Bermeo

Bermeoko azokak postu berri bat dauka. Gure herrian oinarritu dira Vaya Semanitakoak pertsonaje berri bat sortzeko: Nekane, la gitana abertzale… Udal merkatuan edo astearteetako merkatu txikian edo… elkartu al zarete Bermeoko ijito abertzalearekin? Ezagutzen duzue Nekane Amaya?

Eneeeee…. a zer barreak!!! Bermeoko Facebookeko orrian utzi genizuen bideoa pasadan astean eta Nagore, Marcia, Ale, Imanol, Ariari eta Juankarrek ezabairi bage, gustoko izan duzue ETB2-koek sortutako sketch-a. Eta Ait Ty-k gainera, iruzkin hauxe utzi digu: ‘Oso oso ona!!‘. Bai horixe, ederra! Oraindik ez zaretela enteratu? Ez duzuela ikusi? Aitzakiarik ez e… hementxe daukazue, eman play-ari. Lehenengo ikusi eta… ea zer deritzozuen!

Atzo berriz, Bilbon bizi den Gotzon Monasterio bermeotarrak, Tas-tas irratian egin zioten elkarrizketa utzi zigun. Bertan bere ibilbide musikala errepasatzen du, esperientzia luzeko gizona da gure orriko musikari! Lotura honetan duzue entzugai oso-osorik.

Besterik ez, hauxe izan da guztia. Astebete barru itzuliko gara blog honetara, ohi bezala, Bermeoko orrialdean jasotako eta esandako guztiak zuentzat biltzera. Bien bitartean, Facebooeko orrialdean izango dugu elkarren berri! Aupa Bermeo! Ondo segi

Share on Facebook

Gaur helduko da Vaya Semanita antzezlana Bermeora eta gure zozketako irabazleak bertan izango dira. Hauxe izan da azken egunotan Facebookeko orrialdean gehien eztabaidatu den gaia, baina beste batzuk ere izan dira. Goazen laburpenarekin!

Heldu da eguna. Vaya Semanitako koadrila dagoeneko Bermeon izango da. Gogoratzen zarete Vaya Semanita ikusteko zozketa jarri genuela abian ezta? Jakinaren gainean gaude gure bi irabazleak, Leire eta Amaia, pozez zoratzen daudela Glu Glu Produciones-ek ekoiztutako antzezlana ikusteko. Neskak, ondo ondo pasa eta kontatu zer moduz pasa duzuen, Amaiak horman esan bezala, “inbidi apur bat emateko”!

Sarrerak tokatu ez zaizkien bermiotarrei ere esteka honen bidez jakinarazten genizuen antzezlana ikusteko sarrerak 15 eurotan salgai zeudela iragan asteazkenaz geroztik. Gaur beraz, algara eta jaia izango da nagusi Bermeoko Kafe Antzokian.

Ainhoa Ispizuak horma koloreztatzen zigun argazki eder batekin. Bermioren irudi polit bat uzten zigun gauez eta perspektiba ezberdin batetik ateratakoa. Iker Astuik ondorengo hitzekin komentatzen zuen argazkia: “benetan be zuon etxetik ostijelako bistek dauz eh, sois unos pribilegiaus…sin ascensor pero beno”. Gozatu irudiaz!

Bermeo gauez. Argazkia: Ainhoa Ispizua

Roberto Menendez ere protagonista izan da azken egunotan gure horman. Pasa den astean Andoni Sanzek esteka hau uzten zigun eta gogorarazten zigun Roberto Menendez bermeotarrak jarraitzen dauela Urdaibaiko guneen modelizazio birtualak egiten.

Robertok berak ere horman parte hartu du azken egunotan eta bere azken lanak erakutsi dizkigu. Alde batetik “Olatua”, Nestor Basterretxearen eskultura ezagunetik Bermeoko Kirol Portuari ateratako panoramika, hemen duzue ikusgai, eta bestetik, Kirol Portuaren ateratako argazki bat baina oraingo honetan, ikuspegi interaktiboarekin. Amaitzeko, Bermeoko Futbol Eskolako blog interesgarri batera esteka “Camino de San Mames, La historia de unos futuros “profesionales”” izenekoa. Izen horrekin, merezi du irakurtzea, beraz animatu!!

