Bermeo

Beste behin, hemen da Bermeoko Arrain Azoka 2013. Aurtengoa, XIX. edizioa izango da, eta egitaraua begiratzea besterik ez dago sekula baino ekimen eta erakustoki gehiago antolatu direla ikusteko. “Sasoian sasoiko produktuak” izenburupean, maiatzaren 24tik 26ra egingo da azoka eta aurten,  Bermeoko kontserba enpresek, apirilaren 11n Bermeoko sutean kaltetutakoei bere laguntza eskaini nahi die. Horretarako, Arrain Azokan kontserbaz osatutako sorta solidarioak salduko dituzte. Baina goazen Bermeoko Arrain Azokaren egitarauari begirada bat ematera!!!:-)

XIX. Arrain Azoka Bermeon. Argazkia: Bermeoko Udala

Bermeoko Arrain azoka 2013: egitaraua

MAIATZAK 24. OSTIRALA

11:30: Hitzaldia Nestor Basterretxea Aretoan AZTIren eskutik.

12:30: Hegaluze Saria Nestor Basterretxea Aretoan. Sari hau Arrain Azoka Elkarteak ematen du eta Itsuki Irratiak koorditzan du. Sari honekin persona, erakunde, elkarte zein entitateren bat saritzen da, Bermeoko herriaren izena zabaldu edo prestigiatu duena edo herriaren alde lan egin duenari edozein arlotan.

13:00: Arrain Azokari harrera, aurreskua eta hasiera ofiziala Lameran.

19:00: José Maria Ferarios-en Liburuare aurkezpena (AZTI-Tecnalia. Arrantza eta Itsas Teknologia Saileko Teknikaria)

21:00: Alkartasuna Dantza Taldea Portuzarrean.

22:00: ‘Galerna, ekaitz ezezaguna’ dokumentala Nestor Basterretxea Aretoan. Sarrera 5 €.

MAIATZAK 25,. LARUNBATA

11:30: Argazki Rallyaren hasiera Gune Didaktikoan Begi Handiren
eskutik.

12:00: Danborrada Lamera, Gaztelu eta Portuzarretik Bermeotarrak
Fanfarrearekin. Hurre-Hurre eta Adiskide txokoek antolatuta
Bostale elkartearen babesarekin (Bermeoko Ostalarien
elkartea).

12:00:‘Latie emongotsut’. Bermeoko kontserben inkesta-jolasa: dastatu, hiru berba esan kamara aurrean, eta kontserba lata bat oparituko zaizu, txosna inguruan.
Dinamizatzailea: delicatessenbermeo.com.

12:00: Txistulariak Lameratik eta Portuzarretik.

12:30: Musika Eskolako trikitilariak eta pandero-joleak, txistulariak,
haize taldea eta korua Lameran eta Portuzarrean.

13:00: Pintxo Lehiaketaren sari banaketa Kioskoan (pintxoak ikusgai
Gune Didaktikoan).

19:30: ‘Galerna, ekaitz ezezaguna’ dokumentala Nestor Basterretxea
Aretoan. Sarrera 5 €.

MAIATZAK 26

11:00etatik aurrera: Umeen Marrazki Lehiaketa BBKren eskutik eta Peña Barrueta Elkartearen laguntzarekin.Izen ematea Gune Didaktikoan.

12:30: Erraldoiak eta gaiteroak Lameran eta Portuzarrean.

14:30: Marrazki Lehiaketaren sari banaketa Gune Didaktikoan.

22:00: ‘Galerna, ekaitz ezezaguna’ dokumentala Nestor Basterretxea Aretoan. Sarrera 5 €.

Gainera egunero…

- Arrain salmentaren itxurak Kofradia Zaharrean. (11:30, 13:00, 18:00 eta 19:00)

- Bokartaren tratamentua eta ezaugarriak ezagutzeko erakusketa, larunbatean eta igandean txosnaren inguruan (11:30)

- Gaztelugatxeko San Juanen urazpian dago Begoñako birjinaren irudia. 50. urteurrenaren argazki erakusketa Nestor Basterretxea Aretoan CEVASen eskutik.

