Bermeo

Bermeok xarma berezia duela ez da gauza berria bermeotarrontzat. Itsasoa, portua, herri txiki baten xarma… Eta horren adibide garbia Bermeok Facebookean duen orrialdea da, bermeotar askok gure herriko argazki ederrak partekatzeko toki aproposa! Aldez aurretik Patxi Xabier Kareaga edo Oi Zox bezalako erabiltzaileei eskerrak eman, eta Bermeoko txoko xarmangarrietatik ibilalditxoa egingo dugu gaur, udaberriari hasiera emateko. Ba al zatozte?

Bermeok urte hauetan guztietan jasan dituen aldaketak begibistakoak badira ere, zenbaitetan ondo etortzen da argazki zahar bat begien aurrean jartzea. Duela hilabete batzuk Patxi Xabier Kareagak ondorengo argazki hau partekatu zuen.

Bermeoko argazki zaharra. Egilea: Patxi Xabier Kareaga Ruiz

Urteek aurrera egin ahala, ordea, Bermeok beste itxura bat hartu du, eta Oi Zox-en laguntzaz, Bermeoko hainbat txoko aurkezten dizkizuegu, jarraian. Eta lehendabiziko geldialdia Matxitxakoko lurmuturrean egingo dugu

Matxitxakoko itsasargia. Egilea: Oi Zox

Matxitxakoko lurmuturra. Egilea: Oi Zox

Oi Zox-ek, ordea, Bermeoko bestelako argazkiak ere utzi dizkigu. Gozatu!

"Artza". Egilea: Oi Zox

Bermeo. Egilea: Oi Zox

Bermeo gauez. Egilea: Oi Zox

Amaitzeko, Gotzon Monasterio lagunak partekatutako bideo zoragarri honekin uzten zaituztegu. Ondo ondo hasi udaberria, eta Bermeoko blogean zure argazkiak agertzea nahi izatera, partekatu Bermeok Facebookean duen orrian zuen argazkiak. ZORIONTSUAK IZAN!

Share on Facebook

Egun batzuk igaro dira Bermeoko jaiak amaitu direnetik, baina aurtengo jaiak mundialak izan dira, eta Bermeoko blog honetan bermeotarrek hitz egiten dutenez, eta Bermeoko jendeak gustuko dituen kontuak biltzea ikaragarri atsegin dugunez, 2012ko Bermeoko jaiei argazki eta bideoen bitartez errepaso txiki bat egitea pentsatu dugu. Horretarako, bide ezberdinak erabili ditugu: Bermeoko jaien Facebook orria, Oizmendi telebistaren webgunea, Bermeoko Udalaren Facebooka… Beraz, aldez aurretik eskerrik asko eurei, eta, nola ez, zuoi, bermeotarroi, gure jaiak munduko onenak egiteagatik! AUPA ZUEK! AUPA BERMEO!

Eta, nola bestela, Bermeoko jaietako txupinazoarekin emango diogu hasiera jaien errepaso txiki honi:

Etxeko txikienek ere izugarri gozatzen dute Bermeoko jaietan, eta nola ez, musika lagun dutela, buruhandiak eta erraldoiak izaten dira protagonista nagusiak. Horiek ere topatu ditugu sarean. Hemen dituzue:

Erraldoiak Bermeoko kaleetan. Iturria: Erraldoien konpartsa

Gaztetxoei zuzenduriko jolasak ere ez dira falta izan aurten Bermeoko jaietan. Jende ugari bildu zen haur eta gaztetxoen jolas parkean.

Jolas parkea 2012ko Bermeoko jaietan. Iturria: Bermeoko Udala

Herriko gazteak. Eurak dira jaietan giroa jartzen dutenak, eurak kontzertuetako protagonistak. Hemen dituzue, herriko gazteen argazkiak.

Bermeoko koadrila sukalkia prestatzen. Iturria: Bermeoko Udala

Koadrila 2012ko Bermeoko Jaietan. Argazkia: Biotz Fradua

Bermeoko koadrila jaietako giroan sartuta. Egilea: Ibon Ibi

Arrantzalez goitik behera jantzita, hemen Bermeoko gazteak “Pakito el txokolatero” abestia dantzatzen. Hori da hori mugitzea!

