Bermeo

Uda ate joka den honetan, Bermeo eta bermeotarrak arraun munduan murgilduko gara beste behin. Oraingoan Jon Salsamendik zuzenduko du bermeotarron etorkizuna, eta ziur gaude, iaz bezala, aurten ere denboraldi aparta egingo dutela gure arraunlariek. Bermeoko blog honetan gure herriarekin zer ikusia duen oroa biltzea gustoko dugunez, Urdainairen 2013ko egutegia ekarri dugu gaurkoan gurera. Hasi hitzorduak zuen agendan gorriz markatzen!:-)

Urdaibai: 2013ko egutegia

2013ko Urdaibairen egutegia. Argazkia: ligasanmiguel.com

Eta eguna algaraka amaitzeko, gure arraunlariak gertutik ezagutu dituen bikote mundialarekin uzten zaituztegu. Atsuak, Udaibaiko arraunlariekin:

Share on Facebook

Bai, bai, URDAIBAI!! Hor daude Bermeoko arraunlariak, zein gertu dugun urteko garaipenik handiena, Kontxako Bandera! Bermeoko blog hau beti egoten da Bou Bizkaiaren ondoan, eta, hortaz, uste dugu gaurko testua egitea ezinbestekoa zela. Hona hemen, zuek guztiontzat…

Urdaibai Arraun Elkartearen historia: ba al zenekien…

Argazkia EFErena da, eta joan den igandean atera zuten. Kontxako Bandera gurea izango da!

… Urdaibai kluba 1992an sortu zutela? Gure herriko arraun klubak Elantxobe eta Mundakarekin egin zuen bat, eta hiruren artean Urdaibai sortu zuten. Garai hartan, jakina, ez zegoen oraindik Ligarik; apurka-apurka, gure ontzia Bizkaiko estropadetan hasi zen gailentzen, eta, laster, onenen pare jartzea lortu zuen. 90ko hamarkadaren amaierarako, esate baterako, primeran ibiltzen ginen Kontxan, gertutik ikusten genuen garaipena.

… gure ontziak Bou Bizkaia duela izena? Izen hori bera Gerra Zibileko Matxitxako Batailan parte hartu zuen ontzi batek ere bazuen. Bou izeneko ontziak garaiko Eusko Jaurlaritzaren gudarostean zeuden; ontzi horiek, gehienetan, bakailao-ontziak izanak ziren Gerra hasi aurretik.

… Bermeoko zalegoa urdinez jantzita joaten dela estropadetara? Inoiz ez dugu huts egiten eta beti egoten gara Bou Bizkaiaren arraunlariekin, baina ez nahastu… Gu, beti-beti, urdinez jantzita .

…1992tik hona palmares ederra osatzea lortu dugula, eta titulurik handienak eskuratu ditugula? Hori da, begira: ACT Liga (San Miguel Liga) 4 aldiz irabazi dugu (2004an, 2007an, 2008an eta 2010ean); Euskadiko Txapelketa 3 aldiz (azkena, iaz, 2011n); 7 aldiz izan gara Bizkaiko txapeldunak (denak, 1999 eta 2008ren artean). Eta jakina, agian garrantzitsuena: Kontxako Bandera, arrauneko “Olinpiada”, garaikurrik estimatuena, bi urtetan irakazi dugu: 2010ean eta 2011n. Azken biak .

… historiako lehen Ligan, 2003an, 8. amaitu ginela, baina hurrengo urtean lortu genuela, dagoeneko, gure lehen titulua? Hauexek dira ACT eta San Miguel Ligan atera ditugun emaitzak: 2203an, zortzigarren; 2004an, txapeldunak; 2005ean, hamargarren; 2006an, zortzigarren; 2007an, txapeldunak; 2008an, txapeldunak berriro; 2009an, seigarren; 2010ean, txapeldunak; 2011n, txapeldunordeak. Aurten, oraingoz, hirugarren gaude, 2 estropadaren faltan.

