The Excitements + Al Supersonic & The Teenagers
Abuztuak 26 ostirala. Bilboko Kafe Antzokian.
Irailak 3, Zarautz
Barrence Whitfield & The Savages
Irailak 15 osteguna. Bilbo, Kafe Antzokia
Irailak 24 larunbata. Gasteiz. Helldorado
Irailak 25 igandea. Hondarribia. Psilocybe
JC Brooks & the Uptown Sound + Ugly Beats
Irailak 29. Bilboko Kafe Antzokian
Soul eta r&b doinuak lantzen dituen musikari gaztea da Jesse Dee. Datorren ostiralean, martxoak 25, Bilboko Fever aretoan eskainiko du bere zuzeneko indartsua.
2009an egin zuen debuta ‘Bittersweet Batch’ diskoarekin. Soul indartsuz betetako lana da eta egun, askok Eli Paperboy Reed bezelakoen doinuen alboan kokatzen dutena. Diskoa aurkezteko birak Etta James edo Al Green bezalakoen aurretik emanaldiak eskaintzera eraman zuen.
Bilbon eskainiko duen emanaldian The soul sultans taldearen laguntza izango du, bertan ondoko musikari hauek biltzen dira: Jokin Salaberria (Johnny kaplan& Lazy stars, Rubia, etc.), Natxo Beltrán (Atom rhumba, Walking class hero,John Wayne, Txuma Murugarren), Iker Piris (Walkin class hero) eta Freddy Pelaez (Organyks).
Ostiralean, otsailak 18, Art After Dark festa egingo dute Bilboko Guggenheim museoan. Marc, Dorian taldeko musikaria, La prohibida eta Mimoloco dj lanetan arituko dira gaueko 22:00etan hasiko dira bere emanaldiarekin eta musika entzuten duzun bitartean museoko erakusketak bisitatzeko aukera izango duzu.
Guk demoden 5 sarrera bikoitz ditugu gure twitter-eko (demodeweb) lagunen artean zozketatzeko. Parte hartzeko osteguna baino lehen mezu zuzen bat bidali zure izen abizenekin.
Global Funk party: Alice Russell + TM Juke, urtarrilak 20 osteguna
Kafe Antzokia, Bilbo – 21:30 10 euro
Alice Russell-ek gaur egungo nazioarteko soul eszenako ahots indartsuenetakoa dauka. Quantic, Nostalgia 77 edo TM Juke bezalakoekin egindako kolaborazioei esker egin da ezagun. Bilbon zuzenean arituko da datorren urtarrilaren 20an TM Juke dj eta ekoizlearekin batera.
2004an argitaratu zuen lehen diskoa. Tru Thoughts diskoetxeak argitaratutako Under the Munka Moon lanean, bere lehen single, kolaborazio eta abestiak bildu zituen. Gero, Then Came my favourite letters (Tru Thoughts), Under the Munka Moon II (True Thoughts), Alice Russell – Live in Paris (True Thoughts) eta Pot of Gold (Six Degrees) bezalako lanak argitaratu zituen.
Grant Daddy G (Massive Attack), Lonnie Liston Smith, Femi Kuti, De la Soul, Amy Winehouse, David Byrne eta Farboy Slim bezalako musikariekin egin ditu kolaborazioak.
Alex Cowan-en proiektua da Tm Juke. Dj eta ekoizle lanak egiten ditu eta Jazz, Funk eta Soul doinuak sortu eta nahasten ditu sampler-en laguntzarekin.
Maps from the wilderness (Tru Throughts) eta Forward bezalako diskoak argitaratu ditu eta TM Juke And The Jack Baker Trio taldeko kidea da.
Sonar jaialdiaren 18. edizioa 2011ko ekainaren 16,17,18 eta 19an egingo dute, Bartzelonan. Sonar Galicia jaialdiaren 2. edizioa berriz, ekainaren 17 eta 18an egingo dute A Coruñan. Aurretik, Londres eta Tokion ere ekitaldiak egingo dituzte.
Steve Reich konpositore estatubatuarrak Bartzelonako L´Auditori aretoan ekainaren 16an eskainiko duen emanaldiak irekiko du Sonar Barcelona 2011. Minimalismo errepikorraren autore esanguratsuenetako bat zuzenean ikusteko aukera izango da hau. Kontzertu honetarako sarrerak salgai daude 30 euroko prezioan.
