Category Archives: Bideoak

Kiratsak eraginda Bermeoko bizilagunen kexak eta Alakrana auzia, hizpide

Bermeoko errekak herriko hainbat txokotan sortzen duen usai txarra izango dugu hizpide gaurkoan, izan ere, bermeotar batek Facebookeko orrialdean irudiak utzi dizkigu. Gainera egunotan “Alakrana” Euskal Atunontziko arrantzaleak terrorismoaren biktimak ez direla jakin dugu, edo ebazpen hori eman du, behintzat, Auzitegi Gorenak. Hori eta gehiago ondorengo lerroetan. Laburpenean gurekin etorriko?

Juanvi Romanek Bermeoko Facebookeko orrialdea aprobetxatu du “salaketa” bat egiteko, izan ere, bere hitzetan, San Martin, Doloriaga eta Aritzatxu kaleetako bizilagunek izugarrizko kiratsa jasaten ari dira azkenaldian. Juanvik, gainera, salaketa horren frogak utzi dizkigu, berak horman zioen bezala, “irudi batek mila hitzek baino gehiago” balio baitute. Ikusi nahi? Egin klik eta ikusi bideoa.

Guztiok dakigu “Alakrana” Euskal atunontziko arrantzaleak 47 egunez egon zirela bahituta Somaliako piraten menpe. Iragan asteazkenean kontatzen genizuen Auzitegi Gorenak egun horretan erabakiko zuela ‘Alakrana’-ko lau arrantzale terrorismoaren biktima diren ala ez, eta guk galdera botatzen genizuen orrialdean. Zuen ustez, ‘Alakrana’ko arrantzaleak terrorismoaren biktima dira? Mikel Agirresarobek berehala eman zuen erantzuna, “bai” irmo batekin.

Ebazpena jaso bezain pronto kontatzen genizuen Auzitegi Gorenak baztertu egin zuela aurkeztutako helegitea, eta beraz, gure arrantzaleak ez omen dira terrorismoaren biktima bezala legez onartuak izango.

Euskararen Nazioarteko Eguna ospatu zen iragan larunbatean mundu osoko hainbat txokotan, eta Bermeon ere jai mundiala egingo zela kontatzen genizuen, besteak beste Ken Zazpiren kontzertua ikusteko aukera izango baitzen. Joan al zineten? Horrela bada… Zelan egon zen? Taldearen orrialdean irakurri dugunez, mundiala izan omen zen! Kontatu kontatu…

Badakizue datorren abenduaren 11n Lau eta Erdiko final handia izango dela Aimar Olaizolaren eta Juan Martinez de Irujoren artean. Hitzordua Bilbon izango da eta EITB Kirolak azken egunotan gurean parte hartu du eta jakinarazi digu sarrera bat dutela zozkan eta orrialdearen jarraitzaile egiten diren guztien artean zozketatuko dela. “Abenduaren 9ko 12:00ak arte orri horren zale egiten zaretan guztien artean zozkatuko da sarrera. Sarrera hori Bilboko EITBren egoitzan jaso ahal izango da! Zorte on!!”, gaineratzen zuen. Badakizue, gu dagoeneko egin gara orrialdearen jarraitzaile eta finala doan ikusi nahi izatera, azkar ibili!

Leire Martinezek ondorengo hitzak uzten dizkigun Bermeoko Facebookeko orrialdean: “Zenbatek ospatuten zuie bidxar gabon txikidxe edo gabonatako lehenengo egune?”. Zer nolako ospakizuna zen galdetzen genion Leireri, izan ere, gabon txiki egun horren berri ez dugu! Iban Bilbaok ere iruzkina uzten zuen: “idearik pez zer da gabon txikidxe”. Ia ba, norbaitek ahalik eta azkarren erantzuten digun eta denok egunaz gozatzen dugun.

Amaitzeko Juan Duran agurtu behar dugu, izan ere, bere haurtzaroa eta gaztaroa Bermeon pasa zituela esaten zigun eta bere bihotzean beti eramango duela Bermeo ere jakinarazten zigun. “Ahhhh Bermeo, Bermeo. Cuantos recuerdos….cuanto te hecho de menos”. Badakizu, Juan, beti ongietorria izango zarela, beraz, nahi duzun arte!

Eta zuei, lagunok, mila esker Bermeoko kontuak komunitatean kontatzeagatik. Jarraitu zuen zalantzak, kexak edo Bermeoko albisteak gu guztiokin partekatzen. Guk zuek esandakoak blog honetan bilduko ditugu. Bitartean izan zoriontsu eta pozik bizi!

