Donostia

Donostian, uda honetan, toldoa izan nahi zuten lagunen artean zozketa izan da. Lehen aldiz, zozketa irekia izan da, hots, edonork izan du izena emateko eskubidea. Segidan dituzu datu guztiak eta egokitu ote zaizun jakiteko modua:

Toldoak, hamakak eta enparauak prest daude, uda honetako jabeen zain. Argazkia: Txomin REzola

Toldoak, zenbakitan

1.521 guztira:

Kontxa, 440

Zurriola, 261

Ondarreta, 820 (132 karpa, 239 eguzkitako eta 479 toldo)

Zozketa ekainaren 1ean egin dute, Atano pilotalekuan, 12:00etan.

Toldoa egokitu zaienek 5 laneguneko epea dute ordaintzeko, ekainaren 8ra arte. Izen-abizenak ipini beharko dituzte erreferentzia gisa.  Hala egiten ez dutenek toldoa galduko dute eta automatikoki zerrendan ondoren daudenak deituko dituzte.

Ikusi egokitu ote zaizun

Kontxako toldoak, hemen

Zurriolako toldoak, hemen

Ondarreta:

Eguzkitakoak, hemen

Karpak, hemen

Toldoak, hemen

Egokitu bazaizu, kontsulta ezazu NON egokitu zaizun:

Kontxa, hemen

Zurriola, hemen

Ondarreta, hemen

Zorterik izan ez baduzu, lasai, itxaron-zerrenda ere jarri dute. Hemen kontsulta dezakezu. Tokatu ala ez, gozatu Donostiako hondartzez!

Share on Facebook

Donostia ongi baino hobeto ezagutzen duzu ezta? Eta gipuzkoar fina izateaz gain, Donostiar peto-petoa ere bazara, baietz? Badakigu hala dela, horregatik, Donostiako kantak dakartzagu, elkarrekin abestu ditzagun. Ezagutzen dituzu ezta?

Gaurkoan hiru aukeratu ditugu eta ea aurrerantzean, denon artean zerrenda txukuna osatzen dugun! Bidali zuen kanten izenburuak eta istorioak, zeintzuk falta dira?

San Sebastian Martxa eta danborrada

* San Sebastian Martxa kanta eta letra:

Bagera!

gu (e)re bai

gu beti pozez, beti alai!

Sebastian bat bada zeruan

Donostia bat bakarra munduan

hura da santua ta hau da herria

horra zer den gure Donostia!

Irutxuloko, Gaztelupeko

Joxemaritar zahar eta gazte

Joxemaritar zahar eta gazte

kalerik kale danborra joaz

umore ona zabaltzen hor dihoaz

Joxemari!

Gaurtandik gerora penak zokora

Festara! Dantzara!

Donostiarrei oihu egitera gatoz

pozaldiz!

Inauteriak datoz!

Bagera!

gu (e)re bai

gu beti pozez, beti alai!

Itsasoa laino dago

* Itsasoa laino dago kanta eta letra:

Itsasoa laino dago

Baionako alderaino;

Nik zu zaitut maiteago

Txoriek beren umeak baino.

Gure aita, oroiz dago

Lainopean, gaueraino;

Nik zu zaitut maiteago

Arraintxoak ura baino.

Gure oroiz aita dago

Lainopean gaberaino

Nik zu zaitut maiteago

Arraintxoak ura baino.

Festarik behar bada

* Festarik behar bada doinua eta letra:

Festarik behar bada

bego Donostia

betikoa du fama

ondo merezia

Bestetan ez bezala

hemen gazteria

amaren sabeletik

dator ikasia

Share on Facebook

Gipuzkoako gazte sortzaileei laguntzeko urteko hitzordua gerturatzen ari da. Badator Kutxa Kultur 2012, musikaren, zinemaren, komikien eta modaren jaialdi erraldoia. Kutxa Kultur Festibala irailaren 7an eta 8an egingo da, Igeldoko jolas-parkean, eta bi egun horietan zehar hainbat egitasmo egingo dira musika kontzertuez gain. Martxoaren 7an egin zen jaialdiaren aurkezpena eta guk ere, Donostiako txoko honetan hitzorduaren nondik norako guztiak bildu nahi izan ditugu gaurkoan.