Iluntzea heltzearekin batera, Lamerako kioskoa eta ingurua jendez betetzen da. Topagune ederra dugu Bermeon:

Bermeoko jaietan Kioskoa jendez blai. Egilea: Erika Julieth

Eta gaua iristearekin batera, bermeotarrok gora begiratzen dugu, su artifizialek ere badute eta bere xarma Bermeoko jaietan.

Su artifizialak Bermeoko jaietan. Egilea: Erika Julieth

Xixili ere protagonista izaten da, eta, jaien azken egunean, Doluzko Ibilaldia egiten dugu, Xixiliri azken agurra emateko

Xixiliri agurra Bermeoko jaietan. Argazkia: Bermeoko Udala

Eta Xixili agurtu ostean, guri ere gaurkoz agur esateko garai heldu zaigu. Jaiei datorren urtera arte esango diegu, baina gu laster bueltan izango gara Bermeoko kontu berriekin. Bitartean, badakizue, Bermeoko Facebookean duen orrian ere zuen ekarpenak ongietorriak izango direla. Pozik bizi, eta besarkada bat guztioi.

Share on Facebook

Bermeoko argazkiak eta Bermeo Back To 70´s skate bideoa jaso ditugu aste honetan; gainera, Bermistorian ere mintzagai izan dugu Bermeoko orrian. Horiek dira gaurko laburpenaren protagonista nagusiak, has gaitezen!

Astelehen arratsaldean Juanvi Romanek Bermeoko argazkiak elkarbanatu zituen herriko horman. Ederrak dira jaso ditugun bi argazkiak, kolore bizi-bizikoak. Jose Angel, Karmelo eta Ariarik astegin dituztela adierazi dute, guri ere izugarri politak iruditu zaizkigu, horrexegaitik dakarkigu hona bietatik koloretsuena (bestea ikusteko bisita ezazu Bermeoko Facebookeko orria). Zer diozue bermeotarrok, ederra da ezta?

Bermeoko portua ARGAZKIA: Juanvi Roman

Eta Gorka Pertikak berriz, herriko skate zale guztien gozamenerako bideoa partekatu du. Halaxe egin dio aurkezpena Bermeo Back To 70´s ikus-entzunezko lanari: ‘Bermeo 70. hamarkadara bueltatzen da, skatearen esentzia berreskuratzeko!!‘ Arrazoi osoa dauka, badirudi hurruneko herrialde exotiko batera garamatzatela irudiek, baina ez, gure herriko skatelarien artean ere skatearen esentzia arnas daiteke. Ikus ezazu Try it! taldeak egindako bideoa eta gero, esaiguzu, ez al da benetan ederra?

Pasadan asteazkenean aldiz, astebururako proposamena luzatu genizuen. Bermistorian ekimenarekin herriko historian murgiltzeko aukera paregabea izan baitugu azken egun hauetan zehar. Bitor Uriarte bermeotarrak Antxinako Alde Zaharreko toki bereziak berbaldia eskaini zuen Arrantzale Museoan, bisita gidatuak burutu ziren larunbatean eta asteburu osoan, Antxinako Azokea izan gendun. Nagorek agian bertaratuko zela esan zigun eta Iratxek berriz, bisita gidatuen inguruko interesa adierazi zuen. Izan al zineten bertan neskak? Zer iruditu zitzaizuen?

Laburpena amaitzeko pasadan ostegunean, urriaren 20n, ezagutu genuen albistea dakarkigu Bermeoko blogera: ETAren komunikatua argitaratu zen arratsaldean, eta bertan, jarduera armatua behin betiko amaitu duela iragarri zuen. Normalean ez dugu politikaz hitz egiten gure orrian baina azken orduko albisteak izan zuen interesak bultzatuta zuekin elkarbanatzea erabaki genuen eta partaide askoren erreakzioa eragin zuen albisteak. Horrela aipatu zuen iragarpena Nuria Bilbaok: ‘Egun historikoa da!‘.

Eskerrak eman nahi dizkizuegu Bermeoko orriaren jarraitzaile zareten guztioi eta batez ere, bertan parte hartzen duzuenoi, egunez egun, zuek osatzen baituzue herriko gertaeren kronika. Iban Bilbaori ere eskerrak Kristino aitze santu barridxe izeteko proposamena jasotzen duen bideoa elkarbanatzearren. Datorren astean ere Bermeon gertatzen den guztiaren berri emango dizugu… bermeotarren ahotik. Ordura arte, aste ona pasa ezazue. Eskerrik asko eta ongi izan!