Eta honekin amaiera emango diogu gure gaurko postari. Jarraitu Facebookeko orrialdean Bermeoren inguruko kontuak idazten, gure herriak ez du atsedenik hartzen eta beti dago eta zer kontatua. Ondo pasa asteburua eta pozik bizi!

Share on Facebook

Bermeoko portuan gauez ateratako argazkiak eta antzinako ipuin eta kontakizunen jardunaldiak herriko liburutegian; horiek izan dira gai nagusiak azken egunotan Facebookeko orrialdean. Hala ere, beste gai batzuk ere jorratuko ditugu, besteak beste, astelehen honetan Vaya Semanita antzezlana ikusteko sarreren zozketa.

Gotzon Monasteriok irudi ederrekin koloreztatu digu Facebookeko orrialdea. Lehendabiziko argazkia Nestor Basterretxea euskal artista ezagunaren Olatua eskulturaren irudia da, Bermeoko portuan kokatua, eta gauez aterata dagoenez, argiarekin jolasten du Gotzonek.

Olatua. Argazkia: Gotzon Monasterio

Bigarren argazkian, berriz, portuan dauden bi pertsonaien eskulturak ageri dira, burdinazkoak dira eta argazki hau ere gauez atera zuen Gotzon Monasteriok. Horrela definitzen zuen: “¡¡Hombres Forjados como el Hierro!!”.

Bermeoko portuko eskultura. Argazkia: Gotzon Monasterio

Amaitzeko, Gotzonek Bermeo bere osotasunean gauez erakutsi nahi izan digu. Hemen duzue geure herria, ba al da beste herri ederragorik?

Bermio gauez. Argazkia: Gotzon Monasterio

Beñat Mendietak iragan astean gurean parte hartzen zuen eta gure herriko irudi eder baterako esteka uzten zigun horman, “Eguzkixe izaro inguruan urteteko prest!” izenburupean. Badakizue zuek ere zeuen argazkiak eta bideoak igo nahi izatera, eitb.com-en argazkiak eta bideoak igotzeko orrialdea dugula, beraz, animatu!!

Astelehenean, eta  lotura honekin kontatzen genizuen etxean betidanik entzun izan ditugun ipuinak eta kontakizunak berreskuratze aldera, egitasmo berri bat jarri dela martxan Bermeoko Euskara Sailaren eskutik. Horrela, herriko liburutegian urriaren 4tik abendura bitarte, asteartero, 18:00etatik 20:00etara aspaldiko gertakari eta ipuinak entzuteko parada izango da. Iban Bilbaok albistea komentatzen zuen honela: “Bermioko forue leidutie dakoie, haur bai dauzela “UPIÑEK””.

Amaitzeko gogoratu nahi dizuegu datorren urriaren 7an Vaya Semanita antzezlana ikusteko lau sarrera bikoitz zozkatuko ditugula astelehenean, urriak 3. Gogoratu zozketan parte hartzen ari zaretela jakiteko Bermeoko Facebookeko orrian gure herriarekin zer ikusia duen albiste, argazki edo iruzkinen bat utzi beharko duzue, eta zozketan parte hartzen ari zaretela jakiteko, @bermeo gehitu beharko diezuela zuen iruzkinei. Animatu, eta ez ahaztu astelehenean dela zozketa!!!!

Eta besterik ez. Asteburu ona pasa eta jarraitu Facebookeko horman parte hartzen Bermeorekin zer ikusia duen guztiarekin, horrela kontrolpean izango dugu eta geure herrian gertatzen den guztia. ¡Ondo izan eta besarkada bat!

Share on Facebook

Urriaren 7an Bermeon Vaya Semanita antzezlana ikusteko lau sarrera bikoitz zozkatzen ditugu. Zozketaren inguruan, eta gure herriak Urdaibairi egindako harreraz hitz egingo dugu, besteak beste, gaurko laburpenean, horiek izan baitira Facebookeko horman gehien eztabaidatu diren gaiak. Goazen bada!