KUTXAKULTUR RESUMEN from Hervidero on Vimeo

Kutxa Kultur Musika 2012

Zer da: Gipuzkoako musikaren erakuslehio.

Izena emateko azken eguna: maiatzaren 26a

Nola parte hartu: taldeek zein bakarlariek gutxienez bi abesti bidali beharko dituzte. Hemen oinarriak zehatz-mehatz.

Sariak: aukeraturiko 10 taldeek Mundumira Jaialdian, Heineken Jazzaldian edo Surlfilm festibal bezalako hitzordu garrantzitsutan euren musika erakusteko aukera izango dute. Hemen parte hartzeko oinarriak.

Harremanetarako: musika@kutxakultur.com

Kutxa Kultur Moda 2012

Zer da: Gipuzkoako moda-diseinatzaile gazteen erakusketa

Izena emateko azken eguna: uztailaren 30a

Noiz egingo da: Kutxa Kultur Moda Donostian egingo da asteburu batez urrian.

Nola parte hartu: Hemen oinarrien informazio osoa.

Harremanetarako: moda@kutxakultur.com

Kutxa Kultur Komikia 2012

Kutxa Kultur Komikia lehiaketa

Zer da: marrazkilari gazteen erakuslehioa

Izena emateko azken eguna: ekainaren 30a

Noiz egingo da: Jasotako lan batzuk aukeratuko dira, eta estatuan banatuko den argitalpena gauzatuko da.

Sariak: hiru diru-sari izango ditu: 900 €, 400 €, 200 €.

Harremanetarako: komikia@kutxakultur.com

Kutxa Kultur Espresso 2012

Zer da: film laburren lehiaketa. 48 orduan film labur bat grabatu beharko dute parte hartzaileek.

Non: Donostian

Noiz: Film laburrak maiatzaren 21ean aurkeztuko dira

Izena emateko azken eguna: maiatzaren 11a

Sariak: hiru diru-sari izango ditu: 1.000 €, 600 €, 300 €

Harremanetarako: zinema@kutxakultur.com

Share on Facebook

Donostiak badu xarma berezi bat. Gipuzkoako hiriburuko kaleek urte luzeetako historia gordetzen dute, eta gu Donostiako kaleen historia zuei kontatzen saiatuko gara. Horretarako Zum Edizioak argiataratutako Felix Marañaren “Donostia kalez kale” liburua esku artean hartu dugu, eta gaurkoan Portu Kalearen historia eta sekretu guztiak ezagutuko ditugu. Ezaguna egiten al zaizue Patxi Alcorta? 

Portu Kalea, Donostiako Alde Zaharreko kale nagusia da, zuzenean itsasora eramaten gaituena. Bertan dagoen zubiak edo arkuzko atari ederrak, baita Jarana auzora edo Portura eramaten gaituzten sarrerak ere, Alde Zaharreko kale jendetsuenean bihurtzen dute karrika hau. Garai batean “Iñigo Alto” izena bazuen ere, agiriek diote, 1897. urteaz geroztik Portu Kalea izena duela. Konstituzio Plazan hasi eta “Portaleta” kalean amaitzen da.

Goian: Estrada, Portu kaleko denda ezaguna. Behean: Portu kalea, barrenean Portaletako Arkuarekin Iturria: "Donostia kalez kale"

Juanito Korta, Aralar, Portaletas edo berriagoa den Bernardo Etxea bezalako jatetxe klasikoak biltzen ditu Portu Kaleak. Donostiar askok, gainera, desagertutako hainbat tabernen izenak ere oroitzen dituzte, esaterako Flores, eta nola ez Patxi Alcortaren, Irutxulo, 1970. urtean itxi zena.

Patxi Alcorta hiriko bizitza alaitu zuen pertsonaietako bat izan zen, eta bitxikeri gisa esan daikete berau izan zela Relak Atotxan jokatzen zuen garaian, suziriak jaurtikitzen hasi zen lehenengo pertsona. Felix Marañaren liburuak, Ander Izagirre, Patxiren ilobaren hitzak biltzen ditu: “Nire osabak hasi Atotxan suziriak botatzeko ohitura. (Bai, txapelak toki guztietan saltzen ibiltzen zenak, asto bat Santa Clara irlara kometa batean hegan pasatu nahi izan zuenak, Urtain boxeadoreari mundo osoko txoko guztitara laguntzen zionak)”.