… ikaragarria izan zela 2011n Kontxan lortutako garaipena eta blog honetan poz-pozik ospatu genuela? Eta gauza bera egingo dugu aste batzuk barru, horretan ez dugu zalantzarik . Urdaibai txapeldun!!

Aupa Urdaibai!! Gora Bermeo!!! Agur beroa guztiontzat!! .

Share on Facebook

Urriaren 7an Bermeon Vaya Semanita antzezlana ikusteko lau sarrera bikoitz zozkatzen ditugu. Zozketaren inguruan, eta gure herriak Urdaibairi egindako harreraz hitz egingo dugu, besteak beste, gaurko laburpenean, horiek izan baitira Facebookeko horman gehien eztabaidatu diren gaiak. Goazen bada!

Vaya Semanita antzezlana arrakasta handia izaten ari da azken urteotan, eta Bermeora ere laster helduko da. Datorren urriaren 7an Bermeoko Kafe Antzokian izango dira aktore bikain hauek eta zuek euren emanaldiaz gozatzea nahi dugu. Horregatik lau sarrera bikoitz zozkatzen ditugu Vaya Semanita antzelana Bermeon ikusteko. Bi hitzordu izango dira, bata arratsaldeko 20:00etan eta bestea gaueko 22:30ean, biak Bermeoko Kafe Antzokian.

Vaya Semanita antzerkian

Horretarako Bermeorekin zer ikusia duen albisteren bat, argazkiren bat.. edo intereseko edozer utzi beharko duzue Facebookeko orrialdean, hori bai, betiere @ermua jarri beharko duzue, guk zozketan parte hartzen ari zaretela jakiteko. Zeren zain zaude? Aspaldian barrerik egin ez baduzu, hauxe da zure aukera, oraindik ere garaiz zabiltza eta. Zozketa datorren urriaren 3an egingo dugu, bitartean, animatu eta parte hartu!

Eta aurreko postean ere aipatu genuen Urdaibai izan zela txapelduna 2011ko Kontxako Banderan. Donostiatik bueltan, Bermeoko herriak harrera beroa egin zion Urdaibairi. Iragan larunbatean, berriz, Bermeon ospatu zen TKE San Migel Ligan Hondarribia atera zen garaile eta gure ontziak, berriz, bigarren egin zuen. Begoña Bilbaok gure horman parte hartzen zuen eta larunbateko estropadaren inguruan bere desadostasuna adierazten zuen ondorengo hitzekin: “Eta zer pentsaten zuie atzo Bermion geratutakoari buruz? Niretzat lotsagarixe izan zen, baina beno, denok dakigu noren errua zen. Aupa Urdaibai!!!!!”.

Eta honekin, eta aupa Urdaibai esanez, amaiera emango diogu gure gaurko postari. Jarraitu Bermeoren inguruko kontuak gure hormara ekartzen, denok elkarrekin gure herrian gertatzen den guztiaren berri izango dugu eta. Aupa Bermeo eta aupa Urdaibai!

Share on Facebook

Urdaibai izan da garaile 2011ko Kontxako Banderan bigarren urtez jarraian. Bermeoko ontziaren garaipena eta herriko jaiak izan dira Facebookeko orrialdean gehien aipatu diren gaiak. Goazen, bada, laburpenarekin!

Urdaibaik erakustaldi bikaina eman du berriz ere ohorezko txandan, eta 2011ko Kontxako Bandera eskuratu du Bermeoko ontziak bigarren urtez jarraian. Bigarren sailkatua, berriz, Kortaren Kaikurentzat izan da.

Bermeotarrek harrera beroa egin diote Urdaibairi, eta gure Facebookeko horman ere askok zoriondu dute ontzi txapelduna. Jose Angel Bilbaok, esaterako, horrela esaten zuen: “geuria da ta geuria da, geuria da ta geuria, kontzako ikurriña!”. Nagorek, Ibontxuk eta Leiretxok ere, pozez ospatzen zuten garaipena.