Bermeo, ardozaleak al zarete? dastatze tailerra egingo da kultur etxean

Utzi erantzuna

Bermeo ardozalea al da? Ardoak probatzeko tailerra antolatu dute herrian ba! Asteburuan emakume motorzalez bete zaizkigu kaleak eta San Martin errekatik usain txarra hedatzen dela ere salatu dute. Gainera, futbol zozketa baten berri ere badakarkigu gaurkoan, hauexek dira Bermeoko Facebookeko orrian aipatu dituzuenak, has gaitezen!

Ardoa dastatzen ikasi gura duzu? Gabonetan zure lagunak zur eta lur utzi nahi al dituzu? Famili giroan eta ardo kopa eskuan harro-harro agertu nahi? Gizarte eta Kultur etxean eskaintzen dute horretarako aukera paregabea… eta debalde gainera! Astelehenean ireki zuten izena emateko epea eta baldintza bakarra dago: 18 urte izatea gutxienez. Miren Larreak non egingo den galdetu digu, beraz baliteke animatuz gero ardoak probatzeko hastapen-tailerrean ikustea. Guri plan ederra iruditu zaigu, zuk zer deritzozu?

Ardoak probetako hastapen tailerra Bermeon

Pasadan asteburuan moto hotsa aditu al zenuten herrian? Ohartu ez zinetenontzat… Bizkaiko emakume motorzaleek martxa burutu zuten Bilbotik Bermeora, gidatzen dituzten motoetako batzuk zinez ikusgarriak dira. Txangoaren helburua emakumeek elkar ezagutzea izan da, hemendik aurrera horrelako ibilaldi gehiago antolatzeko gogoz baitaude. Hona emakume motorzaleen martxa bideoa:

Juanvi Romanek berriz, aurreko batean aipatu zuen bezala, ostiralean San Martin errekan usain txarra sumatu zuela kontatu digu asteon. Arratsaldeko zazpietako datua pasa zigun. Zuek ere igarri al duzue usain txarra? Zer dela eta izango ote da?

Gaiz aldatuz, proposamen batekin gatoz: Athleticen Europa Leagueko partida doan ikusi nahi? Abenduaren 1ean San Mamesen jokatuko den Athletic-Slovan Bratislava partidarako sarrera bat zozkatzen du EITB Kirolak orriak. Abenduaren 1eko 12:00ak arte EITB Kirolak orri honen zale egiten diren guztien artean zozkatuko dugu sarrera. Sarrera hori Bilboko EITBren egoitzan (futbolzelai ondoan) jaso ahal izango da! Zorte on!!

Eta amaitzeko, Josefa Gazagari agur bero bat bidali nahi diogu. Pasadan astean emozio handiko mezua utzi zigun Bermeoko Facebookeko orrian, herrian iaioa den arren arren hurrun dabilela dio eta ilusioa sentitu omen du gu bidean aurkitzean. Besarkada handi bat Josefa! Eta beste bat zuentzat ere, egunez egun gure orrian Bermeoren berri ematen duzuen guztiori. Eskerrik asko! Egun gutxi barru itzuliko gara berriz ere, bitartean ongi segi eta ondo bizi!

Bermeotarren argazkiak eta bideoak Bermeoko orrian

2 Replies

Bermeoko argazkiak eta bideoak jaso ditugu azken egunetan Bermeoko Facebookeko orrian. Igor Zalbidea, Roberto Menendez eta Gotzon Monasteriok irudi ederrak elkarbanatu dituzte, eskerrik asko hirukote! Gure herriko hondartzan ateratako argazki zoragarri hauekin hasiko gara:

Bermeoko Aritzatxu hondartza, ilunabarra ARGAZKIA: Igor Zalbidea

Bermeoko Aritzatxu hondartza ARGAZKIA: Igor Zalbidea

Aritzatxuko hondartzan atera zituen Igor Zalbideak urriaren amaiera aldera argazki hauek, guri ikaragarriak iruditu zaizkigu, hala esan genion atzo, ‘Ederrak dira benetan argazkiak, ikaragarrizko indarra dute. Zu bai artista!‘ eta halaxe berresten dugu gaur ere: zoragarriak Igor!

Roberto Menendezek berriz, bere 3 dimentsiotako proiektuaren berri eman digu, ‘Bermeo 3Dn lana aurrera doa, oraingoan Taraska eskultura egin dut. Zuen gustukoa izatea espero du ‘ Lotura honetan izan dezakezue proiektuaren berri eta bertan ikus ditzakezue Robertok egindako lanaren nondik norakoak, jarraian hiru dimentsiotan gure herriak duen itxura azaltzen duen argazkia. Mundu birtualean ere herri dotorea da gurea, e?