Hori zen Patxi Alcorta. “Txapeldun” terminoa asmatu zuen, eta honen ilobak, ondoregoa kontatzen du esku artean dugun liburuan, Patxik berak berari kontatua: “Txapelena, “delirium tremens” batean bururatu zitzaidan. Txapelak nonahi ikusten nituen. Horregatik hasi nintzen neurri guztietakoak egiten. Kirolariei buruan jartzeko txapela erraldoiak, kotxetako erretrobisoreetan zintzilaketazen diren txapel txikiak.. Kirolariek nahiago dute txapel bat jasotzea garaikur bat baino. Ez da garbitzen ibili behar, astindu pare bat eman eta kitto!”.

Alcorta, Donostiako parte izan zen gizona, 1975. urtean hil zen, eta bere asmakuntza asko aipatu baditugu ere, ezin dugu ezagunenetako bat aipatu gabe utzi, berau izan baitzen ZURITOAREN, sortzailea, gaur egun horren ezaguna den zerbeza txikiaren asmatzailea, hain zuzen ere. Bere jatetxean, Irutxulon, asmatu zen zuritoa.

Donostiako Portu kalea ezagutu dugu gaurkoan, ikusi duzuen moduan. Laster, geure hiriko beste txoko eder batekin itzuliko gara, izan ere, Donostiako kaleen historia magiaz beterik dago. Laster, beraz, bueltan izango gara blog honetan. Bitartean, bizi ondo eta besarkada bat guztioi!

Share on Facebook

Iritsi bezala joan da Donostiako Danborrada 2012. Azken egunotan ez da beste konturik izan Donostiako kaleetan baita Facebookeko orrialdean ere. San Sebastian Egunak eman duena, aurreko prestaketa lanak eta haur danborradaren nondik norakoak errepasatuko ditugu gaurkoan, baina aurrez… Gora Donostia eta Danborrada!:-)

2012ko Donostiako Danborradaren webgune bereziaren bitartez, eguna gertutik jarraitzeko gonbitea luzatzen genizuen, donostiar batek baino gehiagok kanpotik bizi behar izan baitzuen San Sebastian Egun handi hau. “Han egotea nahiko nuke”, zioen Esther Canalek. Urduritasunak medio, eguna iritsi bezain pronto, ostegunean goiz goizetik jakinarazi genuen, esteka honekin, danbor hotsez eta giro onaz gain, euria izango genuela lagun Donostiako Danborradan. Eta iragarpenak ez zuen hutsik egin.

Helduen danbor konpainiak hiriko kaleetan ibili ziren gau osoan zehar, hori bai, ia gehienek euripean. Etxeko txikienek, ordea, ez zuten zorterik izan, eguraldi txarrak, azkenean, danborradan ateratzekoak ziren 5.000 haurren ilusioa eta poza zapuztu baitzuen. Donostiako haur danborrada bertan behera geratu zen eta “tristura” berehala nabaritu zen Donostiako horman ere: “Lastima!!!!!! Ume gaixoak, hori atsekabea!!!! Orain iganderako egun zoragarri bat eskatzea besterik ez da gelditzen. Animo!!!!!”, esaten zuen Maite Otañok, eta beste askok ere euren “pena” erakusten zuten.

Hala eta guztiz, Donostiako Udalak jakinarazi zuen, txikienen poztasunerako, igandean, atzo, izango dela haurren desfilea, eta hala, eguraldiak atseden txiki bat eman zuen eta Haurren Danborradak Donostiako kaleak zeharkatu zituen.

Haurrek eta helduek izugarri gozatu dute aurtengo San Sebastian Egunaz, eta horren erakusle da bildu ditugun Danborrada 2012ko argazkiak.

