Eibar

Eibarko Tekniker enpresaren Robofoot europar proiektua, ‘Arragueta Fest’ ‘indie’ estiloko jaia eta Eibar B taldearen fitxaketa berria dira Eibarko gai nagusiak.

Krisi garai honetan proiektu berriak eta erronkak aipatzen direnean, gai  nagusi bilakatzen dira, izan ere, egoera ez dago inolaz ere alai egoteko moduan. Baina, aste honetan gurean, Eibarren bertan, albiste ona izan dugu eta Maite Bazterretxearen eskutik iritsi zaigu: ‘Tekniker robotika enpresak orain erronka berria du, oinetakoetan aplikatzekoa izango da. Robofoot proiektu europarra da. ‘ Oinetakoen industria robotizatzeko prozesua hasi besterik ez da egin beraz…ia gure herriak egingo dituen oinetakoak noraino eramaten gaituzten. Hemen duzu kontu honen gaineko esteka.

Oinetakoak jantzita aurrera egingo dugu eta gainera, oinetan janzten dugunarekin harreman zuzena duen kontu batekin. Jai berezia egongo da bihar eta horietako talde baten izena ‘zapato tipo bota’ da beraz…horra hor. Mendikutetar Josuk Eibarko orrialdean, festaren berri eman digu: ‘barixakuan! Tokia: Diskoteka Punto y Aparte (redekorauta eta a tabernako prezioekin)’ Bihar, ostirala, gaueko 22:’00etan ‘Grises’ taldeak kontzertua eskainiko du Eibarren eta ‘Grises’ taldeaz gain, ‘Planetaleta’ , ‘Zapato tipo bota’ eta ‘Euskalnew Collective’ talde eta DJak ere arituko dira “indie” estiloko jai batean, “Arragueta Fest” izena jarri diote. Sarrera aurrez erosiz gero 8 € baina bestela, lehiatilan 10 €. Informazio gehiago behar izanez gero, hemen duzu esteka.

Motorrak berotzen joateko Maite Bazterretxeak musikaz gozatzeko aukera utzi digu orrialdean: ‘Hemen Grises taldearen bideoa‘.

Ezin kirola alde batera utzi, eta gure komunitateak ere zera esan digu: ‘Eibar B taldeak, orain arte Gernikan egon den Imanol Martinez fitxatu du.’ Hirugarren mailan jarraitzeko bidean, zenbakien kolorea hobeto eta taldea indartzeko asmoz Imanol Rodriguez fitxatu dute, orain arte Gernikako taldean egon bada ere, orain Eibarrera pasatuko da. Hemen duzu albistea.

Aste honetako errepasoa bukatzeko, hankak luzatu eta paseotxo bat egiteko gogoz gara, eta hori dena Beñat Mendietari esker, hala ere, berak dioenarekin ez dugu gure burua oso seguru ikusten: ‘Eibartik Ermura bitarteko pasealekua egoera eskasean dagoela salatzen dute….’ Herriak handitu egiten dira eta gainera gero eta zerbitzu hobeak eskaini behar dira, horregatik orain Eibarko autobidean lanak egiten ari dira, baina noski, ondo egon aurretik gauzak konpontzeko bidean daudenean, arazoak egoten dira, eta istripu larririk egon ez dadin tarte hori behar bezala jartzeko eskaera egin dute. Hemen duzu esteka.

Momentuz, hemen utziko dugu aste honetako laburpena, baina badakizu, bitartean, gure blog honetan bertan edota Eibarko orrialdean ere zure parte hartzea ongi etorria izango dela.

Eskerrik asko guztiagatik eta laster arte.

Share on Facebook

Eibarko biztanle kopurua, Break Dance dantza eta Eibar futbol taldeko Souto izan dira aste honetan Eibarko gai nagusiak.

Askotan egiten den galdera izaten da, zenbat bizi dira Eibarren? Egia esan, aspaldiko datuak eta oraingoak aldatu egiten dira, baina Maria Abadiño aurtengo datu freskoak utzi dizkigu gurean: ‘Ba al dakizu zenbat lagun bizi garen Eibarren? Hemen duzu erantzuna!!!!27.500 baino gehiago!!!.’ Horietatik zenbat emakume eta gizonezko eta bestelakoak jakin nahi badituzu hemen duzu esteka.

