Demode

Dr Alderete ilustratzailearen eraginak trash kulturan, 50eko hamarkadako filmetan, borroka librean eta surf musikan daude. Hori guztia batuta, lan psicotronikoak sortzeko gai da.

MTV Latin eta Japonian ibili da beharrean, animazio lanetan, eta hainbat antologia espezializatutarako lan egin du, hala nola Illustration Now (Taschen); Illusive, Pictoplasma, Los Logos, Dos Logos, Latino, Play Loud, (Die Gestalten Verlag); Place (Actar); Tatto Icon 3 (Victionary); Iconography II (idN), etab. Juan Moraguesekin batera, Isotonic Records, rock instrumentalean espezializatua dagoen zigilua, sortu zuen gero.  2006an, Clarisa Moura, Quique Ollervides eta Cha!-rekin batera, Kong ireki zuen, diseinu grafikoan, ilustrazioan eta kaleko artean espezializatutako lehen denda eta galeria Mexikon.

Urtebete geroago, Andres Amayarekin batera, Plan B sortu zuen, urban toys-ekin lan egiteko. Gaur egun bere laborategian lanean dihardu, Mexiko Hirian bizi da eta borroka libreko borrokalarien modura jarraitzen du lehian, lanean, bere artelanak nazioarte mailara zabalduz.

Bada, Dr Alderete Bilbon izango da urtarril amaieran, Frigofingersen eskutik:

Urtarrilaren 30ean, arratsaldeko bostetan, Yo soy Don Nadie liburua sinatzen izango da Joker liburu dendan.

20:00etan, Radiactiva erakusketa estreinatuko du, Garabat galerian.

Bukatzeko, Balcón de la Lola aretoan Jukebox Racket eta The Needs taldeen kontzertu-festa izango da.

Share on Facebook

[kml_flashembed movie="http://es.youtube.com/v/stDmCYYKvWM " width="425" height="350" wmode="transparent" /]

Bilboko Fever aretoak musika lehiaketa jarri du abian, Myspace atariarekin elkarlanean, 2008. urteko taldea zein izan den jakiteko. Lehian, bi disko baino gutxiago argitaratu dituzten taldeek parte hartu dute, eta hiru iritsi dira finalera: Avenues & Silhouettes, Polock eta Stay.

Finala urtarrilaren 9an izango da Feverren bertan. Emanaldi horretan, finalera sailkatutako hiru talde horiekin batera, The Right Ons, joan den urteko irabazlea, izango da; beren abilezia zuzenean erakutsi beharko dute bertan, epaimahaiaren oniritzia jasotzeko.

Bestalde, Discos Fever diskoetxea ere martxan da, eta Olimpic getxoztar taldea da katalogoko lehen erreferentzia. “Dirty Towels” abenduan aurkeztu dute zuzenean, besteak beste Proyecto Demo 2007 lehiaketa irabazi ostean.

Share on Facebook

Download

Komikiek bete dituzte egunotan Krea elkartearen egoitzako hormak, Gasteizen. TMEO aldizkariko hainbat kolaboratzailek hartu dute parte ekimen honetan, eta beren lana Posta kaleko 17. zenbakian duzu ikusgai.

Komikiak egitea gustuko baduzu eta Kreari buruz zer iritzi duzun erakutsi nahi baduzu, zure lana ondoko helbidera bidal dezakezu:

KREA Adierazpen Garaikidea
Posta 17, 01004 Gasteiz
info@kreared.com

Ekimen hau otsailaren 6ra arte dago martxan.

Share on Facebook

Kale kultura jaialdia
Abenduak 26 eta 27
Burlatako Askatasuna pilotalekua

Kale kultura jaialdia egingo dute Burlatako Askatasuna pilotalekuan datozen egunetan. Hainbat diziplinak egingo dute bat bertan: skatea, hip hopa, graffitiak, break dancea, BMXa, rollerrak etab.

Hemen duzue egitaraua:

Abenduak 26, ostirala

16:30 Dokumental emanaldia.
Gazteentzako informazio bulegoa

18:00 Break Dance Ikastaroa.
Gazteentzako informazio bulegoa

20:00 Kontzertuak: Mi$niman (Hip Hop) & 113 Crew (Hip Hop).
Animals Taberna
Abenduak 27, larunbata

Askatasuna Pilotalekua

10:00 Graffiti Lehiaketa.
Elizguibel Atzekaldean

11:30 Graffiti Ikastaroa
Elizguibel atzealdean

17:30 Ateen irekiera: Dj Juacka & Dj Totem.

18:00 Skate, BMX eta roller erakustaldia: Matías Laspalas eta Oscar Sáenz (skatea), Eneko Navarro eta Luis Mutilva (BMX), Aarón Martinez eta Pablo Estarriaga (rollerrak).

21:30 Hip hop kontzertua: Mikelote & Pipa (Hip Hopa), Team Rockets (Break dancea), Nogratos (Hip hopa),Purasangre (Beat boxa), Isusko & Sbrv (Hip Hopa).