Makil hotsak Danborradaren aurreko egunetan

Eguna gerturatzen zihoan ahala Facebookeko orrialdean Ametzaga Danborradaren berri ematen genizuen. Askorentzat ezezaguna izango bazen ere, aurtengo berrikuntzetako bat hauxe zela kontatzen genizuen, euren lehendabiziko aldia baitzen Donostiako Danborradan parte hartzen zutena.

Baina hori ez zen berrikuntza bakarra, izan ere, aurten lehenengo aldiz Danborradako banderaren igoeran Danbor Nagusiaren ondoan emakumezko bat gidari lanak egiten ikusteko aukera izango zela jakinarazi genuen. Orain arte gizonezkoak soilik ikusten bagenituen ere, aurten Ainhoa Olasagasti Urketari Nagusi gisa ikusi dugu. Arnul Muñozek berri honen aurrean, horrela esaten zigun: “Donostia beti aurretik doa. Gainera, ba zen ordua!”. Hauexek ziren Ainhoaren hitzak danborradaren aurreko egunetan:

Eta honekin, datorren urtera arte agur esango diogu Donostiako Danborradari. Jarraitu Donostiaren inguruko albisteak, zalantzak, argazkia… nahi duzuen guztia Donostiako Facebookean duen orrialdean partekatzen, baita Donostiako blog honetan bertan ere. Izan zoriontsu!  GORA SAN SEBASTIANAK ETA GORA DONOSTIA!

Share on Facebook

URTE BERRI ON, DONOSTIA! Hasi dugu 2012a, eta kirolari begira gainera. Donostiako San Silvestre lasterketarekin amaitu zuten askok urtea, eta donostiar ausartenek, berriz, Kontxapuzoiarekin esan zioten kaixo urte berriari. Facebookeko orrialdean hori eta Realaren hainbat hitzordu errepasatuko ditugu. Gurekin etorriko?

Kirola beti egon da Donostiari lotuta. Hori dela eta, 2011 amaitzeko zer hoberik korrika pixka bat egitea baino! Urtea osasuntsu bukatzea nahi genuen guk ere, eta horregatik esteka hau partekatzeaz gainera, San Silvestre lasterketa ezagunean parte hartzeko gonbitea botatzen genizuen. Parte hartu al zenuten?

Urtero bezala, gainera, Tximistarri waterpolo taldeak Urteberri egunean Kontxan urteko lehen bainua hartzeko aukera ezin hobea eskaintzen die donostiar ausartenei. Aurten ere ez dute hutsik egin, 2012 hasteko Kontxapuzoia antolatu zen Donostian. Hauek ez dute hotzik! Ezagunik ikusi al duzue bideoan?

Realaren nondik norakoak

Iragan asteazkenean jokatu zen Realaren eta Mallorcaren artekoa, eta 2-0 garaitu ostean, Realak abantaila garrantzitsua lortu zuen Errege Kopako final-laurdenetara sailkatzeko. Norgehiagokaren aurretik zuen apustuak egiteko eskatu genizuen. Guk 3-1ekoaren alde egin genuen, txuri-urdinen alde,  nola ez, eta Jon Migueliz ere porran parte hartzera animatu zen, baita asmatu ere, 2-0ko emaitza jarri baitzuen. Aupa Jon eta aupa Reala!

Atzoko hitzorduak, ordea, zapore garratzagoa utzi zigun. Derbia zirraragarria izango zela gauza jakina zen, bai Realak baita Osasunak ere irabaztea nahi baitzuten. Bihotzak aginduta, etxekoen alde egin genuen, 2 eta 1eko emaitzarekin. Bat baino gehiago zeuden gurekin ados, “Gustuko dut” botoiari eman baitzioten. Vanessa Rodriguezek, berriz, gorritxoen alde egin zuen: “Nirea berdina baina alderantziz, 2 eta 1, Osasuna gogor dabiltza eta!”. Baina euskal taldeen artekoa hutsean amaitu zen.

Realari hurrengo jardunaldietarako zorte ona opaz, agur esango diogu, gaurkoz, gure laburpenari. Urte berriarekin zuen desirak zeintzuk diren jakin nahi ditugu, beraz animatu Donostiako Facebookeko orrialdean edo blog honetan bertan zuen asmoak kontatzera. Pozik bizi eta besarkada bat!!