- Irtenaldiak Igoñora itsasontziz Hegaluzen. 7 euro nagusiak eta 4 euro umeak.

- “Bihotz-birikietako bizkortzea lanean” hitzaldia. Gurutze Gorriko kanpadenda ospitalean larunbatean eta igande goizean. (12:00, 13_30, 17:30 eta 19:00).

Zer iruditu zaizue egitaraua? Gure bikaina. Asteburuan ez dugu aspertzeko betarik izango Bermeon. Gora Bermeoko Arrain Azoka!!! Besarkada bat guztioi!!

Share on Facebook

Bermeoko suteak kalte latzak utzi ditu herrian. Asko dira ezbeharraren ondorioz etxebizitzak galdu dituzten bermeotarrak, eta horiei babesa eta laguntza eskaintzeko asmoz, sutean kaltetuen aldeko ekitaldia egingo dute ostegun honetan, hilak 16, Porrotx eta Irrien lagunek, Bermeoko Kafe Antzokian, arratsaldeko 18:30ean.

Porrotx eta Irrien Lagunak Bermeon. Argazkia: Bermeoko Udala

Bermeotar txikienen eta horien gurasoei, noski, irria eta umorea sustatzea izango dute helburu gure pailazo ezagunek. Bermeotarrak Porrotx eta Irrien Lagunen kanta eta dantza ikuskizunarekin gozatzeaz gainera, suteak kaltetutakoei laguntzeko aukera paregabea izango da hau!

Euskal Herriko pailazo ezagunek, apirilaren 11ko sutea gertatu eta gero, euren laguntza eskaini zuten eta, horregatik, datorren ostegunean txiki eta nagusiek Porrotx, Marikalanbre, Largabista, Martinbertso, eta beste pertsonaiekin ondo pasatzeko aukera izango dute ekitaldi solidario honetan. Sarrerak bost euroko kostea izango dute, eta dagoeneko salgai daude.

Porrotx eta Irrien lagunek bermeotarrak maite dituztenez, euren “Maite Zaitut” kanta ezagunarekin uzten zaituztegu.

Share on Facebook

Lanak izaten ditugu askotako bermiotar txikienei txupetea kentzen. Hori dela medio, Bermeoko erraldoiak protagonistak dituen istorioa asmatu dute, eta “Ekau pipie Xixilintzako” izenburupean, liburuxka mundiala kaleratu du Bermeoko Erraldoien Konpartsak. Liburu honen nondik norakoak ezagutu nahi?

Bermeoko erraldoiak. Iturria: Erraldoien konpartsa

Haurrek izugarri gustoko dituzte erraldoi eta buruhaundiak. Hori abiapuntutzat hartuta, Bermeoko Erraldoien Konpartsak ipun bat prestatu du. Argitalpen honek bi helburu ditu, batetik, eta aurretik aipatu bezala, bermiotar txikienei txupetea kentzea, eta bestetik, herrian tradizio handia duten panpinok etxeko txikienei eta helduei ezagutzera ematera.

¿Zeintzuk dira “Ekau pipi Xixilintzako” liburuxkako protagonistak?

Anton eta Josefi erraldoiak: Lehendabizikoa arrantzalea da, eta bigarrena, berriz, saregina. 2002 urtekoak dira Anton eta Josefin erraldoiak.

Lorentzo eta Mari erraldoiak: baserritarrak dira eta 2004. urtean sortu ziren.

Xixili: liburuxka honetatik kanpo ezin zuen gure Xixilik egon, berau ere, istoriaren parte da!

Guztiak ere, garai batean Bermeoko bizitza zertan oinarritzen zen islatzen dute. Erraldoien istorio honekin, eta beste zenbait udalerritan egiten den bezala, Bermeoko erraldoiek herriko txikienei pipie kentzen lagundu nahi dute.

