Demode

Share on Facebook

La Princesita ezizenaren atzean Maria Carrasco 1983. urtean jaiotako malagarra dago. Hiru urtez Bilbon bizi izandako artista honek bere mundua sortzeko lan egin du, batik bat ilustrazioaren eta diseinu grafikoaren arloetan.

La Princesitak hainbat euskarritarako sortzen ditu bere lanak, hala nola poltsak, kamisetak, imanak… eta horiek guztiak Interneteko bere dendan salgai daude.

Share on Facebook

80ko hamarkadako mitoetako bat itzuli egin da. Oraingoan, betiko diseinuak proposamen berriekin nahasi dituzte, emaitza paregabea lortzeko.

Udaberri-uda denboraldirako sortu duten bilduma, diseinu eta kolore berriak dakartzana, Vintage gamaren baitan aurkituko dugu. Gato Luky, Hada Video eta Teca Plata dira, besteak beste, horretara zuzendutako sormen berriak. Kolore deigarriak dira erabilitako errekurtso nagusiak; marka klasikoak bide berriak eraiki ditu.

Nostalgikoenek Classic gamara jo beharko dute betiko diseinuak aurkitzeko. Hala ere hemen ez dago nostalgiarako tarterik, etorkizunera itzuli gara.

Share on Facebook

Budi Satria Kwan Indonesian, Makassar herrian, jaiotako artista da. Gaur egun Singapurren bizi da eta, berak esan digun bezala, freelance gisa lan egiten du, horrek askatasuna eta sormenari mugarik ez jartzeko ahalmena ematen baitizkio.

Batik bat, kamisetak, elastikoak, dieseinatzen ditu Budi Kwanek, baina ez dio beste euskarri batzuetan lan egiteari muzin egiten. Alabaina, kamiseton bidez publiko zabalari erakusten dizkio bere artelanak; izan ere, artea publiko orokorrari erakusteko baliabide onena da hori, bere aburuz.

Inspirazioari dagokionez, edozein gauzatan topatzen du, edo, hobeto esanda, inspirazioak berak topatzen du bera: ideia eta zirriborroak koaderno batean apuntatu eta gero, denbora tarte bat utzita, berriz jotzen du bertara, proiektuak gauzatzeko. Beste batzuetan, dena dela, bezeroak berak bideratzen du bere lana.

Aurrera begira, jende oso interesgarriarekin lanean ari dela esan digu, eta etorkizunean zeresana izango duela uste dugu.

Share on Facebook

Atzo hasi zen, Bartzelonan, 080 Barcelona Fashion moda erakustaldia. Hilaren 18ra arte iraungo duen biltzarraren lehen egunean Miriam Ponsa, Gori de Palma eta Maikel Bongaerts diseinatzaileen lana erakutsi zuten, besteak beste.

Share on Facebook

Satoshi Date Tokion jaiotako diseinatzailea da. Arte eta argazkilaritza ikasketak amaitu ostean Londresea joan zen Central St Martins-en moda ikasketak egitera. Bere marka sortu zuenetik bere diseinuak lantzen dihardu azkenengo urteetan. Ikuspuntu pertsonalari esker, eskuz landutako lanak elementu organikoekin nahasten ditu, lan hauek emozioz beteriko piezetan bilakatuz.

Jendearekin sortutako komunikazio eta kontaktutik heltzen zaio inspirazioa. Bere lanek eskainitako forma bereziek jendearen harridura sortzen dute eta bere inguruneak eragindako testurek lagunduta emaitza paregabea lortzen du..

Bere lanak London Fashion Week edo Ethical Fashion Show Paris bezalakoetan erakutsi ditu. Bere lanak txundituta utzi gaituelako orain demoden dituzu ikusgai.

Share on Facebook

Bigarren eskuko materiala lortu eta eskaintzeko biderik onena erakutsi nahi dizugu oraingoan. Iragarkien bidez, behar ez duguna musu truk eskaini eta behar duguna eskaini ahal dugu.

No lo tiro ekimenari esker, bizitza berri bat eskainiko diegu etxean alboratuta ditugun gauzei. Eta kasu! Denetarik eskatu eta eskaintzen du jendeak: haurrentzako kotxeak, ordenagailuak, autoak, etab.

Bizitza osoan gauzak gordetzen ibili direnek badute azkenean pilatutako altxorrei probetxua ateratzeko modua.

Share on Facebook

Los Angeleseko bitxi estudio independiente honek bere bilduma berria aurkeztu digu, hirugarrena bere ibilbidean. Sinpletasunean oinarrituz, kultura urbanoaren eragin zuzena erakusten dute lan berriek. Tiffany Lee diseinatzaileak neoi, ispilu eta metala nahastu ditu hauek osatzeko.

Aurreko bildumetan rock eta indie folk ukituko eraginak erakutsi ostean, dj kultura eta musika elektronikoa dira bilduma berriko zutabe nagusiak. Etorkizuneko artistei begira antolatutako  “Cosmic Collision – Intelligent Design for the Second Big Bang” erakustazokan erakutsi ostean, hemen eskuratu ditzakezu.

Share on Facebook

ETXEKALTE JAZZ KLUB

Mari Kalea, 11 20003 Donostia

Share on Facebook

Martxoaren 25etik 27ra, Sormen Industrien Nazioarteko I. Foruma egingo dute Bilbon, BizkaiaCreaktiva izenburupean.

Nazioarteko esperientzietan oinarrituta sormen industrien potentzialtasuna erakustea izango da ekitaldiaren gakoa. Hain zuzen ere, talentuaren plataforma bat izango da, sormenaren ingurukoen topagunea, Creativity Zentrumen xedeak zabaltzeko, hedatzeko, baliabidea.

Izan ere, helburua taldeari dagokion kultur esparruan erreferente izatea da Zentroaren helburua: nazioarte mailan zubiak eta harremanetarako bideak eraiki, nazioarteko esperientzien bitartez sormen industrien almena erakutsi, adituak bildu… eta, batik bat, hiri baten eta horren nortasun ekintzaile eta berritzailearen eraldaketa abian jarri eta bultzatu.

Izena emateko edota programa zure ordenagailura jaisteko: www.bizkaiacreaktiva.com

Share on Facebook