Zuzenean: uztailak 15 osteguna, 22:00, Santutxuko jaietan

The Cherry Boppers-ek etxean aurkeztuko du “Remix it again” disko berria. Aurretik argitaratu zuten “Play it again” diskoko kantuen nahasketek osatzen duten bilduman. mundu osoko dj eta ekoizleak aritu dira erremixak egiten: Makala, R de Rumba, Lack of Afro, All Good Funk Alliance, Watch Tv, Fundación Tony Manero, Roberto Sanchez eta Alea Costa & Dj Floro hain zuzen ere. Hip hop, afrobeat, reggae, dub eta doinu elektronikoetara gerturatu dituzte, Boppers-en arima beltza mantendu badute ere.

Dantzarako sortuta dagoen makina da Cherry Boppers, dantzalekua sutan jartzen duen funk bizia egiten duena. Nahasketa lan berri honek nazioarteko ateak ireki dizkie eta emaitza sendoa bezain dantzagarria lortu dute.

Autogestioan oinarritutako egiturarekin, epe laburrean maila handiko ibilbidea egitea lortu du. Pixkanaka musika beltzaren erreferentzian bilakatu direlarik.

45. Heineken Jazzaldia uztailaren 21etik 25era bitartean egingo dute Donostian. Aurten, Nauticool agertokian ere izango da zer entzun, paisaia paregabearen aurrean.

Global Funk kolektiboak aukeratu ditu Nauticoolen arituko diren DJak: Makala, Arka!, Budin, Javi Frias, Jesús Bombín eta David Navascúes. Saio horietan jazz musika izango da nagusi arratsaldeko bostetatik goizaldeko ordu biak arte, eta agertokian zuzeneko talderik ez dagoen bitartean ere bertaratutakoek jazz doinuez gozatzeko aukera izan dezaten lan egingo dute DJok.

Setereolab taldeko Laetitia Sadier Zarautzen arituko da datorren azaroaren 26an. Pitchfork eta Stereolab-en webgnueetan irakurri dugu albistea. Bakarlari bezala argitaratuko duen The Trip diskoa aurkeztuko du gurean, irailean argitaratuko den lana. Stereolab-ek Not Musik disko berria azaroaren 16an aurkeztuko da.

The Trip diskoan Richard Swift, April March, Julien Gasc eta Emmanuel Mariok-ek kolaboratu dute besteak beste. Wendy & Bonnie-en “By the Sea” eta Les Rita Mitsouko-en “Un Soir, Un Chien” kantuen bertsioak aurkituko ditugu bertan. Guztira, hamabi kantuk osatuko dute diskoa eta urte askotan Stereolab-en entzun dugun ahotsa formatu akustikoan entzuteko aukera izango dugu.

Hau ez da Laetitia gurean izango den lehen aldia, izan ere, Gaztemaniak-ek antolatuta, Stereolab-ek oraindik ere gogoratzen dugun kontzertu ikaragarria eskaini zuen.

Ekainak 23, asteazkena, LEMONADE taldeak kontzertua eskainiko du Donostiako Doka Kafe Antzokian. Brooklynetik datorren taldeak dantzarako proposamen berezia erakutsiko du. Delorean taldeko zenbait kidek bestalde, Dj K**O-rekin batera Desparrame festa egingo dute ondoren.

Zalantzarik gabe, uda hasteko modu aproposa izango da.

Satoshi Date japoniarrak bere bilduma berriaren aurrerapena erakutsi digu bideo honetan. Bere diseinuak, lanerako duen leuntasunagatik ditugu horren gustoko.

Giorgio Basmatti

Ekainak 18 Auggie arropa dendan, Tolosa

Bideo single-a asmatu duen abeslariak Tolosan aurkeztuko ditu bere kantu berriak. Oraindik argitaratu gabe dauden abestien bertsioak egiten dituen artista bakarrenetakoa da. Hori eta beste gauza askorengatik gustoko dugun kantaria zuzenean ikusteko aukera berri bat duzu beraz, oraingoan arropa denda batean.

Bassmatti kontzertua. Promo. from auggie on Vimeo.

orain: 59 bassmatti from debolex films on Vimeo.

Giorgio Bassmatti – Bizitza Erdia (1/2 Vida) from Angel Aldarondo // Kosmikar on Vimeo.

Info +

Munduko futbol txapelketa ospatzeko Adidas Originals-ek sortu duen Star Wars filmeko moldaketa aurkitu dugu sarean.

Daft Punk bezalako artistak erakusten dituen muntaian, Snoop Dogg-ek egindako lana da gehien gustatu zaiguna.

Asteburuan egongo diren ekitaldi ezberdinen zerrenda egin dugu. Eguzkia egingo badu ere, hondartzak itxaron egin beharko du.

Lehen geldialdia Iruñean egiten ari diren animazio jaialdian egingo dugu. Besteak beste, Hayao Miyazakiren lanaz gozatzeko aukera dago bertan.

Bilboko Serie B arropa dendan bigotearen inguruko erakusketa egiten ari dira artista ezberdinak. Gainera, maiatzaren 2aren kalean merkatua jarriko dute larunbatean eta egun osoan zehar.

Asteburuari soinu banda Arrasaten zuzenean arituko den Ruby Suns taldeak jarriko dio. Ostiralean izango da hori. Larunbatean berriz, The Thematics Donostiako Arraun tabernan arituko dira.

Ez dago gehiago eskatzerik!

Where We Used To Learn from Sam Kristofski on Vimeo.

ETXEKALTE JAZZ

DANZ KLUB

Maria Kalea 11

Donostia