Share on Facebook

Ate joka da aurtengo San Tomas eguna, eta beste behin, datorren abenduaren 21ean Donostiako kaleetan jaia izango da jaun eta jabe. Facebookeko orrialdean azaldu dugun bezala, aurtengoa berrikuntzaz beteta dator gainera. Gurekin laburpenean etorriko al zarete?

Abenduaren 21a mundiala izaten da donostiarrontzat, San Tomas eguna ospatzen baita Gipuzkoako hiriburuko hainbat txokotan. Beste zenbait konturen artean, taloa eta txistorra izaten dira egun horretako protagonista nagusiak, eta aurten berrikuntza bat izango du jaiak, izan ere, lehendabiziko aldiz, talo eta txistorra beganoko (%100 begetariano) postu bat jarriko du beste elikagai batzuen artean. Animaliarik jan gabe festa berdin- berdin bizi daitekeela erakutsi nahi du Askekintza Animakistak.

Kartela: San Tomasak Donostian

Bide batez gogorarazten dizuegu erronka dugula abian egun horretarako, Donostiako Facebookeko orrialdean 2.200 lagun bildu nahi baititugu. Lortuko al dugu? Bai noski!! Burugogorrak gara eta!! Esan zuen lagunei orrialdearen lagun egiteko!

Ostiralean jakin genuen Behobia-San Sebastián lasterketak jasoko duela 2012ko Urrezko Danborra. Urtarrilaren 20an jasoko du lasterketa klasikoak saria, eta Facebookeko orrialdean albistea partekatzen genuen, eta Santi Machin pozik agertu zen erabakiarekin eta sari hau lasterketan parte hartzen duten guztiei eskainita egongo dela esaten zigun. ZORIONAK, lasterketako antolakuntzari baita Behobia-San Sebastianen parte hartzen duzuen guztio ere.

Eta Reala izango dugu hizpide ondorengo lerroetan, izan ere, atzo Racingen aurkako berdinketa lortu eta gero, talde txuri-urdinak sei partida daramatza galdu gabe, bost Ligan eta beste bat Errege Kopan, batez ere Antoine Griezmann jokalari frantziarra egiten ari den jokoari esker. Partiduaren aurretik asteroko porrarekin animatzen ginen, eta 1-2 Relaren alde, horixe gure apustua. Zuetariko asko animatu zinaten, Pedro Satostegui, Ibai Portugal, Ainhoa Arostegui eta Santi Machin. Eskerrik asko guztioi. Hala ere, esan beharra daukagu ez guk ezta horman parte hartu duzuen inork ez duela emaitza asmatu. Lanak ondo eginda helduko dira beraz Realeko jokalariak Gabonetara. Atseden hartzea eta jai egunak ondo ondo pasatzea opa diegu.

Eta albiste tristeago batera egingo dugu saltoa, izan ere, larunbatean albiste izugarri bat partekatzen genuen horman. Gizon batek bere bikotekide ohia eta ertzain bat zauritu zituen eskopeta batekin Donostian. Erasotzailea berehala izan zen atxilotua eta tiroa jaso zuen polizia nahiko larri eraman zuten ospitalera. Gertutik jarraituko dugu albiste hau.

Intrepid Joyek berriz, ekimen interesgarri baten berri ematen zigun atzorako. Donostiako Boulervardean egingo zen artisautza eta truke azokan parte hartzera gonbidatzen gintuen eta kartela ere partekatzen zuen. Egon al zineten?

Kartela: artisautza eta truke azoka Donostian

Eta honekin, eta Bidebieta Restauranteari besarkada handi bat bidaliz, gurean parte hartu baitu, gaurkoz agur esateko ordua izan da. Badakizue Facebookeko orrialdean nahi dituzuen kontu guztiak kontatu dezakezuela. Pozik bizi eta besarkada handi bat!

Share on Facebook

Donostiako futbol taldeak azken bi jardunaldietan emandako lezioa eta hilda aurkitutako 13 urteko gaztearen heriotza izango ditugu gaur mintzagai. Hori eta Facebookeko orrialdean gora eta behera ibili ditugun beste zenbait gai jorratuko ditugu gaurkoan, hemen, laburpen honetan. Goazen laburpenarekin!