Bermeo hiru dimentsiotan ARGAZKIA: Roberto Menendez

Gotzon Monasterioren lanak ere jaso ditugu, argazkiak eta bideo bat bidali dizkigu.Argazkiak Bermeoko Facebookeko orrian ikus ditzakezu, bideoa aldiz, laburpen honetantxe txertatu dugu. Bertan, ‘Bermioko portuan’ euskal kantu zaharra entzun dezakegu, herriko irudi ederregaz lagunduta eta Gotzonek musikatua. Izan ere, Gotzonek kontatu digunez, euskal musika etnosikofonikoak egiten ditu eta Doctor Blues taldeko partaide ere bada. Artista bazara ba e gizona! Hona hemen, goza ezazue:

Eta aste honetako laburpena amaitzeko ostiralean egin genizuen proposamena aipatuko dugu izan ere, pasadan larunbatean, herriko Ost! taldea eta Cobra aditzeko aukera izan baitzenuten Bermeoko kafe antzokian. Jagoba Gorriñobeaskoak komentario hauxe utzi zuen: ‘Ta ganera bideoklipa grabako da!!! eztau geijau eskatzerik!!!‘. Non dago bideoklip hori? Ikusgai al dago edo oraindik edizio lanak falta dira?

Besterik ez, eskerrik asko aste osoan zehar parte hartu duzuen guztioi eta horrela segi ezazue. Guztion artean osatzen dugu Bermeoko orria eta badakizue nahi duzuen oro konta dezakezuela: herriko albisteak, argazkiak, bideoak, ekintzak… zure elkartearen agenda ezagutarazi, ekimenetarako gonbidapena luzatu, zerbait proposatu… Zure zain gaude! Laster arte!

Bermeoko lokala, arrakastatsuena, pasadan asteko Lokaleroak saioan

Utzi erantzuna

Bermeoko gazte lokal bat ezagutzeko aukera izan genuen pasadan astean Lokaleroak saioan, hilerriaren inguruan egitekoa zen aparkalekua bertan behera geratu da, The Txo Times aldizkari birtuala ezagutu dugu… hori eta gehiago, xehe-xehe aletuko dizuegu jarraian Bermeoko facebookeko orrian mintzagai izan duzuen guztia batu dugu aste honetako laburpenan. Hor doa:

Bermeoko gazteak ikusi genituen pasadan astean ETB3-ko Lokaleroak saioan. Horrela aurkeztu genizuen bideoa: ‘Aupa bermiotarrok!! Herriko gaztiek zelan ikusten dauie Bermio? Zelako eritzidxe dakoie herridxeri buruz? Zelan da euren eguneroko bizidxe? Beti dabilzela ta lokalan sartunde, gaurkuen kamarien aurrien imiñi diez eta euren lokalan barrure sartzien itzi doskuie. Elegante ibil’dxiez, hamen bidixue‘ Iban Bilbaok barre pilla egin omen ditu, mezu hauxe utzi digu, ‘Jajajaj!!!!’; eta zueri, gustatu al zaizue Bermeoko lokaleroak bideoa?

Eta gaur bertan ezagutu dugu albistea: Bermeo Lokaleroak saioko bigarren asteko lokal arrakastatsuena izan da. Lokaleroak zozketa oraindik ere irekita dago, gaur amaitzen da bertan parte hartzeko epea. Zer diozu, ez duzu oraindik Bermioko lokalaren aldeko bozka eman? Zeren zain zaude?

Roberto Menendezek berriz, bi lotura partekatu ditu gure orrian. Lehenengoan The Txo Times aldizkari birtuala ezagutarazi digu, bertan Sarean zehar Bermeoren inguruan esaten dena batzen da. Halaber, Bermeoko futbol eskolaren lehen eguneko argazki panoramiko hauxe ere utzi digu. Eskerrik asko Roberto zure ekarpenengatik!

Aste honetako laburpena amaitzeko hilerriaren inguruko aparkalekuaren gaia dakarkizuegu. Pasadan asteazkenean elkarbanatu genuen albiste honetan irakur daitekeenaren arabera, badirudi azkenean ez dela aparkelekurik izango hilerriaren inguruan. Zer deritzozue? Beharrezkoa al da aparkatzeko leku gehiago alde horretan?

Gaurkoz besterik ez, kontatu nahi duzuen oro jasoko dugu datozen egunetan Bermeoko Facebookeko orrialdean eta datorren astean blog honetantxe bilduko ditugu astean zeharreko gaiak. Ongi izan eta udazken egunak gozatu!