Jaialdian parte hartuko duten taldeei dagokionez, Magentic Man da konfirmatu duten lehen taldea.Gauez, Bartzelona eta A Coruñan arituko da. Benga, Skream eta Artwork izeneko dj eta ekoizle hiruko britaniarrak osatzen du proiektu hau.
Jaialdiko egun guztietan parte hartzeko balio duen bonua 130 eurotan salgai dago jadanik. Urtarrilaren 16tik aurrera 155 euroko prezio izango du. 2010eko edizioak izan zituen prezio berdinak izango ditu datorren urteko edizioak.
Martxoaren 19an Sonar jaialdia Londresko Roundhouse aretora iritsiko da. A taste of Sonar jaialdiaren 6. edizioa egingo dute bertan.
Apirilaren 1, 2 eta 3an bestalde, Tokiora iritsiko da. Hiru egunetan zehar hogei artistatik gora arituko dira bertan. Bost urte pasa dira Sonar jaialdiak azkenekoz Tokion ekitaldia antolatu zuenetik.
Split 77 diskoarekin, talde bilbotarrak hirugarren estudioko diskoa argitaratu du. Lan indartsua da, “Supermerkatuko neska” edo “31″ abestien erritmo dantzagarriak “Bi kolore” bezalakoen intentsiratearekin nahasten dituena. Oinarri elektroniko eta kitarren indarrak urteko azken txanpan argitaratu diren disko interesgarrienetako baten aurrean jarri gaituzte. Aritz, taldeko abeslariak, bidalitako emaila erantzun digu.
Anfetamina, gaua eta lagunak dira diskoko protagonista.
Aipatu dituzun hauek kantuen gaiak besterik ez dira niretzat, ez gehiago eta ez gutxiago. Disko honetan, benetako protagonistak, isolamendua eta ausardia izan dira. 2005. urtean gure betiko bateri joleak taldea utzi zuenetik, bost urtetan zehar lokalean isolaturik lan egin behar izan dugu Deibolekin hutsune hori bete arte. Ausardia ere azpimarratu nahi dut, dena galduta zegoela zirudienean, adin, eta logikari uko eginez, barruan genuen musika egiteko erabakia hartu genuelako.
Gaua, anfetaminak, edo lagunen inguruan esan beharrekoa kantuetan dago. Guretzat musika ez da eskoletan irakatsi daiteken zerbait, garai batean The Velvet Underground entzuterakoan, haien kantuak mundua ikusteko beste modu bat zegoela erakutsi ziguten moduan; maitasuna, lizunkeria, harmonia, disonantziak… denak dute lekua gure kantuetan; besteen aurrean garen moduan erakusteko aukera ematen diguten altxorrak dira. Kantu baten letra egiterakoan zure egiak ezkutatu, edo intuizioak eskatzen dizun kantu egitura asimetriko batekin ez ausartzea, hoiek kontu moralak dira guretzat.
Sintetizadore eta aparailu elektronikoek pisu handia dute lan honetan.
Oso modu naturalean gertatzen den zerbait da, lehenengo bi diskoak entzutean nahiko argi ikusten da baliabide elektronikoak geroz eta garrantzi gehiago hartu dutela gure soinuaren identitatean, disko honekin gainera kantu bakoitzarekin egin dugun lana oso zuzena eta hurbilekoa izan da. Bidai baten moduan antolatu dugu, eta badirudi, joku horretan nunbait gure hizkuntza propioa topatu dugula.
Ohiko erritmo ilunak landu badituzue ere “Supermerkatuko neska” eta “31″ bezalako abestietan dantza erritmoak landu dituzue.
Sinisten ez baduzu ere, disko hau grabatzeko orduan ez diegu kontu horiei buelta gehiegirik eman. “Supermerkatuko neska” duela hiru urte grabatutako Hammond melodia baten bilakaera da. Eta “31” kantua duela lau urte errejistratu genuen demo moduan, nahi gabe atera da guztia.
Gure diskoa hamar kantu ezberdinen bilduma eklektikoa dela esan dezakegu, eta badago lan osoari batasun bat ematen dion sonoritate berezi bat atzean, horregatik esan ohi dut gure hizkuntza propioa erabiliz disko eklektiko bat egin dugula, eta eklektizizmo hori bateratu duen indar zentripetoa Split77 dela. Horrexegatik jarri diogu izenburu homonimoa, eta horrexegatik diskoa irekitzen duzunean, lehenengo begirada batean ez duzu beste ezer ikusiko: Split 77 da kontzeptu bakarra.