Realak burua altxatu du. Denboraldi nahiko eskasa egiten ari bazen ere, azken bi jardunaldietan bikain aritu da eta pixkanaka ari da talde txuri urdina bere maila erakusten. Iragan asteburuan Realak garaipen garrantzitsua eskuratu zuen Malagari Anoetan 3-2 irabazita. Orrialdean ere aipatzen genuen, ia sinetsi ezinik, azken bost minutuetan sartutako bi golei esker eskuratu zituztela hiru puntuak donostiarrek. “Aupa Real”, zihoen Gustavok orrialdean. Asteburu honetan, eta Elustondoren kanporaketaren ostean, Realak berdinketari eusteko asko sufritu zuen, baina azkenean bana amaitu zen Vila-real eta Realaren artekoa. Ondorengo jardunaldietan ere zorte on ona opa diogu gure taldeari.

Oraingoz Philip Montainerrek Realen jarraitzen badu ere, zurrumurru ugari daude han eta hemen. Esteka honekin Web Enteratek jakitera ematen zigun, Luis Aragonés Espainiako hautatzaile ohia izan litekeela honen ordezkoa. Dena ikusteko dago, eta gure taldean gertatzen den guztiaren berri ematen jarraituko dugu Facebookeko orrialdean.

Ezbeharra Donostian

Duela aste bete pasatxo ezbehar batekin esnatu ginen donostiarrak. Donostiako Antigua auzoko etxe batean 13 urteko gazte baten gorpua aurkitu zuten. Gazteak bere buruaz beste egin izanaren hipotesiak indarra hartu zuen, nahiz eta labankadak eta etxeko leku batean baino gehiagotan odol arrastoak aurkitu. Harrezkero aitaren bila jardun zuten, hau atxilotu arte. Donostiako epaitegira eraman ostean, umeak labanaz istripuz sartu zuela eta ihes egin eta ezkutatu zuela esan zuen. Epaileak behin-behinean aske utzi du, baina astean bi aldiz epaitegira jo beharko du sinatzera. Gertutik jarraituko dugu gertakariaren nondik norakoak.

Kirola, musika eta euskara, Donostian protagonista

Aimar Olaizolak lau térdiko bere bosgarren txapela eskuratu zuen atzo Juan Martinez de Irujo mendean hartuta. Iragan aste osoan EITB Kirolak Facebookeko orrialdeak gurean parte hartu zuen finala ikusteko zozketan parte hartzeko dei eginez. Sarreren irabazlearen berri ere eman zigun. Zorionak, Lorea San Alvarezi!

Lagun Aro Segurosek, link honekin azken ordu baten berri ematen zigun. Datorren urterako Behobia-San Sebastián lasterketan doan parte hartzeko.

Eta musikaz arituko gara orain, izan ere, Bruce Spreinsteengek Donostian emango duen kontzertuak zer esan ugari ematen ari da. Musikota Olayak jakitera ematen zigun iragan abenduaren 2an “The Boss” ikusteko sarrerak  salgai jarri zirela eta bi ordutan 21.835 sarrera saldu zirela.

Amaitzeko, abenduaren 3an egun handia ospatu zen munduko zenbait txokotan, Euskararen Nazioarteko Eguna. Donostian izango ziren ekitaldien berri ematen genizuen hemen, eta kartela ere eskegitzen genizuen. Zer moduz pasatu zenuten?

Euskararen Nazioarteko Eguna

Gogoratu datorren San Tomas egunerako 2.000 lagun batzeko erronka dugula Facebookeko orrialdean. Arnul Muñozek ondorengo hitzak uzten zizkigun horman: “Ummm hay que ponerse las botas con la Txistorra jajajajajja yono tengo problemas de dieta jajajjjajajajajaja ondo pasa”.

Eta San Tomas eguna geroz eta gertuago dugula esanez, agur esateko unea heldu da. Jarraitu Donostiako kontuak Facebookeko orrialdean partekatzen, eta guk, betiko legez, zuek esandakoak blog honetan bilduko ditugu. Izan zoriontsu eta mila esker!