Bermeoko argazkiak eta Bermeo back to 70´s skate bideoa berbagai

Utzi erantzuna

Bermeoko argazkiak eta Bermeo Back To 70´s skate bideoa jaso ditugu aste honetan; gainera, Bermistorian ere mintzagai izan dugu Bermeoko orrian. Horiek dira gaurko laburpenaren protagonista nagusiak, has gaitezen!

Astelehen arratsaldean Juanvi Romanek Bermeoko argazkiak elkarbanatu zituen herriko horman. Ederrak dira jaso ditugun bi argazkiak, kolore bizi-bizikoak. Jose Angel, Karmelo eta Ariarik astegin dituztela adierazi dute, guri ere izugarri politak iruditu zaizkigu, horrexegaitik dakarkigu hona bietatik koloretsuena (bestea ikusteko bisita ezazu Bermeoko Facebookeko orria). Zer diozue bermeotarrok, ederra da ezta?

Bermeoko portua ARGAZKIA: Juanvi Roman

Eta Gorka Pertikak berriz, herriko skate zale guztien gozamenerako bideoa partekatu du. Halaxe egin dio aurkezpena Bermeo Back To 70´s ikus-entzunezko lanari: ‘Bermeo 70. hamarkadara bueltatzen da, skatearen esentzia berreskuratzeko!!‘ Arrazoi osoa dauka, badirudi hurruneko herrialde exotiko batera garamatzatela irudiek, baina ez, gure herriko skatelarien artean ere skatearen esentzia arnas daiteke. Ikus ezazu Try it! taldeak egindako bideoa eta gero, esaiguzu, ez al da benetan ederra?

Pasadan asteazkenean aldiz, astebururako proposamena luzatu genizuen. Bermistorian ekimenarekin herriko historian murgiltzeko aukera paregabea izan baitugu azken egun hauetan zehar. Bitor Uriarte bermeotarrak Antxinako Alde Zaharreko toki bereziak berbaldia eskaini zuen Arrantzale Museoan, bisita gidatuak burutu ziren larunbatean eta asteburu osoan, Antxinako Azokea izan gendun. Nagorek agian bertaratuko zela esan zigun eta Iratxek berriz, bisita gidatuen inguruko interesa adierazi zuen. Izan al zineten bertan neskak? Zer iruditu zitzaizuen?

Laburpena amaitzeko pasadan ostegunean, urriaren 20n, ezagutu genuen albistea dakarkigu Bermeoko blogera: ETAren komunikatua argitaratu zen arratsaldean, eta bertan, jarduera armatua behin betiko amaitu duela iragarri zuen. Normalean ez dugu politikaz hitz egiten gure orrian baina azken orduko albisteak izan zuen interesak bultzatuta zuekin elkarbanatzea erabaki genuen eta partaide askoren erreakzioa eragin zuen albisteak. Horrela aipatu zuen iragarpena Nuria Bilbaok: ‘Egun historikoa da!‘.

Eskerrak eman nahi dizkizuegu Bermeoko orriaren jarraitzaile zareten guztioi eta batez ere, bertan parte hartzen duzuenoi, egunez egun, zuek osatzen baituzue herriko gertaeren kronika. Iban Bilbaori ere eskerrak Kristino aitze santu barridxe izeteko proposamena jasotzen duen bideoa elkarbanatzearren. Datorren astean ere Bermeon gertatzen den guztiaren berri emango dizugu… bermeotarren ahotik. Ordura arte, aste ona pasa ezazue. Eskerrik asko eta ongi izan!

Igor Zalbidea BBK Time Lapse lehiaketan: Urdaibai bideoa Bermeon

Utzi erantzuna

Bermeoko Aritzatxu hondartza Bizkaiko ederrenetarikoa da eta gaurko laburpenean aurkeztuko dizuegun Urdaibaiko Time Lapsea ikusi eta gero, ziur, zeharo maiteminduta geratuko zaretela, gure inguruak ere gure herria bezain liluragarriak baitira. Hauxek aste honetan zehar Bermeoko Facebookeko orrian bolo-bolo aritu diren gaiak:

Igor Zalbideak Urdaibai aukeratu zuen BBK Time Lapse lehiaketarako eszenatoki. Lehiaketara, time lapse teknika erabilita egindako bideoak aurkeztu behar izan dira, ostiralean amaitu zen entrega data eta orain hainbat lan eder ikusteko aukera daukagu. Atzo elkarbanatu genuen Bermeoko orrian Urdaibai Time Lapse bideoa eta gaur hementxe jarriko dugu; Ainhoa Ispizuak mezua utzi dio egileari: ‘Ze politxe Igor, pillo bat guzta dast!!!!!‘ eta Grupo Eibar – Aquí está tu casak ere ‘Orijinala eta polita‘ dela iruzkindu du. Guk hiru hitz besterik ez dauzkagu: lau minutuko gozamena. Klikatu play botoia!