Share on Facebook

Bermeoko Jon Pascua, Sudafrikako Mamelodi Sundwons taldeko atezainen entrenatzaile lanak bete ditu eta Bermeoko orrialdean jaso dugu albistea.

Patxi Xabier Kareaga Ruiz gure lagunak, Bermeoko orrialdean oso albiste polit eta hunkigarria utzi digu, izan ere, Jon Pascua bermeotarra, urtebete eman du Afrikan, eta Sudafrikako ligan parte hartzen aritu da. Mamelodi Sundowns futbol taldeko atezainen entrenatzailea izan da. Jon Pascua da bera, baina Melrose Arach auzoan, Johannesburgoko alderik eta dirudunenean Sweet Jon ezizenez ezagutzen dute. Hemen duzue Patxik utzitako albistearen lotura, bide batez etxera bueltan edota etxean ote dagoen ez dakigunez, zuk honetaz zerbait argitzen badiguzu asko eskertuko dizugu, gainera, besteak beste, Nagore Maeso Arrizabalagak albiste hau gustuko duela, edota atsegin duela esan du.

Bestalde, Mikel Monasteriok honako iruzkina utzi digu gure orrialdeko horman: ‘el artista Bermeano Mikel Oihenart, ha creado una marca de ropa deportiva vasca. Es pionero en este campo – CAMISETAS VASCAS Y PRENDAS DEPORTIVAS, – Honen inguruko informazio gehiago izateko, bertan duzu esteka.

Aste honetako laburpena bukatzeko, Juanvi Romanek oparitutako argazkiak izango ditugu ikusgai.

Bermeo. Argazkia: Juanvi Roman

Eskulturak agertzen direnekko argazkia Gotzon Markaida Urrestiri ere gustazen zaio, eta Arantza Asolo Monasteriok zera dio: ’super chula…y la foto dice mucho!!!!!!!!!!!’

Bermeo. Argazkia: Juanvi Roman

Bukatzeko, Bermeoko portua azaltzen den argazkia Jose Angel Bilbaori eta baita, Gotzon Markaida Urrestiri ere gustatzen zaie. Hementxe bukatzen da aste honetako laburpena, baina, badakizu, orrialdean bertan edota gure herriko blogean konektatuta jarraitu dezakezula.

Share on Facebook

Bermeoko bokarta azoka eta maiatzaren 22ko udal eta foru hauteskundeak ditugu aste honetako kontu nagusiak gure orrialdeko horman.

Aste honetako errepasoari ekiteko, herrian izan dugun azoka aipatu nahi dugu, horman horrela jarri genuen…‘Bermeon…azoka prest! Bokartak prest! eta zuek?’ Zuek ere zuen erantzunak eman zenituzten eta tartean honakoak jaso ditugu: Maite Ara: ‘pues que bueno, mi familia de Lekeitio me manda anchoas en aceite y me las mandan a Texas !que ricas aaaaaanchoas!!Lindo dia Bermeo’ Igor Garai Saguri: ‘nahiko nuke jakin zeitzuk Bermioko karteletan Bokartari buruz esan ordez euskaraz antxoari buruz jartzen dute… nonguek gara ba?’ Alex Campillo Felíu: ‘buf, cómo me alegro…además de gustarme’ Hemen duzu, azoka iragartzen zuen informazio guztia.

Bestalde, Ruth de Celisek honako mesedea eskatzen zigun: ‘Mesedez… Lana dela kausa datorren ekainaren azken asterako alokairu baten bila dabil nire auzokide Ana (heldu bi eta mutikoa).Baten batek zerbait egin ahal izanez gero,mesedez jarri hementxe datuak…Milesker, Bermeotar guztiei!!!’

Orain…leihoa ireki eta argazkiez gozatzeko txanda iritsi da.

Bermeo. Argazkia: Imanol Aragon

Beñat Mendietak eguraldiaren txokotik, atzo, maiatzaren 16a, Imanol Aragonek Bermeon harrapatutako irudi ikusgarria oparitu digu; asteari ondo ekiteko modua. Hala ere, paisaia gehiago ikusi nahi badituzu…hemen sakatu dezakezu.

Bermeo. Argazkia: Juanvi Roman

Argazkien txanda zabaldu dugun honetan…Juanvi Romanek Bermeoko Kasinotik ateratako argazkia ekarri nahi izan dugu. Gainera, gogoratu, Bermeoko blogeko irudi nagusia izango denaren bila gabiltzala eta akaso zuk bidalitako horrek ‘me gusta’ gehiago lortzen baditu aukeratua izan zaitezke.

