Donostia

Donostian Aste Nagusiko azken txanpan gaude, dagoeneko, baina oraindik badugu denbora gure hiriko jaietaz gozatzeko. Gaur, ostirala, eta biharko eguna ditugu aurrean… eta gero, igandea atseden apur bat hartzeko Ikus dezagun Donostiak Facebooken duen orrialdean zer komentatu duen jendeak azken egunotan.

Hesian aipatu dugunez, donostiar askok hartu dute parte Donostiako patata-tortilla lehiaketan. Bideo batean, hemen batean duzuen irudietan, ekitaldi honen inguruko informazioa duzue. Gose al zaudete?

Beñat Mendietak Donostiako argazki eder bat, Jose Luis Sotok egindakoa, partekatu du, gaur goizean, hesian. Berak aipatu duen moduan, gure Donostia eder-eder dago, nahiz eta zerua gris egon, jaietan: barrakak dira protagonistak bere irudian. Argazkietako webgune batean aurkitu ahal dugu argazki hau eta beste zenbait. Hemen duzue Beñatek orrialdean jarri duena:

Jose Luis Soto da argazki honen egilea.

Gaur gauean, Ane Zabalak esan duen moduan, Melendi asturiarraren kontzertua dugu Saguesen. Berak artista horren abestietako bat utzi du hesian: “Caminando por la vida“. Entzun hementxe:

Honela amaituko dugu gaurko laburpena. Badakizue, ostirala izanik gauza bakarra izan behar dugu burlan: asteburuaz ahalik eta gehien gozatzea. Horretarako dira jaiak!! Oraindik gaur eta bihar dugu primeran pasatzeko. Gora Donostia! Eskerrik asko!

Share on Facebook

Donostiako jaiek euren bosgarren eguna dute gaur, eta Donostiako Facebookeko orrialdean Donostiako Aste Nagusia ospatzen jarraitzen dugu. Gauean, Su Ta Gar taldearen kontzertuaz gozatu ahal izango dugu, eta, bitartean, atzo gure umeek izandako ekitaldiak eta piraten abordaia gogoratzeko denbora izango dugu. Hona hemen gaurko laburpena.

Gaur gauean, Itxaso Apraizek hesian nabarmendu duenez, 23:45etik aurrera, Saguesen, Su Ta Gar talde eibartarra izango dugu ikusgai; hori dela eta, Itxasok banda honen abestirik ezagunenetariko bat partekatu du hesian: “Itxaropena”; Itxasoren ustez, “Su Ta-ren abestirik onena” da hau, “… edo niri gehien gustatzen zaidana, behintzat“, aipatu zuen. Hona hemen kanta hori:

Atzo, hesian Beñat Mendietari esker ikusi dugunez, umeak izan ziren jaietako protagonista nagusiak; ekitaldi asko izan zituzten Donostiako txikienek egunaz gozatzeko, eta, urtero gertatzen den moduan, bizikleta festak izan zuen arrakastarik handiena. Hona hemen bideoa: umeak Donostiako jaietan. “Harrobia zaindu behar dugu -esan du Beñatek, ume horien inguruan-; etorkizuneko jaiak euren esku egongo dira“.

Astelehenean, denok dakizuenez, Donostiako jaiek ekitaldirik jendetsu eta dibertigarrienetako bat bizi izan zuten: piraten abordaia. Zurekin partekatu genituen, atzo, piraten heldueraren irudiak, hementxe: piraten abordaiaren bideoan. Ikaragarria izan zen!!

Honenbestez, agur esango dizuegu; laster egongo gara hementxe, zuekin, eta donostiar guztiekin, gure Aste Nagusia ospatzen jarraitzeko. Agur bero bat, eskerrik asko eta gozatu!!

Share on Facebook

Donostia jaien esperoan dago eta iada… ez da ezer geratzen, aupa Donostiarrok! 2011ko Aste Nagusia heltzear daukagu, hiru egun besterik ez dira falta, eta atzera kontatzen hasteko une honetantxe, Donostiako 2011ko Aste Nagusiko jaien egitarauarekin hasiko dugu gaurko laburpena.

Aste honetan hainbat gai izan dira hizpide Donostiako orrian baina errepikatuena… jaiei lotutakoa izan da dudarik gabe. Donostiarrok jaiak hasteko irrikitan gaude eta data hurbiltzen ari denez… egitarauari begiradatxo bat botatzeko tenorea iritsi da. Zertan hartuko dugu parte? Kanoikadara joango gara? Su artifizialak ikustera? Piraten abordajera? Kontzertuetara? Ezertxo ere gal ez dezazuen Donostiako 2011ko Aste Nagusiko egitarau osoa uzten dizuegu, denetarik dago, zuek aukeratu! Eta anima zaitezte eta konta egiguzue Donostiako orrian, zein ekintzetara ezin du hutsik egin benetako donostiar batek?

Baina jaiez gain, beste hainbat gauza ere izan ditugu gure orrian egunotan. Gaur bertan, Donostiako Arzak, Akelarre eta Saltxipi jatetxeetan izandako lapurretak izan dira ezbairik gabe hizpide. Azken aldian, hainbat lapurreta izan dira eta Ertzaintzak uste du jatetxe handietan lapurretak egitea helburu duen profesional talde bat dela erantzulea. Arzak, Akelarre eta Saltxipi jatetxeetan lapurretak izan dira eta bertara joan dira eitb-ko kazetariak :

Halaber, duela egun batzuk gure poltsikoekin lotura duen albiste baten berri izan genuen Donostiako horman. Izan ere, ikerketa baten emaitzek aditzera eman dutenez, Donostia, taxi tarifa garestienak dituen hirugarren hiria da Estatuan. Albiste horrek herritarrak haserrarazi ditu, hona hemen batzuen iritziak. Zuek zer deritzozue auziari?

Gaurkoz besterik ez, agur bat helarazten diegu egun hauetan orrian parte hartu duten guztiei eta Donostiako horman zuen ekarpenak egitera gonbidatzen zaituztegu. Hiru egun besterik ez dira falta Alderdi Ederren festa hasierako kanoikada botatzeko, beraz, egun gutxi barru elkartuko gara berriz ere. Izan ere, Donostiako jaien nondik norakoak ezagutzeko, argazkiak ikusteko, eguneko bideoez gozatzeko… eta baita zeure irudiak partekatzeko ere, Donostiako orria duzu zeure lekua. Hemendik larunbatera bitartean, ongi zaindu eta atzera kontaketa abiarazi : 3, 2, 1… gora Donostia!!!

Share on Facebook

Donostiako 2011ko Aste Nagusiko jaiek badute euren egitarau ofiziala. Aurtengo jaietan ezertxo ere galdu ez dezazun, hementxe duzu egitarau osoa, baita Donostiako Aste Nagusiko jaien 2011ko kartela ere:

Donostiako 2011ko Aste Nagusiko jaiak iragartzen dituen kartela

KANOIKADA BAINO LEHEN…

ABUZTUAK 13 / LARUNBATA

ABUZTUAK 14 / IGANDEA

ABUZTUAK 15 / ASTELEHENA

ABUZTUAK 16 / ASTEARTEA

ABUZTUAK 17 / ASTEAZKENA

ABUZTUAK 18 / OSTEGUNA

ABUZTUAK 19 / OSTIRALA

ABUZTUAK 20 / LARUNBATA

Share on Facebook