Iban Bilbaok berriz, ETB-1eko Arratsaldero saioan orain bi aste emititu zuten Aritzatxu hondartzaren inguruko erreportaje bat partekatu du Bermeoko orrian. Berak esan bezala, ‘Iñok galdu badauen hamen dakozuie 01:35:00-n ‘, bermeotarrok Hono Lulu ere deitu izan diogu beraz, normala bizkaitarren artean gehien baloratuenetako bat izatea Aritzatxu! Izan ere, erreportajearen hasieran esaten dutenez, Ereaga eta Aritzatxu dira bizkaitarrek ongien baloratzen dituzten hondartzak. Eta bermeotarrak harro-harro ageri dira, hemen daukazue pieza osoa:

Besterik ez gaurkoz, segi ezazue Bermeoko berri ematen gure herriaren hesian eta guk zuek kontatu ahala, blog honetara ekarriko dugu guztia. Bermeon gertatzen dena… bermeotarren ahotik; horixe da orri honetan aurkituko duzuna. Eskerrik asko eta besarkada bat guztioi!

Zorionak Urdaibai! Bermeoko ontzia txapeldun 2011ko Kontxako Banderan

Utzi erantzuna

Urdaibai izan da garaile 2011ko Kontxako Banderan bigarren urtez jarraian. Bermeoko ontziaren garaipena eta herriko jaiak izan dira Facebookeko orrialdean gehien aipatu diren gaiak. Goazen, bada, laburpenarekin!

Urdaibaik erakustaldi bikaina eman du berriz ere ohorezko txandan, eta 2011ko Kontxako Bandera eskuratu du Bermeoko ontziak bigarren urtez jarraian. Bigarren sailkatua, berriz, Kortaren Kaikurentzat izan da.

Bermeotarrek harrera beroa egin diote Urdaibairi, eta gure Facebookeko horman ere askok zoriondu dute ontzi txapelduna. Jose Angel Bilbaok, esaterako, horrela esaten zuen: “geuria da ta geuria da, geuria da ta geuria, kontzako ikurriña!”. Nagorek, Ibontxuk eta Leiretxok ere, pozez ospatzen zuten garaipena.

Kontxako Bandera zuzenean ikusteko aukera izan genuen igande arratsaldean, eta garaipenaren aurretik ere askok esperantza handiak zituzten gure ontziangan, Robert Jasonek, esaterako: “Aupa Bermio, irabaziko du” esaten zuen bigarren jardunaldia hasi aurretik.

Herriko jaiak bete betean ditugu, gainera, Bermion. Egunotan ekitaldi ugari izan dira, baina iragan barikuan, irailak 9, jaixetako egun handia izan genuen, arrantzale eguna, hain zuzen ere. Goizeko 11:00etan Mezea ospatu zen arrantzaleen omenez, eta ondoren, Txo, neskatilei eta neskatilen partez aita Adriani omenaldia egin zioten. Itxaso Apraizek iruditan uzten zigun une eder hori:

Gogoratu, bide batez, Vaya Semanitaren antzezlana ikusteko lau sarrera bikoitz ditugula zozketatzeko eta edonork parte har dezakeela. Animatu parte hartzera! Oso erraza da, Bermioren inguruko albiste edo argazkiren bat igo eta zozketan parte hartzen ari zaretela jakiteko, @ermua idatzi. Sarrerak zureak izan daitezke eta gure inguruko aktore bikainekin arratsalde zorgarri bat pasatuko duzu! Aupa zuek!! Zorte on!

Jaiak ez dira amaitu, eta gaur gauen, esaterako Pantxoa eta Peioren kantaldia ikusteko beta izango duzue Bermeoko Kafe Antzokian. Bihar, berriz, mus txapelketa edo herri kirolen XXXVII. edizioa ikusi ahal izango dugu Artza Frontoian. Bermioko kaleetan, beraz, jaia da nagusi. Kontatu jaietarako dituzuen planak eta igo argazkiak, denok elkarrekin gehiago gozatuko dugu eta Bermioko jaiez. Mila esker hor izateagatik eta pozik bizi!