Vaya Semanita antzezlana arrakasta handia izaten ari da azken urteotan, eta Bermeora ere laster helduko da. Datorren urriaren 7an Bermeoko Kafe Antzokian izango dira aktore bikain hauek eta zuek euren emanaldiaz gozatzea nahi dugu. Horregatik lau sarrera bikoitz zozkatzen ditugu Vaya Semanita antzelana Bermeon ikusteko. Bi hitzordu izango dira, bata arratsaldeko 20:00etan eta bestea gaueko 22:30ean, biak Bermeoko Kafe Antzokian.

Vaya Semanita antzerkian

Horretarako Bermeorekin zer ikusia duen albisteren bat, argazkiren bat.. edo intereseko edozer utzi beharko duzue Facebookeko orrialdean, hori bai, betiere @ermua jarri beharko duzue, guk zozketan parte hartzen ari zaretela jakiteko. Zeren zain zaude? Aspaldian barrerik egin ez baduzu, hauxe da zure aukera, oraindik ere garaiz zabiltza eta. Zozketa datorren urriaren 3an egingo dugu, bitartean, animatu eta parte hartu!

Eta aurreko postean ere aipatu genuen Urdaibai izan zela txapelduna 2011ko Kontxako Banderan. Donostiatik bueltan, Bermeoko herriak harrera beroa egin zion Urdaibairi. Iragan larunbatean, berriz, Bermeon ospatu zen TKE San Migel Ligan Hondarribia atera zen garaile eta gure ontziak, berriz, bigarren egin zuen. Begoña Bilbaok gure horman parte hartzen zuen eta larunbateko estropadaren inguruan bere desadostasuna adierazten zuen ondorengo hitzekin: “Eta zer pentsaten zuie atzo Bermion geratutakoari buruz? Niretzat lotsagarixe izan zen, baina beno, denok dakigu noren errua zen. Aupa Urdaibai!!!!!”.

Eta honekin, eta aupa Urdaibai esanez, amaiera emango diogu gure gaurko postari. Jarraitu Bermeoren inguruko kontuak gure hormara ekartzen, denok elkarrekin gure herrian gertatzen den guztiaren berri izango dugu eta. Aupa Bermeo eta aupa Urdaibai!

Share on Facebook

Urdaibai izan da garaile 2011ko Kontxako Banderan bigarren urtez jarraian. Bermeoko ontziaren garaipena eta herriko jaiak izan dira Facebookeko orrialdean gehien aipatu diren gaiak. Goazen, bada, laburpenarekin!

Urdaibaik erakustaldi bikaina eman du berriz ere ohorezko txandan, eta 2011ko Kontxako Bandera eskuratu du Bermeoko ontziak bigarren urtez jarraian. Bigarren sailkatua, berriz, Kortaren Kaikurentzat izan da.

Bermeotarrek harrera beroa egin diote Urdaibairi, eta gure Facebookeko horman ere askok zoriondu dute ontzi txapelduna. Jose Angel Bilbaok, esaterako, horrela esaten zuen: “geuria da ta geuria da, geuria da ta geuria, kontzako ikurriña!”. Nagorek, Ibontxuk eta Leiretxok ere, pozez ospatzen zuten garaipena.

Kontxako Bandera zuzenean ikusteko aukera izan genuen igande arratsaldean, eta garaipenaren aurretik ere askok esperantza handiak zituzten gure ontziangan, Robert Jasonek, esaterako: “Aupa Bermio, irabaziko du” esaten zuen bigarren jardunaldia hasi aurretik.