Euskal dantzak, rap-a edota sabel-dantza ere badira gure inguruan baina Beñat Mendietak beste estilo bat proposatzen digu, ez klasera joateko baizik eta eserlekutik ikusteko: ‘Dantza gustuko baduzu, Break Dance estiloa nagusituko da Eibarko Coliseo antzokian.’ Ez dago batere gaizki, oso aukera polita da, beraz, honen inguruko informazio gehiago nahi baduzu, hemen duzu lotura.

Orain kirola, jakina, dantza eginez, sasoian mantentzen bagara ere, dantza egiten duten mutilak ez dira asko izaten, nahiago izaten dute futbolean edota bestelako kiroletan aritzea. Amaia Fernándezez zera aipatu digu hesian: ‘Alcoyano taldeak Souto bereganatzea ikertzen ari da…nora joango da aurrelaria? zelan bukatuko da istorioa?’ Seguru gaude, hemen horren berri ere emango dugula, baina momentuz, orain arte jaso dugun informazioa jarraian duzu.

Hemen utziko dugu aste honetako errepasoa eta hurrengo asteko laburpena iritsi bitartean, gure orrialdetik pasatu zaitezke, eskerrik asko zure kolaborazioagatik eta laster arte.

Share on Facebook

‘Zientziaren eta Berrikuntzaren hiria’, Ego Ibarraren azken digitalizazio lanak eta Espastizitatea dira aste honetan Eibarko gai nagusiak.

Iritsi da eguna, gaur, urtarrilak 13, eta nork esan du zenbaki txarra dela? Nork dio malefizioa daukala? Ezta pentsatu ere, gainera, Erregetako Loterian ere 13a izan da zenbaki saritua. Eibarko ordezkariak Madrilen izango dira gaur, gure hesian Beñat Mendietak horrela idatzi du: ‘Bihar(urtarrilak 13, beraz, gaur) Madrilen Eibarrek bere saria jasoko du, ‘Zientziaren eta Berrikuntzaren hiria’ eta Espainiako printzeen eskutik jasoko du. Zorionak Eibar!’ Zorionak! Eta horretaz gainera baita Ermua eta Donostiari ere, hirurek eramango baitute sari berezia. Informazio gehiagorako hemen duzue lotura.

Oraingo honetan iturri beretik edaten jarraituko dugu baina bestelako kontuekin, Beñat Mendieta berak horrela aipatu baitu gurean: ‘Ego Ibarrak Eibarren inguruko 168 artikulu berri baino gehiago digitalizatu ditu.’ Aurrera egiteko eta antzinakoa ez galtzeko ematen diren pausuak denak ongi etorriak dira. Zorionekoak horrelako lanak hartzen dituen jendea egon badagoelako. Hemen duzue honen inguruko esteka.

Gaurko, oso hitzaldi interesgarria proposatzen digu Amaia Fernándezek: ‘Inguruan espastizitatea sufritzen duenik baduzu Adi! Gaur, hitzordu garrantzitsua. Arrieta Ahizpen hitzaldia Eibarren 19:00etan. Ondorengo loturari esker mezu hau irakurtzerik ez baduzu entzuteko aukera eskainiko dizu.’ Espastizitatea sufritzea benetan gogorra da, eta horretan laguntzeko egin den guztia benetan eskertzekoa. Hemen duzu honen inguruko informazio gehiago.

Maruji Delgado Martin: ‘kaixo herritarrak, Eibarren hezi nintzen eta Salamancan bizi naiz, nire nerabe garaiko lagunak topatzea gustatuko litzaidake 1967 urtekoak, eskerrik asko’. Ia Majurik zortea duen eta bere gazte garaiko lagunak topatzen dituen, badakizue hemendik, Eibarko orrialdetik ere laguntza emateko aukera izango duzuela.

Honenbestez, hemen utziko dugu aste honetako laburpena, hurrengoa iritsi bitartean ondo izan eta jakina zoriontsuak izan.

Share on Facebook