Donostia

San Sebastian bezperan hasi eta gaur gau erdira artekoak Xabi Alonsorekin batera dira aste honetan Donostiako kontu nagusiak.

Azkenean, Xabi Alonsok egun handian Madrilen partida zeukanez, Urrezko Danborra atzo eman zioten, San Sebastian egunaren bezperan. Enteratekoek Danborradaren nondik norakoak ekarri dizkigu gurera. Hemen duzu bideoa ikusteko aukera.

Horretaz gainera, gure taldea Donostian dagoen giroa etxetik edo zauden tokian zaudela jarraitzeko aukera duzula esatera etorri da. ETBn edota eitb.com-en streaming bidez klik eginez giroa zurean izango duzula aprobetxatu, hemen duzu gaur goizean goizeko 11:10etatik 14:00tara, haur danborrada ikusteko esteka.

Baina egun osoko jaia denez, gau erdian egingo den bandera jaitsiera ere zuzenean eskainiko da, gaueko 23:30etan 00:30etara, beraz, hemen beste esteka hau.

Hala ere, egun handia igaro eta gero urte osoa dugunez, Enteratekoak ere horretan pentsatu dutelako edo…aurtengo lan egutegia utzi digute Donostiako hesian. Hemen duzu.

Honenbestez eta danbor hotsen artean hemen utziko dugu aste honetako laburpena.

Share on Facebook

Xabi Alonso eta Urrezko danborraren ibilerak, Txotx irekiera eta Realeko kamisetak musikarekin batera dira aste honetako gai nagusiak Donostian.

San Sebastián egunerako astebete besterik ez, eta oraindik kolokan ia Xabi Alonso futbolari handiak, Donostian egoteko aukerarik izango ote duen. Maite Bazterretxea: ‘San Sebastian egunean Xabi Alonsok Errege Kopako partida Madrilen, ezingo du Donostian Urrezko Danborra jaso. Ze pena…. Bihar, (gaur) batzarra egongo da. Ordezkoaren bila arituko dira jada….nork jaso beharko luke Urrezko Danborra?‘ Galdera honen erantzun bat jaso dugu, Amaia Fernándezen eskutik: ‘oh!! ze pena! eta nori emango diote ba? Edurne Pasabani?’ Azkenean oraindik ere horren esperoan jarraitzen dugu, hala ere astebete geratzen denez, ia zertan geratzen den. Hemen duzue gehiago jakiteko esteka.

Aste honetako albistea Hernanitik iritsi zitzaigun: ‘Gaur (hilak 12) Txotx Irekiera! Egun handian ‘Gure Sagardo Berria’ oihukatuko duena: Karlos Argiñano. Donostia-San Sebastiánen bazaude, Hernanira bisita egitea erreza da, baina gainerako guztiak ere gonbidatuta zaudete! TXOTX!!!!’ Orain, agendak eguneratu eta ia sagardotegietara bisita egiterik dagoen. Hemen duzue Txotx-aren inguruko lotura.

Bestelako kontuekin jarraituko dugu, Amaia Fernándezk, proposamen interesgarria helarazi baitigu. ‘Urtarrilaren 15a arte urezko poltsak arte eta diseinuarekin ikusi nahi badituzu, 45 artistek parte hartu duten erakusketa bisitatzeko aukera duzu.’ Larunbatean bukatuko da, baina oso polita iruditu zaigu, desberdina, erakusketa berezia benetan. Hementxe duzu gehiago jakiteko informazioa.

Donostiako erakusketa. Ur bero poltsa

Musika ezin falta denez, Musikota Olayaren albistea ekarri dugu: ‘2011an emandako Kontzertu Pribaturik onenaren saria, Franz Ferndinand-ek Donostian emandakoak eraman du’. Albiste pozgarria eta kontzertuak antolatzen jarraitzeko bultzada. Hemen duzue Musicota Olayak utzitako albistea.