Share on Facebook

Erakusketa abenduaren 16an zabaldu zuten, Arizko Dorrean, eta urtarrilaren 13ra arte izango da ikusgai. Maila altuko modan azken 130 urteetan izandako joeretatik egindako ibilbidea du bisitariak zain bertan.

Nazioarte mailako diseinatzaile ospetsuenen berrogeita hamar jantzi baino gehiago erakutsiko dituzte: Balenciaga, Yves Saint Laurent, Coco Chanel eta Christan Dior.

Lan horiek guztiak, goi mailako diseinatzaileen lana nola aldatu den erakusten diguten jantziok, ikusi nahi dituztenek ordutegi zabala izango dute: 09:00etatik 21:00etara astegunetan, eta 09:00etatik 14:00etara eta 16:00etatik 20:00etara igande eta jaiegunetan, esan bezala urtarrilaren 13ra arte.

Share on Facebook

[kml_flashembed movie="http://es.youtube.com/v/ArXpY4zHP4Q" width="425" height="350" wmode="transparent" /]

Parafernaliak, hiri kulturaren adierazpenekin lan egiten duen kolektiboak, Skateboarding desde el Corazón bideo-lana aurkeztu zuen Donostiako Tabakaleran joan den irailean.

Patinetea objektu antropologiko bezala eta skateboardinga kontrakulturako elementu moduan planteatzen ditu taldeak.

Lanean, hemengo nahiz kanpoko skater-en lanak ikusi ahal dira: Blayney Hamilton, Mischa Canibal, Diego Doural, Dani Pérez, Ibai Larralde, Samuel Dorregaray, Josu Elosegui, Rober Rivera, Cristian Cortizo, Héctor Heredia Chetos, Pablo Ribera, Javi Cobo, Iñaki Guantxe, Juanma Fernández, Matias Laspalas, Mateo Rotaeche, Alain Saavedra, David Ramos Albin, Mathieu Dupuy, etab.

Bideoa osatzeko, gainera, Foam, Burdeos aka Agua Oxigenada, Revolutionary Brothers, Iron Batasuna, DJ Amsia, Real y Únicos, Thrashin’, Cristinita Percances,Tuestate de Tranks, Makala, MegaAfonia, Guerrilla, Munlet eta Cepuntobandish proiektu musikalek bereziki sortutako abesti eta doinuak bildu dituzte.

Orain, Parafernaliaren atarian ikusi ahal izango dugu lan hau.

Share on Facebook

Download

Share on Facebook

Ostiralean Donostiako Antzoki Zaharrean izan ginen, eta bertan jasotako irudirik onenak hemen ikusgai jarriko ditugu, bihar.

Share on Facebook

Dos de Mayo kultur elkarteak Bilbon, Maiatzaren 2ko kalean, egiten den merkatua estaltzeko irtenbidea bilatu nahi du. Helburua kanpoaldean antolatzen diren ekintza kulturalak era egokian isolatu, soinuz hornitu eta argiztatzea da, eta, helburu horrekin, arkitektura iragankorreko proiektuen lehiaketa antolatu du.

Sormen lanen bila ari dira, hirigintza esparruko gabeziak beteko dituztenak eta estetikoki erakargarri eta interesgarriak direnak.

Arkitektura iragankorraren xedea hiriaren toki zehatz batean eraikuntza lanen eta instalazioen bidez esku hartzea da. Herritarrak, arkitektoak, diseinatzaileak, aparejadoreak eta ikasleak elkarlanean jartzea du helburu lehiaketak, kultura eta artearekin lotutako pertsonek gizartearen eta arkitektura modernoaren arteko loturak ezar ditzaten. Bide batez, hirigintza arazo berriak konpondu nahi ditu, erreminta moduan artea erabiliz.

Share on Facebook

Adidas etxeak 60 urte bete ditu eta, hori ospatzeko, hiru marren markak beste horrenbeste elementu bildu ditu: aurpegi ezagunak, musika eta moda.

Kanpaina berria Celebrate Originality deitzen da, eta David Beckham eta Kevin Garnett kirolariak, Katy Perry, Missy Elliot, Method Man eta The Ting Tings musikariak, eta Kazuki eta Jeremy Scott diseinatzaileak azaltzen dira, besteak beste.

[kml_flashembed movie="http://www.youtube.com/v/a6FAALx8_bs" width="425" height="350" wmode="transparent" /]

Aurretik, elkarrekin telefonoz hitz egiten agertzen dira gonbidatuak (gogoratzen telefono hautsiaren jolasa?), festa erraldoi bat antolatzeko. House party-etan oinarritzen den iragarki honen kantu nagusia, gainera, Madconen “Beggin”da.

Estatu Batuetan estreinatu dute dagoeneko, baina gurera ez da urtarrilera arte iritsiko. Demoden, baina, jada ikusi dezakezu.

The party starts now!

Share on Facebook