Bermeo. Argazkia: Aingeru Gaubeka Villota

Bermeoko argazki gehiago ere izan ditugu aste honetan eta orain ikusten duguna Aingeru Gaubeka Villotarena da…ederra benetan.

Ezin, gaurko laburpena maiatzaren 22ko hauteskundeak aipatu gabe. Iragan astean, Udal Hauteskundeak Bermeon gaiaren inguruan idatzi genuenean, erantzuna ere jaso genuen..eta mezua, José Nufanena zen, berak, Sevillatik idazten zigun eta bera Bilduren aldeko komentarioa utzi zuen gurean, horretaz gainera, giza eskubidearen alde eta inperialismoaren kontrako berbak ere ekarri zituen gurera. Zuk ere, zure iritzia edota hauteskundeen inguruko hitzak dituzu barrenetik ateratzeko beharra…tira ba! Hemen duzu aukera.

Aste honetako laburpen honekin bukatzeko, bertan ditugun udal eta foru hauteskundeen aurrean, iragan astean egin genuen bezala, igande honetan, (maiatzak 22), eta baita astelehenean (maiatzak 23) ere ahalegin berezia egingo dugula esan nahi dugu. Zuekin eta parte hartu nahi duen guztiekin bat egingo dugu, eta hitzordu berezi hauetan itxarongo zaituztegu, ez faltatu.

Eskerrik asko eskainitako arretagatik eta baita horman erakusten duzuen laguntza guztiagatik ere. Ohi legez, hemen edota gure herriko blogean bat egingo dugu.

Share on Facebook

Bermeoko Alakrana atunontziaren bahiketa aspaldi gertatu bazen ere, orain ezagutu dugu sententzia eta aste honetako kontu nagusia da gure orrialdean.

Gure taldeak ere horrela ekarri zuen hormara, Alakranaren auziko sententziak 439 urteko zigor kartzela ezartzen du. Lerroburu honi ondoko galdera ere gehitu genion…Espainiako Gobernuak erreskatea ordaindu zuen? Orain zure erantzuna itxaroten dugun bitartean, bertan duzu albistearen esteka. Alakrana auziarekin jarraituko dugu, izan ere albisteak berritzen joan ahala guk ere gurean jarri genituen, hemen duzu azken albistea.

Auzitegi Nagusiak 439 urteko kartzela-zigorra ezarri die Somaliako piratei euskal atunontziaren bahiketagatik. Espainiako Gobernuak berehala gezurtatu du erreskatearen ordainketa. Albistea are gehiago jorratzeko aukera ere izan dugu asteon horregatik, hemen duzu jasotako azken bideoa.

Arrantza kontuekin jarraituko dugu, baina etorkizunera begira, Ane Goikoetxeak berak zera aipatu zuen gurean: ‘Nautika eta Arrantzako Lanbide Eskola Bermeon Itsamendikoirekin.’ Gehiago jakiteko ondorengo lotura ekarri dugu.

Asteburua igaro da eta ez dakigu Joseba Uriartek proposatzen zuen mendi irteeran parte hartu ote duzun edo ez, badaezpadan hemen duzu berak gurera ekarritako esteka. Akaso, hurrengo baterako.

Bermeoko horma kolorez betetzen duzuenok zuek zarete eta kasu honetan Orlando Imperatorek egindako irudiak dira eta benetan eskertzen ditugula, guk zuretzat ekarri dugu, ikusmenerako opari izan daitezen.

Bermeo. Argazkia: Orlando Imperatore

Bermeo. Argazkia: Orlando Imperatore

Bermeo. Argazkia: Orlando Imperatore

Bermeon, itsasoa, kresala eta arrantza maitatzeaz gain musika ere asko bizi da, eta horren lekuko da, Mikel Monasteriok gurera ekarritako komentarioa: ‘ ¡¡ SALGAI DAUDE, BILATU ETA ETORRI UZTAILAN 30 an FESTIBALERA !!’ Hemen uzten dugu gehiago jakiteko berak utzitako esteka.

Bukatzeko, Ruth de Celisek utzitako oharra utzi dugu, berak laguntza eskatzen du, etxea alokatu nahi du bi nagusi eta haur batentzat ekaineko azken astean bertan bizi ahal izateko, lana dela eta etxez aldatzeko eskaera betetzeko asmoz, gurera jo du laguntza bila. Beraz, hori eskaintzeko moduan dagoenik ezagutzen baduzu, Ruthek eskertuko duela uste dugu.

