Demode

Otsailaren 25ean iluntzeko zortzietan hasita, Fernando Gutierrez artistak Noventa Gradosen Gorputza ekimenean parte hartuko du. Asturiarrak bere proiektuen parte aktibo bihurtzen du ikuslea. Irudiak birziklatzen ditu eta ustekabeko transformazioen bitartez ezintasunaren irudimenezko kolektibo bat sortzen du. Fernando Gutierrezek eraikuntza mental batean murgilduko gaitu. Gorputzaren kontzeptua erabiltzen du gertaera eta parte-hartze gogorren abiapuntu gisa.

Ekitaldi eta erakusketa hori Gorputza proiektuaren gonbidapenez egindako azkena izango da. Hala ere, kontua ez da hemen amaitzen. Ondoren, Gorputza Call Processek produzituriko ikusteko aukera izango da Noventa Grados eta liquidDocsen komisariotzarekin. Ezbairik gabe, proiektuaren urrezko paparreko orratza izango da.

Igor Alustiza diseinatzaileak Gorputza proiektuan parte hartu du Noventa Gradosen.

Jon Cazenavek Noventa Grados-en aurkeztu du Gauaren argitan lana Gorputza ekimenaren baitan.

Datorren abenduaren 10ean iluntzeko zortzietan hasita, Monica Vinader bitxi diseinatzaileak bere bilduma aurkeztuko du Noventa Gradosen. Londresen bizi den donostiarra ekitaldian izango da bere piezak egitera bultzatzen duten arrazoiak azaltzeko. Duela gutxi, Uk Jewellery Brand og The Year 2009 irabazi berri duen diseinatzailea bitxigintza arloan dagoen euskal balorerik handiena da. Ohore bat izango da berau aurkezpenean izatea.

Monica Vinaderren bitxiak beti dira ustekabekoak, beti bakarrak eta beti dute ukitu berezi hori. Piezek bere bizitzaren historia kontatzen dute. Donostiatik Mexikora eta handik Hego Amerikara joan ondoren, Ingalaterrako Norfolk hirian bizi da diseinatzailea. Bitxiak egiteko inspirazioa koloreetan, abenturetan eta kulturetan aurkitzen du. Inspirazio iturri horietatik eskuz egindako eta urrea, zilarra eta vermeil-a eramaten duten pieza paregabeak sortzen dira. Historia bakarrentzako pieza bakarrak. Londres, Paris, Tokio, New York edota Madril hirietako saltokietan salgai daude jadanik bere bitxiak. Hitzordu paregabea da Monica Vinader eta bere lana ezagutzeko.

Sarrera doakoa izango da, baina ateak itxita egingo da. Beraz, beharrezkoa izango da Noventa Gradosen lortu ahal duzun gonbidapena eskuratzea.

Ainize Txopiteak No Horizons proiektua estreinatu du Noventa Grados-en.

Itxaso Díaz dokumenlalgile bilbotarrak koordinaturiko erakusketa honek WITHOUT NYLON L.T.D- en parte hartzea izango du (malomuymalo, ätakontu eta elkarrekin datozen sinpatron eta Higinia Garay). Bideoa jatorrizko gazteleraz dago.

Udako gauzarik onena, duda gabe, udako planak egitea da. Ideia honi jarraituz, ezin galduriko parada dugu, uda giro atseginean, Donostiako Heineken Jazzaldia.

Jaialdi honekin bat eginik, eta hiriko giroa berotze asmoz, Noventa Gradosek Gorputza programaren baitan, This Fucking Jazz Music Rocks erakusketaren bigarren zatia ekoiztu du. Erakusketak bertoko eta kanpoko artisten ekarpena biltzen du, bi kontzepturen inguruan: Gorputza eta Jazza.

