Juanjo Sáez Bilboko Serie B eta ANTI-Liburudendan
Juanjo Sáez ilustratzaileak bere lan ezberdinak erakutsiko dituen erakusketa izango du Bilbon. Rock de lux aldizkarian egiten duen ‘Hit emocional’ seriean argitaratutako lanak dira bertan ikusi ahal izango direnak. Bilboko alde zaharrean dagoen Serie B dendan gaur, maiatzak 5, egingo duten inaugurazioan Plan B markarentzat diseinatu dituen bi kamisetak ere aurkeztuko ditu.
Erakusketa datorren maiatzaren 28a arte ikusi ahal izango da eta Serie B-k alde zaharrean eta indautxun dituen dendetan bananduta egongo da. Aurkezten diren lanak denborarekin aldatu egingo dira, behin baino gehiagotan bisitatu beharko dugun erakusketan bilakatuz.
Bihar, maiatzak 6, ANTI-Liburudendan egongo da. INFAME & Co kolektiboko kideek elkarrizketa egingo diote eta bere ibilbidea errepasatuko du. TV3 telebista katean arrakasta handia izan duen ‘Arroz pasado’ telesailean oinarrituta dagoen izen bereko nobela grafikoa ere aurkeztuko du. Bera da telesail horretako gidoilaria.
Juanjo Sáez 1972an jaio zen Bartzelonan. Chemical Brothers edo Los Planetas bezalako taldeen diskoen azalak diseinatu izan ditu, baita Benicassimeko jaialdiko kartela ere. Publizitatean Diesel, San Miguel edo Nike bezalako markentzat lan egin du.
Argitaratu dituen lanen artean Viviendo del cuento eta Arroz pasado aurkitzen dira.
Zuen iritziak