Demode

Ostiralean, martxoak 11, arratsaldeko zortzietan Three Elements aretoan erakusketa berri bat inauguratuko dute.

Arteuparte aldizkariak NYC STYLE izenburuarekin Hermanos Aguas proiektuak New Yorkera egindako bidaia erakutsiko du. Dokumental baten emanaldiak lagunduko duen ekitaldian inoiz lokartzen ez den hiriburuari buruzko argazkiak ikusi ahal izango dira. Gainera, 60ko hamarkadako funk eta musika beltzak osatutako saioa egingo du Alex Diazek.

Arteuparte magazine & Three Elements

Andia Kalea, Donostia

Share on Facebook

MALEN SKATE KLUBA PROMO from skatergoris.com on Vimeo.

Malen skate klubak antolatuta, skate txapelekta egingo dute Mungian datorren maiatzaren 7an. ‘Banks’ modalitatean egingo duten lehiaketan truku berezi, ikusgarri eta ezberdinak egin ahal izango dituzte parte hartzaileek.

Arauak:

-Txapelketan parte hartzeko 3 euro ordaindu behar dira. Honekin, partaideentzako edariak egongo dira eta hauek zozketa desberdinetan parte hartuko dute. Babesleen sari ugari eskuratzeko aukerarekin.

-18 urtetik beherako partaideek tutore batek lagunduta joan beharko dute. Gainera, tutore honen baimena erakutsi beharko dute txapelketan parte hartzeko.

- EZINGO DA ERDIGUNEKO RAMPA ERABILI. (Horretarako beste froga bat egongo da: ‘zentraleko truko onena’).

-3 partaidez osatutako taldeak egingo dira eta hauek 5 minutu izango dituzte euren trukuak erakutsi ahal izateko.

- Finala egiteko modua partaide kopuruaren arabera antolatuko da.

SARIAK:

- Lehen saria: 600 euro

- Bigarren saria: 300 euro

- Hirugarren saria: 200 euro

Share on Facebook

Ianire Elorriagarekin egon ginen Mungiako Skate parkean. Bere ibilbideari buruz hitz egiteko aukera izan genuen.

Share on Facebook

Joan den ostiralean, abuztuak 6, Bilboko Apetit Galleryn izan ginen.Zizka-mizka eta garagardo artean, skate pegatinek osatutako erakusketa ikusteko aukera izan genuen bertan. 3.000 pegatinatik gora erakusten dira, urte eta hamarkada ezberdinetakoak. Denak,  koadro, moto edo hozkailuetan itsatsita daude. Hemen dituzue inagurazioko argazki batzuk. Ez galdu erakusketa, pena merezi du eta!

Share on Facebook

Guretxoko Indoor skate eskolan emakumeek skate egiten ikas dezaten ikastaro bat jarri dute abian. Irakaslea Naiara Goikoetxea da Algortako skater entzutetsuaren arreba, hain zuzen ere. Astean zehar aspertu egiten al zara? Kirola egin nahi duzu, baina ez dakizu zein? Euria egiten duela? Zer hobeto lagunartean, skatepark itxi eta pribatu batean patinatzen ikastea baino? Jendea animatzen hasi da jada eta Naiarak badu jada taldetxo bat ikasten hasteko. Interesa duzuenok mugitu, beraz. Asteazken honetan bertan elkartuko dira. Izena eman nahi baduzu idatzi e-mail bat hona edo ondorengo  e-mailera. Telefonoz nahiago baduzu deitu 661 190 995 telefonora (Naiara) edo 652 611 129 telefonora (guretxoko).

Share on Facebook

ETB3ko KTX saioak euskal skate eszenari buruzko erreportajea aurkeztu digu. Gure artean dabiltzan Skater-ak gertutik ezagutzeko aukera dugu hemen, eta bide batez haien lanak defendatu nahi ditugu.

Share on Facebook

Hirugarren urtez Irungo FICOBAn ospatu da aurtengo SPORT JAM jaialdia. Ekimen honek skate zale eta material fabrikatzaile ugari bildu ditu 48 orduz. Antolatzaileek prestaturiko, 2 pistatan larunbat eta igande arratsaldez, Street eta Mini-ramp frogak ospatu ziren. Bertan, irristailuen gorabeherek 800 metroko espazioan gortzeko moduko zarata eragin zuen. Harmailak lepo beterik ageri ziren aretoa zabaldu eta ordubetera. Ez zen gutxiagorako izan, taberna txiki eta marken produktuak biltzen zituen gunea ere.

Aurtengo jaialdiko alderdi profesionala Networkcanal, The Wave, Raw Supplies edo
MCQ bezalakoek erakutsi zuten eta Everton Clesa izan zen skaterrentan txapelduna.

Share on Facebook

Gaztea bada ere jada Colette bezalako galeria ospetsuetan erakutsi ditu lanak Adrian Blancak. Staf Magazine edo Dogway aldizkarietan ere parte hartu du eta Etnies, Emerica edo Element markek lanak eskatu dizkiote. Roses (Girona) herrian duen estudioan dihardu lanean, ordenagailu, zaletasun, pazientzia eta errotulagailuak betetzen dutelarik lan dinamikaren zutabe nagusia. Skate taula, oinetakoak, ilustrazioak, graffitiak, arropen diseinuan edo animazioan lan egiten du.

Share on Facebook

Sen Rubio 32 urteko argazkilari katalanak, lesio baten ondorioz bere patinatzaile karrera profesionala alde batera utzi behar izan zuen.
Baina goibeldu beharrean, oholtzaren beste aldetik skate munduari loturiko argazkiak ateratzeari ekin zion.
Bartzelonako GrisArt argazkilaritza eskolan ikasi zuen Senek eta patinaren artean buru belarri sartu da lehen eskuko esperientziaz baliatuz. Zuri beltzezko argazkiak dira bere lanean nagusi, mugimendua bilduz aire akrobazia, erretratu zein paisaietan. Bere biziko garrantzia du argiaren tratamenduak irudiak sortzeko orduan. Horren adierazgarri dira bere webgunean biltzen dituen argazkiak.

Share on Facebook

[kml_flashembed movie="http://es.youtube.com/v/ArXpY4zHP4Q" width="425" height="350" wmode="transparent" /]

Parafernaliak, hiri kulturaren adierazpenekin lan egiten duen kolektiboak, Skateboarding desde el Corazón bideo-lana aurkeztu zuen Donostiako Tabakaleran joan den irailean.

Patinetea objektu antropologiko bezala eta skateboardinga kontrakulturako elementu moduan planteatzen ditu taldeak.

Lanean, hemengo nahiz kanpoko skater-en lanak ikusi ahal dira: Blayney Hamilton, Mischa Canibal, Diego Doural, Dani Pérez, Ibai Larralde, Samuel Dorregaray, Josu Elosegui, Rober Rivera, Cristian Cortizo, Héctor Heredia Chetos, Pablo Ribera, Javi Cobo, Iñaki Guantxe, Juanma Fernández, Matias Laspalas, Mateo Rotaeche, Alain Saavedra, David Ramos Albin, Mathieu Dupuy, etab.

Bideoa osatzeko, gainera, Foam, Burdeos aka Agua Oxigenada, Revolutionary Brothers, Iron Batasuna, DJ Amsia, Real y Únicos, Thrashin’, Cristinita Percances,Tuestate de Tranks, Makala, MegaAfonia, Guerrilla, Munlet eta Cepuntobandish proiektu musikalek bereziki sortutako abesti eta doinuak bildu dituzte.

Orain, Parafernaliaren atarian ikusi ahal izango dugu lan hau.

Share on Facebook