Dagoeneko Liburuxka Bermeoko ikastetxeetan 2 eta 3 urteko haurren artean banatu da.

Bermeoko Erraldoien konpartsa

2006an sortu zen Bermeoko Erraldoien Konpartsa, eta ordutik gaur arte, Euskal Herri osoan izan dira gure erraldoiak. Bermeon ere, Arrain Azokan, Erromeridxen eta Andra Mari eta Santa Eufemia jaietan dantzan ibiltzen dira herriko kaleetan. Gainera, orain, Bermeoko ikastetxeetako egunetan ere parte hartzen hasiak dira!

Aurten, Bermeoko Erraldoien Konpartsa ekainaren 29an Donostian izango da 1813ko abuztuaren 31an Donostiako Alde Zaharrean gertatuko sutea oroitzeko jaian. Gainera, Gernikako eta Ibarrangeluko jaietan ere egongo dira.

Gora Bermeoko Erraldoiak!! Gora Anton, Josefin, Lorentzo eta Mari!

Share on Facebook

Hasi da atzerako kontaketa. Datorren martxoaren 14an abiatuko da Andoaindik Korrika 18 eta Euskal Herria zeharkatuko du beste behin Euskararen aldeko lasterketa erraldoiak. Bermeoko blog honetan hasi gara dagoeneko Korrika 18ren kanta ikasten eta Korrika 18ko materiala prestatzen. 2013ko Korrikaren ibilbidea ere begiratu dugu! Martxoaren 22an helduko da Korrika 18 Bermeora, arratsaldeko 20:45ean.

Korrika 17 Euskal Herrian zehar. Argazkia: www_ukberri_net

Bakioko bidea jarraituta, Bermeon hartuko du eskualdeko lehen lekukoa lasterketa erraldoiak. Hortik aurrera, musikak, koloreak eta euskarak Bermeo dantzan jarriko dute. Bermeotik Mundakara abiatuko da Korrika eta Earaino Busturialdeko hainbat herri zeharkatu ditu.

11 egunez gelditu gabe, Euskal Herria zeharkatuko du Korrikak hamazortzigarrenez, eta aurten ere bermeotarrok ez dugu euskararen aldeko hitzordu garratzitsua hau galduko. GORA KORRIKA! GORA BERMEO!

Share on Facebook

¿Bermeon pintxo batzuk jatera joango al gara? Munduko herri ederrenean txikiteoan ibiltzea eta tabernetan pintxoak jatea gustoko dugu. Horregatik, eta Bermeoko blog honek izugarri atsegin duenez noizean behin aperitibo bat hartzea, pintxoak jateko Bermeoko gune nagusiak bilduko ditugu gaurkoan.

Argazkia: Patxi Larrauri

Pintxoak jateko taberna aproposak Bermeon

Portu inguruan

- Kafe Loidxie

- Batun Batun

- Kai Alde

- Zubi Gane

- Nemes

Jokin

Lameran

-Beti ondo

-Omago

Taraska, askatasun bidea

-Taraska

-Gurea

-Naia Kafe Antzokia

-Beitxi

Bizkaiko Jaurerria inguruan

-Herr

-Galerna

Goiko plaza inguruan

- Kafe Antzokia

- Doniene

Argazkia: Nerea Redondo

Beste tokirik ezagutzen al duzue? Lagunduko al diguzue pintxoak dituzten Bermeoko tabernen zerrenda osatzen? Bota proposamenak bai blog honetan baita Bermeok Facebookean duen orrialdean. Eskerrik asko eta… ON EGIN!

Share on Facebook

Bero-bero dator asteburua. Igandean San Martin jaiak direla eta, azoka berezia izango dugu Bermeon, aurretik, baina, larunbat gauean, Doctor Deseo talde bilbotarraren kontzertuaz gozatzeko parada izango dugu. Bermeotarrantzat interesgarriak diren kontuak biltzea gustuko dugu Bermeoko blog honetan, beraz, ikus dezagun azaroko bigarren asteburu honetan zer izango dugun.