Berdelaren kuota, M-Clan eta kontzertu gehiago Bermeon

Utzi erantzuna

Berdelaren kuota handitzeko eskaera, eta M-Clan taldearen emanaldia eta Bermeon egingo diren beste kontzertu batzuk, aste honetako kontu nagusiak.

Hasteko, arrantzaleen egoeraren berri emango dugu, Bermeoko orrialdeko horman jasotakoen artean, berdela dela eta ez dela kezka piztu da, eta arazoari konponbidea bilatze aldera, kuota handitzea aipatzen da, horrela egun gehiago emanez, ez da flota desagertzeko arriskurik egongo eta jakina, kontuak horrela, arrantzaleen kexuak entzun dira eta egindako azken kontzentrazioan Bizkaiko kofradien elkarteko Iñaki Zabaletarekin egon ziren, hemen duzu albistea. Aipaturiko gaiak zer esan apur bat eman du…Alex Campillo Felíuk berdela zer den galdetzen zuen eta horretaz gainera, berak esaten du, ez duela arazoa non dagoen ikusten,. Bokarta gutxi badago, orduan berdela hartzeko aukera zabaldu beharko litzatekeela. Horretaz gainera, Alexek dio, aurrera begira, kutsadurari aurre egiteko neurriak hartzekok gonbita egiten digu, arrainen biziraupenaren aldeko pausua ematera animatzen gaitu.

Bestelako kontuak ere jaso ditugu Bermeoko horman eta jarraian datozenak erritmoarekin datoz. Nuntxaku Gauak Bermeok ostiralerako iragarrita dauden kontzertuen berri ematen digu: apirilak 1 Barikua, Nuntxaku – Kapillan; Elfo Negro Deustuko taldea – Al Infierno en Goitibera, Arratia-Nerbioiko musika taldea, eta Bermeko Powerflip egongo dira ostiralean bertan. ELFO NEGRO AL INFIERNO EN GOITIBERA … POWERFLIP . Hemen duzu aste honetako kartela informazio guztiarekin.

Bermeo. Muntxaku Kapillako kontzertua iragartzeko kartela.

Musikarekin jarraituko dugu, eta Musikota Olayak utzitakoa dakargu, Bermeoko Kafe Antzokian, maiatzaren 7an M-Clan taldearen kontzertua egongo baita. Ez dago batere gaizki ezta? M-Clan talde handia gurean emango du kontzertua, hau da marka. Horren erantzuna ere badugu Joseba Uriartek Bermeon maila handia dagoela esan baitu, eta Karmelo Siguenza Kambaren musika gustukoa zein den ere jakin dugu, beretzat Euskadiko heavy talderik onena Eibarko Su Ta Gar taldea baita. Horren harira, hitz pare bat nahiko izan dira, oso musika talde handia dela baieztatzeko.

Agendari errepasoa eginez, iragan larunbaterako kontzertuaren berri ere jaso genuen Itxaso Apraizen eskutik. Bertan izan bazinen kontatuko diguzu zer moduzkoa izan zen… MISS CHAIN & the BROKEN HEELS taldearen emanaldia.

Aste honetako laburpena bukatzen joateko Maite Bazterretxearen oharra gorde dugu: ‘Bermibusaren ordutegia duzu hemen…badaezpadan…. ‘, badakizue garraio publikoarekin gutxiago kutsatu, gehiago aurreztu eta gainera lo kuluxka egiteko aukera ere izaten dela besteak beste. Hemen duzu Bermiobusaren ordutegi eta abarretaz gehiago jakiteko esteka.

Orain gure lagun berriak utzitako argazkiarekin agurtuko dugu errepasoa.

Alex Campillo Felíu. Bermeoko komunitateko laguna.

Hurrengo astekoa iritsi bitartean, badakizu, Bermeoko orrialdeko horman edota gure herriko blogean bertan topatuko garela. Eskerrik asko zure laguntzagatik eta Bermeoko argazkiak itxaroten ditugula gogoratu.

Piraten bahiketa saiakera, ‘Zigortzaileak’ Bermeon eta Antonio Karmona

Utzi erantzuna

Pirata batzuk ‘Felipe Ruano’ atunketaria bahitzen saiatu ziren, ‘Zigortzaileak‘ filma Bermeoko Nestor Basterretxea aretoan izan genuen ikusgai eta Antonio Karmonaren gol baten bideo bat partekatu dituzue gurekin aste honetan Facebookeko hesian.