Share on Facebook

A20a, eta Donostiako emaitzak, hizpide izan dira azken orduetan Donostiako orrialdean. Hauteskunde emaitzez gain, baina, beste gai batzuk ere, tartean Lipdub lehiaketa eta donostiarron presentzia, izan dira protagonista asteon. Guztiaz jardungo gara ondorengo lerroetan:

Aurreratu genizuen bezala, 2011ko hauteskunde orokorren nondik norako guztiak jarraitu genituen atzokoan eta zuzenean eman genituen bozek utzitako emaitzak: Donostiari dagokionez, Amaiurrek irabazi zituen, PSOE eta PP atzetik zituela. Donostiako jendeak bere babesa eman zion berriari, “atsegin dut” edo edukia partekatuz, eta iritzia emanez. Nagore Minteguik, esaterako, honakoa bota zuen: “Gero eta gutxiago ulertzen dut jendea…”

Intrepid Joy delakoak, bestalde, hauteskundeen inguruko beste informazio interesgarria partekatu zuen gurekin. Botoa eman edo ez, hauteskunde-mahaiaren aurrean erreklamatze aukera badagoela gogorarazi digu eta hori egiteko jarraibideak azaltzeko bideo hau eta beste dokumentu batzuk eskegi zituen Donostiako orrialdean. Eskerrik asko Intrepid Joy!

Donostiarrak, Lipdub lehiaketan eta Mihiluzen

Hauteskundeen kontuengatik ez ezik, beste batzuengatik ere izan da berri iturri Donostia. Batetik, Irati Salsamendi donostiarra Irungo Irati Garmendiarekin izan zen joan den astean Mihiluzen, eta hala kontatu ziguten ETB1eko saiokoek gurean eta argazki hau partekatu zuten.

Irati Salsamendi donostiarra Irungo Irati Garmendiarekin.

Ikusi al zenuten? Zakua eskuratu al zuen Iratik?

Bidean geratu direnak, baina marka ederra eskuratuta, Donostiako hauek dira: ‘Ain’t no mountain high enough’ abestiaren lipdub-arekin hamar finalisten artean kokatzea lortu dute. Azkenean ez da bost finalisten artean kokatu baina, tira, bada zerbait ezta? Hemen duzue bideoa, ona ezta?

Azkenik, Beni Jamelek Donostiako aisialdi eskaintzaren gaineko deskontuak eskaintzen dituen webgune baten berri eman zigun. Hauxe da, interesa baduzue…

Bada hauxe izan da gaurkoz guztia. Hamabost egun barru itzuliko gara blog honetara Donostiako orrialdean jazotako eta esandako guztiak biltzera. Bien bitartean, Facebookeko orrialdean ikusiko dugu elkar! Aupa Donostia! Ondo segi….

Share on Facebook

Amaiur izan da alderdirik bozkatuena 2011ko hauteskunde orokorretan Donostian, 24.435 boto eskuratuta (24,13%). PSOE, 24.184 bozekin (23,88%), da bigarren indarra. PPk 21.620 boto lortu ditu (21,35%), PNVk 20.588 boz (20,33%), IU-LV koalizioak 3.494 boz eskuratu ditu eta amaitzeko, UPyDk 3.494 boto.

Abstentzioa 3%0,53koa  izan da. Hori horrela, bozen %100 zenbatuta dagoela, hauek dira 2011ko hauteskunde orokorretako emaitzak Donostian. Segidan duzue emaitzen grafikoa:

Emaitzok 2008ko hauteskunde orokorrekin alderatuta aldea izan dute 2008ko hauteskunde orokorretan jasotakoekin Amaiurren indartzea dela eta. Izan ere, orduko hartan, hauek izan ziren emaitzak:

PSOE: 37.854 (%40,33)

PP: 19.935 (%21,24)

EAJ: 16.178 (%17,23)

EA: 6.002 (%6,39)

EB-B: 4.267 (%4,55)

Aralar: 4.014 (%4,28)

UPyD: 1.474 (%1,57)

Abstentzioa: 53.074 (%35,95)

Datozen lau urteetakorako argazki politikoa mahai gainean dago. Zuen iritzi eta balorazioen zain geratzen gara, blog honetan bertan edo Donostiako Facebookeko orrialdean.

Share on Facebook