Monthly Archives: apirila 2013

Vueling eta Coca-Cola, EBEuskadi13 ekitaldiko laguntzaileak

Vuelingek eta Coca-Colak bat egin dute EBEuskadi13 maiatzaren 11an EiTBko Bilboko egoitzan “Bilatu zure aukerak” lelopean egingo den ekitaldiarekin. Bata zein bestea EBEuskadiren lehen edizioan ere izan genituen bidaia-lagun; iaz, hain zuzen ere. Eta biak ala biak EBEren ekitaldi gehienen laguntzaile dira.

vuelinglogo_coca_cola

Vuelingek 30.000 fan baino gehiago ditu Facebook sarean, eta 76.000 jarraitzailetik gora Twitter-en. Espainiako enpresen artean esparrua hauetan gehien mugitzen direnen artean dago Vueling. Izan ere, sortu zenetik esaprru berrietan mugiktzeko grina agertu du. 2004an jaio zen eta  ordutik  www.vueling.com webgunea izan zuen salmenta-gune nagusia. Gerora, bide beretik, app sortu du bezeroarengandik hgutrbilago egote eta ahalik eta zerbitzurik onena emateko asmoz. Youtube-n ere egon badaude.

Berrikuntzaren alde eginiko lanagatik Value Airline saria jaso zuen ATW Nazioarteko Sarietan. Sari hauek Air Transport World aldizkariak ematen ditu; alor honetan munduan dagoen garrantzitsuena, hain zuzen ere.

Coca-Cola, Sare Sozialetan ere erraldoia

Coca-Cola nazioarteko edarien konpainia erraldoia da; munud osoan fisikoki egoteaz gain, sare sozialetan ere halako tamaina du.  Facebook sarean 50 milioi jarraitzaile ditu. Honelako marka lortu duen teknologia alorretik ez datorren lehen konpainia da.

Web ekimenen aurkezpena, #EBEuskadi’13n

EBEuskadi’13ren aurkezpenaren ondoren, ekintzaileen proiektuak (web ekimenak) aurkeztu nahi ditugu oraingo honetan. “Startups” delakoei eskainiko diegu aurten ere gure topaketa, eta horri esker, enpresa teknologikoen produktu berriak ezagutzeko aukera izango dugu, ekintzaileen formazioan sakontzeaz gain.

Horregatik, ekintzailea bazara edo izan nahi baduzu, ez daukazu hitzortu hau galtzerik. Parte hartzeko, bidali zure proiektuari buruzko informazioa info@eventoblog.com helbidera.

Hurrengo asteetan 6 web ekimen aukeratuko ditugu, EBEuskadiko parte hartzaileen aurrean aurkezteko. Aukeratzen dugun ekimen horietako bakoitza banan-banan aurkeztuko da ondoren topaketan. Proiektu bakoitzaren arduradunak 5 minutu izango ditu bere ekimena azaltzeko, eta ondoren, beste 5 minutu izango dira galderak egiteko.

Denbora tarte bat ere izango da, gainera, enpresa eta ekintzaileek euren produktu eta zerbitzuen berri eman dezaten. Enpresek euren berrikuntzek zer inpresio sortzen duten jakiteko aukera izango dute eta entzuleek, horrelako ekimenak nola garatzen diren ezagutuko dute. Esperientzia honek arrakasta handia izan zuen EBEuskadi’12n.

Jose Antonio del Moral, ekimenen aurkezlea

Jose Antonio del Moral

Jose Antonio del Moral

Jose Antonio Del Moralek (@jamoral) aurkeztuko ditu web ekimenak EBEuskadi’13 topaketan. Del Moral Alianzo enpresako bazkide-zuzendaria da; eta bazkide da baita ere Agoranews, Mapalia Networks, Chicisimo eta Sequoia Internet enpresetan (bideoa interneten, web semantikoa eta sare sozial tematikoetan aritzen dira enpresa horiek). Ekonomia alorreko abokatu lizentziatura du Deustuko Unibertsitatean, Telekomunikazioen masterra Namurreko Unibertsitatean (Belgika) eta Interneteko Politikan espezializatu zen Stanfordeko Unibertsitatean (AEBak). Ya.com Internet Factoryren bazkide sortzaile izan da eta Vocentoko Interneteko edukien arduradun ere bai. “La blogosfera hispana” eta “Web 2.0: Manual de uso” liburuen idazleetako bat da eta Startup 2.0 Europako lehiaketako eta Nonick nazioarteko ekimenaren antolatzailea ere bada. El Mundo egunkariaren arabera, Espainiako 25 eragilerik garrantzitsuenen artean dago, Internet munduan.

Hemen da EBEuskadi’13!

Denbora ziztu bizian igarotzen da, edo horixe sentitu dut, behintzat, WordPresseko mahaigainaren aurrean jarri naizenean EBEuskadi’13 ate joka dugula jakinarazteko. Urtebete igaro da jada EBEuskadi 2012 Euskal Herrian lehen hitzordua egin genuenetik eta orduko hartan bezala, EiTBren Bilboko egoitzako Multibox Aretoan elkartuko gara, maiatzaren 11n.

Izena emateko epa ireki da jada eta iaz bezala, doan izango da. Hementxe hartu ditzakezu EBEuskadiko sarrerak.

Orduan hasitako ibilbideari berrekin nahi genioke, lehen euskal topaketa hark feedback baikorra izan zuela ikusi baikenuen. Ibilbidearen helmuga, gure topaketa urtero-urteroko hitzordu bihurtzea litzateke. Baina hori denborak esango du, edo bideak berak.

EBEuskadi ekimena, 2012an, EiTBren Bilboko egoitzan

EBEuskadi ekimena, 2012an, EiTBren Bilboko egoitzan

EBEuskadi’13ren laguntzaile eta babesleak ere nabarmendu nahi genituzke tarte honetan, oso garrantzitsuak baitira honelako ekimen bat aurrera ateratzeko. EiTB eta Lontzo Sainz aipatu nahi genituzke, adibidez, izugarri laguntzen digutelako eta guk hori asko estimatzen dugulako. “la Caixa” –k ere bere babesa eman digu, apirilaren 20an Bartzelonan (EBEBarcelona) eta iazko EBE12n bezala. Eta nola ahaztu Vueling edota Coca Cola bezalako marka ezagunak. Eskerrik asko.

“Bilatu zure aukerak” da aurtengo leloa. Internet eta web soziala maite duen jendea bildu nahi dugu, teknologiaren garapenarei esker aurreikusi daitezkeen egungo eta etorkizuneko joerei buruz hitz egiteko eta inspirazioa aurkitzeko.

Hurrengo egunetan xehetasun gehiago emango ditugu, baina gaur abiapuntua eman nahi diogu aurtengo hitzorduari. Bide batez, gure esku egon daitezkeen proposamenak egitera animatzen zaituztegu eta egon daitezkeen berrikuntza guztiak @ebe twitter kontuaren bidez zabalduko ditugu. Hartu parte!