Atzera egitea gustuko dutenak egon badaudelako, antzinako kamisetak jarri dituzte modan, Amaia Fernándezek zera dio:‘Aspaldi aspaldiko kamisetak gustuko?’ 1987 urtean Realak Errege Kopa irabazi zuenean Arconadak jantzitako kamisetaren modukoa nahi izanez gero, hemen duzu aukera.

Donostia. Real Arconadak 1987an erabili zuenaren modukoa

Gure azken laburpenean jasotako albisteen artean, Amenabarrek Donostian filma grabatuko zuela aipatu genuen baina…inuzentada izan zenez…hemen albistea eta jasotako postak.  Amaia Fernández: ‘Inuzentada bat zen… jajajaja.’

Aste honetako laburpena bukatzeko Gus Gonzálezen proposamena dakargu: ‘Larunbata, hilak 15, 20:30etan Bukowskin THE BILLIE JEANSen diskoaren aurkezpena egongo da ‘Shot Down’ Martxa eta giro ona egongo dela ziurtatzen dugu. Hemen espero zaituztegu eta gozatzera’.

Hurrengo astean hemen elkartuko gara, baina bitartean, Donostiako orrialdean ere parte hartu dezakezu.

Share on Facebook

Gun N’ Roses taldeak Donostian eskainitako ikuskizunari saria eta Desigual markaren ekimen bitxia dira asteon Facebookeko orrialdean izan ditugun gaietako batzuk.

Rock talde ezagunak kontzertua eskaini zuen joan den urrian Donostian; zuetako askok zuzenean ikusteko beta izan zenuten eta, antza, kontzertu bikaina izan zen. Musikota Olaya-koek 2010eko kontzertu onenak aukeratu dituzte eta, hara non, Axel Rosek eta bere mutilek gurean eskainitakoa jarri dute lehen postuan. Artikulu oso bat egin dute horren inguruan, irakurri nahi baduzu, klik egin hemen.

Gaur bertan egin duten beste ekimen bati buruz hitz egin behar dizuegu orain. Amaia Fernandezek eskutik heldu zaigu berria: Desigual arropa markak Donostian duen dendak ekimen bitxia izan du gaur: dendara barruko arropak bakarrik jantzita sartzen ziren lehen 100 lagunek arropa doan eraman ahalko zuten. Amaiak ez du zorterik izan, hala kontatu digu: “Katxis!!!! Berandu heldu naiz eta jada ez zuen balio…. Zorte gehiago izan duzue zuek gaur Desigualen?” Kontatu, kontatu…

Hitzorduez ari garela, berezi samarra zen bat proposatzen zigun asteazkenean Maite Bazterretxeak: ‘Zigortzaileak‘, haurrak protagonista dituen lehen euskal filma, estreinatu zuten EAEko hiru hiriburuetan. Zinema-aretoetan dago jada, beraz, etxeko txikienekin joateko aukera duzue, Maitek berak gomendatzen zigun bezala. Hemen duzue filma zertan den.

Beste gai bat ere partekatzen zuen Maitek gurekin: Singapore Airlineseko zuzendariak Donostian izan dira egunotan, hiriburua euren hegaldi eskaintzaren barruan sartzea aztertzen ari baitira. Udaleko arduradunek hiria erakutsi diete, ziur gustatu zaiela!!!

Amaitzeko, zorte kontuak aipatu behar ditugu, edo hobeto esanda, zorte ezaren kontuak. Izan ere, Gabonetako loterian gertatu zen bezala, Erregetako loterian ere ez da ezer egokitu Donostian. Sikiera, Errenterian zerbait tokatu da eta…. eurengatik poztu beharko ezta?

Hementxe utzi behar dugu asteroko laburpena. Gustu baduzue, Facebookeko Donostiako orrialdean eta, astebete barru, blog honetan ikusiko dugu elkar. Zuen ekarpenen zain geratzen gara, ondo segi!

Share on Facebook