Besterik gabe, datorren astera arte agurtuko gara, hori bai, gogoan izan gure orrialdean edota gure herriko blogean topatuko garela.

Share on Facebook

Aitor Fernandez del Campo eta bere emaztea Bermeora iritsi dira, baina, bere semea oraindik Afrikan dago, Ghanako amonarekin gelditu da.

Aste honetako laburpena, aspaldi eman nahi genuen albistearekin ekingo diogu. Boli Kostan erasotzaileen artean, liskarren eta tiroen beldur harrapatuta egon eta gero etxera iritsi da Aitor bere emaztearekin. Larunbatean heldu zen, hilabetez, zeharo beldurtuta bizi ondoren. Hala ere, oraindik ez da bere semean eurekin etorri, paperak falta direla eta horretan ari dira orain. Aitor Fernandez del Camporen azken albistea hemen duzu.

Gurera larunbatean iritsiko zirela irakurri genuen, Aitor Fernandez del Campo, gure herritarra eta bere emaztea bidean zeudela jakin genuen, hala ere oraindik, semea ekartzea utzi ez zietela ere esan zuten, hala ere bikotea etxera bidean zegoela lehen pausu garrantzitsua zela argi zegoen. Hemen duzu, etxera bueltan zeudela kontatzen zuen albistea.

Albiste nagusiaren tartea hemen utziko dugu eta orain, ikusmenari oparia egingo diogu, Juanvi Romanek utzitako argazkia ekarri dugu.

Bermeo. Argazkia: Juanvi Roman

Eta hori gutxi balitz Ertzila kalea nahikoa ez eta… Orlando Imperatorek egun on Bermeo esanez oparitutakoa ere badakarkigu.

Bermeo. Argazkia: Orlando Imperatore

Astearteari kolore alaiago bat jarri nahian, Orlando Imperatorek Gaztelugatxe Matxitxakotik zelan ikusten den erakusten digu hurrengo argazkian

Bermeo. Argazkia: Orlando Imperatore

Biharko hitzordu bat ere badakarkigu, Juanvi Romanek berak zera aipatzen baitigu Bermeoko horman bertan: ‘maiatzaren 4ean, eguaztena, Athletic-eko Bizkai Buru Peñiek reinaugurazioa egingo dau Athletic-eko jokalariak etorriko dira. Tokia: Urdaibai Kafetegia, eta orduan: arratsaldeko 6:00etan. Etor zaitez!!!’

Bestelako hitzorduak ere izan dira gure horman eta pasa den astean Joseba Uriartek kontzertu baterako gomendioa utzi zigun: ‘M-CLAN Bermeoko kafe antzokian egongo da maiatzeko lehen asteburuan!!!’ Orain zuen iritzia jasotzea falta da, ia gustuko izan zenuten edo…nola ikusi zenuten…, bertan duzue kontzertua iragartzen zuen oharra.

Agendan apuntatzeko beste data garrantzitsua Andra Mari Jaiak dira, hala ere horretarako oraindik denbora dagoen ere, Maite Bazterretxeak jaiak iragartzeko kartel lehiaketaren berri eman digu, eta baita zera galdetu ere: ‘Parte hartuko duzu?’ zure erantzuna hemen, gure herriko blogean, edota gure orrialdean emateko aukera duzula badakizu.

Bukatzeko beste irudi eder bat ekarri dugu, honako hau, Juanvi romanek Bermeoko horman utzitakoa. Eskerrik asko guztioi parte hartzeagatik eta ondo izan.

Bermeo. Argazkia: Juanvi Roman

Share on Facebook

Ginean desagertutako arrantzalea eta Bermeoko Arrantzaleen Museorako bisita gidatuak eta argazkiak dira aste honetako kontu nagusiak.

Iragan astetan zehar, Boli Kostan ezin etxera bueltatu dagoen Aitor Fernandez del Campo arrantzalea hizpide izan badugu ere, orain, Ginean desagertutako Bermeoko arrantzaleen inguruko albisteak jaso ditugu, hemen. Uzten dugu gehiago jakiteko esteka.  Bestela ere Ane Goikoetxea berak ere, berak non irakurri duena ere utzi digu horman bertan.