Kontxako Bandera zuzenean ikusteko aukera izan genuen igande arratsaldean, eta garaipenaren aurretik ere askok esperantza handiak zituzten gure ontziangan, Robert Jasonek, esaterako: “Aupa Bermio, irabaziko du” esaten zuen bigarren jardunaldia hasi aurretik.

Herriko jaiak bete betean ditugu, gainera, Bermion. Egunotan ekitaldi ugari izan dira, baina iragan barikuan, irailak 9, jaixetako egun handia izan genuen, arrantzale eguna, hain zuzen ere. Goizeko 11:00etan Mezea ospatu zen arrantzaleen omenez, eta ondoren, Txo, neskatilei eta neskatilen partez aita Adriani omenaldia egin zioten. Itxaso Apraizek iruditan uzten zigun une eder hori:

Gogoratu, bide batez, Vaya Semanitaren antzezlana ikusteko lau sarrera bikoitz ditugula zozketatzeko eta edonork parte har dezakeela. Animatu parte hartzera! Oso erraza da, Bermioren inguruko albiste edo argazkiren bat igo eta zozketan parte hartzen ari zaretela jakiteko, @ermua idatzi. Sarrerak zureak izan daitezke eta gure inguruko aktore bikainekin arratsalde zorgarri bat pasatuko duzu! Aupa zuek!! Zorte on!

Jaiak ez dira amaitu, eta gaur gauen, esaterako Pantxoa eta Peioren kantaldia ikusteko beta izango duzue Bermeoko Kafe Antzokian. Bihar, berriz, mus txapelketa edo herri kirolen XXXVII. edizioa ikusi ahal izango dugu Artza Frontoian. Bermioko kaleetan, beraz, jaia da nagusi. Kontatu jaietarako dituzuen planak eta igo argazkiak, denok elkarrekin gehiago gozatuko dugu eta Bermioko jaiez. Mila esker hor izateagatik eta pozik bizi!

Share on Facebook

Bermeoko Urdaibai arraun elkartea nagusitu zen pasa den igandean Kontxako Banderaren lehen jardunaldian. Arrauna eta jaiak izango ditugu hizpide, besteak beste, gaurko lapurpenean. Aupa Urdaibai!!

Iaz Urdaibaik bandera etxera ekarri zuen, eta aurten ere, asmo horrekin, iragan igandea, irailak 1, Kontxako Banderaren sailkatze estropada zuzen-zuzenean ikusteko aukera eskaintzen genizuen gure Facebookeko orrialden. Iranzu Zabalak iruzkina uzten zuen eta honela zihoen: “Animo mutillek, ez itzi gero!! Aupa Urdaibai!”.

Eta merezi izan zuen txapelketa jarraitzea, izan ere, Urdaibai jaun eta jabe izan zen Kontxako banderaren lehendabiziko jardunaldian. Bermiotarrak, pozez zoratzen, horman zorionak ematen zizkien garaipenagatik. Itsaso nahasia bazen ere, 33 segundoko aldea atera genion Kaiku bigarren sailkatuari. Igande honetan Kontxako Bandera ospatuko da Donostian eta munduko zorterik onena opa diegu gure arraunlariei. Aupa Bermio eta Urdaibai!!

Baina ezin dugu ahaztu gure herria jaietan murgildurik dagoela. Bihar, gainera, egun handia dugu gurean, arrantzaleen eguna ospatuko baitugu. Amaia Fernandezek horman iazko bideo eder bat uzten zigun, eta ondorengo iruzkina gaineratzen zuen: “Bihar arrantzale eguna Bermion!! ¡¡Ene, earki pasa genun pasa den urtian!! esan dutenez bero handia espero da!! Hemen iazko bideoa!!!”. Bihar, beraz, jaia nagusi izango da gure herrian, beraz, animatu denok Bermiora.

Eta badakizue duela gutxi Vaya Semanitaren antzezlana ikusteko lau sarrera bikoitzen zozketa jarri genuela martxan. Animatu!! Hitzordua datorren urriaren 7an izango da, eta bi emanaldi izango dira, bata arratsaldean eta bestea gauena. Animatu parte hartzera, baliteke sarrerak zureak izatea! Dagoeneko jende askok parte hartu du, beraz, eskerrik asko guztioi eta segi zozketan parte hartzen! Zorte on!