Herriko jaiak bete betean ditugu, gainera, Bermion. Egunotan ekitaldi ugari izan dira, baina iragan barikuan, irailak 9, jaixetako egun handia izan genuen, arrantzale eguna, hain zuzen ere. Goizeko 11:00etan Mezea ospatu zen arrantzaleen omenez, eta ondoren, Txo, neskatilei eta neskatilen partez aita Adriani omenaldia egin zioten. Itxaso Apraizek iruditan uzten zigun une eder hori:

Gogoratu, bide batez, Vaya Semanitaren antzezlana ikusteko lau sarrera bikoitz ditugula zozketatzeko eta edonork parte har dezakeela. Animatu parte hartzera! Oso erraza da, Bermioren inguruko albiste edo argazkiren bat igo eta zozketan parte hartzen ari zaretela jakiteko, @ermua idatzi. Sarrerak zureak izan daitezke eta gure inguruko aktore bikainekin arratsalde zorgarri bat pasatuko duzu! Aupa zuek!! Zorte on!

Jaiak ez dira amaitu, eta gaur gauen, esaterako Pantxoa eta Peioren kantaldia ikusteko beta izango duzue Bermeoko Kafe Antzokian. Bihar, berriz, mus txapelketa edo herri kirolen XXXVII. edizioa ikusi ahal izango dugu Artza Frontoian. Bermioko kaleetan, beraz, jaia da nagusi. Kontatu jaietarako dituzuen planak eta igo argazkiak, denok elkarrekin gehiago gozatuko dugu eta Bermioko jaiez. Mila esker hor izateagatik eta pozik bizi!

Share on Facebook

Bermeoko Urdaibai arraun elkartea nagusitu zen pasa den igandean Kontxako Banderaren lehen jardunaldian. Arrauna eta jaiak izango ditugu hizpide, besteak beste, gaurko lapurpenean. Aupa Urdaibai!!

Iaz Urdaibaik bandera etxera ekarri zuen, eta aurten ere, asmo horrekin, iragan igandea, irailak 1, Kontxako Banderaren sailkatze estropada zuzen-zuzenean ikusteko aukera eskaintzen genizuen gure Facebookeko orrialden. Iranzu Zabalak iruzkina uzten zuen eta honela zihoen: “Animo mutillek, ez itzi gero!! Aupa Urdaibai!”.

Eta merezi izan zuen txapelketa jarraitzea, izan ere, Urdaibai jaun eta jabe izan zen Kontxako banderaren lehendabiziko jardunaldian. Bermiotarrak, pozez zoratzen, horman zorionak ematen zizkien garaipenagatik. Itsaso nahasia bazen ere, 33 segundoko aldea atera genion Kaiku bigarren sailkatuari. Igande honetan Kontxako Bandera ospatuko da Donostian eta munduko zorterik onena opa diegu gure arraunlariei. Aupa Bermio eta Urdaibai!!

Baina ezin dugu ahaztu gure herria jaietan murgildurik dagoela. Bihar, gainera, egun handia dugu gurean, arrantzaleen eguna ospatuko baitugu. Amaia Fernandezek horman iazko bideo eder bat uzten zigun, eta ondorengo iruzkina gaineratzen zuen: “Bihar arrantzale eguna Bermion!! ¡¡Ene, earki pasa genun pasa den urtian!! esan dutenez bero handia espero da!! Hemen iazko bideoa!!!”. Bihar, beraz, jaia nagusi izango da gure herrian, beraz, animatu denok Bermiora.

Eta badakizue duela gutxi Vaya Semanitaren antzezlana ikusteko lau sarrera bikoitzen zozketa jarri genuela martxan. Animatu!! Hitzordua datorren urriaren 7an izango da, eta bi emanaldi izango dira, bata arratsaldean eta bestea gauena. Animatu parte hartzera, baliteke sarrerak zureak izatea! Dagoeneko jende askok parte hartu du, beraz, eskerrik asko guztioi eta segi zozketan parte hartzen! Zorte on!

Eta amaitzeko gure herriko harri bitxi baten argazkia uzten dizuegu, Aitzi Campillok horman eskegitakoa. Mila esker, Gaztelugatxeko San Juanen irudi bikain honegatik.

San Juan de Gaztelugatxe. Foto: Jon Ander

Eta besterik gabe, agur esateko ordua heldu da. Jarraitu sarreren zozketan parte hartzen, jaiak ederto pasa, eta nola ez…Aupa Urdaibai, onenak gara eta txapela gurea izango da!! Eskerrik asko eta besarkada bat guztioi.

Share on Facebook