetik, oso pozik gaude, orrialdean egondako parte-hartzea nabarmena izan delako. Benetan, eskerrik asko guztioi. Mundialak zarete!

Ikusmina handia zen Eibarren atzo, arratsaldean, hauteslekuak ixteko bi ordu inguru falta zirela; une horretan, eztabaida ireki genuen orrian, “porra” batekin. Jakin nahi genuen zenbat zinegotzi aterako zituen, zuen ustez, alderdi bakoitzak, baina inor ez zen ausartu “kiniela” betetzen. Jakina, ez da erraza asmatzea nola banatuko diren 21 zinegotzigo… Azkenean, dakizuenez, PSE-EEk, Bilduk, EAJk eta PPk lortu dute ordezkaritza izatea Eibarko Udal berrian; bakoitzak, 9, 6, 4 eta 2 zinegotzi izango dituzte.

Aurreko egunean, larunbatean, kanpaina amaituta, Rafa Hercek deialdi bat partekatu zuen: Untzaga plazan, arratsaldean, herriko jendea zegoen deituta, “hausnartzeko, eta iritziak trukatzeko“. Ius Figueroa Martinez, bilera amaituta, “arrakastatsua” izan zela aipatu zuen. Iusek berak, gaur goizean, atzoko zenbaketak utzi zuena aztertu ondoren, 10:00etan ireki dugun ildoan “Atsegin dut”ari eman dio, elkarrizketan bera ere bazegoela agerian utzita.

Hemen amaituko dugu “biharamuna”k ekarri duena; laster, hementxe ikusiko dugu elkar, blog honetan, ostegunetik hona hauteskundeetatik kanpo orrialdean esan duzuenaren berri emateko asmoarekin… eta, jakina, edozein gairen inguruan hemendik aurrera kontatuko duzuena ere hor islatuko dugu. Eskerrik asko guztioi! Agur bero bat!

Share on Facebook

Eibar S.D gure taldea, play off-ean parte hartuko duela eta udal hauteskundeak dira Eibarko orrialdeko gai nagusiak.

Aste honetako errepasoa egiterako orduan, gure taldean lehen planora ekarri nahi izan dugu, horretan ere, lehen postuetan egoteko lehian baitago. Leire Bazkezek zera aipatu du gurean: ‘gure taldea igoerarako prest, eta zu?’ Eibar S.Dk Sabadallen kontrako partida jokatuko du eta ordurako denak egongo dira ospakizunetarako prest. Igandean Sabadellera eta datorren astean Ipuruan jokatuko da partida, beraz, sarrerak lortu eta bidaiaren nondik norakoak jakin nahi badituzu, hemen duzu informazio gehiago.

Partida garrantzitsu honen aurrean, orain…Sabadelletik jaso duguna ekarri nahi dugu, Carles Baldellou Albiñanak zera esan du: ‘Buenas noches, Me llamo Carles Baldellou y soy productor del programa Tarda de Ràdio de Ràdio Sabadell, estamos preparando un especial sobre Eibar y necesito contactar con alguien de la ciudad. Por favor interesados contactar conmigo, gracias’

Ospakizunak aipatu ditugun honetan, ez dira kirol kontuekin bat etorriko baina gure gureak direnak iritsi dira hormara Ane Goikoetxearen eskutik: ‘asteburuan Abontzako jaiak!! han topatuko gara edo?’ suposatzen dugu, bestelako kontuak inguruan badirela eta…akaso beste zerbait izango duzula zure agendan, baina Abortzako festatan, izan daiteke, aspaldiko kontuak astintzen hasi eta Lisker taldearen doinuak lagun dituzula une zoragarria igarotzea. Hemen duzu jai egitaraua.

Eibar. Abontzako jaixak

Badakizue gaur eta biharko egunen ostean, hausnarketaren eguna izango dela eta ondoren M22a iritsiko dela, gurean jada udal hauteskundeen atzera kontaketa martxan dago.

Aste honetako laburpen honekin bukatzeko, bertan ditugun udal eta foru hauteskundeen aurrean, iragan astean egin genuen bezala, igande honetan, (maiatzak 22), eta baita astelehenean (maiatzak,23) ere ahalegin berezia egingo dugula esan nahi dugu. Zuekin eta parte hartu nahi duen guztiekin bat egingo dugu, eta hitzordu berezi hauetan itxarongo zaituztegu, ez faltatu.

Eskerrik asko eskainitako arretagatik eta baita horman adierazten duzuen laguntza guztiagatik ere. Ohi legez, gure orrian edota gure herriko blogean bat egingo dugu.

Share on Facebook