Azaroak 10, larunbata: DOCTOR DESEOREN KONTZERTUA

Musika izango da protagonista larunbat gauean Bermeon. Doctor Deseo talde bilbotarrak kontzertua eskainiko du Bermeoko Kafe Antzokian, gaueko 22:00etan. “Al amanecer seguir soñando” euren azken lana aurkeztuko dute Francis eta bere lagunek, eta oraindik garaiz zabiltzate sarrerak lortzeko. 18 eta 20 euroren truke eskuragarri dituzue www.kulturalive.com atarian. Ahotsak berotzen joateko, “Sigo temblando por ti” kantua partekatzen dugu:

Azaroak 11, igandea: SAN MARTIN AZOKA ETA ODOLOSTE TXAPELKETA

Eta biharamuna pasa ondoren, igandean, azaroak 11a, San Martin azoka izango da Bermeko Lameran, eta nola ez, egun horretan ohikoa den bezala, aurten ere odoloste txapelketa antolatu da. Guztira 24 parte-hartzaile izango dira, Bermeo eta inguruko herrietatik etorritakoak. Epaimahaiaren arduraduna eta zuzendaria Kepa Landa sukaldari famatua izango da.

Baina lehiaketaz gain, izango da zer jan eta zer edana Bermeon: txerrikiak, ogia, euskal pastela, eztia, txakolina… aukera paregabea egun eder bat igarotzeko.

Odoloste lehiaketa. Iturria: eitb.com

Plan hoberik ba al duzue Bermon geratzea baino? Gu irrikaz gaude biharko lan eguna pasa eta asteburua iristeko. Besarkada bat guztioi eta GORA BERMEO!

Share on Facebook

Zer moduz doaz Bermeoko jaiak, lagunok? Espero dugu gu bezain ondo pasatzen ari izatea!! Aizue, eta honek hasi baino ez du egin, oraindik egun batzuk geratzen zaizkigu Xixiliren aginpean! Blog honetan, bere garaian, Bermeoko jaietako egitaraua partekatu genuen, gogoratuko duzuenez, eta orain arlo zehatz baten inguruan hitz egin nahi dugu: gogora ditzagun, beraz…

Bermeoko jaietako kontzertuak: zer dugu gaurtik igandera arte?

La Fuga barikuan helduko da gurera. Argazkia: EITB.

Gaur, eguaztena (irailak, 12)

18:00etan: Duo Galdea taldeagaz, dantzaldia, Lamerako kioskoan.

22:00etan: Nagusien Play Back Txapelketa, 17 urtetik aurrerakoentzat, Lameran.

Bihar, eguena (irailak, 13)

22:00etan: Bertso saioa, Artza Frontoian, Euskeraz Berbetan taldeak antolatuta. Andoni Egaña, Arkaitz Estiballes, Miren Amuriza eta Uxue Alberdi egongo dira; gai jartzailea Bernardo Mandaluniz izango da.

22:30ean: Ez emon latie ekarri zeure kantie, txosna gunean.

Etzi, barikua (irailak, 14)

22:00etan: Urgatz eta La Fuga taldeen kontzertuak, Lameran. Hona hemen La Fugaren abestietako bat:

Zapatua (irailak, 15)

18:00etan: Guretzat eta Gazteleki fanfarren kalejirea, Talan. 19:00etan, bertatik irtengo dira fanfarreak.

21:00etan: Ingo al deu taldearen kontzertu-dantzaldia Lameran, txosnek antolatuta.

1:00ean: DJ, txosnatan.

Domekea (irailak, 16)

12:15etik aurrera: Iratxe Ibarra, Onintza Enbeita eta Miren Amuriza bertsolariak balkoitik balkoira, Bermeoko Erraldoien Konpartsaren ekitaldia eta Guruzne Aristegi, Nagore Garaioa eta Maitane Ruiz bermeotarren abestiak, Santa Eufemia enparantzan Euskeraz Berbetan taldeak antolatuta.

19:30ean: Dantzaldia, Aiarako Musika Bandeagaz, Lameran.