Bestelako kontuekin abiatuko gara, helduei eta baita Bizkaiko Emakume Taldeei zuzendutako ekimen berri bat ezagutu baitugu, Arrantzalearen Museoan bisita gidatuak eskainiko baitituzte eta horrek lagun asko erakarriko digu Bermeora. Bertan duzu albistearen lotura.

Ikusmenarentzat oparia diren irudiekin goaz orain, Urdaibai Aran Mundakak esaterako horrela dio: ‘beste argazki bat….Oingoan portuen….Nire aitaren moduko baporak, gero ta gitxiago, bera hainbeste urte diez ez dauela, baina ondino ilusinoa emoten dost halako baporak ikustean…’

Bermeo. Argazkia: Urdaibai aran mundaka

Ziortza Neskak ere bere erretratuak utzi ditu gure horman eta horietaz gozatzeko aukera eskaini nahi dizuegu orain.

Bermeo. Argazkia: Ziortza neska

Guk asko eskertzen ditugu, baina Josimar Machado Silvak ere argazkiak ederrak direla aipatu du gurean.

Irudi ederrekin jarraitzeko orain, Patxi Xabier Kareaga Ruizek Ogoñotik ateratakoa ekarri dugu.

Bermeo. Argazkia: Patxi Xabier Usabiaga

Bestalde, eta Madalenetan dotore joateko proposamenekin iritsi da Mikel Monasterio: ‘¡¡ Hau bai da bermioatarraren kamiseta bat!! ¡¡ Label Basko eta dena!!’ bere proposamena ezagutzeko hemen utziko dugu esteka, kamiseta zelakoa den ikusi nahi baduzu hau duzu aukera.

Orlando Imperatorek Sollube mendatetik egindako erretratua utzi digu horman eta guk zuek guztiokin partekatu nahi izan dugu.

Bermeo. Argazkia: Orlando Imperatore

Irudi eder hauekin itxi nahi dugu aste honetako laburpena, hori bai, horrelakoak jasotzen jarraitzeko prest gara, bide batez, eskerrak emateko ere aprobetxatuko dugu. Bermeoko orrialdean edota gure herriko blogean topo egiteko aukera duzula gogoratu.

Share on Facebook

Aitor Fernandez del Campo bere emazte eta semearekin Abiyanen dago, frantsesen basean dauden bakarrak dira. Bermeora iristeko gogoz gaude guztiok.

Aitor Fernandez del Campo, bermeoko arrantzalea Boli Kostara ezkontzera joan zenean, dena ondo zegoen, baina liskarrak eta erasoak hasi zirenean han harrapatu zuten eta atera ezinik dago. Errepasoa kronologikoki egitearren, Itxaso Apraizek iragan astean utzitakori helduko diogu: ‘oraindik Aitor ezin du Boli Kosta utzi bere semearen paper bat falta delako…hau amesgaiztoa…’ Benetan oso gogorra izaten ari dela, eta are gehiago paper faltagatik denean. Bertan duzu aipatutako albistearen esteka.

Eta Itxaso Apraizek gaur bertan zera aipatu du horman bertan: ‘oraindik Aitor Fernandez del Campo bere familiarekin gurean izateko itxaroten…’ Frantziako base batean daude, eta jada, frantziar guztiak beraien etxean dauden bitartean, Aitor eta familia hor jarraitzen dute atera ezinik. Berez, hegaldia, Frantziatik igaro barik, Espainiara zuzenean joango balitz orduan, seguru, etxean egongo zela baina…, hemen uzten dugu gehiago jakiteko lotura.

Korrika 17. Bermeo. Argazkia: Orlando Imperatore.

Dena albiste gogorrak ez direlako, Korrika 17 herritik igaro dela eta, Orlando Imperatorek utzitako argazkia ikusteko aprobetxatuko dugu. Esker mila horman utzitako guztiengatik, benetan eskertzekoa da zuk egindako lan guztia.

Bermeo. Argazkia: Mila Egiguren

Bestelako argazkiak ere jaso ditugu gurena, esate baterako, Beñat Mendietak oparitutakoa: ‘Bermeon atera zuen Mila Egigurenek argazki eder hau. Paisaia oso polita da, eguzkipean, gainera. Horrelako gehiago, hementxe. Eskerrik asko baita zuri ere Beñat.

Orain Izaro Talatik ikusita Orlando Imperatoreren argazkian.