Eta amaitzeko gure herriko harri bitxi baten argazkia uzten dizuegu, Aitzi Campillok horman eskegitakoa. Mila esker, Gaztelugatxeko San Juanen irudi bikain honegatik.

San Juan de Gaztelugatxe. Foto: Jon Ander

Eta besterik gabe, agur esateko ordua heldu da. Jarraitu sarreren zozketan parte hartzen, jaiak ederto pasa, eta nola ez…Aupa Urdaibai, onenak gara eta txapela gurea izango da!! Eskerrik asko eta besarkada bat guztioi.

Share on Facebook

Soziedad Alkoholika musika taldea, Bermeon egondakoa, eta bere familia herrian bilatzen ari den mutil bat. Horiek izan dira Bermeok Facebooken duen orrialdeko hesian azken egunotan ikusi duguna, eta horrela islatuko dugu, orain, blog honetan.

Ane Goikoetxeak esan zuenez, Soziedad Alkoholika herrian egon ziren, joan den asteburuan, Kafe Antzokian; Anek partekatutako estekan, hementxe, talde gasteiztar honek Facebookek duen gunea ikusteko aukera izan dugu. Egon al zineten kontzertuan?

Dyan Bermeok, joan den asteartean komentatu genuen moduan (Urdaibairen inguruan ere hitz egun genuen egunean), bere familiaren bila jarraitzen du. Hesian jarri zuenez, bere senideak aurkitzeko itxaropenak ez ditu galdu, eta, halaber, “Bermeo” herriaren izenaren jatorria jakitea ere gustatuko litzaioke. Primeran legoke, baten batek laguntza emango balio!

Joan den astean zehar, olatu handiak izan genituen hizpide kostaldean; horietako argazkiak partekatzeko gonbidapena luzatu genizuen hesian, horren harira. Orain arte, inor ez da animatu… baina seguru laster horrelako argazkiren bat ikusteko aukera dugula. Eskerrik asko, aldez aurretik!

Horrela emango dugu bukatutzat gaurko laburpena; laster bilduko gara hemen, zuekin, herrian gertatzen denaren inguruaz mintzatzeko, beti bezala. Gure aldetik, hesian uzten duzuena arreta handiz zainduko dugulako konpromisoa hartzen dugu. Mila esker, eta ondo izan!

Share on Facebook

Neguan ere Urdaibai nagusi, azokako menuak debalde eta IV Demiku Martxa dira aste honetan Bermeoko Facebookeko hesiko kontu garrantzitsuenak.

Hasteko garaileak aipatuko ditugu, arrauna udako kirola bada ere, neguan ere praktikatzen delako eta baita sasoi honetan ere gureak txapeldunak izan dira, horrela gogorazi digu Maite Bazterretxeak: ‘Urdaibai, Hondarribian nagusitu zen. Gora Urdaibai!‘ bertan duzu kirol probaren ingurukoak.

Kirola praktikatu ondoren, indarrak ere berreskuratu behar dira, eta horretarako ere aukera gurean duzu, mokadu gozoa jateko proposamena Beñat Mendietaren eskutik iritsi baitzaigu: ‘On egin! barikutan azokara joan, eta debalde jan? hau da marka! han topatuko gara ezta?’ Ondo irakurri duzu, bai horrela da, azoka plazan bertan ostiraletan, ostalariek, bezeroak erakartzeko menuak zozkatuko dituzte. Hemen duzu albistearen lotura.