Urte asko egon zarete eszenatokietara igo gabe, nola planteatuko duzue diskoaren aurkezpen bira.
Ba imagina dezakezu, ez daude hitzik dauzkagun gogoak adierazteko. Bost urte hauetan taldea teknikoki asko aurreratu da, eta baliabide elektroniko guztiak zuzenekoetan inplementatzeko sekulako lana egin dugu. Badakit oso itxusia gelditzen dela, baina gure muntaia daraman beste edozein talde ikusteko irriketan egongo nintzen.
Split 77 zuzenean: azaroak 26 Bilboko Kafe Antzokian, abenduak 10 Durango Plateruena, 2011ko urtarrilak 5 Ondarruko Kafe Antzokia, 2011ko utarrialk 11 Larrabetzuko gaztetxean, urtarrialk 15 Tolosako Bonberenean.
Gezurra badirudi ere inork ez du Laurie Andersonek gaur Bilbon eskainiko duen kontzertuari buruz hitz egin.
Arratsaldeko zortzietan, Zinebi jaldiaren baitan, kontzertua eskainiko du BBK aretoan.
Bere ahotsa, biolina eta elektronika doinuak nahastuko dituen performance ikuskizuna eskainiko du gaur Laurie Anderson-ek. Bere lana zuzenean ezagutzeko aukera aparta izango da, izan ere, ikuskizun berezi bati esker bere abestirik intimoenak entzuteko aukera egongo da.
Laurie Anderson berak dioen bezala: “Aukera paregabea da nire kontuak eta pieza gustokoenak entzulegoari eskaintzea. Guztiak elkartu eta ekitaldi ezberdin bat sortzea zoragarria da”.
Belaunaldi ezberdinak markatu dituen artista, Bilbon zuzenean ikusteko aukera izango dugu gaur bertan.
Laurie Anderson. BBK aretoa, Bilbo. 20:00. Sarrera 25 euro.
Nondik atera dira japoniar hauek? Funk eszenan mundu mailako arrakasta duen taldea da Osaka Monaurail. Gainera, Japoniako egungo talde garrantzitsuenetakoa da. Funk trinko bati esker emanaldi indartsuak eskaintzen dituzte, zuzenak. James Brownen eragin zuzenarekin, harekin aritu zen Jbs taldeko hainbat kidek Osaka Monaurail-ekin kolaboratzen dute, Marva Whitney kasu.
Ryo Nakata taldeko liderrak gidatutako kontzertua intentsuak dira eta ordu bat eta erditik gora doan galdu behar ez den ikuskizuna eskaintzen dute.
Azaroaren 23an Bilboko Kafe Antzokian eta azaroaren 24ean Donostiako Gazteszenan Gaztemaniak zikloaren baitan.
Ostiral honetan egingo dute hilero Bilboko Guggenheim museoan antolatzen duten Art After Dark ekitaldia. Museoa gauez bisitatzeko aukera eskaintzen digute, ateak ireki eta bertan dauden bilduma eta erakusketetan barneratzeko gonbitea eginez. Gauez egitea oso berezia da; gehiago, Kinki, R de Rumba eta Dominik Eulberg musika jartzen baldin badaude. Musika ulertzeko hiru modu ezberdin erakutsiko digute.
Demoden, 5 sarrera bikoitz zozketatuko ditugu gure twittereko jarraitzaileen artean (twitter.com/demodeweb). Bertan parte hartzeko, zuen izen abizenekin mezu zuzen bat bidali beharko diguzue.
Donki Kong, kantu ero eta bizia da Mursegoren lan berria aurkezteko aukeratu duten abestia. Bigarren diskoa Bidehuts diskoetxeak argitaratuko du eta Bat (1) lanaren jarraipena izango da. Maite Arroitajauregi Lisabö edo Anari bezalako talde eta musikariekin entzun dugu, bera da Mursegoren atzean izkutatzen den musikaria.
Ez dakigu saguzarrek bezala gauez bakarrik lan egiten duen, baina guri momentu guztietan entzutea gustatzen zaigunez, ahal bezain laster eskuratuko dugu diskoa.
2010eko Azaroak 26 Begoñako udaltegian arituko da, Bilbon.
Mursego – Deabruaren Hiria from Ambrosse Ikus-Entzunezkoak on Vimeo.
Zuen iritziak