21:30ean: On taldearen kontzertua, txosna gunean.

Xixiliri agur esan ostean: Agur Papardo, txosna gunean.

Musika dugu hizpide Bermeoko jaietan, hori argi dago… Gozatu eta kontatu hementxe!! GORA BERMEO!!

Share on Facebook

Asteburuan ospatuko dira Bermeoko San Juan jaiak. Hitzordua ekainaren 23an eta 24an da, eta urteroko legez, giro paregabea ez da faltako gurean. Sorginak, musika, kantak eta dantzak izango dira San Juan jaietako protagonistak, eta egitaraua betea datorkigu aurtengoan.

Sorgiñak udaletxeko balkoian. Iturria: Bermeoko Udala

EKAINAK 23, LARUNBATA: Sanjuan bezpera

19:30: “Bermeotarrak” fanfarrearen kalejirarekin
20:30: Herriko taldeen kalejira alde zaharretik
21:00: Musikak Sabino Arana enparantza alaituko du
22:30: Irrintzilariak, Bermeoko Abesbatzak, Erroxape Abesbatzak, Kankinkabara Txistu taldeak, Euskeraz Berbetan taldeak, Alkartasuna Dantza Taldeak eta nahi duten guztiek San Juan kantak abestuko dituzte (jarraian dituzue San Juan kanten letrak).

San Juan kantak abestu ondoren, umeen sorgin dantza eta sua egongo dira eta musikarekin festak aurrera jarraituko du.

-Arane Gibelortzaga auzoan ere San Juan jaiak ospatuko dira

• 9:00etatik 11:30etara 2. Marmitako txapelketarako izen-ematea hasiko da
• 11:30ean sokatira erakustaldia egongo da
• 14:30etatik aurrera marmitako txapelketako kazolak aurkeztu behar izango dira

EKAINAK 24, IGANDEA. Sanjuan eguna

Goizean zehar: mezak ospatuko dira Gaztelugatxeko Donienen , San Juaneko batzordeak antolatuta

-Arane Gibelortzaga auzoan
Egun guztian zehar: auzoko txosnan musikak giroa alaituko du
Iluntzean, TRIKIZUI taldearen kontzertua egongo da

Eguna iritsi bitartean, hemen dituzue Bermeoko San Juan kantak.  Tonuan jarri zuen ahotsak!

SANJUAN BEZPERA GABIEN

San Juan bezpera gabien abadiek hasarratu ziren,

ez eben besterik egiten alkarri musturrek hausiten.

Gure soloan zaporik ez, ziraunik ez, sugerik pez,

ezer ez, badagoz bere, danak erre beitez.

SAN JUAN ANTEPORTALETAÑA

San Juan anteportaletaña la(r)unbat arratsaldean (barriz) hamalau

atso tronpeta joten motroilo baten ganean (barriz)

Urra, urra, urra San Juanetan, dantzan egingo du ipar haizetan (barriz)

U ju ju ju San Juanera goaz gu. U ju ju ju San Juanetik gatoz gu.

Iazko san juan su-aren irudiekin uzten zaituztegu. SANJUAN ZORIONTSUAK IGARO!

Share on Facebook

Aurreko batean ‘Bermeoko berbakiaren’ berezitasun eta berba ohargarri batzuk aipatu genizkizuen. Okasiñue edo folloie danean botatzen direnak hain zuzen. Umeei irakatsi behar ez zaizkienak! Umeek ordea, euren hizkera daukate, hizkuntza guztietan eta gurean ere!!

Aurrekoan bezala, Joseba Mikel Ugalderen Ai gure Bermio – Esakerak eta izakerak liburua erabili dugu zerrendatxo hau osatzeko. Baina ziur gaude zuek beste hainbeste ezagutzen dituzuela! Orduan dudarik ez!! Postaren bukaeran edo Facebooken utzi iruzkin bat zure bermioko txetxe berbarekin!

Bermeon berba asko ditugu umeei esateko. Argazkia: Isidro Tapia

Zeri esaten zaio… ?

