Donostia

Luis Gil Azkue, Donostian desagertutako ostalariaren gaia izan da aste honetan horman gehien aipatu den gaia, izan ere, ia bi aste desagertuta egon ostean, astearte goizean Urumea ibaian topatu zuten donostiarraren hilotza. Badira, hala ere, bestelako gaiak ere. Goazen laburpenarekin.

Azken asteetan Donostiako bizilagunen artean kezka zen nagusi. Otsailaren 11z geroztik Luis Gil Azkue, 36 urteko Donostiako El Rincón tabernako ostalari ezaguna desagerturik zegoen. Senitartekoak larri zeuden, izan ere, desagertutako unean ez zeramatzan gainean beharrezkoak zituen botikak, epilepsia eta depresio arazoei aurre egiteko. Astearte goizean, ordea, berri txarrak heldu ziren gaztearen familiarentzat. Olatz Gartziak jakinarazi zigun Donostiako suhiltzaileek Luis Gil Azkue ostalariaren gorpua erreskatatu zutela Urumea ibaian.

Gaiak atsekabea sortu du donostiarren artean. Itxaso Apraizek horrela zioen: “Vaya! Que mala notica! Condolencias a la familia!”. Beñat Mendietak, berriz, “besarkada bat” bidaltzen zien familiari. Guk ere askoz gehiago ezin esan, eta animoak eta doluminak bidaltzen dizkiogu Luisen senitartekoei.

Eta gai alaiagoei helduz, Web Enteratek Yero & Flow bikote kubatarraren azken bideoklipa aurkeztu digu, Donostian grabatutakoa berau. Musika pixka bat entzun nahi? Hemen taldea atzealdean Donostiako irudi ederrak dituela:

Maria Strata Lanerik, pozez zoratzen bere senitartekoa den José Pedro Herbon mediku ezagunari egindako elkarrizketa zati bat utzi zigun iruditan, eta ondorengo iruzkina gehitzen zuen: “Comparto con orgullo la entrevista que le hicieron a Papá,Pete para la familia y amigos y Dr.Herbon hasta que lo conocen mas alla de la medicina donde el trnasita deja su huella para siempre. Felicitaciones a mi querido compañero y amigo de la vida y a mis 3 hijos que son nuestro gran tesoro.” Jarraian Mariak zintzilikatutako elkarrizketa zatia uzten dizuegu.

Elkarrizketa José Pedro Herboni. Argazkia:Maria Strata

Eta honekin gaurkoari amaiera emango diogu. Badakizue zuen iritziak, albisteak, argazkiak, bideoak… geure horman zintzilikatu ditzakezuela. Gu beti bezala adi-adi egongo gara eta ondoren, asteroko legez, blog honetan bilduko ditugu zuek esandakoan. Bitartean, mila esker hor izateagatik eta pozik bizi!

Share on Facebook

Donostian olatuek emandako ikuskizuna eta Demidov, Realeako jokalari berriaren bideo bat izan dira aste honetan Facebookeko horman gehien eztabaidatu diren gaiak. Baina ez dira bakarrak izan. Goazen, bada, laburpenarekin!

Herrizaingo Sailak bai atzorako baita gaurkorako ere alerta horia ezarri du, olatuak 3,5 eta 4 metro artekoak izan litezkeelako. Eguraldiak, beraz, protagonismo handia hartu du aste honetan euskal kostaldean, eta bereziki Donostian. Eguraldiblogeko erabiltzailea den Ixabel Brizen argazki eder bat zintzilikatu genuen horman. Hona hemen Ixabelek Donostiako Paseo Berrian ateratako irudia:

Donostiako Paseo Berriko olatuak. Iturria: Ixabel Briz

Atzoko eguraldia kontuan izanik, arrakasta izan du argazkiak, eta esaterako, Evangelina Otaeguik horrela esaten zigun: “Qué hermoso espectáculo de la naturaleza!!”. Parte hartzeak asko izan dira, eta guztiak ere aipatzea zaila bada ere, mila esker Monica, Jon, Susane, Itxasne, Manu edo Nataliari, besteak beste.

Gaiaz aldatuz, asteburuan Realaren eta Osasunaren arteko partida bikaina ikusteko beta izan genuen. Beñat Mendietak gurean parte hartu du beste behin, eta ondorengo galderaren bitartez, Demidov Realeko jokalari berriaren irudiak utzi zizkigun: “¿Qué os parece el nuevo jugador txuri-urdin? en el derbi jugó de titular por vez primera, y no estuvo mal no!!!”. Jokalari norvegiarrak lehenengoz 90 minutu jokatu zituen talde txuri-urdinekin, eta nahiko joko ona egin zuela irakurri dugu batean eta bestean. Hemen doakizue bideoa:

Gaurko postarekin amaitzeko, Web Enteratek bi hitzorduren berria ematen zigun: bata Ken Zazpik Larunbatean Zarautzen emango duen kontzertua gogoratzeko eta, bestea, Donostiako Udaletxeak Miramonen OTA jarriko ez duela dioen albistearen berri emateko.