San Blasak iristearekin batera, Urdaibaiko ezkerraldeko itsasadarra zeharkatu duen kirol proba garrantzitsua hartzen du berean. Demiku auzoan San Blaseko jaialdia ospatzeaz gainera, Mendi Martxa ere egiten da. Joseba Uriarte berak hurrengo lotura utzi zigun kirol proba honen ingurukoak jasotzeko. Bestela ere gogoan izan behar da, kirola elkartasunarekin bateratu dutela, izan ere, aurten ospatu den IV Demiku Martxan, botilen plastikozko tapoiak jaso ditu, Lekeitioko Ronan gaztearen ‘duchenne distrofia muskularra’ hobeto eraman ahal izateko. Tapoiak batzeko kanpainarekin bat egin da, eta tapoi horiekin gaztearentzat gurpil aulki bat lortzeko bidean urratsa eman dute. Zuk ezagutzen al duzu Demiku auzoa?

Bukatzeko, laguntza eskatzeko deia egin nahi dugu, Bermeoko hesian, Dyan Bermeo Lfcek idatzi digu eta berarekin hitz batzuk idatzi ostean, gure taldeari honako deia otu zaio. Dyan Bermeok, (hemen goian idatzi duen mutilak,) uste du senideren bat izan lezakeela herrian. Bere abizena Bermeo da. Berak dioenez, bere aita Ekuadorrekoa da, eta ama, Puerto Ricokoa. Lagun argentinar batek Euskal Herriko herri bateko abizena zuela esan digu, eta hor, hain zuzen ere, senideak aurkitu zituela. Berak laguntza eskatzen du, gauza bera lortzeko; ezagutzen duzue Ekuadorrera joandako bermeotarren bat? Entzunda duzue zerbait, horren inguruan? Eskerrik asko!! Hemen dago galdera eta jakina zuen erantzunen arabera egin berri dugun lagunaren poztasuna ere iritsiko da.

Asmo baikor horrekin agurtuko dugu aste honetako laburpena, hala ere, hemen duzu, bitartean parte hartu ahal izateko bloga edota baita Facebookeko hesia ere.

Share on Facebook

Eskualdeko Eguneko Zentroa Bermeora dakartela, eta Mikel Oihenart musikari bermeotarraren lana kalean dela dira aste honetan, Bermeoko gai nagusiak.

Aste honetako laburpenaren lehendabiziko gaia guk ekarri genuen hesira, izan ere Eskualdeko Eguneko Zentro Berria Bermeon egongo da, martxoan dute irekitzeko asmoa, eta Gernikako Ibarrakoa erabiltzaile gutxi izateagatik itxi egingo dute. Hemen duzue albiste honen inguruko esteka.  Gai honen inguruan komentario batzuk egon dira, esate baterako Patxi Xabier Kareaga Ruiz eta Aingeru Astuik martxoan zabaltzea kasualitatea dela diote, hauteskundeen atarikoa balitz ikusten dute eta aldiz Fernando Sanchez Farrerasek bihar bertan izena emango lukeela dio.

Bestalde, orain, musikarekin jarraituko dugu eta horretarako ez dugu oso urrutira joan behar, Mikel Monasteriok bozgorailutik zera dio: ‘SALGAI MIKEL OIHENARTen Diskoa. Bermioko Musikalaria’ Zorionak hemendik Mikel Oihenarti lan berri kaleratu duelako, eta hemen duzu bere musika ezagutzeko aukera.

Erritmoa hartu dugun honetan beroketa ariketak egiteari ekingo digu Itxaso Apraizek iragan astean honakoa utzi baitzigun: ‘Domekako Herri Lasterketarako prest? bat, bi, tipi tapa korrika….’ korrika-korrika eta azkenean pasatu da, hemen utziko dugu, herri lasterketaren inguruko albistearen lotura.

Kultur agendan apuntatzekoak ere jaso ditugu Amaia Fernándezen eskutik: ‘9etan Nestor Basterretxea aretoan….’Más gorditos que nunca’ antzezlana’ Badakizue oso interesgarria izaten dela hitzorduen berri ematea eta horrela guztiok jasotzen dugu horren berri, beraz, hurrengoan ere horrela egizue mesedez. Hemen dago, oharraren inguruko esteka.