Mañek: negarrari

Misina: katuari

Kakati popa kaka edo kaka usin: kaka egin duenari

Txiseti-txilino kaka edo txise usin: txisa egin duenari

Txetxe/Txetxita/Txetxito: beste umeei

Tan-Tan: kalera irtetzeari

Zuen txanda orain! Laga txetxito garaiko berbakiek!

Eta beste galdera bat zuentzako: Nola deitzen zizuen amak txikitan?

Neure ondasune? Neure masustie? Txirloratsue? Edo: Ama perrien imie?

Share on Facebook

Maiatzaren 18tik 20ra ospatuko da Arrain Azoka Bermeon, ostiraletik igandera arte. Aurtengo edizioak 1912ko galerna gogoratuko du ‘Galerna 1912-2012’ izenburuarekin. Bertan 141 arrantzale euskaldun hil ziren eta horiek omentzeko asmoa du Bermeoko Udalak.

Kontserba-industriak izango du protagonismo handia azoka horretan zabalduko diren 25 erakustokietan. Egunero zabalik egongo dira 11.00etatik 15.00etara eta 16.30etatik 21.00etara, igandean izan ezik, egun horretan arratsaldez ez baita zabalduko. Horrez gain, hitzaldiak eta erakusketa ugari antolatu dira.

Azokaz gain, hainbat gertakarik biziaraziko du Bermeo egun horietan. Hementxe daukazue egitaraua:

Bermeoko arrain azoka 2012 | kartela

Barikua, hileak 18:

• Haur eta Gazteen Txokoa
• Urpeko Zinearen Zikloa (Nestor Basterretxea Aretoan. 11:00etan eta 18:00etan,  dohainik).
• Jantoki-Karpa (12:00, 17:00, 19:00 – 22:30).
• Arrain salmentaren itxurak Kofradia Zaharrean (11:30, 13:00, 18:00, 19:00) .

Ekintzak:

12:30ean: Arrain Azokari harrera, aurreskua eta hasiera ofiziala Lameran

13:30 Hegaluze Saria

17:30 Fanfarrea Lameran eta Portu Zaharrean

20:00: Alkartasuna Dantza Taldea Lameran eta Portu Zaharrean

Zapatua, hileak 19:

• Haur eta Gazteen Txokoa
• Urpeko Zinearen Zikloa (Nestor Basterretxea Aretoan, 11:00etan eta 18:00etan, dohainik).
• Jantoki-Karpa (12:00, 17:00, 19:00 – 22:30).
• Arrain salmentaren itxurak Kofradia Zaharrean (11:30, 13:00, 18:00, 19:00)

Ekintzak:

12:00 Danborrada Lamera, Gaztelu eta Portu Zaharretik

12:00 Txistulariak Lameratik eta Portu Zaharretik

12:30 Musika Eskolako trikitilariak eta panderistak, txistulariak eta haize taldea  Lameran eta Portu Zaharrean

13:00 Pintxo Lehiaketaren sari banaketa Kioskoan

19:00 Musika Lameran eta Portu Zaharrean

22:00 Habanerak frontoian

Domeka, hileak 20:

• Haur eta Gazteen Txokoa
• Urpeko Zinearen Zikloa (Nestor Basterretxea Aretoan, 11:00etan, dohainik).
• Jantoki-Karpa (12:00 – 17:00).
• Arrain salmentaren itxurak Kofradia Zaharrean (11:30 – 13:00).

Ekintzak:

11:00 Umeen marrazki lehiaketea

11:00 Pilota partidak frontoian

12:30 Erraldoiak eta gaiteroak Lameran eta Portu Zaharrean

14:30 Marrazki lehiaketearen sari banaketa umeen karpan

Giro ona izango da Bermeon datorren asteburuan! Adin guztiek ederto pasatzeko aukera izango duzue bertan! Musika, pintxo, hitzaldi… Animatu joaten eta gero konta iezaguzue!

Share on Facebook