Izaro Talatik. Argazkia: Orlando Imperatore

Azken irudia, Urdaibai Aran Mundakak utzitakoa da: ‘Bermeo, orain dala denboratsue, Bakio bidean nioala….’ Eskerrik asko benetan, asko zarete hormari kolorea jartzen diozuenak eta bide batez, baita gure herriko blogari ere.

Bermeo. Argazkia: Urdabai Aran Mundaka

Bukatzeko, Filipinetatik bidalitakoa gorde dugu. Lawrence Bermeok horrela idatzi zuen Bermeoko horman: ‘hi im, lawrence bermeo from philippines .. ;’Urrutitik ere badatoz mezuak gurera.

Datorren astera arte agurtuko gara, eta opor zoriontsuak izatea opa dizuegu. Bermeoko orrialdeko horman edota blogean topo egingo dugu. Eskerrik asko guztiagatik.

Share on Facebook

Bermeoko azokaren zoruaren konponketa, ‘Iria Flavia’ ontziko arrantzaleak eta Doctor Blues dira Bermeon aste honetan gai nagusiak.

Aste honetako laburpenarekin ekiteko, Bermeoko azokara egingo dugu osteratxoa, izan ere, Maite Bazterretxeak horrela idatzi du Bermeoko komunitateko horman: ‘Bermeoko azokaren zorua konponduko dute, ia horrela gutxiago irristatzen garen. Ze ondo!’ Askotan entzun izan da, baita beste toki batzuetan ere, irristatzeko edota uriolak izateko arriskua egoteko dela, baina horrela askoz ere hobeto, jakina. Hemen esteka gehiago jakiteko.

Bestalde, iragan astetik datorrena Ane Zabalak ekarri du gurera: ‘Bermeoko Iria Flavia ontziko tripulazioa ondo dago. Eskerrak.’, Arrantzaleak ondo badaude hori da benetan garrantzitsuena, bertan dago lotura.

Musikaren txokoa zabalduko dugu, eta Mikel Larrubeltzak ekarritakoa dakargu musika aparailura,‘DOCTOR BLUES, Bermioko musikaria. Azken diskoa kaleratu du, bereak dira abesti guztiak bat ez ezik, Amazon.com lekuan lortu daiteke albuma’ Eskerrik asko Mikel musika non entzun eta lor daitekeen abisatzeagatik. Bermeon musika benetan bizi dela argi dago, kontzertu asko eta baita musikari asko ere baitira herrian. Hemen kantuak entzuteko esteka.

Aste honetan, Beñat Mendietak aukeratutako eguneko irudia, Jesus Mari Uribek aterakoa izan da eta Bermeon egindakoa da. Argazkia egin zen egunean giro grisa nagusitu bazen ere, orain eguraldi bikaina dugu eta udaberrian buru belarri sartuta gaude bertan. Badakizue, horrela eta bestelako argazki gehiago, ikusteko aukera Eguraldiblog-en bertan duzuela.

Bermeo. Argazkia: Jesus Mari Uribe

Miren Gallok iragan asteburuan, aitaren egunean bertan prestatu eta aurrera eraman zen egitaraua utzi zigun Bermeoko horman `URDAIBAI ARRAUN´, BAKIOKO TXAKOLIN UZTEAREN AITABITXIAK’ , Benetan, horrelako hitzorduak maite ditugula, horrela aspaldiko lagunekin bat egiteko aukera ere ematen baitigu. Zer moduz pasatu zenuten? Txakolin ona eta Bakioko jendea ere horrelakoa. Ospatu zenaren inguruko informazioa hemen.

Bukatzeko komunitateak eskatzen duen mesede txikia aipatu nahi dugu, izan ere, hemen horman, astero uzten dugun laburpenarekin batera ‘automatikoki’ azaltzen den irudia aldatu nahi dugu. Zuen argazkia izatea gustatuko litzaiguke, originala behar du izan, zuek aukeratutakoa. Bermeoko orrialdean zuen argazkia uzteko aukera izango duzue eta hurrengo astelehenean ‘atsegin dut’ boto gehien dituena izango da aukeratutakoa. Eskerrik asko guztioi eta gora Bermeo!

Argazki lehiaketa berezi honetan parte hartuko duzun itxaropenarekin, laster arte esanez agurtuko gara. Badakizu, hemen, gure herriko blogean edota Bermeoko orrialdean topatuko garela.

Share on Facebook