Irakurri edo entzun zenuten piraten albistea? Susto ederra eraman behar izan zuten ‘Felipe Ruano’ atunketariko langileak. Asteartean pirata batzuk atunketaria bahitzen saiatu ziren Somaliako kostaldetik 270 miliara zegoenean. Eskerrak sustoa baino ez zela izan!

Itxaso Apraizek ‘Zigortzaileak’ filma zapatuan eta domekan (aurreko asteburuan), arratsaldeko 17:00etan, ikusgai izango genuela jakinarazi zigun ostiralean. Bermeoko Nestor Basterretxea aretoan izan genuen. Horrez gain, galdera bat bota zigun: “filmaren gai nagusia korapilatsua da, baina horri buruz zerbait jakitea ez dago gaizki, ezta?“. Joan al zineten filma ikustera? Zer iruditu zitzaizuen?

Kirola da gaurko azken gaia, zehazki futbola. Asteartean, asteazkenean eta ostegunean ligaren 26. jardunaldia ikusi genuen, eta Amaia Fernandezek Antonio Karmona bermeotarraren gol bat gogoratzeko bideo bat partekatu nahi izan zuen gurekin. Eskerrik asko!

Honenbestez, amaitutzat emango dugu gaurko laburpena. Mila esker herriko informazioa gurekin partekatzeagatik. Hurrengo astean gai berriekin bueltatuko gara. Agur bero bat eta ondo izan!

Itziar Ramos: Miss Bizkaia, Bermeokue, bideoak eta musika

Utzi erantzuna

Itziar Ramos, Miss Bizkaia, Bermeokue, udalaren webgune berria, argazkiak, bideoak eta musika dira aste honetan Bermeoko orrialdeko kontu nagusiak.

Bermeo. Miss eta Mister bizkaia- Itziar Ramos eta Aketx Rojo

Argazki gehiago izango dira gaurko laburpen honetan baina hasteko Beñat Mendietak ekarritakoa jarri nahi dugu, izan ere, 2011ko miss bizkaia bermeokoa da eta Itziar Ramos da. Beñatek horrela idatzi du gure orrialdeko hesian: ‘ei!!! Miss Bizkaia bermeotarra da! Itziar Ramos! hemen duzu argazkian Mister Bizkaiarekin batera, Aketx Rojo. Miss eta Mister orrialde ofizialean argazki gehiago daude, nik hortik hartu dut.’ Hemen gehiago ikusteko aukera.

Aste honetako laburpenarekin jarraitzeko, aurkezpen bat dakargu, izan ere gure komunitateak zera esan digu: ‘Bermeokue orrialdea aurkeztu nahi dizuegu…hemen dago, ia gustuko duzuen.’ Komunitateak esandakoari Ainhoa Bihotz Zurigorrik zera gaineratu dio: ‘Bermeokue bariek BermIokue elekide egongo hobeto? Alan da guztizbe politxo dau! ’ iritziak iritzi, hori ere ondo dago, horretarako ere badelako Bermeoko orrialdea ere, bakoitzak berea esateko eta besteok irakurri eta parte hartzeko. Ikusi eta ezagutu nahi baduzu, hemen duzu lotura.

Aurkezpen batetik beste batera joko dugu gure taldeak ere hauxe gerturatu baitu: ‘Bermeoko udalak webgunea berriztatu du…ezagutu nahi duzu?’ Orrialde batetik bestera joateko aukera erreza, klik baten bidez hemen egin eta ezagutuko duzu.

Bagoaz bestelakoen bila, Mikel Larrubeltzak musikariak eta herria batzen dituen postaren linka bidali baitigu, horrela zuk aurrekoan honen albistea galdu bazenuen ere, hementxe duzu berriz ere freskatzeko aukera, bideoak eta musika Bermeoren erritmora jakina. Bertan, Demiku elkartearen sorrera eta Bermeoko argazki mordoa ikusi ahal izan dituzu Bermeoko Facebookeko orrialdean edo bestela gure blog honetako beste esteka honetan.

Argazkiz eta bideoz jositako mezu batetik, Mikel Larrubeltzak ekartzen ditugun beste batera, San Juan Gaztelugatze, Frantziskano Konbentua, Bermio Ispiluan, OLYMPUS DIGITAL CAMERA, Aritzatxu, Ertzila Dorrea Mikel Larrubeltzak gurera igo dituen argazki guztiak ikusi nahi badituzu hemen duzu aukera esteka honetan.

Bermeo. Frantziskanoen konbentua. Argazkia:MikelLarrubeltza

Irudi eder asko inguruan eta horietako asko eta asko Bermeoko orrialdean daude, Orlando Imperatore igotako argazki bat dakargu orain, berak igotako beste batzuen artean, bata Ari da eta bestea, hemen duguna,…txatxu.