Parte hartzen duten artisten zerrenda honako hau da: A Little Beat (Balentzia), Imanol Aizpuru (Beasain), Judas Arrieta (Beijing), Boss (Nagoya), Ulises Chamorro (Bartzelona), Luisa Chillida (Donostia), Mikel Daverat (Baiona), Esther Gebauer (Aachen), Iongofrolo (Donostia), Lamono (Barcelona), Laszlo (Donostia), Mischa Canibal (Donostia), NoColor (Donostia), Ander Oliveira-Fotolito (Donostia) Jorge Primo (Donostia), Savage Girl (Bilbo), Staf Magazine (Malaga), Laura Zorrilla (Donostia), Patxi Zapirain (Donostia).

Inaugurazio ekitaldian jai giroa indartzeko musika izango da nagusi. Ostiralean Iruñako Horthy taldeak zuzenekoa eskainiko du eta La Terrazza Mario Maquedako dj-ak dantzarako giroa piztuko du. Ondoren 23,00etan Akerbeltzen segituko du festak, Korova Dj-en fucking set indartsuarekin.

Bihar dugu hitzordua!

Irailaren 12ra arte ikusgai izango da This Fucking Jazz Music Rocks erakusketa.

Pasa den uztailaren 2an aurkeztu zen prentsaurrekoan Gorputza ekimenaren DispositivoMóvil3_NG proiektu berria. Donostiako Noventa Grados espazioaren etorkizuna argitu digute.

Erakusketa aretoan surflariak, garai ezberdinetakoak diren sei taula aurkezten ditu. Taulen aloban, Kepa Aceroren argazkiak azaltzen dira surfean dabilela eta azalpen orri batek sorturiko sentsazioi buruzko informazioa ematen du.

Kepak ikuslea olatuen aparren gainean 70.hamarkadatik gaur egunera arte begira jartzen du lan honetan.

Erakusketa ikusgai izango dira uztailaren 1etik abuztuaren 14ra arte.

Jar zaitez egoera honetan: Hendaia, Zarautz edo Mundakako hondartza batean zaude eta surf taulari argizaria eman berri diozu. Bat-batean, olatua harrapatu zain zaudela, Kelly Slater edo Aritz Aranbururen pare, plastikozko poltsa, zigarro-mutxikin eta ur botilaz inguratua aurkitzen zara… Ez da bidezkoa ikuspegi hau.

Hondartzen zainketa eta mantenua ez da alde batera utzi beharreko kontua, nahitaezkoa da, zabortegi bihurturik ikusi nahi ez baditugu gure inguruak. Urtero, milaka tona zabor pilatzen dira hondartzetan, eta zikin hauek, denon etxea zikintzen dute. Hondartza eta kostaldea denon gozamenerako tokia dela sinetsita eta arduraturik Surfrider Foundation erakundeak urteak daramatza lanean.

Surfrider 1984.urtean Kalifornian sorturiko GKE bata da. Egun, 50.000 kide ditu eta AEB, Kanada, Puerto Rico, Argentina, Brasil, Peru, Australia edo Japoniako talde ezberdinen laguntza jasotzen du.

Europan, Surfrider Europe da Surfrider Foundationen bozeramailea, eta 1.000 partaiderekin Biarritzen du egoitza nagusia. Erakundeak, 4000 borondatezko lankide, 30 lantalde (lurralde ezberdinetan banatuak) eta 12.000 laguntzaile ditu. Ekintza eta lan ezberdinak garatzen dituzte Surfriderrekoek Europako kostaldean zehar. Beraien ekimenak, alor ezberdinetan gauzatzen dituzte; alde batetik, ikuspuntu pedagogikoa garatzen ahalegintzen dira, besteak beste, erakusketak, kultur proiektu zein kirol jardunaldiak sustatuz. Zuzenbidearen alorrean, ingurugiroari dagozkion legeen inguruko aholkularitza lana egiten dute eta jendearen partaidetza bultzatzeko hondartzen garbiketa, uraren analisia, zein hondakinen lagin bilketak gauzatzen dituzte. Surfrider Europe taldeko kideek, beraien ekimen guztiak dokumentatzen dituzte Webgunean eta bereziki gomendatzen dizuegu bertara bisita egitea.