Izan gaitezen zintzoak, urteko onenen zerrendak Lehendakariaren mezua edo hilaren 1eko biharamunarekin batera tradizio saihestezin bihurtu dira. Nahi edo ez nahi zerrendok jasatea tokatuko zaizu, beraz hobe mentalizatu eta txapeldun baten gisa aurre egitea. Hemen, Demoden, hainbeste disko entzun ditugu ez dakigula bata bestearengandik bereizteko gai izango ginatekeen ala ez. Gauean lorik egin gabe geratu gara buruari bueltak eman eta 25 disko onenak aukeratzeko. Gure zerrenda da eta gustuko dugu, baina ziur zurea hobea dela
KOROVA/DEMODE 2009:
WAVVES : WAVVES – Wavwes taldearen lehen diskoa martxan dagoen irabiagailu batean belarriak sartu eta zer gertatzen den begira geratzea bezain sanoa da. Lehen Jesus & Mary Chain horien nostalgikoentzako garaje independente gogorra.
ABE VIGODA : SKELETON – Los Angeleseko lau hispaniar hauen musikak Animal Collective taldea hardocre entzunaldi intentsibo batean sartu eta Malibu Beach aldera korrika irtetearen antza du.
ANIMAL COLLECTIVE : MERRIWEATHER POST PAVILLION – Benetan ez dugu ezagutu 2009ko disko onenen zerrenda egin eta disko hau kanpoan utzi duen ausartik. Gu ere ez gara ausartu. Ez benetan, ona da.
MATT & KIM : GRAND – New Yorken taldeak perretxikoen erritmo berean sortzen dira. Talde horietako batzuk “Daylight” abestiaren gisako kantu borobilak dituzte, urte bat edo bost gehiago salbatzeko balio dutenak. Denboraldiko gure aurkikuntza ezbairik gabe Matt & Kim izan dira.
N.A.S.A.: SPIRIT OF APOLLO – Hip hopa atsegin baduzu gorrotatu egingo gaituzu disko hori aukeratzeagatik. Txinoen gisan engainatu egin gaituztela pentsatuko duzu, baina David Byrne, Tom Waits, M.I.A., Santi Gold artisten bilkurak, funkek beteriko abestiek eta “Money”ren gisako abestiek hemen behar zuten izan. Gainera, inoiz saiatu al zara txinatar bat engainatzen?
JEREMY JAY : SLOW DANCE – Ez eman buelta gehiago buruari, urte honetako pop disko onena Jeremy Jayk grabatu duena da. Eta nahikoa da, irakurtzeari utzi diezaiokezu.
U2 : NO LINE ON THE HORIZON – Lasai, txantxa bat da. Disko honi kiratsa dario.
BLACK LIPS : 200 MILLION THOUSAND – Black Lips taldea ez bada rock garajeroko munduko talderik onena, planeta honek ez du ezer merezi eta kutsatzen jarraitu dezakegu lehertu arte.
YEAH YEAH YEAHS : IT’S BLITZ! – Karen O.-rekiko dependentzia dugu eta merenge disko bat egingo balu ere zerrendan sartzen jarraituko genuke. Gainera “Zero” da abesti aurrerapena.
THE HORRORS : PRIMARY COLORS – Mundu guztia txistea errepikatu eta labana zorroztuko zutela pentsatzen ari zela, Horrors taldeak Primary Colors grabatu eta shoegaze mugimenduko azken urteotako diskorik onena egin dute. Izugarria.
CROCODILES : SUMMER OF HATE –Health taldearekin batera, AEBetako lurpetik atera den albiste onena. Baraurik azido trago bat hartzea bezain hilgarria.
HEALTH : GET COLOR – Istripu segida bat gertatzen den amesgaizto bat baino hobea eta gutxienez, hori bezain zaratatsua.
BLANK DOGS : UNDER AND UNDER – Estatubatuar ero batek konjuru liburu bat aurkitu zuen, erabili eta Ian Curtis motozerra eta erritmo kaxen gainetik kantatzen duen zombie bihurtu zuen. Izugarria
AMAZING BABY : REWILD / THE BIG PINK : A BRIEF HISTORY OF LOVE –2009an MGMT taldearen antza duten taldeen zerrenda egin beharko genuke. Amazing Baby eta The Big Pink zerrendaren gorenean egongo lirateke.
EELS : HOMBRE LOBO – Mark Everett Unibertsoko jauna da eta kitto.
THE GOSSIP : MUSIC FOR MEN – Instrumentalak eta organotxoa baino ez baditu ere, zerrendan tarte bat egiteko modukoa da. Eta tartea handia da.
LA ROUX : LA ROUX – Bai, ongi da, zerrenda hau bistako gauzez betetzen hasi da.
STAFF BENDA BILILI : TRES TRES FORT – Deskriba ezinak, afrikarrak eta hunkigarriak. 2009an entzutea espero ez genuen disko bat da, baina ezin imajina ditzakegu azken 12 hilabeteak disko hori gabe.
THE LIONS CONSTELLATION : FLASHING LIGHT – Shoegaze made in Bartzelona, azken 20 urteotan Londresen egin den onena bilduz.
THE DEAD WEATHER : HOREHOUND – Jack White eta Alison Mosshart blues rock-eko kargadore kutsatuak askatzen. Goi tentsioko kable bati hozka egitea bezain suspergarria.
JAY REATARD : WATCH ME FALL – Hobe izango da Jay gizenak bere mehatxua ez betetzea eta gainera erortzea. Hala ere, rock n´rolla berpizteko bada, dena negoziatu daiteke.
THE TWILIGHT SAD : FORGET THE NIGHT AHEAD – Mongwai bezain eskoziarrak eta trinkoak, Editors bezain epikoak eta hain onak Kontxara begira etxe bat jarriko geniokeela. Hala ere, ziur suntsitu egingo luketela.
AUTOKRATZ : ANIMAL – “Always More” abestia 2009an egin direnen artetik festa baterako egokiena iruditzen ez bazaizu, hobe gu zure festa horietara ez gonbidatzea.
CRYSTAL FIGHTERS : XTATIC TRUTH – Egia esan asko izorratu gintuen guztia amarru bat izan zela eta benetan hemengoak ez zirela jakiteak.
BOY CRISIS : TULIPOMANIA – MGMT diskotekara joaten dira, hautsa sartzen duten belarrietatik irten arte eta aspaldian grabatu den funk-pop-new-wave disko onena egiten dute.
DELOREAN : AYRTON SENNA EP – Delorean da, lagunok. Horrekin guztia esanda dago.
Share on Facebook
Zuen iritziak