Eta honaino gaurko laburpena. Badakizue nahi beste kontu, bideo, argazki… zintzilikatu ditzakezuela Donostiako Facebookeko horman. Gu adi-adi izango gara eta bertan kontatzen den guztia blog honetan bilduko dugu. Bitartean, onak izan eta datorren astera arte!

Share on Facebook

Filmaketek Donostian duten garrantzia eta Garbera Merkatal Guneko ekimen bat izan dira, besteak beste, aste honetan Facebookeko horman gehien eztabaidatu diren gaiak. Baina ez dira bakarrak izan. Goazen aste honetako laburpenarekin!

Donostiak beti izan du xarma berezia, eta hori abiapuntu bezala hartuta, gure laguna den Beñat Mendietak ondorengo esteka honen bitartez jakinarazi digu 2010. urtean, Gipuzkoako hiriburuan guztira 215 filmaketa egin direla. Pozez, horrela esaten zigun Beñatek: “Aupa Donosti!!! hiririk politena eta interesgarriena!!!! agertoki ederra dugu eta!!!”. Aupa Donostia eta aupa Beñat, mila esker gurekin parte hartzeagatik.

Garbera Merkatal Gunea ere hizpide izan da aste honetan Donostiako Facebookeko horman. Izan ere, proposamen berezi bat egiten zigun Notxu Sassenach-ek. Hona hemen bere hitzak: “25 euros para gastar en Garbera en dos sencillos pasos: Pincha aqui: www.facebook.com/ccgarbera
y dale al “me gusta”. Después, en esta foto: http://www.facebook.com/#!/photo.php?fbid=187529407946065&set=a.128748240490849.14052.106102026088804
escribid: Me ha invitado Notxu Sassenach… Si gano, todos los registrados de mi parte se lo llevan! ”. Aukera polita. Mila esker gurean parte hartzeagatik.

Amaitzeko, Leire Bazkezek jakitera ematen zigun gaur, otsailak 10, “Nolako umorea egin nahi dugu emakumeok arte eszenikoetan” hitzaldia egingo dela Leire Ibargurenen eskutik, eta honen ostean,“Ornitorrinkus” lanaren interpretazioa ikusteko aukera izango dela Maialen Lujanbio eta Judith Monterorekin! Oraindik garaiz zabiltzate, beraz, parte hartu nahi baduzue hurbildu Villabonara.

Eta gaurkoz besterik ez. Badakizue Donostiako albisteak, argazkiak, bideoak… gure Facebookeko horman utz ditzakezuela. Donostiakoa bazara, animatu parte hartzera.

Share on Facebook

Hungariako kaldereroak, inudeak eta artzainak edo Higa Antzerki taldearen ikuskizuna Donostian; hauek dira, besteak beste, Donostiako Facebookeko hesian gehien aipatu diren gaiak. Baina badira bestelakoak!

Aste honetako laburpenean lehendabiziko gaia Itxaso Apraizek aurkeztu digu. Asteburu honetan jai handia izango da Gipuzkoako hiriburuan, larunbat gauean Hungariako kaldereroak Donostiako kaleak zeharkatuko baitituzte eta, igandean, berriz, artzainak eta inudeak etorriko baitira hirira. Ondorengo hitzekin alai agertu da Itxaso gurean: “Asteburuan kaldereroak eta inudeak eta artzainak!!! parranda Donostian.. Ihauteri giroa usaintzen dagoeneko….”. Eskerrik asko, Itxaso, hesian parte hartzeagatik. Donostiarrak!! Ondo pasa eta gozatu asteburua!

Beñat Mendietak ere plan berezi bat proposatzen zigun, kasu honetan, atzorako eta gaurko. Higa Antzerkiak Amaia Lasaren unibertso poetikoa iturburu duen lana aurkezten zigun Victoria Eugenian. Horrela esaten zigun Beñatek: “Alaaaaa…. que buena pinta! ¿Quién se apunta?”. Oraindik ere garaiz zaudete, beraz, hemen obraren inguruko esteka interesgarria.

Laburpenarekin amaitzeko, Web Enteratek kontzertu esanguratsu baten berri ematen zigun, izan ere, datorren martxoan, Bebe abeslari ezagunak Euskal Herria bisitatuko du, eta Tolosako Leidor Antzokian eta Arrasateko Amaia Antzokian bere azken diskoaren kantak entzuteko parada izango da. Animatu guztiok plan bikain honetara. Informazio gehiago esteka honetan topatuko duzu!

Eta gaurkoz besterik ez. Badakizue nahi dituzuen kontu guztiak Donostiako Facebookeko hesian eskegi ditzakezuela, bideoak, argazkiak…, interesgarria iruditzen zaizuen dena! Aste ona pasa eta datorren astera arte! Pozik bizi!

Share on Facebook