Bermeo. Matxitxako. Argazkia: Orlando

Orlando Imperatore Faro argazki baten, hurrengoan Matxi eta azkenengoan; Txako…guk aukeratu duguna…Faro izena dauka eta hauek dira jasotako komentarioak. Gure Komunitateak zera idatzi du: ‘Arnasa lasai hartzeko toki ederra’ Miren Larreak ere bere emaria utzi du: ‘benetan baietz denbora asko bota dut nik hantxe jesarrita itsasoari begira………’ eta bukatzeko Alex Campillo Felíuk utzitakoa: ‘Kaixo! Hemen bizitzea eta idaztea gustatuko litzaidake!! Baina ez da Bermeoko itsasargia ez Orlando?’ Itsasargiaren argazkia Matxitxakon egindakoa da.

Orain musikaren txokoa zabalduko dugu, taldeak horrela zioen hesian: ‘Zapatu honetan, hilak 15 Gatiburen kontzertua Kafe Antzokian!!!Txiki txiki bang bang….buelta eta bueltak eman….han elkartuko gara’ eta jakina honek ere bere komentarioa izan du jarraian. Urdaibai Aran Mundaka: ‘Zapatuen……sua sua’ Kontua berotzen eta kontzerturako gogoak pizten, baina Karmelo Siguenza Kambak albiste txarra eman zigun: ‘Bai baina ez dau sarrerak……………………….’ baina badirudi Gernikako taldearekin azkenaldian beti berdina gertatzen dela…hots, arrakasta itzela daukala alegia, bestela irakurri Beñat Mendietak idatzitakoa: ‘Sarrerak agortuta daudela!!! jolin…Durangoko azoka izan zenean ere, Plateruenean ikusteko ere Agortu ziren! Sua sua bai…baina guretzat igual beste baten izango da.’ Tira ba, kontzertuaren gora beherak ikusten eta entzuten joateko hemen esteka.

Doinu rockeroekin jarraituko dugu, Musikota Olayak ere aipatutako kontzertuaren ingurukoak gehitu baititu gurean: ‘Gaur, (hilak 15) Gatibu Bermeon. Hemen duzue argazkia eta Bilboko kafe antzokian Gatibuk emandako kontzertuaren bideoa eta noski. Guk zerbait gehiago jakin nahian zera galdetu genuen: ‘Zer moduzko kontzertua izan zen? Seguru denak dantzan egon zinetela…. ‘ gehitu zuen gure taldeak eta Musikota Olayak horrela erantzun: ‘Gu Bilboko Kafe Antzokia egon gara bakarrik… eta bai: denak dantzan egon ziren’ Bang-Bang Txik-Txiki Bang-Bang abestiaren bideoa dago hemen

Hemen Bilboko Kafe Antzokian Gatibuk emandako kontzertua, hemen esteka.

Bolumena igo edo jaistea zure esku uzten dugu, baina kontua da, musika fondoan dugula jarraituko dugula aste honetako laburpena. Los Frenos Rock-ekoek honako emaria utzi digute: ‘Gaur eguena 13, Nuntxaku – Kapillan Lover! ezizenaren atzean Rich Crook Memphiseko musikaria dago. Crookek garage-punk eszenako hainbat taldetan jo du arren, Lover! bere bakarkako egitasmoan doinu melodikoagoak jorratzen ditu; alegia, power pop estilotik gertu dauden melodia biziak. Crook makina bat taldetan ibilitako …musikariekin dator Euskal Herrira, besteak beste, Reatards, Lost Sounds, American Detha Ray, Baseball Furies edo Spits taldeetakoak. Lover! egitasmoak, halaber, hainbat disko plazaratu ditu, azkena No Dreams Please izeneko EPa, orain arte argitaratu duen diskorik pop zaleena omen da. Lover!-en musika Undertones, Monkees eta Cheap Trick talde klasikoen batuketa dela esan omen dute.’ Albistea hemen duzu.

Partitura amaitzen doa eta bukatzeko Mikel Monasteriok ekarritakoa: ‘ORAIN MIKEL OIHENARTen MUSIKA ITUNESen, laster SPOTIFY eta beste Dendatan!!’ honen inguruko lotura bertan duzu.

Aste honetako kontuak izan dira hauek, datorren astekoak zure esku egongo dira, izan ere, laburpen honetara ekartzen duguna, zuk gure orrialdean utzitakoa baita. Eskerrik asko zure parte hartzeagatik eta laster arte.