Bukatzeko, Bermeoko komunitateko lagun batek eskatutakoari laguntza ematen ahalegindu gara. Edurne Laca: ‘nonbaiten ematen al duten Urdaibaiko mutilen entrenamenduak? Orrialde bat edo balego, mesedez bidali. Eskerrik asko denari’. Gure taldeak honela eskaini dio laguntza: ‘Kaixo Edurne! Ez dakigu, baina akaso, horren gaineko informazioa lortzeko hemen izan dezakezu aukera…’.

Honenbestez hemen utziko dugu aste honetako errepasoa eta datorren asteko laburpena iritsi bitartean, Bermeoko orrialdean edota gure blogean utzi ditzakezu zure emariak.

Share on Facebook

Epa!!

Zer moduz hasi duzue astea? Ondo? Eta, asteburuan ere, dena ondo? Espero dugu baietz; guk, gure aldetik, Facebookeko Bermeoko orrialdeari emango diogu begirada bat, bertan idatzi dena eta zuen publikazio guztien berri emateko blog honetan.

Arrauna eta Urdaibai izan ditugu hizpide, normala denez, azken egunotan orrialdeko hesian. Leslie Adamsek dioen bezalaxe: “Denboraldi borobila Urdaibairentzat. Gora Urdaibai!” . Honez gain Lesliek denboraldi historikoaren inguruko azterketaren gaineko esteka gehitu du:

Maitek ordea, Urdaibaik Bizkaiko Foru Aldundian izan duen omenaldiaren inguruko informazioa gehitu digu!

Azkenik, herrian egon diren jaialdi desberdinen inguruan hitz egin da: Amaia Fernandez-ek aipatu bezala, Euskal Herriko ipuin Kontalarien Festa egon zen joan den asteburuan, oso emaitza onekin gainera.

Horrez gain, gazteentzako ere Txitxarro festa egon zen joan den ostiralean eta oraingo ostiral honetan Beñat Mendietak azaldu digun bezalaxe, “Bermeoko kafe Antzokian, Urriaren 1 ean : CREEPY gaua egongo da.”

Bukatzeko, Bizkai Buru Athletikeko peñak, Urdaibai tabernan kokatzen denak denboraldi berriari ekin dio, baita asteko kinielari ere bai. Gainera orain telebista berri bat daukate. Mestallan irabazi behar da!! Aurrera Athletic!!

Beraz esan dezakegunez, azken egunotan Bermeo jaiez eta ospakizunez blai egon da.

Horrela esango dizuegu agur; orrialdeko hesian egongo gara zuen zain, ondorengo egunetan, eta laster itzuliko gara hona, berriro ere, Bermeoko berri guztiak zuekin komentatzeko. Ordura arte, mila esker eta ondo izan!!!

Share on Facebook

Astelehen on!

Gaur bai, hori esateko moduan gaude, aste berria eta baita garaipen berria ere, beraz, pasa den astean legez, gaur ere, Bermeoko Orrialdeko Hesian jasotako emarien bilduma izango duzu jarraian.

Gora Urdaibai!!! Bermeok Urdaibai omendu du. Ondo merezitua gainera!!!

Urdaibaik lortu du San Miguel Liga. Urdaibaik San Miguel Liga lortu du Portugaleteko uretan El Corte Ingles Ikurriña lortu eta gero.

Maite Bazterretxea Gora urdaibai eta bere “dobletea”!! bi hitzordu eta bietan TXAPELDUN!!!

Bermeo XXVIII Bermeoko Ikurriña: Etxean ere nagusi. Gora Udaibai !! ‘Bou Bizkaia’k beste ontziak gainditu ditu eta San Miguel Liga erdi erabakita utzi du. Bigarren Castro izan da eta hirugarren Pedreña. Orio laugarren izan da eta bermeoko ontzia 5 puntura kokatu zaie.

Urdaibaiko arraunlariek San Miguel Ligako garaipena ospatu dute. Bermeotarrek TKE Liga irabazi dute Portugaleteko Ikurriña eskuratu ostean. Asier Arego, “Bou Bizkaia”ko patroia, pozik azaldu da.

Honenbestez hurrengo astera arte agurtuko gara, hori bai, aldez aurretik eskerrak emanez.

Share on Facebook